تجمع امينات المخزن 2009 ......حيااااكم .....

[وردة الحديقه]

ليش ما وصل مدرستج هالسنه اشعار فروقااااااااات

( اشعار فروقات )

استماره بيضا يرسلونها للمدارس اللي طلع في جردهم العام الفايت نقوصات

!!!


غريبه ماارسلولج


وبعدين ياحلوه الجرد تسوينه باستمارات خاصه اسمها ( استمارات جرد عهده ) تاخذينها من اللي ماسكه مدرستج بصبحان تقولينلها ابي اسوي جرد وماعندي استمارات اشلووووووووووووووون

اشعار فروقات بعد شنو هههههه لاوالله ماسويته باستمارة جرد عهد بورقه عاديه يمكن عشان مدرستنا تحت الصيانه مشكلتي انا برود خخخخ كل شي عندي عادي

انا عندي رئيسه قسمي هي الي يجيها كل شي وهي عندها اخر جرد سوته امينه مخزن اتوقع ومااتوقع تعطيني ياه تخاف انقله نفسه لوووول

اخر سنه لازم كل سنه نسوي جرد يعني؟؟؟؟؟؟؟؟؟؟؟

 

[وردة الحديقه]

والله شغلتي بالي عليج لانه اكيد راح يكون فيه نواقص


بس بغيت اسألج ليش ما سألتي احد مثل أمينات مخزن لهم خبره أوليش ماتدقين على صبحان تشوفين ألي لج وألي عليج

بصراحه أنا احفظوني على كل شي أسالهم عنه لوعت جبدهم

وحافطين اسمي عدل ويقولن انتي بصراحه حييييل خايفه عللى شغلج ........بعد شسوي مابي ادفع شي من جييييبي ولا

أحب اكون مطالبه حق أحد بشي بس أنتي لازم تشوفين حالج وترتبين شغلج وتفهمينه عدل بأسرع

وقت ممكن بليييييييز...........

ياحيييييياتي حاسه فيني بمعانااااااااتي

عطيني ارقامهم ؟؟؟؟ ويصير اطلب الي ماسكه مدرستي اكلمها ؟؟؟؟ وتعرفون انا بالجهرا بعييييييد علي الصبحان

 

[gozeya]

:yaaaaaarb::yaaaaaarb:

وليش تلوعين جبدهم

هم لي نقص بالطاوله رجل وحده طالبووووووج فيها


امينه المخزن لازم تصير عووووووووووووووووبه وقووووووووووويه

ويانااااار شبـــــــــــــي:dddds:




حلوووووه يانار شبـــــــــي :dddds::dddds:


بس يختي اشلون اصييييييير عووووووووووووووووووبه وقوووووووووووووووويه

وأنا من طبعي هاديه ولو شنو ما أحب المشاكل لو أحد يعلي صوته بوجهههههههههههههههههههي أبجي


اقسم بالله يابنات أول ماتوظفة وشفة المسؤليه اللي انا فيها والله ثم والله بغيت استقييييييييل واخلي الوظيفه


بس عسى الله يقدرني واقدر اكمل وافتك :yaaaaaarb::yaaaaaarb:

هلا بة حبيبى امينات المخازن---------عندنا وحدة لسانها يلوط اذنها----اذ1--تبين تعلمج حاضرين --بس بة الق---

 

[gozeya]

هلا بة حبيبتى امينات المخازن---------عندنا وحدة لسانها يلوط اذنها----اذا--تبين تعلمج حاضرين --بس بة الحق​

 

[gozeya]

اشعار فروقات بعد شنو هههههه لاوالله ماسويته باستمارة جرد عهد بورقه عاديه يمكن عشان مدرستنا تحت الصيانه مشكلتي انا برود خخخخ كل شي عندي عادي

انا عندي رئيسه قسمي هي الي يجيها كل شي وهي عندها اخر جرد سوته امينه مخزن اتوقع ومااتوقع تعطيني ياه تخاف انقله نفسه لوووول

اخر سنه لازم كل سنه نسوي جرد يعني؟؟؟؟؟؟؟؟؟؟؟

ياالغالية ----اذا --امينة المخزن السابقة طالعت من غير---اخلاء طرف من صبحان ---كلشى ناقص --على امينة المخزن السابقة------اقولج ليش ----والدليل---ان محد سلمج العهدة فى المدرسة انا راح اسالج عن المدرسة واجيب الخبر-----------​

