تجمع اولياء امور مدرسة الحياة hubs

[اي اسم]

حبيبتي ام عبوشي انت استخيري
وما خاب من استخار
والخيرة فيما اختاره الله
وترى المدرسة عموما زينه وفي تطور
وانتقاداتنا عليها بسيطة

واحنا اهني ما فينا الا العافية قاعدين نتحاور وكل وحدة تقول اللي بقلبها - اللي مونسها واللي مضايقها واذا عندها اي ملاحظات وهذا اصلا هو الهدف من تجمعنا هذا
وما فيها شي اذا اختلفنا لان الاختلاف في الراي لا يفسد للود قضية

وحياكم الله جميعا واهم شي الصراحة

 

[اي اسم]

الموضوع: اليوم الرياضي في مدرسة الحياة العالمية
التوقيت : من الساعة 9 الى 12 صباحا
المكان: استاد نادي السالمية


اقامت مدرسة الحياة اليوم الرياضي للسنة الثانية في نادي السالمية - طبعا احنا وصلنا الساعة 9 وانا كنت تقريبا اركض خايفا يطوفني الافتتاح صعدنا فوق على المدرجات بعدين ضايقتنا الشمس فنزلت تحت ادور عن الظل وقلت اقرب لولدي عشان يشوفني وقعدت على الكراسي اللي تحت وتكون يم كراسي اللاعبين الاحتياط - للاسف تأخر الافتتاح لان كان عندهم مشكلة في تضبيط الصوت والمكرفونات وبعدين لما كل شي ضبط شغلوا الموسيقى وبدا الparade ودشوا الطلبة ياحلوهم
في البداية كان في 4 بنات شايلين علم الكويت

ووراهم باجي الطلبة ترتيب تصاعدي من الاصغر الحضانة الى الاكبر وكان كل فريق لابس لون احمر او اصفر او اخضر
والطلبة واهما داشين كانو ماسكين بيدينهم هذي ام كشه اللي يستخدمونها بالتشجيع ويهزونها وبيدهم الثانية يسوون باي باي
كان شكلهم حده يونس وذكرني بدخول المنتخبات المشاركة ببطولات عالمية
ومشوا دار مادار الاستاد بعدين خذوا مواقعهم بالملعب وبدا النشيد الوطني
بعدين سووا عرض مشترك كل الطلبه - وطبعا نفس كل المدارس الخاصة بالكويت لازم العرض يشمل السفرة الملونة - صراحة مادري شسميها بس يمكن هذا الوصف يوصل المعنى- وهالسفرة يرفعونها وينزلونها ويفرونها
بعدين غنوا اغنية بالانجليزي طلبة الروضة والحضانه
ووراهم غنوا طلبة الابتدائي اغنية بالانجليزي بعد وكانت كلماتها حيل حلوة عن الروح الرياضية وانه ما يهم منو يفوز
ثم بدا عرض الاطواق الهيلا هوب

-مو متاكدة من الاسم بالانجليزي بس كنت اموت على هاللعبة وانا صغيرة ايام الابتدائي احط الطوق على خصري وألفه وكنا نتنافس منو تطول اكثر وحدة وما يطيح منها الطوق
المهم العرض كان روعة ومع صوت الموسيقى اللي احسنوا اختيارها كانو البنات والصبيان يستعرضون بالطوق بشكل جميل وكانهم يرقصون
بعدين بدا عرض الجمباز بس ما شفته
بعدين انقسموا الروضة والحضانه على يمين الملعب والابتدائي على يسار الملعب وبدوا يتنافسون
مسابقات الابتدائي كانت البولينج والنط بالجيس ومنو يقط كيس الرمل الصغير ابعد مسافة

