تجمع امهات 2008 حياكم

[Om eLkakawiya]

ام وجيه
تصدقين بعد عندها تطعيم شهر 6 .. وااي تعذيب .. بس كله عشانهم ..

احلى كويتيه
مادري بس اهي قالت ع الاربع والخمس اشهر .. الحمدلله الحين وايد خفت ..
الحمدلله انا بخير .. وبنتي بخير دامنا بعاد عن ابوها حسبي الله عليه .. انتي شلونج ؟

مس شوقر
هلا حبيبتي .. انا بخير الحمدلله دام بنوتي بخير .. انتي شخبارج ؟

الصراحه بنات انا مضايقتني سالفه ناقشتها مع امي .. مو بنتي تنام يمي بحكم اني مطلقه ماعندي غيرها بغرفتنا بس امي تقول لا تعودينها على جذي ..وتقولي فكري تشترين لها سرير بروحها .. انا اشوفها عادي .. ابي رايكم ؟!

 

[drsemsem79]

حبيبتي ام الكاكاويه ماله علاقه انتي مطلقه او لا. اهيا قصدها بعدين تتعود و ما تنام الا معاج بالسرير حتى لما تكبر. الاحسن لها انها تنام بسريرها.

 

[احلى كويتيه]

ياعمري يا ام كوكاوه حسبي الله عليه والله سواها :eh_s(14): الله يهديه ويرد عقله له ويفهم انتي منو او يرزقج بالي يعرف قدرج ويشيلج فوق راسه ويعوضج خير يا حلوه ويخليلج بنتج ويفرحج فيها


امج صاجه بكلامها اكبر غلط تحطين بنتج معاج بالسرير حرام اولا خوفج تغطينها بالغطا وانتي نايمه وثانيا بتتعود عدل على النومه معاج وبعدين صعب تخلينها بروحها تنام



نونا 82 حياج الله معانا وعادي اول الايام السهر عااااااااااااااااااااادي وحلوه الحفله هههههههههه ضحكتيني:dddds:


كنونه حياج الله معانا اذا ترضعين طبيعي الغازات منج انتي شربي شي يوخر الغازات عنج وشربيه ماي مع نعناع وسكر نبات​

 

[b6o6a]

شلونكم بنات ...؟

توما باجر عندي انجليزي انتي معاي ولا مو ماخذته ؟


ام الكاكاويه عادي انا انوم بنتي يمي ماعرف احطها بسريرها !! منظر بس وحق نومة العصر لول

 

[nouna82]

الله يحييكم

بنات بسالكم حليبي نشف شسوي ؟؟؟؟ شنو الاشياء اللي تدر حليب عاااد انا للحين ارضع طبيعي مابديت صناعي بس فجاة نشف حييل ضاااق خلقي

 

[HaPpY_SpiRiT]

شلونكم بنات ...؟

توما باجر عندي انجليزي انتي معاي ولا مو ماخذته ؟


ام الكاكاويه عادي انا انوم بنتي يمي ماعرف احطها بسريرها !! منظر بس وحق نومة العصر لول

لا أشوة أنا خالصة من الانجليزي

 

[HaPpY_SpiRiT]

بنات ديروا بالكم تنومون عيالكم يمكم والله أذكر لما كنت حامل سمعت وحدة ببرنامج فتاوي والله بجتني معاها تقول انها كانت تنوم بنتها معاها على السرير و مرة غطت بالنوم و ما حست بنفسها وعلى ما قعدت من النوم الا و هي نايمة على بنتها و خنقتها و طبعا ماتت فتخيلوا الجنون اللي هي فيه ألحين و الحالة اللي فيها فبنات الله يخليكم ديروا بالكم على عييلكم و عسى ربي يحفظهم لنا انشالله

 

[al_gardenia]

الله يحييكم

بنات بسالكم حليبي نشف شسوي ؟؟؟؟ شنو الاشياء اللي تدر حليب عاااد انا للحين ارضع طبيعي مابديت صناعي بس فجاة نشف حييل ضاااق خلقي

