تجمع اولياء امور مدرسة الحياة hubs

[اي اسم]

المدرسات
يمكن ما يعرفون يختارون المدرسين عدل نظرا لمشكلتنا السابقة مع مدرس الدين ومدرسة الانجليزي اللي كانت في 1b واللي سمعت انها ما كانت تقدر تشرح للصف لانها مو قادرة تحفظ النظام بالفصل وتسيطر على شغب الطلبة
بس المدرسيين اللي يدرسون صف ولدي الحمدلله زينيين
والخليفي كان يشتكي من صعوبة ايجاد المدرسين بسبب عدم استقرار الشرق الاوسط ومشاكل الارهاب
انتو شلون مدرسيين عيالكم؟

 

[اي اسم]

وينكم امهات الحياة؟؟؟

 

[اي اسم]

تم تشغيل موقع مدرسة الحياة الالكتروني
http://hayatschool.com/index.htm

 

[ام عبوشى]

انا بشارك بالنسبه للمبنى اهوا اجار 4 سنين يعنى مؤقت بس عندى ملاحظه اذا تذكرين اى اسم مدرس الدين والواجبات هل كل ماشكى ولى امر على مدرس يتغير ليش مافى عقد بينهم او يبون اى شى كان مفروض من الاداره تكلمه مو تغيره اوتشيله بالمره ارضاء للاباء بس الى بعرفه الواد الى ياخذونه بالانجلش هل المدرسن الى يدرسونها مختصين فيها وهل المناهج معترفه وين مصدرها البلد الام يعنى والمدرسين درسواها من قبل

 

[مدرسة مكروفة]

السلام عليكم شلونكم شأخباركم

آن حدي منقهرة من منهج الرياضيات شرايكم فيه شنو معطينهم الانعكاس و جم زاوية بالمربع ..... آن بسألكم عيالكم فاهمين ولا بس آن ولدي إلي موفاهم؟؟؟؟؟

أرجو الإجابة بأسرع وقت بردوا جبدي
وشكرا

 

[مدرسة مكروفة]

المدرسات
يمكن ما يعرفون يختارون المدرسين عدل نظرا لمشكلتنا السابقة مع مدرس الدين ومدرسة الانجليزي اللي كانت في 1b واللي سمعت انها ما كانت تقدر تشرح للصف لانها مو قادرة تحفظ النظام بالفصل وتسيطر على شغب الطلبة
بس المدرسيين اللي يدرسون صف ولدي الحمدلله زينيين
والخليفي كان يشتكي من صعوبة ايجاد المدرسين بسبب عدم استقرار الشرق الاوسط ومشاكل الارهاب
انتو شلون مدرسيين عيالكم؟

صح كلامج أحس إنهم مايختارون المدرسين عدل يعني أبلة العربي مثلا لوما آن مع ولدي أول بأول جان راح فيها بس الإنجليزي أعتقد زين بس بالعلوم يعني

 

[اي اسم]

انا بعد احس انه ابلة العربي ضعيفة وسريعة بالدروس
مثلا ما تعطيهم الحرف شلون ينكتب باول الكلمة ونصها واخرها
انا ولدي بالاملاء حافظ الكلمات احاول اعلمه يتهجى عشان يكتب مو راضي يفهم
اهو حافظ طريقة رسم الكلمة ويرسمها
الشي الوحيد اللي يعرف يكتبه من مخه اهو الكلمات اللي من 3 احرف ولا فيها مد و يكون شكل الحرف فيها ما يتغير بتغير موقعه
مثل زرع
ورق
وجذي
وبعد ما يعرف يقرا الا هالنوع من الكلمات
ان شا الله باجتماع اولياء الامور بقول للمدرسة على هالنقطة
بس ما شا الله بالنجليزي اشطر بوايد ويقرا
مدرستهم الانجليزي ممتازة والحين يقرون ويكتبون
وهذي ابلة العربي كلمتها باجتماع اوليا الامور اللي طاف قالت لا تشيلين هم كل الاولاد على الفصل الثاني بيصيرون يقرون ويكتبون- ان شا الله - ننطر ونشوف
بالرياضيات اللي اعرفه انه بس يعرفون اسماء الاشكال وعدد الاسطح المستويه اللي فيها
لحد الحين ما سمعت شي عن الانعكاس

 

[اي اسم]

مدرسة مكروفة انا ولدي غاب يومين هالاسبوع يمكن خذوا فيها الزوايا والانعكاس وانا مادري
ان شا الله بس اشوف كتابه ارد عليج

 

[مدرسة مكروفة]

حبيبتي أي اسم شرايج بمستوى ولدج بالرياضيات و العلوم و الدين .
آن ما أحس مستواه بالدين قوي أحس عادي و نفس الشي بالعلوم و الرياضيات يعني آن معاه بس ما أعتمد عليهم.