وبعدين ولدي صار راسه يعوره من الشمس وقال بروح البيت فشلنا قشنا ورحنا البيت واحنا مصدعين من الشمس
وطبعا كانت ادارة المدرسة موفرة ماي وعصير ووزعوا على الطلبة واولياء الامور وكانت الدكتورة موجودة وودولها اكثر من طفل داخوا من الشمس وكانت تقعدهم عندها بالظل وتشربهم عصير وتقيس حرارتهم
كان الافضل انه يسوون اليوم الرياضي بصالة مغلقة مثلا صالة كرة اليد بالنادي عشان ما يتاثر اليوم الرياضي باحوال الطقس وما يؤثر على صحة الطلبة ومزاجهم
والشي الثاني كان المفروض انه يكون يوم رياضي للابتدائي بروح ويوم اخر للروضة والاحسن بعد واللي تسويه المدارس الخاصة الاخرى انه كل جريد يومهم الرياضي بروح عشان الام تعطي كل طفل من اطفالها حقه
وكان المفروض بعد انهم يوزعون كبابيس على الاطفال وصج انهم كتبوا بالرسالة انه لازم كل طفل يجيب معاه كبوس من البيت بس لاحظت انه في بعض الاطفال بدون كبابيس والشمس مضايقتهم ولا تقولون غلطة الام لاني وحدة من الامهات حطيت لولدي كبوس بجنطة الاكل بس نسى يلبسه​

 

[ام عبوشى]

اي اسم مبروك قبول عيالج بالابداع الله يوفقهم يعني خلاص بتخلينا بتجمع الحياة والله خساره لنا بس البركه بالخوات بس لاتخلينا وانا بيكم بتجمع الابداع بس هم انا خلص استخرت وبكمل بالحياة والله كريم بصراحه الاستاف والمهج والاداره اهم شى وبالنسبه الانشطه مو مهم عادي

 

[أم فهد الكريديس]

السلام عليكم شلونج أخت أم فهد
بسألج بس لاتزعلين من هالسؤال .................
أحس إنج وايد وايد ادافعين عن مدرسة الحياة ما أدري عندي إحساس إنج من الإدارة الي بالمدرسة أو الخليفي يصيرلج

السلام عليكم ورحمة الله وبركاته ... هلا اختي مدرسة مكروفة...:dddds: بصراحة ضحكت لما شفت رسالتج
يعني أنا لو بالادارة شان ما شفتوني وعرفتوني أو اني بينت هالشيء من تفاصيل الادارة لكنكم قاعد تشوفون في أِياء أنا ما اعرفها وقاعدة اسأل عنها حالي حالكم ... هذا أولا وبالنسبة حق الدكتور ... ما ادري شقولج بس يعني اذا دافعت عن الحق وقلت الصج
هذا يعني ان الخليفي يصيرلي... أعتقد من البداية قلت أن أنا معجبة بشخصية الدكتور وأحاديثة وطريقته التربوية
والسالفة وكل ما فيها أني ما شفت الا كل خير من المدرسة والأشياء البسيطة اللي انذكرت كانت أشياء لا تذكر
ولا تحسب نقاط ضعف قوية بالنسبة للمدرسة ... هذا كل شي ...وبعدين لو انا بالادارة أو الخليفي يصيرلي جان سمعتوا كل سوالف المنتدى بالمدرسة .... وبعدين شنو هالشكوك .... كل هذا عشان قلت ان المدرسة زينية ..
على العموم أنا ما احب أضايق أحد واقدم اعتذاري للكل وحقكم علي

 

[أم فهد الكريديس]

مشكوره ام فهد على ردج والله يعافي شكوى اى اسم على مدرس الدين لان محد سواها ولا صارت باي مدرسه .... ومدرسه الحياة كانت يديده علينا كلنا مدرسه مكروفه واى اسم ومونى مونى واختي وانا معاكم وغيرنا من امهات واحنا ماكنا شنونعرف سياسه المدرسه وشنو الحكمه من واجب سورة الفاتحه ومرتين يهال ماعطوهم الف باء شلون بيكتب الواجب وماينلامون الامهات لما اشتكو على المدرس الحين مع الوقت عرفنا حق المدرسه ولدي اللي اولى روضه يعنى حرف يكتبها 22 مره ومعاهم كلمه مثل خيمه بطه عصفور يكتبها 9 مرات يعنى في احرف ماخذاها يحاول يكتبها .... وطلع واجب الكلمه اختياريه يعنى اهو وقدراته وبالعكس انا وايد احب نظام مدرستهم مع ان ابلة ولدي ويهها مايبتسم حتى مع اليهال واللي يشوفها يقول ماتعرف حق اليهال بس ولدي يموووت عليها واشوف اليهال يحبونها ولغته ماشالله وايد احسن من قبل بس انا حبيت المدرسه ولي اسبابي وذكرتها لكم ليش بطلع ولدي منها واكثر من وليه امر امدح لها المدرسه وانشالله انج وانكم تقبلون منى رايي

