تجمع امينات المخزن 2009 ......حيااااكم .....

[sunshine22]

مساء الخير ----شنو سالفة النحشة -----ليش ---ماكو شى ينفقد-----الا لة حل ---اول السنة بعد الصيانة كتاب حك الخدمات---بة كل المفقودات ---ويسون تحقيق ويشوفون المتسبب----وانتى مالج شغل​

برايك كوزيه جذي...

انا فكرت فيهاااااا

طيب الكتاب بس نكتبه ونوديه الخدمات وبس نرجع للمدرسه وانتهينا والافيها مداااااااابج السالفه؟؟؟

انا هذا اللي احاتيه الروحه والرده


وليش سالفه كوزيه اهو في احد بينحاش بعد

ياربي معقوله هذي اساسيات وظيفتناااااااااااااا
معقوله انصير حراس ابرك اذا جذي:cxxxp:

 

[انوثه طاغيه]

مرحبا شلونكم الله يعطيكم العافيه انا توني خريجه من التجاري تخصص ادارة المواد وقالولي تشتغلين امينه مخزن انزين بسأل شلون وظيفتكم؟ ويصلح اذا قبلوني بمدرسه اقول ابي اصير سكرتيره؟ وجم معاشاتكم توضيف اول؟ ولما اقبلوكم اول شي التربيه ولا واسطات ونطرتو عشان التربيه ؟

 

[sunshine22]

88
8

حبيبتي اقري الصفحات

كل اسالتج مجاوبين عليها

 

[انوثه طاغيه]

شدعوه بنات الله يهداكم سألت سؤال واصلن دورت بالصفحات ماحصلت الاجوبه الي ابيها ممكن تجاوبوووووووون؟

 

[انوثه طاغيه]

up up up

 

[يرخصلك كل غالي]

قووووووه شلونكم شخباركم

وصلت صفحة 14 ودخت

صج الوظيفه لوعه

انا بتخرج الكورس الجاي

وانا وحده مو مال شغل اعرف نفسي

بعرف شنو احسسسسن مكان لتخصصنا

وصج مثل ماقالو معاشات التربية اقل من الوزارات الثانية ؟؟

وصج الله يعينكم

لو ادري انه التخصص جذي جان تميت ع المحاسبة

 

[sunshine22]

الوظيفه زينه بالمدرسه ووقت الفرااااااااااغ عند امينه المخزن كبيررررررررررر بالمدارس عموما لذالك تشوفينهم دايم غياااااااااااب

لكن لو في قانون يظمن حقوق الامين وينهيه مسؤوليته عند صيانه او غيره او عطله جان صارت احلى وظيفه لكن فيها مسؤوووووووليه


بس


واحلى مكان صبحن ماكو شغلللللللللللل نهائي

 

[انوثه طاغيه]

الحين صارلي اسبوع اسأل عن الراتب جم يكون ومحد رد على .؟ ليش؟ حاطين التجمع اذا ماتبون تجاوبون؟

 

[sunshine22]

88
8


شوفي عند التعيين حاليا اتوقع 530

انا من 5 سنين متعينه فتغير زادووو علينا زياده ال50 و120 غلاء معيشه

 

[انوثه طاغيه]

مشكورررررره حبيبتي ماقصرتي

 

[دلوعه الكويت]

السلام عليكم
انا امينة المخزن ماعرف اسوي جرد ابيكم تعلموني شاون طريقة الجرد واستمارة حصر العهد الشخصيه حق شنو

 

[sunshine22]

88

حصر عهده حقج هالاستماره تحتفظين فيها بملف العهد

تفرين فيها على اصحاب العهد بمدرستج من ابلات البدنيه والفنيه والموسيقيه والتقنيات وامينه المكتبه وابلات الحاسوب عهدتج الاثاث وتكتبين العهد (( اللي بعهدتهم )) مو اي شي تكبين اللي الابلات شارينه او اي شي ما دش المدرسه باستماره بس اللي دش مدرستج باستمارات واوراق من المنطقه فقط تكتبين

حلو...بس وتعطينهم نسخه من الورقه اللي هي الخضره وباجي الاوراق تكون عندج وطبعا يكونون موقعين فيهااااا وقدام الناظره يتم التوقيع عشان تشهدلج في حال انكرت وحده انها شافت الورقه او قعت عليها <<<انتبهي
وتحاسبينهم على اي شي يضيع او ينفقد من عهدهم
لان صبحان تحاسبج انتي بالنيابه عنهم اوقات الجرد السنوي






طريقه الجرد

اذا انتي اول مره بالمدرسه
عندج طريقتين

ياتطلبين لجنه من صبحان تجرد وياج

ياتكون عندج نسخه من جرد المدرسه ايام امينه المخزن اللي قبلج
وتمشين على اللي هي كاتبته اذا موجود او لأ....................وانتي تفرين بالمدرسه عاد شوفي اذا صج موجود حطي عليه صح
و واكتبيه باستماره (( جرد عهده ))

ودزيه مع مراسلكم صبحان
او انتي روحي وطابقي الجرد مع اللي ماسكه مدرستج افضل من وجهت نظري عشان ماتدزلج استماره فروقات وتفتكين


وسلامتج
وادعيلي امانه اذا فادج كلامي ان الله يفرج همي
======================

 

[دلوعه الكويت]

ماقصرتي والله يفرج همج ويوفقج مثل مافرجتي همي انزين استمارة حصر العهد همن حق مختبرات العلوم صح واجرد وياهم الاثاث ولا بس الادوات انا بس اكون مسؤله عن الاثاث اللي في المدرسه ومشكوره

 

[sunshine22]

88

حبيبتي حصر العهده حقج ماله شغل بالجرد...........