نونوا حياج الله معانا

وبالنسبه للحليب يمكن انتي باذله مجهود زياده
ولاشياء الي در عندج حبوب اسمهم فيتوليت تلقينهم بالصيدليه او ماذرميلك واكلج لازم يكون دسم
وكثري تمر وهرده ورهش وحليب كامل الدسم والماي ضروري لترين باليوم
والفيتامينات بعد

 

[al_gardenia]

توما صح كلامج
انا بعد سمعت هالسالفه

يمه انا كنت امفكره افك كرفايه اروى وانومها يمي لان بنشحن الاغراض بس الحين
هونت ذكرتيني الله يذكرج بالشهاده

 

[mrs_sugar]

مساء الخير انا اول مره اشارك بمنتدى بس فكرت الديوانيه وايد حلوه انا ولدت تاريخ 3-فبراير ويبت نور دنيتي كلها الله يحفظه ويجعله من عباده الصالحين عبدالرحمن ولدت طبيعي وترى ما اعرف شي بالتوقيع ولا ولا شي بالمنتدى..:ceaf32e183:

وانا صراحه اعاني وايد من الغازات بس بصراحه قمت احط ماي الغريب مال الصيدليه بالماي اللي افوحه لولدي لاني ارضعه طبيعي ما يبي وتعبت وايد ما ادري شسوي؟؟
وفي طريقه ثانيه للغازات اهيه اتفوحين ورقة نعناع مع الماي الرضعه بس اتخلينه يغلي غلوه وحده او اتحطين شوي حلبه وااايد اتريح الياهل..

اتمنى اني فدتكم واقبلوني وياكم:hjy5jewf:

حياج ويانا انتي و بنتج

بالنسبة للغازات عندج النعناع مثل ما قالت احلى

و غاز بمبي 10 نقط بالليل هم روعة

تحصلينه عند بوتس

 

[mrs_sugar]

مس شوقر
هلا حبيبتي .. انا بخير الحمدلله دام بنوتي بخير .. انتي شخبارج ؟

الصراحه بنات انا مضايقتني سالفه ناقشتها مع امي .. مو بنتي تنام يمي بحكم اني مطلقه ماعندي غيرها بغرفتنا بس امي تقول لا تعودينها على جذي ..وتقولي فكري تشترين لها سرير بروحها .. انا اشوفها عادي .. ابي رايكم ؟!

هلا و غلا

انا الحمدلله زينة

انتي شلونج؟؟

بالنسبة لنومة بنتج لا تعودينها تنام يمج ترى تأذيج

انا ولدي البجر ما سمعت الكلام و تم ينام بفراشي لي 3 سنين ما شلعته الا بالموت

و منها قلت توبة محد ينام بفراشي

و بعدين هم ممكن تنقلبين عليها و انتي نايمة و مو حاسة لا سمح الله

لا لا خليها بسريرها احسن

 

[mrs_sugar]

الله يحييكم

بنات بسالكم حليبي نشف شسوي ؟؟؟؟ شنو الاشياء اللي تدر حليب عاااد انا للحين ارضع طبيعي مابديت صناعي بس فجاة نشف حييل ضاااق خلقي

اول شي اهتمي بأكلج

ثاني شي ارتاحي و نامي كثر ما تقدرين

بعدين اكلي

رهش .. تمر و هردة و الأشياء اللي قالت لج اياهم القاردينيا

الله يجزاها كل الخير و يردها لنا بالسلامة

 

[nouna82]

مشكووورة ماقصرتي بس سؤال ثاني صج الشفاطة تنشف الصدر؟

 

[al_gardenia]

حبيبتي والله شقوره ماتقصرين
امين الله يسمع منج
الله يحرمني من اعز الناس الي اهم انتوا حبهم ويحبوني ويدعون لي من كل قلبهم

 

[كويتية1]

