تجمع اولياء امور مدرسة الحياة hubs

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

مدرسات الانجليزي للصف الاول الابتدائي في الحياة وحده بريطانية ووحدة كندية ووحدة امريكية بس مساعداتهم 2 جنهم عرب ووحدة مادري شنو
احد من امهات الحياة يعرف مس مينا المدرسة المساعدة في صف 1h شنو اصلها ؟

انزين اي اسم وريمان منهج الحياة العربي والدين حكومه المواد الثانيه منهجهم امريكي هل نفس منهج البيان واليونيفرسل او النظام الامريكي له كذا منهج حسب الولايه بمعني هل المواد الي تدرس بالحياة معتمده مثلا بامريكا اذا تعرفون الله يرحم والديكم ويخليلكم عيالكم:eh_s(10):

 

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اى نفس البيان والغانم الثنائية اللغه بس هذيله يعلمونهم الدين من منهجهم الحياة اشوي مشددين بالدين والمدرسة يديده هذي ثانى سنه لهم وماعندهم متوسط اتوقع جنى حدهم رابعه ابتدائي

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

انزين اذا نفس المناهج عيل ليش الناس اتذم المدارس الغانم يقولون خواره الابداع مونفس قبل متغيره الرؤيه ضعيفه بالانجليش صراحه والله ضعنا بس الي شدني بالحاة صراحه الاداره تحسين ناس تربوين صح مو مهم المدرسه يديده او قديمه اذا كانت الاداره تربويه وكويتين هذا راي

 

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

انا مثلج مستغربه ليش يذمون فيهم ماادري بس اتوقع مشاكل المدرسه في الاداره نفسها انا عن نفسي وايد حبيت الحياة ومرتاحه لها من تعامل الاداره الى المدرسات ومنهج الروضه عشتو عندهم تعليم من صج ولدي كل يوم يتحلطم شنو هذا كل يوم واجب! واجب! ويقارن نفسه ببنت اخوي كبره بس اهي بالابداع مايعطونها واجبات كل يوم بس الله يحفظه احسه وايد احسن منها بسرعه يقرا الحرف والرقم ويكتب اسرع منها الله يتمم عليه وعلينا

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

الله يخليلج ولدج يعني مناهج الحياة الانجلش نفس الرؤيه تهقين

 

[مدرسة مكروفة]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

السلام عليكم شلونكم
شرايكم بمدرسة الحياة ؟؟؟
توقعون متى يوزعون الشهادة لأن في اجتماع أولياء أمور يوم الخميس .
بالنسبة لإملاء الإنجليزي توقعون يحسب كل الإملاءات ولا ياخذ أحسن الدرجات ؟

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اهلين مدرسه مكروفه شنو انطباعج عن المدرسه والمدرسين

 

[مدرسة مكروفة]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اهلين مدرسه مكروفه شنو انطباعج عن المدرسه والمدرسين

هلا والله
صراحة آن المدرسة عاجبتني بس صار مشكلة مع مدرس الدين وغيروه ومدرسة الإنجليش وغيروها يابوا مدرس كندي ماأدري أحس زين بس توه ياي مايبين .
صراحة الإدارة تعاملها مع أولياء الأمور جدا راقي وكلمتهم مسموعة .
بس منهج الإنجليزي وايد قوي يبيله متابعه ونفس الشي الرياضيات.
آن ولدي درس الروضة بالحكومة يمكن آن مومقياس عشان جذي أشوف الإنجليش و الرياضيات صعب مع العلم إن ولدي يكتب ويقرا من دخل مدرسة الحياة.
إنتي عيالج بالمدرسة نفسها ؟؟

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

هلا والله
صراحة آن المدرسة عاجبتني بس صار مشكلة مع مدرس الدين وغيروه ومدرسة الإنجليش وغيروها يابوا مدرس كندي ماأدري أحس زين بس توه ياي مايبين .
صراحة الإدارة تعاملها مع أولياء الأمور جدا راقي وكلمتهم مسموعة .
بس منهج الإنجليزي وايد قوي يبيله متابعه ونفس الشي الرياضيات.
آن ولدي درس الروضة بالحكومة يمكن آن مومقياس عشان جذي أشوف الإنجليش و الرياضيات صعب مع العلم إن ولدي يكتب ويقرا من دخل مدرسة الحياة.
إنتي عيالج بالمدرسة نفسها ؟؟

لاوالله انا ولدي في الانجليزيه مالت السداح الي بسلوي بس السنه اليايه اولي ابتدائي ادور مدرسه ثنائيه لان مدرسته ضعيفه حيل بالعربي وسامعه انا مدرسة الحياة مالت الخليفي انها زينه بس يديده