اذا بتسوين الجرد تكتبينه باستماره اسمها (( جرد عهد ))

وبالنسبه لحصر العهده .....صح كلامج

يعني

محضرات العلوم>>>> تكتبينلهم حصر عهده المختبر فقط

ومشرفه التقنيات>>>> احصري عهدتها وهي تعرف شنو بعهدتها الداتاشو وهالسوالف

وامينه المكتبه >>>> احصري عهدتها

وابلات الفنيه >>>>> مسؤولات عن عهدت الفنيه وفي نشره تثبت ذلك

وابلات الحاسوب>>>> توقعينهم على الحواسيب اللي بالمختبر مالهم عشان تدير بالها

وابلات البدنيه >>>>>> نفس اللي فوق توقيع رئيس قسمهم بجميع سوالفهم كور واجهزه المهر والقفز وغيره

والموسيقى>>>>>>>> تحصرين عهدتهم بالورقه وتوقعينهم قدام الناظره

والاثاث المدرسي>>>>> اللي هو مسؤوليه امينه المخزن تشوفه بنفسها وبس

الباجي كل تخصص تنتبه عليه انتي يالله تلحقين ع الاثاث الباقي كل وحده تهتم بشلها عشان جذي بصبحان حطو استماره اسمها (( حصر عهده ))


طبعا تكون عندج منها نسخه وتحطينه بملف عندج وكل مازاد شي بالتقنيات او الموسيقى او الحاسوب او غيره تضيفينه للملف اللي عندج

وتشيكين عليه كل سنه حزت الجرد

اذا في شي زايد


وبالنسبه للناقص تشوفينه بملفات الاعاده اللي عندج

 

[دلوعه الكويت]

السلام عليكم مشكوره اختي ماقصرتي انزين لازم اجرد الصفوف من كراسي وطاولات وطاولة معلم كرسي معلم وجهاز العرض عهدت منو ومدرستي قبل شهرين جت لجنه واجردت بس احسه ناقص شلون الطريقه انا في رمدرسة صبيان متوسطه واجرد الحارس ةالاداره ولالا واكتبيلي الاشياء اللي تنجرد لاني متوهقه وتحمليني ادري ثقلت عليج ابي كل شي بخصوص الجرد ومشكوره مقدما

 

[!الجادل الصعب!]

مرحبا آمينات ..

انا برجع للمخزن بعد 6 شهور غياب ولاده وامومه ,, وحدي مالي خلق لا ومنقوله من مدرستي وادور روضه ..

منو امينه مخزن بروضه ..

 

[الماسه الفضية]

مرحباااااااااا بنااااااااااات


اشلونكم حبايبي اخباركم اشتقتلكم من زمااااااااااااان ما دخلت على هالتجمع


بناااات عندي بعض الاسئله واتمنى اللي تعرف ترد علي ؟؟؟؟؟؟؟


بنات أنا العام وصلتني لجنه جرد وجردو معاي وسجلو كل شي وأنا معاهم

حلووووووووووووووو

بس تخيلوووو الحين اكتشفت فيه شغلات مسجلينها غلط مثل حاطين جهازين وكاتبين اسمهم شاشه تجمعيه وانا ماعندي شي بهالاسم


ولقيت الاجهزه الثانيه اللي باسم ثاني زايدين يعني شاشه dellعندي زياده اشلون جذيه وشسوي


وهمن مسجلين عليه براد بــ3 مشارب واهي بــــــــمشربين


وابي اعرف اشلون طريقة كل وحده بالجرد وكل شي تعدونه أو تسجلونه نفس اللي بالسجل وتفكون عمركم

 

[sunshine22]

لا مو كل شي شالسالفه


عندج انا بمدرستي البراد وبعض الشغلات مو محسوبه عهده بمدرستي والمكيفات

يعني لو صار شي انا مالي شغل ماوقعت عليهم


انتي يوم لجنه الجرد عندج ليش ما سالتيهم الحين استوعبتي؟
ماكنتي وياهم؟ يوم توقعين؟


خليج واعيه بعدين


الزايد امره سهل

لكن المشكله بالناقص ومحد يقدر يفيدج

الا بحاله وحده

كان سويتي فيهم اعاده شوفي اوراق الاعاده


والمشربين دقي علي اللي جردت قوليلها


والله يسهل عليج

 

[!الجادل الصعب!]

يعني مافي احد امينه مخزن بروضه ؟

 

[الماسه الفضية]

لا مو كل شي شالسالفه


عندج انا بمدرستي البراد وبعض الشغلات مو محسوبه عهده بمدرستي والمكيفات

يعني لو صار شي انا مالي شغل ماوقعت عليهم


انتي يوم لجنه الجرد عندج ليش ما سالتيهم الحين استوعبتي؟
ماكنتي وياهم؟ يوم توقعين؟


خليج واعيه بعدين


الزايد امره سهل

لكن المشكله بالناقص ومحد يقدر يفيدج

الا بحاله وحده

كان سويتي فيهم اعاده شوفي اوراق الاعاده


والمشربين دقي علي اللي جردت قوليلها


والله يسهل عليج

مشكوره ياقلبي على الرد

وعسى الله يوفقج دنيا واخره

بس بغيت اسأل اذا وصل للمدرسه براد وماجابو معاها استمارة صرف جابو معاها ورقه صغيره من

الحساوي كاتبين فيها العدد والنوعيه هل اسجلهم في السجل ولا لا لانه قالولي اللي معاي يمكن يكون تبرع

وانا دقيت على الحساوي وقالولي انه مادزو شي للمدرسه وبصراحه خايفه اسال صبحان

ويسجلونها علي ارجو انهكم تفيدوني ​