السلام عليكم اختي ريمان .... طبعا الحين صار صعب انب اتكلم وأقول اي شي لأني راح اكون غلطانه أو اني بالادارة أو اني
اصير حق الخليفي ...
بس اللي بغيت اقوله ... ان الحياة تعلم اليهال يكتبون من سنه 2 روضة لأن في 1 روضة كانت الكتابة اختياري لكن سنه ثانية ل
يبدون يكتبون شوي اكثر ... وبعدين أكثر من مدرسة تعطي واجبات من أول روضة .... حتى المدارس الأجنبية
وصدقيني اختي ريمان الكتابة تقوي عضلات اليهال ومالها أي مضرة لهم
ومرة ثانية أعتذر للكل اذا تضايقتوا مني ومن الكلام لكن ارد وأقول ان المدرسة فوق الممتازة ..
وصدقوني ان مستواها فوق الممتاز ... وبعلمكم كلمت صديقة لي حاطة عيالها بمدرسة خاصة امريكية ...
وولدها طالع العاشر على المدرسة ومن مدحي للمدرسة راحت بتسجل عيالها بالحياة فطبعا اختبروهم
وصدقوا وآمنو بالله انهم رفضوا تسجيلهم عشان مستواهم ضعيف وقالولهم ان قبولهم مشروط ان ينزلونهم مرحلة
مع التقويةواذا تحسنوا يستمرون واذا لا يردون مدرستهم
فانا لما ادافع عن المدرسة ما اكون ضد اي أحد لكن الشي الزين ينذكر ... ولازم نعطي فرصة لأنها توها بادية المدرسة
وانتوا اذا شفتوها من انها توها بادية واهي بهالمستوى راح تغاضون عن الأشياء الصغيرة الثانية
هذا اللي اقصده بس ....
اعتذر للكل مرة ثانية

 

[M.H.H]

اسمحولي خواتي أنضم لكم .. كولية أمر بمدرسة الحياة

كنت متابعة كتاباتكم ومناقشاتكم واستفدت منها

وقررت أنظم لكم بناء على دعوة أختنا أي أسم؛؛؛؛ واللي ماأعرفها شخصيا

والسبب الثاني في سالفة ..أتقرقع بقلبي :0bee2e8d89:​

 

[ام عبوشى]

اختي ام فهد انا معاج في انا الروضه مو كله لعب جان خليته بالحكومه يلعبونهم الهوم وركات بالعكس زينه انا بنتي البجر بالكويت الانجليزيه وتكتب حروف ومحادثتها زينه عشان ياهلونها للمرحله الابتدائيه بس بصراحه ضايق خلقي عشان اي اسم بتخلينا الله يوفجها نورتنا وعلمتنا والله اكثر شى ادش عشان اقراتقاريرها الله يخليلها عيالها

 

[ام عبوشى]

بس ام فهد هم طمنتيني عن المدرسه بس لما دشيت لاحظت شى بالمدرسين الاجانب مافيهم شباب يعني اعمارهم فوق الاربعين بس اشكالهم حليوين احس احسن من الانجليز وايد سيدا

 

[ReeMaN]

هلا m h h حياج الله معانا ابي اعرف اى اسم من وين اتصيدين امهات الحياة بصراحه تعجبينى عشان نستفيد منهم :eh_s(15): اتفضلي M H H القهوه التركيه :nbptr: و قولي شنو الشي اللي يقرقع بقلبج

 

[اي اسم]

اختي ام فهد انا معاج في انا الروضه مو كله لعب جان خليته بالحكومه يلعبونهم الهوم وركات بالعكس زينه انا بنتي البجر بالكويت الانجليزيه وتكتب حروف ومحادثتها زينه عشان ياهلونها للمرحله الابتدائيه بس بصراحه ضايق خلقي عشان اي اسم بتخلينا الله يوفجها نورتنا وعلمتنا والله اكثر شى ادش عشان اقراتقاريرها الله يخليلها عيالها