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

انزين اذا منهجهم قوي تعتقدين الافضل اخليه يكمل مثلا سنتين بمدرسته يتقوي باللغه او الافضل اوديه من البدايه

 

[مدرسة مكروفة]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

انزين اذا منهجهم قوي تعتقدين الافضل اخليه يكمل مثلا سنتين بمدرسته يتقوي باللغه او الافضل اوديه من البدايه

ودي من البداية آن ما أأيد إن الولد كل سنة في مدرسة أحسن يستمر مع مدرسه وحدة

 

[ام عبوشى]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

ودي من البداية آن ما أأيد إن الولد كل سنة في مدرسة أحسن يستمر مع مدرسه وحدة

مشكوره علي النصيحه الله يخليلج عيالج ويبلغج فيهم:yaaaaaarb:

 

[مدرسة مكروفة]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

مشكوره علي النصيحه الله يخليلج عيالج ويبلغج فيهم:yaaaaaarb:

العفو حياج الله حبيبتي

 

[ReeMaN]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

بنات اللي عيالهم بمدرسة الحياة العالميه مو ملاحظين ان منزمان ماودو عيالنا رحله ؟؟ على مااظن اول رحله راحو لها اليهال الاكواريوم مادري انا متعوده بحضانه ولدي كل شهر يودونهم رحله توقعتهم نفس الشي:bbbiu:

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

بالنسبة للمناهج فهي تختلف وردي هذا نابع من تجربتي الشخصية لان ولدي الكبير درس لحد جريد 3 بالبيان ثنائية اللغة بعدين نقلته الرؤية وولدي الاصغر منه في الحياة ثنائية اللغة فابختصار راح اعطيكم المعلومات اللي عرفتها من هالمدارس:

• البيان مدرسة قوية وتستحق انها تسمى ثنائية اللغة لان العربي والانجليزي يدرس بنفس القوة من الروضة ، يعني مثلا في مدرستين عربي اساسية ومساعدة لكل صف ونفس الشي بالنسبة للانجليزي مدرستين اساسية ومساعدة
وانا بالنسبة لي احد اهم جوانب القوةوالابداع في تدريس المادة تتضح في اولى ابتدائي لان المدرس راح يحول طالب امي الى طالب متعلم والبيان ممتازة بهالشي ويدرسون على الراحة ومافي استعجال وبعد كل مجموعة دروس يصير في مراجعة ومع كل درس مجموعة كلمات خارجية والعاب باستخدام الاحرف …روعة صراحة والمدرسة الثانية تخصص جزء كبير من وقتها للطلبة اللي عندهم صعوبات في جزئية معينه من المنهج مثل اللي خطهم رديئ او عندهم مشاكل في الكتابة …تاخذهم على جنب في طاولة خاصة وتعلم كل طالب بروحه وتقعد معاه والانجليزي نفس الشي واحلى شي بالانجليزي القراءة وحيل يهتمون فيها البيان ،عندهم ورقة اسمها الreading log لازم الطالب اللي يبي يشترك بهالشي- عند بعض المدرسين الزامي والبعض اختياري - كل يوم يقرا قصة وولي الامر يوقع له وفي نهاية الشهر تسوي المدرسة بيتزا بارتي وبس تعزم اللي قروا طول الشهر
ومنهج البيان بالنسبة للانجليزي متنوع ياخذون من Harcourt بعض الكتب مثل Harcourt signatures واحيانا يدرسون الصف بعض القصص يعني يوزعون على كل الصف قصة معينه ويبدون يدرسونها والدرس الواحد يطولون عليه

• اما الرؤية فمدرسة واحدة للعربي ومدرسة وحدة للانجليزي- منهجهم للانجليزي Harcourt trophies بس ما ادري ليش ولدي بجريد 4 وقاعدين يدرسونه كتب جريد 3 – الانجليزي بالرؤية ضعيف مقارنة بالبيان للاسف ومدرسين الانجليزي عرب للاسف بعد. وايضا كتب العلوم من Harcourt وهم يدرسون ولدي منهج جريد 3 بالعلوم ومادري ليش يدرسونهم منهج مرحلة اصغر

• وفي الحياة مدرستين للانجليزي ومدرسة واحدة للعربي- منهج الانجليزي مال الحياة قوي بس انا اعتبر العربي ضعيف مقارنة بالبيان لان في مدرسة واحدة بالصف وتركض في المنهج مادري ليش طايرة :RoadRunner: وما احس انها تقعد مع كل طالب وتحاول تقوي نقاط ضعفه او تعدل طريقة رسمته للحرف مثل ما كانت تسوي المدرسة المساعدة في البيان
وبعدين انا ما ادري ليش الحياة ما خلت اسم ما حطته باسم المدرسة جنهم خايفين يطوفهم شي
مدرسة الحياة العالمية ثنائية اللغة ... ليش
انا اعتقد ان اسم مدرسة الحياة الامريكية انسب لها لانها ما تستحق تكون ثنائية لان العربي والانجليزي مو قاعدين يدرسون بنفس القوة وهذا رايي لحد الحين ويمكن اغيره بعدين والله اعلم