 

[اي اسم]

الدين اشوفه زين - عادي
الرياضيات اشوف مستواه متوسط - وهذا انطباعي لاني اشوفه واهو يحل الواجب بعض الاسئلة يحلهم بسهولة وبعضهم يحتاج مساعدة
العلوم هم متوسط وانا صراحة اول مرة ادرسه علوم كان هالشهر لما قالوا لنا انه راح ياخذون امتحان ودرسته بس من الورقة اللي دازينها والكتاب صراحة ما فتحته وما ادري عنه شسوى بالامتحان لانه مادزوا لنا الامتحان
وكنت لما اناقشه بالمعلومات اللي بالورقة كان يجاوب الا الجزء المتعلق بالريسايكلينغ كان شوي صعب عليه
والرياضيات انا ما ادرس ولدي للامتحان بس اخليه يحل الواجب ما ابي اضغط عليه واكرهه بالدراسة
بس انا شخصيتي ما ادقق حيل عندي اهم شي نفسيه ولدي وما احب اضغط عليه
ابيه يتعلم بالمدرسة ويستانس وحاليا مو مهم عندي ياخذ امتياز
يعني على جريد 3 لما يتقوى بالقراءة والكتابة ويصير يفهم انجليزي عدل اصير اشد عليه وهذا اللي سويته مع ولدي الكبير درجاته بجريد ون وتو كانت حيل عادية بس بجريد 3 صار اشطر تدرين اللغة تاثر حيل كل ما تعلموا انجليزي اكثر كل ما ساعدهم هالشي انهم ياخذون درجات اعلى بكل المواد
والحين الله اعلم بدرجاته هالشهر ننطر الشهادات على الاربعا الجاي

 

[اي اسم]

Love to travel? We are near everywhere you want to be, from the Maldives to Greece. Hayat Universal Bilingual School (HUBS), Qatar and Kuwait is looking for certified teachers for early childhood education and early elementary grades (pre-K to grade 3). We offer great pay and benefits. Certified teachers from Canada, USA, UK, Australia, New Zealand, and South Africa are encouraged to apply, including newly certified teachers.

Early Elementary teaching positions available with
HUBS, Qatar and Kuwait
Send resume's to : [email protected]

To start mid August 2008.

Qualifications
-

• Bachelor's Degree and Teaching credential from a Canadian, US, or English speaking nation
• Two year teaching experience
• -Knowledge of best teaching practices preferred
• -Experience in thematic instruction preferred
• -Familiar with teaching towards learning objectives preferred
• -Practice of using web-based grading and lesson planning preferred
• -Motivated to learn any of the above mentioned qualifications necessary

Responsibilities include
-

• lesson planning
• -supervisory duties
• -maintain a safe classroom environment conducive to learning
• -conducting assessments and evaluations
• -maintaining student records
• -extra curricular involvement
• -communicating with parents
• -attending and participating in meetings
• -commitment to professional development

Package and Benefits
-

1. Annual tax-free salary from US$28,817 to $47,742
2. -End of service benefit at the rate of one month salary for every full year of service
3. -Furnished, air-conditioned accommodation
4. -All utilities paid, except telephone bills
5. -Paid summer leave of at least 70 days
6. -Annual economy round-trip air fare to point of origin at the time of summer vacation
7. -Local health insurance
8. -Economy air-fare at the beginning and end of contract
9. -Baggage allowance at the beginning and end of contract
10. -School will arrange and bear all of the costs of staff visa, work permit, and national identification
11. -School will arrange for transportation for the first month.

​

 

[اي اسم]

انا بشارك بالنسبه للمبنى اهوا اجار 4 سنين يعنى مؤقت بس عندى ملاحظه اذا تذكرين اى اسم مدرس الدين والواجبات هل كل ماشكى ولى امر على مدرس يتغير ليش مافى عقد بينهم او يبون اى شى كان مفروض من الاداره تكلمه مو تغيره اوتشيله بالمره ارضاء للاباء بس الى بعرفه الواد الى ياخذونه بالانجلش هل المدرسن الى يدرسونها مختصين فيها وهل المناهج معترفه وين مصدرها البلد الام يعنى والمدرسين درسواها من قبل

اهلين ام عبوشي انا حطيت عرض العمل اللي فوق عشانج لان مذكور فيه انهم يطلبون مدرسين عندهم خبرة سنتين على الاقل
وبالنسبة لباقي الاسئلة للاسف ما اقدر افيدج

 

[مدرسة مكروفة]

إختي أي اسم شرايج شنو تنصحيني أستمر معاهم والا أنقل ولدي مدرسة ثانية .