هلا ام عبوشي
الله اعلم اخليكم والا لأ
لان ولدي الصغير سجلته بالروضة الاولى بالحياة لانه بالابداع حاطين اسمه على الويتنج وقالوا لي انه الامل ضعيف انه ينقبل عندهم

 

[اي اسم]

اسمحولي خواتي أنضم لكم .. كولية أمر بمدرسة الحياة

كنت متابعة كتاباتكم ومناقشاتكم واستفدت منها

وقررت أنظم لكم بناء على دعوة أختنا أي أسم؛؛؛؛ واللي ماأعرفها شخصيا

والسبب الثاني في سالفة ..أتقرقع بقلبي :0bee2e8d89:​

اهلين وحياج الله
قولي لنا شنو السالفة اللي تقرقع بقلبج
ان شا الله خير
ومنو عندج بالحياة وباي صف؟

 

[M.H.H]

أعتذر عن أمس - بس انقطع عندي _ ماأقدر أدش على الموقع _ بس أمس بدع الى الساعه 1:21 صباحا

موراضي يفتح عندي الموقع :krkrkr:

ان شاءالله راح أكمل اليوم ليلا الموضوع​

 

[مدرسة مكروفة]

السلام عليكم شلونج إختي أم فهد لايكون زعلتي من سؤالي
والله هذا تساؤل كان بقلبي حبيت اسإلجياه
وترى آن وايد أحب كلامج و أتفاءل بالمدرسة لما أقرى كلامج

 

[مدرسة مكروفة]

شلونج إختي أي اسم شهالخبر الي قريته صج بتهدين المدرسة و بتودين عيالج الابداع الله يوفج عيالج وسيرلج للمدرسة إلي فيها خير لهم
بس صراحة آن ضاق خلقي إنتي نور المنتدى وبتروحين؟؟؟؟؟؟؟؟؟؟؟؟؟؟؟؟؟

 

[أم فهد الكريديس]

السلام عليكم شلونج إختي أم فهد لايكون زعلتي من سؤالي
والله هذا تساؤل كان بقلبي حبيت اسإلجياه
وترى آن وايد أحب كلامج و أتفاءل بالمدرسة لما أقرى كلامج

هلا اختي مدرسة مكروفة ... لا مازعلت مثل ماقلتلج ضحكت يوم شفت الكلام ...ومثل ماقالت اختنا اي اسم ان اختلاف الرأي لا يفسد
الود.
وأحب أقولج أنا لاني بالادارة .... ولا الخليفي يصيرلي ... بس مجرد أقول اللي أنا أشوفه صح وبس
وتفاءلي بالمدرسة خير ان شاء الله ... وتعبكم ماراح يضيع .... بس يبيله شوية صبر ... وثقة بالمدرسة
وتعاون مابينا وبين المدرسة وان شاء الله راح نلقى اللي يسرنا كلنا .... هذا مستقبل عيالنا وكل واحد فينا يبيلهم الأفضل
عسى ربي يوفق الكل ويوفق عيالنا يارب العالمين:dddds:

 

[أم فهد الكريديس]

شلونج إختي أي اسم شهالخبر الي قريته صج بتهدين المدرسة و بتودين عيالج الابداع الله يوفج عيالج وسيرلج للمدرسة إلي فيها خير لهم
بس صراحة آن ضاق خلقي إنتي نور المنتدى وبتروحين؟؟؟؟؟؟؟؟؟؟؟؟؟؟؟؟؟

هلا اختي اي اسم شلونج ... الله يوفق عيالج يارب ... بس أكيد انتي نقلت عيالج لكن انتي ماراح تنتقلين من المنتدى
أكيد راح تمين معانا ... وتقوليلنا عن الابداع ... وايضا تشاركينا اراءنا وهذا شي اكيد ....
الله يوفقج ويسر لج امرج....:eh_s(6):

 

[اي اسم]

أعتذر عن أمس - بس انقطع عندي _ ماأقدر أدش على الموقع _ بس أمس بدع الى الساعه 1:21 صباحا

موراضي يفتح عندي الموقع :krkrkr:

ان شاءالله راح أكمل اليوم ليلا الموضوع​

بانتظارج
وينج

 

[اي اسم]

