شكله البرنامج مفيد وممتع - ان شا الله باسوي اشتراك لعيالي فيه ولوسمحت دزي لي اسم الموقع باسرع وقت
وبالنسبة لابلة العربي انت شلون طريقتج بالتواصل مع المدرسات هل تكلمينهم يوميا لما تاخذين ولدج من المدرسة او تكلمينهم بالتلفون والا بس تشوفينهم باجتماع اولياء الامور مع المدرسين
لاني انا ما قابلتهم الا باجتماع اولياء الامور وبالنسبة لابلة الانجليزي مس بي ومس مينا مرات ادز لهم رسايل بالدفتر الازرق مال الواجبات واحيانا وهي مرات قليلة اذا ولدي ما راح الصبح بالباص وانا وديته مرات انزل واشوف مس بي واكلمها كلمتين عالطاير ومرات يكونون حتى عن موضوع عام مو عن ولدي
فودي اعرف شنو طريقة اولياء الامور الثانيين بالتعامل مع المدرسيين ؟
حتى اني الاحظ في اجتماع اولياء الامور الامهات اذا دشوا عند المدرس او المدرسة يطولون وانا كلها كلمتين واطلع وكله افكر هالابهات والامهات شيقولون ؟
انا اسال المدرسة عن ولدي شلونه بشكل عام واخليها تقول كل ما في جعبتها ؟ وبعدين ممكن اسالها عن شغلة او ثنتين محيريني بالدراسة او اقولها عن مشكلة تواجه ولدي وبس وكان الله غفورا رحيما
بس صج ودي اعرف شيقولون باجي الامهات
اخاف انه طريقتي يبيلها تعديل
ما ابي يطوفني شي
فارجو الافادة وما قلتيلي يا ام فهد شنو تخصصج وهل له علاقة باالتربية؟
وشكرا
السلام عليكم اي اسم شلونكم وشخباركم .....
ان شاء الله تكونون بأحسن حال ... اليوم اليهال امتحنوا علوم بشري ولدج امتحن والا لأ ؟ وشسوى بالاختبار ؟
بالنسبة للقائي بالمدرسات فهو بس بالاجتماع ومرات لما اخذ ولدي او ايام التقوية ...
لكنني اواصله بالبارنت بوك الدفتر الأزرق بكل شي .. وحتى مدرسة العربي اكتبلها بورقة اذا في شي ابي اسألها عنه وبالنسبة للقاء
اسأل عن ولدي واشوف مستواه واسألأهم عن طريقة تدريسه بالبيت وشلون اتابعه وعن نقاط الضعف اللي عندى ومن هالأشياء اللي احس انها تفيدني بمتابعته ...
بالنسبة لتخصصي:krkrkr:فأنا تخصصي رياض أطفال وأدرس علم نفس وطرق تربية ...ممكن اعرف ليش تبين تعرفين تخصصي ؟
وبغيت اسأل سؤال الحفلة باجر فيها حضور اولياء الأمور لأن ولدي يقولي انج راح تجين عشان تشوفين المسرحية فهل قالولكم عيالكم عن هالشي ...؟
واصلا غصبن عليهم بيقبلونه لان عنده اخووه بنفس المدرسه
