تجمع اولياء امور مدرسة الحياة hubs

[مدرسة مكروفة]

السلام عليكم شأخباركم شلونكم
هذا اختبار العلوم سويته لاتنسون ولدي بالدعاء

 

[أم فهد الكريديس]

خووووووووووش لبس زورو يهبل استانس عليه .... ام فهودي مو شرط سبانخ في وايد اختيارات مكتوب لج بالورقه انا اغلب الاختيارات اكلات امريكيه ابل باي تشيز كيك دونت كوكيز توركي ساندويشت بيتزا هوت دوق طبعا لازم من سيزر تشيكن ناقيتس مع بطاط من ياكل ناقيتس ريوق @@ تشيكن بوت باي مادري شيطلع هذا ... ماركوني اند تشيز بوب كورن فروت سالاد اند درينك واخري <-- اشكثر تقرق

يعنى اختيارات كثيره غير السبانخ

مو انا المشكلة ان ما عندي هالورقة اللي تقولين عنها....واهي دازتلي سبانخ
فما ادري شنو بالضبط المطلوب ..... باجر راح اخليها تدزلي الورقة وأشوف
انتي شنو لبس ولدج ...؟:68_asmilies-com:

 

[أم فهد الكريديس]

السلام عليكم شأخباركم شلونكم
هذا اختبار العلوم سويته لاتنسون ولدي بالدعاء

وعليكم السلام ....
جزاج الله خير وما قصرتي .... وان شاء الله بالتوفيق حق وليدج
ويارب علامة كاملة الله لا يضيع تعبج يا رب :eh_s(6):

 

[ReeMaN]

الله يوفق وليدج مكروفه ويسهل على الجميع امتحاناتهم يارب

 

[مدرسة مكروفة]

السلام عليكم شلوكم مشكورين حبايبي أم فهد وريمان بس بقيت أتأكد امتحان العلوم متى باجر ولا عقب باجر

 

[ReeMaN]

بنات بكرا الانترناشيونال دي انشالله .... شنو لبستو عيالكم ,,, ام فهوودي اشلونج مع السبانخ

 

[HoOoriah]

السلام عليكم

الحمدلله ولدي انقبل بالحيــــــــــــــــــــاه kg2 وأنا الصراحه وايد استفدت من تجمعكم ماشالله عليكم الله لا يغير عليكم
وانا وايد متفائله من المدرسه كافي تعاملهم مع اولياء الامور وتحسون انهم تربويين مو نفس بعض المدارس التجاريه اللي عليهم طلبات تعجزيه وانشالله يارب توصل اعلى المراتب ويوفق اعيالنا فيها يارب

 

[أم فهد الكريديس]

بنات بكرا الانترناشيونال دي انشالله .... شنو لبستو عيالكم ,,, ام فهوودي اشلونج مع السبانخ

هلا حبيبتي ريمان .....
سويتله فطاير سبانخ أنواع ..... سوتهم الطباخة الحين وباجر الصبح تحطهم بالفرن
ويكون طازج .....وبالعافية
وانتي شسويتي ....؟_03ba:

 

[اي اسم]

السلام عليكم شأخباركم شلونكم
هذا اختبار العلوم سويته لاتنسون ولدي بالدعاء

مشكورة وان شا الله ياخذ ولدج الدرجة اللي تفرحج

 

[M.H.H]

قولي آمين يامدرسه مكروفه عسى ربي يكرف كل اللي يكرهونج

وعسى ربي مايكرفج إلا على طاعته

وعسى ربي يكرف كل ذنوبج ويغفر ذنوبج

ويوفق عيالج كلهم ويصلحهم ومايطيحيهم إلا بالناس الخييرين آمين

هذ الدعاء يشملج ياأي اسم على هالموقع الزين

وكل أولياء أمور طلبة الحياة​

 

[M.H.H]

السلام عليكم

الحمدلله ولدي انقبل بالحيــــــــــــــــــــاه kg2 وأنا الصراحه وايد استفدت من تجمعكم ماشالله عليكم الله لا يغير عليكم
وانا وايد متفائله من المدرسه كافي تعاملهم مع اولياء الامور وتحسون انهم تربويين مو نفس بعض المدارس التجاريه اللي عليهم طلبات تعجزيه وانشالله يارب توصل اعلى المراتب ويوفق اعيالنا فيها يارب

هلااااابج أختي HoOoriah ومبروك انضمام ولدج في المدرسة وان شاءالله اختيار موفق​

 

[ReeMaN]

هلا ام فهد انا طلبت كوكيز من هارديز وحطيتهم بسله صغيره وداير مداير السله اعلام صغيره على امريكا .... شكلها اتونس السله