شلونج إختي أي اسم شهالخبر الي قريته صج بتهدين المدرسة و بتودين عيالج الابداع الله يوفج عيالج وسيرلج للمدرسة إلي فيها خير لهم
بس صراحة آن ضاق خلقي إنتي نور المنتدى وبتروحين؟؟؟؟؟؟؟؟؟؟؟؟؟؟؟؟؟

بعد عمري مدرسة مكروفة
مشكورة على مشاعرج الطيبة هذي والمنتدى منور بوجودكم
واصلا لوما وجودكم جان ما في هالتجمع وجان يوم اتسكر المرة اللي طافت ماردينا وفتحنا

بس انا حطيت ولدي الصغير اللي بكي جي 1 بالحياة لان لحد الحين ما في شواغر بالابداع فيعني احتمال استمر معاكم
وانا اقولج صراحة انا حبيت الحياة وللحين احبها وصج صعب علي اني اطلع منها والله يعلم باللي بقلبي
ولو اي احد يدور بكل كتاباتي بهالمنتدى سواء بهالتجمع او غيره يشوف شكثر احب الحياة وانصح فيها وحتى انتقاداتي لها عادية
وانا ناوية اذا هديت الحياة اكتب رسالة لمدرسات ولدي مس بي ومس مينا ورسالة لادارة المدرسة اكتب لهم كل اللي بقلبي من شكر ومن اقتراحات لاني حبيتهم
بس مشكلتي الوحيدة ولدي الكبير اللي لازم اطلعه من الرؤية لضغف مستواها فقررت اودي عيالي كلهم الابداع وارتاح بالنسبة للتوصيل بدال ما هما مفرقين كل واحد بمدرسة وكل واحد بباص ومشاكل الباصات
بس ما شا الله الله الحياة زينه وولدي دخل لهم يالله يمسك القلم الحين ما شا للله عليه
اتصدقين عاد الرؤية عندهم برنامج قراءة بالانجليزي يعطون الطالب اللي برابعة ابتدائي قصتين عشان يقراهم بالبيت كل اسبوع
يوم عطوا ولدي اللي برابعة هالقصص رد البيت متضايق
حس ان الابلة اهانته لانه على قولته ليش تعطين قصص جريد 2
المهم هذي القصص قام ولدي اللي بجريد 1 يقراهم ما شا الله عليه
انا ان شا الله بصور صفحة من هالقصص ووريكم عشان تشوفون ضعف الرؤية وقوة الحياة
يعني انا اللي بقوله ان الحياة مستواها ما شاء الله قوي بالانجليزي
وزين بالعربي انا ولدي توه بدا يستوعب العربي واذا وريته كلمة بجريدة الحين صار يقراها والا اول بالشارع اذا شفنا لافته اقوله اقرا يروح يقراها بالانجليزي اقوله اقرا بالعربي ما يعرف
الحين الحمدلله بد يستوعب المدود ويحفظ الحروف
وانا صراحة لو هديتكم انا اللي راح افقدكم لانكم عايلتي اللي بالمنتدى
فان شا الله راح استمر معاكم حتى لو طلعت واستمتع بصحبتكم

 

[اي اسم]

هلا اختي اي اسم شلونج ... الله يوفق عيالج يارب ... بس أكيد انتي نقلت عيالج لكن انتي ماراح تنتقلين من المنتدى
أكيد راح تمين معانا ... وتقوليلنا عن الابداع ... وايضا تشاركينا اراءنا وهذا شي اكيد ....
الله يوفقج ويسر لج امرج....:eh_s(6):

الله يوفق عيالنا جميعا عزيزتي ام فهد
ان شا الله ما راح اهدكم وراح استمر معاكم بالمنتدى واتابع مدرسة الحياة لانها بنظري مدرسة واعدة
وان شا الله تستمر الادارة بحماسها واجتهادها وما يطخون او يبيعون المدرسة لحد ثاني او شركة معينه
وراح تلاقوني ان شا الله دايما بهالتجمع او تجمع تشات امهات الابداع لحلم الطفولة

ومشكورة ام فهد على الدعوة
عسى الله يستجيب لها ويوفق الجميع

 

[اي اسم]

ان شا الله يوم الاثنين مسرحيات اولى ابتدائي لمادة الانجليزي
3 فصول وكل صف بيقدم مسرحية مختلفة
بانتظار عروضهم
لا تنسون تروحون