 

[ღ Baby Heart ღ]

صججججججججججججج كوزية تذكرت شغلة

بعد اول سنة لي بالمدرسة نادتني الوكيلة وقالت امينة المخزن اللي قبلج تبي تكلمج وعطتني رقمها

المهم بعد ماكلمتها تقولي سوي جرد وماكنت عارفة ليش مع انها مسويه اخلاء طرفها شفت اوراق جرد اخلاء الطرف الوردية الخاصة فيها ومسجلة فيها اسمها اللي المفروض تحتفظ فيها المدرسة وهالاوراق كانت في درج المكتب عيل ليش كانت تبيني اجرد؟ طمنيني كوزية الله يجزاج الف الف خييييييير..

 

[sunshine22]

حلوووووه يانار شبـــــــــي :dddds::dddds:


بس يختي اشلون اصييييييير عووووووووووووووووووبه وقوووووووووووووووويه

وأنا من طبعي هاديه ولو شنو ما أحب المشاكل لو أحد يعلي صوته بوجهههههههههههههههههههي أبجي


:yaaaaaarb::yaaaaaarb:[/QUOTE]



بقولج قصه حياتي

انا انسانه مسااااااالمه :eh_s(1):
واجتماعيه:gathering:
وحبيبه:tek:
وصوتي يالله يبين بالميكروفون <<<تراه عهده هااااااا:dddds:


بس طبيعه عملنا تجبــــــرنا نكون صارمين

انا اعطيج دورات بالعوابه والقوه

شرايج

 

[sunshine22]

اشعار فروقات بعد شنو هههههه لاوالله ماسويته باستمارة جرد عهد بورقه عاديه يمكن عشان مدرستنا تحت الصيانه مشكلتي انا برود خخخخ كل شي عندي عادي

انا عندي رئيسه قسمي هي الي يجيها كل شي وهي عندها اخر جرد سوته امينه مخزن اتوقع ومااتوقع تعطيني ياه تخاف انقله نفسه لوووول

اخر سنه لازم كل سنه نسوي جرد يعني؟؟؟؟؟؟؟؟؟؟؟

صيري حاااااااااااااره

شغلنا ما يبي برووووووود


ورئيسه قسمج الاداري غصبن عنها تعطيج الورقه

بالله اشلون تسوين جرد
لازم الورقه

ونفسها وتزيدين عليها الاستمارات ( التزويد + الصرف اللي وصلوكم بالمدرسه....)

 

[sunshine22]

أمينــــــــــــات المخــــــازن

ايد وحده :ggdw: ما تصفق


راســـــــــــلو موضي الحمود وقولو معاناتكم

انا اللي علي سويته
وارسلت انتو بعد ارسلوووو ودقووو
1 و2 و3 و4 و5 و6
وراح يسمعون صوتنا

صدقوني





لو مع مرور الوقت

ع الاقل احد تكلم ما قعدنا ساكتين


وهذا الرابــــــــــــــط



http://www.moe.edu.kw/main/الرئيسية/راسلالوزير/tabid/96/Default.aspx

 

[sunshine22]

المفـــــــــــــــــــــــروض احنا رواتبنا ازيد شي بالاداريات على التعب والمسؤوليه اللي براسنـــــــــــــا

 

[الماسه الفضية]

بقولج قصه حياتي

انا انسانه مسااااااالمه :eh_s(1):
واجتماعيه:gathering:
وحبيبه:tek:
وصوتي يالله يبين بالميكروفون <<<تراه عهده هااااااا:dddds:


بس طبيعه عملنا تجبــــــرنا نكون صارمين

انا اعطيج دورات بالعوابه والقوه

شرايج[/QUOTE]




مساء الخير ياحلوات


والله جان زيييين اقدر اخذ دورات بس والله لو تقعدين معاي اتقولييييين انتي مافيييييييييييييج طب ههههههههههههه




والله اني ماشيه على البركه والله سبحانه مسهلها والله يستر من تاليتها....................؟

 

[وردة الحديقه]

ياالغالية ----اذا --امينة المخزن السابقة طالعت من غير---اخلاء طرف من صبحان ---كلشى ناقص --على امينة المخزن السابقة------اقولج ليش ----والدليل---ان محد سلمج العهدة فى المدرسة انا راح اسالج عن المدرسة واجيب الخبر-----------​