• الابداع قالت لي زميلة في المنتدى انهم يدرسون Harcourt trophies بمادة الانجليزي

للتوضيح : بس يعني حتى لو قالوا لكم انهم يدرسون هاركورت مثلا فان الاجابة مو كافية لان هاركورت عنده اكثر من نوع لكتب الانجليزي الخاصة بالقراءة يعني مثلا الرؤية تدرس هاركورت تروفيز والبيان تدرس هاركورت سيجنيتشرز في بعض المراحل وومكن ترجعون لموقع هاركورت الالكتروني للتوضيح

ادري قرقت عليكم ودوختكم
بس والله العالم حبيت افيدكم لاني وايد افكر بموضوع المدارس
وكنت دايما اتمنى اني احصل احد يفيدني بهالموضوع
اتمنى تستفيدون وما تنسوني بالدعاء لي ولعيالي وزوجي واهلي :yaaaaaarb:
ومشكوريين وحياكم الله

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

الله يخليلج ولدج يعني مناهج الحياة الانجلش نفس الرؤيه تهقين

اختي ام عبوشي برايي ان مناهج الحياة الانجليزي اقوى من الرؤية
وترى الرد اللي فوق اللي بخصوص المناهج كتبته عشانج بس نسيت اسوي اقتباس

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

السلام عليكم شلونكم
شرايكم بمدرسة الحياة ؟؟؟
توقعون متى يوزعون الشهادة لأن في اجتماع أولياء أمور يوم الخميس .
بالنسبة لإملاء الإنجليزي توقعون يحسب كل الإملاءات ولا ياخذ أحسن الدرجات ؟

اتوقع الشهادات الاربعاء
وبالنسبة للاملاء مادري

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

هلا والله
صراحة آن المدرسة عاجبتني بس صار مشكلة مع مدرس الدين وغيروه ومدرسة الإنجليش وغيروها يابوا مدرس كندي ماأدري أحس زين بس توه ياي مايبين .
صراحة الإدارة تعاملها مع أولياء الأمور جدا راقي وكلمتهم مسموعة .
بس منهج الإنجليزي وايد قوي يبيله متابعه ونفس الشي الرياضيات.
آن ولدي درس الروضة بالحكومة يمكن آن مومقياس عشان جذي أشوف الإنجليش و الرياضيات صعب مع العلم إن ولدي يكتب ويقرا من دخل مدرسة الحياة.
إنتي عيالج بالمدرسة نفسها ؟؟

اهلين اختي مدرسة مكروفة شلونج - انقطعت عنا فترة
عموما حياج الله وولكوم باك
خير شنو كانت مشكلة مدرسة الانجليزي

ومبروك لكم ان شالوها
بس شفيها شنو مشكلتها؟

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

بنات اللي عيالهم بمدرسة الحياة العالميه مو ملاحظين ان منزمان ماودو عيالنا رحله ؟؟ على مااظن اول رحله راحو لها اليهال الاكواريوم مادري انا متعوده بحضانه ولدي كل شهر يودونهم رحله توقعتهم نفس الشي:bbbiu:

يعني ودو ا الروضة الاكواريوم والابتدائي اي ماكس
بالنسبة للرحلات انا لما ولدي كان بروضته من قبل كانو يودونه تقريبا رحلة كل شهرين

بس مدرسة الحياة لحد الحين ما فيها انشطة تونس الطالب
يعني لحد الحين بس رحلة واحدة والقرقيعان وسووا دوري كرة قدم للابتدائي الصبيان - وبعدين كرة القدم مو الكل يحبها

المفروض يسوون فري درس للطلبة
crazy hair day
اسبوع القراءة عشان يلبسون ملابس لشخصيات احبوها في قصة قروها من قبل
يكون في توزيع شهادات او stars للطلبة في الطابور

يعني يسون حركات تونس الطلبة وتحببهم بالمدرسة

بعدين هل راح يصورون الطلبة صور شخصية وجماعية وهل راح يسوون year book؟ :080402ask_prv:

 

[اي اسم]

رد: عاجل لاهالي طلبة مدرسة الحياة ثنائية اللغة ...مدرس الدين بيجنني

اختي ريمان
هل الحياة يسوون طابور للروضة او لا ؟