اهلين بالعضوات اليدد
الككاويه خلي البيبي بسرير بروحه ترا حتى النسم مالت راح ياذيه
سرسره اريح واامن وانظف للياهل

القاردينا ترجعين انشالله بالسلامه ونحتفل فيج

ام وجيه وشقوره واحلى والقاردينا وبطوط وافتخر وباجي البنات اشلونكم

ها اشلونكم مع العاصفه الي يتنا عسى ما تاذيتو
انه مت من الخرعه الله ستر

 

[HaPpY_SpiRiT]

هلا والله كويتية
سكتي انا حدي قاعدة احاتي الليلة اشراح يصير لا و اهم شي يوم صارت اللوية ريلي ما كان وياي و بروحي بالشقة مت من الخرعة

 

[Om eLkakawiya]

يمه خرعتوني شكلي بودي بنتي بسرير بروحها .. والله يعيني على فراقها .. مع إنه أسهل حق الرضاعه بالليل بس خوفتوني .. مو ماكو الا انا وياها يعني على طول مع بعض بالغرفة بس اذا كبرت وتزوجت كيفها هههههه .. لا يمه بنتي مابيها تروح هههههههه .. مايطاوعني قلبي اوديها سرير بروحها اخاف تستاحش

أحلى كويتيه

حبيبتي هذا اللي الله كتبه .. وربي عالم إني حاولت أرد حياتي معاه عشان هالبنت المسكينه بس والله لي آخر لحظه واهو يقول بالمحكمه لا لا ما طلقت للحين ويسكت انا ادري انه مسحور بس اهله بعد مسحورين !! حسبي الله عليهم شتتوا عايله لمصلحتهم الشخصية وظلموني مع بنتي .. ما هموني المهم بنتي مرتاحه والحمدلله ماخذه حياتي على كيفي عند اهلي الحمدلله على كل حال .. مشكوره حبيبتي ع الدعوه ..

نونا
من شنو ينشف حليبج ؟؟ .. أنا على طول اشرب سوائل وما اخلي عمري عطشانه .. بس مادري اذا الاكل يؤثر على در الحليب؟ .. والشفاطه انا اشفط مره وحده باليوم وما ينشف الحليب بس لازم البيبي يرضع مو بس تشفطين عشان ما ينشف حليبج .. انا ما استخدمت الشفاطه الا عشان لما اطلع ابي اخليها ترضع من المميه بس شكله من سابع المستحيلات دانو بنتي ترضع من مميه بس جذي اشفط واكته محاولات فاشله .. يلا مابقا شي وتاكل اسم الله عليها ..

 

[Om eLkakawiya]

امبيه بنات العواصف اليوم مو طبيعيه .. حتى ما رحت الزواره بسبتها .. حسافه .. بس سبحان الله انقلب الجو فجأة .. الله يستر باجر .. على قولة يدتي من المناجر ههههههه

 

[احلى كويتيه]

شخباااااااااااااااااااااااركم مع العاصفه الفجائيه


الحمد الله الذي لايحمد على مكروه سواه واي تخيلوا ابوي راجع من طريج ابحر وفجاه سكروا الطريج صوب


الابراج والحمد الله تخيلوا من البردي تصكر الطريج يقول على كبر عمره ماشاف بالحجم هذا بردي


بس الحمد الله امطرت ونزلت الغبره عنا وان شاء الله الجو باجر حلوووووووووو






ام كوكاويه حبيبتي والله معوضه خير والله يصبرج ويصلح مابينكم والله يكتب الخير ان شاء الله​

 

[Om eLkakawiya]

أحلى كويتيه

مشكوره قلبي على دعواتج .. الله يكتب اللي فيه الخير ..

امبيه شفتي الجريدة اليوم كله ثلج يقولون اول مره ينزل ثلج جذي بالكويت .. يمكن لانه بالشتا ما طق مطر وايد وهذي تجمعاتها خووش تحليل لوووول .. الحمدلله اني ما طلعت كلشي مكسر ..