ياحياتي انا موقعه على العهده الي عطتنياه امينه قبلي من وقعت خذته مني رئيسه القسم واخذت اخلاء طرفها من المدرسه فمادري اذا اخذت من الصبحان او لا افهم من كلامج يعني اذا مااخذت اخلاء طرفها من الصبحان يصير عليها المسئوليه يعني ؟؟

 

[الماسه الفضية]

ياحيييييياتي حاسه فيني بمعانااااااااتي

عطيني ارقامهم ؟؟؟؟ ويصير اطلب الي ماسكه مدرستي اكلمها ؟؟؟؟ وتعرفون انا بالجهرا بعييييييد علي الصبحان

هلا وغلا فيج


أنا احس بكل امينه مخزن وادعيلكم من كل قلبي وعسى الله يفتحها بوجيهنا ويسر امرنا


وارقام صبحان24762750

 

[gozeya]

ياحياتي انا موقعه على العهده الي عطتنياه امينه قبلي من وقعت خذته مني رئيسه القسم واخذت اخلاء طرفها من المدرسه فمادري اذا اخذت من الصبحان او لا افهم من كلامج يعني اذا مااخذت اخلاء طرفها من الصبحان يصير عليها المسئوليه يعني ؟؟

مساء الخير انتى وقعت على------استلام المدرسة بة اوراق جرد ---يعنى جردتى معها قبل ماتطلع------واذا ماخذت ---اخلاء طرف من صبحان --الناقص عليها ---ما اعتقد--ماخذت اخلاء طرف لان ناظرتكم --ما خلتج تطلعين الا بة جرد---وسلامتج

 

[وردة الحديقه]

ماجردت معاها وقعت على العهده على عماي واستلمته بدون ماعرف اماكنهم لانى كنت عليميه ماكنت اعرف شي طبعا هذا العام مو هالسنه يعني الحين بيصير لي سنه تقريبا

 

[وردة الحديقه]

هلا وغلا فيج


أنا احس بكل امينه مخزن وادعيلكم من كل قلبي وعسى الله يفتحها بوجيهنا ويسر امرنا


وارقام صبحان24762750

ياحياتي فديتج من طيبج تعالي يصير اكلم الي ماسكه مدرستي !








عسى الله يوفق كل الي رد علي ويسرله اموره اينما كاااااااااااااااااااان

 

[الماسه الفضية]

ياحياتي فديتج من طيبج تعالي يصير اكلم الي ماسكه مدرستي !








عسى الله يوفق كل الي رد علي ويسرله اموره اينما كاااااااااااااااااااان

فديت اعويناتج ياروحي



يصير اتكلمينها وعادي إنشاء الله كل يوم هي مطالبه ترد على كل الاستفسارات وتعلمج بعد الشغل


أنا ألي تابعه لها حلييييييييوه وأي شي ابيه ترد عليه والحمد لله بالها طويل عليه لاني اقولج كل يوم والثاني داقه عليها ادري



فشله بس شسوي...............؟

 

[sunshine22]

888
88
8


والله يالماســـــــــــه اذا ما يبون الفشله خل يشيلون المسؤوليه علينــــــــــــــــــــاااا
--------------------------------------------------

 

[ღ Baby Heart ღ]

شلونكم بنات؟؟؟

تصدقون وانا افتر بالمواقع ادور على نماذج عهد شخصية ابي افكار وجذي انصددددددددددمت من شغلة :eh_s(1):

فركت عيني قلت يمكن قاعدة احلم تصدقون ان نظام العهد المدرسية والسجلات وكل شيء يخص امين المخزن من المسوول عنها في السعودية؟؟؟ اهوووووو

مدير او مديرة المدرسة او الوكيلااااااااااااات

وحبيت اتاكد اكثر دخلت منتدى ولا عضوة في منتدى ثاني تقول انا مديرة مدرسة يديدة شلون اعبي عهد المدرسة في السجلات كاثاث واجهزة علشان استلم العهدة عن المديرة السابقة ؟؟؟؟


آآآآآآآآآآآآآآآآآآآآآآآآه ياقلبي

بنات في استفسار شنو جهاز فاكسميلي ؟؟؟؟​

 

[ღ Baby Heart ღ]

شووووفو هالموقع وتاكدو بنفسكم ومو بس هالموقع شفت اكثر من موقع نفس الشيء

● ـ أبرز مهام مدير المدرسة تجاه إدارة السجلات والملفات المدرسية .

http://www.manhal.net/articles.php?action=show&id=113