حوريه خوش اختيار ومبروك قبول ولدج فيها وحياج الله معانا بهالتجمع

 

[مدرسة مكروفة]

قولي آمين يامدرسه مكروفه عسى ربي يكرف كل اللي يكرهونج

وعسى ربي مايكرفج إلا على طاعته

وعسى ربي يكرف كل ذنوبج ويغفر ذنوبج

ويوفق عيالج كلهم ويصلحهم ومايطيحيهم إلا بالناس الخييرين آمين

هذ الدعاء يشملج ياأي اسم على هالموقع الزين

وكل أولياء أمور طلبة الحياة​

مشكورة حبيبتي على هذا الدعاء
جزاج الله خير

 

[أم فهد الكريديس]

هلا ام فهد انا طلبت كوكيز من هارديز وحطيتهم بسله صغيره وداير مداير السله اعلام صغيره على امريكا .... شكلها اتونس السله

حوريه خوش اختيار ومبروك قبول ولدج فيها وحياج الله معانا بهالتجمع

هلا اختي ريمان ..... شصار مع وليدج اليوم .... انا ولدي مو راضي يقولي شسوى
وابي اعرف شصار معاهم ان شاء الله استانس ولدج ...؟
وحياج الله اختي حورية نورتي المنتدى وان شاء الله تستانسين من المدرسة ويفق وليدج فيها
اختيار موفق
:eh_s(6):

 

[أم وهااابي]

السلام عليكم ... اولياء امور مدرسه الحياه

ممكن احد يعطيني معلومات عن المدرسه عن نظامها ومكانها ومستواها
واهم شي العربي والدين...
ولكم جزيل الشكر..​

 

[أم فهد الكريديس]

السلام عليكم ... اولياء امور مدرسه الحياه​

ممكن احد يعطيني معلومات عن المدرسه عن نظامها ومكانها ومستواها
واهم شي العربي والدين...

ولكم جزيل الشكر..

وعليكم السلام ورحمة الله وبركاته
هلا أختي ام وهابي
المدرسة مستواها ممتاز جدا
وشنوتقصدين من حيث نظامها
هل من حيث النظام في الدراسة أو النظام القائم في المدرسة
واما للعربي والاسلامية فهو مثل منهج الحكومة ومع متابعتج طبعا
:eh_s(8):​

 

[اي اسم]

انا اليوم وديت ولدي متأخر وشفت الروضة مسويين طابور وياحلوهم
لمحت من بعيد اللبس الاسباني يهبل ...تعرفونه الثياب الكشكش
حسافة يعني ما عزموكم يالامهات
المفروض يسوون طابور عرض والامهات يكونون معزومين يفرحون بعيالهم بعدين الامهات يروحون يزورون كل الصفوف ويشوفون الفناتك
جذي باجي المدارس يسوون

 

[أم فهد الكريديس]

انا اليوم وديت ولدي متأخر وشفت الروضة مسويين طابور وياحلوهم
لمحت من بعيد اللبس الاسباني يهبل ...تعرفونه الثياب الكشكش
حسافة يعني ما عزموكم يالامهات
المفروض يسوون طابور عرض والامهات يكونون معزومين يفرحون بعيالهم بعدين الامهات يروحون يزورون كل الصفوف ويشوفون الفناتك
جذي باجي المدارس يسوون

هلا والله اي اسم وينج من زمان ما بينتي بالمنتدى .....
اي والله المفروض كانوا يعزمونا نشوفهمم ... حسافة والله عليهم ما شفناهم ولاشفنا الفناتك
بس جان زين مصورينهم ...
يالله نعوضها بمسرحيتهم نص خمسة تقريبا ...؟:27d66a9c24b146327bf

 

[اي اسم]

بنت رجاء الصالح تشتغل بالمدرسة ؟؟؟احد عنده فكره ؟

 

[ReeMaN]

واااي انا نزلت مع ولدي اليوم الصبح صفه ايهبلوووون اليهالو اللي معاه زوووغه وشفت بالممر ولد لابس لبس فرعووون حاطين له كحل واعلييييه مو قادر يشوف طريجه من هالكحل .... شكله اينننننننننننن طفرته اليييين انحاش مني ايهبل ماشالله عليه ... وايد لابسين زورو اشكال وارناق شفت واحد بالممر لابس زورو بتحرش فيه مالحقت اصيده كان يبي يروح الحمام عزكم الله خ خ خ ....... والله ودي اكلهم اكال لو مادوامي اللي تاخرت عليه ...... بس ولدي مااستانس مادري شسالفته اليوم يمكن متعسر من اللبس اللي عليه يضايقه ..يقول مو وناسه و مو وناسه ...