 

[ام عبوشى]

اي اسم مشكوره مبين ان المدرسه الظاهر للحين توها عموما انا بنطر لشهر 4 وبشوف تقاريركم اذا كانت ايجابيه بسجل ولدي اولي ايتدائى اوبخليه يكمل بمدرسته البريطانيه رغم انها مو ثنائيه جم سنه

 

[ReeMaN]

اهليييييييين احبابي ورفقاء دربي في مدرسة الحياة
انا هالشهر هاااااااااااااامله ولدي بالتدريس ماااااااااقمت اعلمه شي لان مسيكين شدييييييييت عليه حيل من اول مابدت المدرسه بس صار يكره يسوىواجباته ومايحب اقعد اعلمه بشي وبعدين الله يسلمكم نصحتنى رفيجتى نفس نصيييييييييحه اى اسم ان اخليه علىراااااااااحته بالواجات خو اقصاها روضه شحقه اشد معاه وفعلا اول واجب ماسواه راح المدرسه وقلت حق ابلته عاقبيه لان ماسوى الواجب مسكين يانى قال مس هاوشتنى عشان ماسويت الواجب قلتله اى ماما لازم اتسويه بس بروحك واذا ماتعرف تعال قول لى وصج واعليه ماينام الا مسوي الواجب طبعا ياخذ اربع ساعات يكتب شوي ويلعب ساعه ويرد يكمل صج خووووووش نصيحه نصحتنى رفيجتى وسلامتكم

 

[ReeMaN]

اختىاى اسم انتى سالتى اذا راح يسوون year book ؟ انا سالت هبه مالت الاستقبال قالت اى على اخر السنه انشالله راح يكون في الكتاب السنوى

 

[حلم الطفولة]

اي اسم شلونج .... شصار عليج ؟؟؟

 

[اي اسم]

إختي أي اسم شرايج شنو تنصحيني أستمر معاهم والا أنقل ولدي مدرسة ثانية .

اهلين مدرسة مكروفة
صراحة انا بقدم لولدي على الابداع اذا انقبل وديته واذا ما انقبل خليته بالحياة
والسبب الوحيد اللي يخليني افكر اوديه للابداع اني ابي عيالي كلهم بمدرسة وحدة
والا امانة مافي سبب اخر لحد الحين يخليني افكر اطلع ولدي من الحياة
تدرين ما في مدرسة كاملة ومرات يصادفج مدرس مو ذاك الزود بس مو معناته ان المدرسة كلها مو زينه
وانا انطباعي العام عن الحياة انها زينه بكل المواد ولكن ضعيفة بالعربي
شوفي هالموقع لمدرس في الابداع يدرس جريد 2عشان يعطيج فكرة عن المدرسة ونفس الشي العلوم والانجليزي والرياضيات والسوشيال ستاديز كلهم بالانجليزي
http://www.greenspaceslandscaping.com/
وترى منهج الرياضيات اللي بالحياة لجريد 1 يشابه منهج الابداع وكلا المدرستين ياخذون الاشكال الهندسية والاسطح المستوية والزوايا - يعني عادي وبعدين ترى الاطفال عندهم قدرة على التعلم يعني اللي انت تشوفينه صعب عليهم يمكن الطفل يتعلمه بسهوله وطبعا هني تبين شطارة المدرسة بتوصيل المعلومة للطالب
شوفي هالموقع مال الرياضيات لجريد 1 - حاطه استاذ الابداع - نفس المواضيع اللي قاعدين يدرسونها عيالنا حاليا بجريد 1

http://www.eduplace.com/kids/mw/g_1.html
اختاري
cumulative test preparation
بعدين
chapter 7
وشوفي اسئلة الامتحان اللي عن الاشكال

 

[اي اسم]

اختىاى اسم انتى سالتى اذا راح يسوون year book ؟ انا سالت هبه مالت الاستقبال قالت اى على اخر السنه انشالله راح يكون في الكتاب السنوى

اهلين ريمان شلونج
انا مرة سالت الاء مالت الادارة المالية - يومها كانت هبه غايبة او متاخرة وقالت لي انهم في اخر اجتماع طرحوا موضوع الكتاب السنوي واحتمال يسوونه بس هالحجي كان ورا اجازة العيد الاضحى
ان شا الله يسوون - بس لازم يصورونهم صور شخصية وجماعية

بعدين تعالي انا في شي ثاني باط جبدي بالروضة ليش الصف في 24 طالب
عدد كبير صراحة
الحين روضات الحكومة فيها 18 طالب بالصف ان كثروا
اقولهم ليش 24 يقولون عادي المدرسات مسيطرين عليهم -شرايج ما تحسين العدد كبير

بعدين شصار على لغة الاشارة ما قلتيلنا؟

 

[اي اسم]

اي اسم شلونج .... شصار عليج ؟؟؟

بعد عمري مشكورة على السؤال ورديت عليج بالخاص