تجمع امهات 2008 حياكم

[mrs_sugar]

السلااااااااااااام عليكم

منو ولهت علي ؟؟ :friends:

من زمان مادخلت هني الموضوع
اليوم بالليل ارد اقرى اللي طافني ان شاء الله
مو كله بس اللي اقدر عليه _03BA:

اكيد ولهنا عليج يالقاطعة

ليش ما تمرين تسألين عن ربعج ؟؟

شخبار اليهال ؟؟

 

[mrs_sugar]

صباحووووووووووو

ميومه وين هالغيبه وشلون البيبي ؟؟

أحلى صباحووو شلون الدوام

أمس طرت على بالي الأستاذه وينها من زمان من وين داومت ولا مرت علينا كلش كلش

كنا الصبح دايم أنا وانتي والأستاذه وشقورة ورقي ورقي بعد ما تبين

والله فيج الخير تطري على بالج البنات

ان شاء الله المانع خير

عندي ارقام الاستاذة و ملوحة

اليوم المغرب بحيل الله اطرش لهم مسجات اتطمن عليهم

 

[mrs_sugar]

ام وجيييييييييييه شوقر بداوم 20 هالشهر وبتنظم معانا

الله يعينها الدوام أوله صعب على ما تتأقلم​

:0bee2e8d89: :0bee2e8d89: :eh_s(11)::eh_s(11):

لا تذكروني

بس شر لابد منه و امري لله

 

[HaPpY_SpiRiT]

هلو هلو هلو
شخبااااااااركم حدي حدي ولهانة عليكم
باجر عندي امتحان بس قلت خل أزرق شوي و أنا أرضع بوصلوح و أسلم
ادعولنا بالتوفيق (( أنأ و بطوط))

 

[mrs_sugar]

موفقين توما و بطوطة

 

[احلى كويتيه]

الله يوفقكم توما وبطوطه ويسهل عليكم امتحاناتكم


شقوره ياحياتي الدوام صدقيني احسن من الرباده والكسل الله يعينج على قلة النوم بس عوضي بوساعه الظهر ​

 

[كويتية1]

هاي امهات اشلونكم
ميومه وين هالغيبه

شقوره اشلون الدايت معاج
القاردينا ها متى الرجعه؟؟

توما وبطوط شدو حيلكم وبالتوفيق

انه تو الناس على دوامي اداوم انشالله 18/5

صاجه احلا الدوام يكسر روتين وفيه حركه
باجي البنات اشلونكم؟؟

 

[b6o6a]

شلوونكم بنات

 

[mrs_sugar]

بنات ترى السلام امانة

الاستاذة و ملوحة

يسلمون عليكم سلام كثير

و اهمه بخير و عيالهم بعد

 

[أم وجيه]

بنات ترى السلام امانة

الاستاذة و ملوحة

يسلمون عليكم سلام كثير

و اهمه بخير و عيالهم بعد

الله يسلمك ويسلمهم شقورة المهم انهم بخير

توما وبطوط الله يوفقكم وتنجحون ان شاء الله وتخلصون

أحلى صباحوووو وينك اليوم

تدروون الحين قمت أشتاق أكثر لفطومه وآنا بالدوام لأنها صار لها حركات وتلعب وتناغي وبس أقرب عليها أكلمها ترفعلي ايدينها وتشد على جسمها تبيني أشيلها بعد عمريييييييييي​

 

[احلى كويتيه]

صبح صبح صبااااااااااااااااااح الخير


هلا ام وجيه وفطوم شخبار ج انتي والحلوين


لهيت شوي من الشغل ونسيت ادخل واصبح


هلا شوقر السلام وصل ومشكوره على السؤال عنهم يعطيج الف عافيه


باقي الحلوات شخباركم


هلا كويتيه شخبارج واستانسي الدوام مطول ماشاء الله عليج وبس مهما كان الله يعينج على الكسل والرباده انا لما داوت ضاق خلقي شوي بس الحين وناسه جمعة البنات وسوالف شوي عن ملل البيت والعيال​

 

[احلى كويتيه]

قمة التحطيم


الدايت لخبطت فيه من قلب


الريوق جباتي ومحشيته حلوم كااااااااااااااامل وعصير اناناس يعني رجيم هااااااااا الله يسامحها رفيجتي لازم تعزم وحده راده من اجازه ومالقت الا جباتي

لا تخربطون مثل ماخربط وبصوم مابي اكل غدا بنااااااااام​

 

[أم وجيه]

يعني أحلى انتي ملتزم لا آنا كلش مو قادره ألتزم يوم ألتزم أكتشف الحليب يقل أقوم أفتح الثلاجة وآكل ما هب ودب :botetoo:

مو قادرة كلش ومو عارفه شسوي يعني عندي الحليب وايد مهم ومشكلت جسمي مسببتلي اكتئاب
بس ألعب رياضة وأحاول أخلي كل مشاويري مشي وما أنام وايد ​

 

[mrs_sugar]

صباح الخير عالحلوين

ام جوجو و أحلى المداومين

و الباجي النايمين

شخباركم

ام جوجو

هذا اللي محطمني عالدوام حركاتها و ضحكها من الصبح

اقول هذا راح يصير من نصيب الخدامة

محتررررررررررررررررررررررررررررررررة

والا الدوام وناسة عادي

و الدايت ماشي الحال

الحليب اخف شوي بس لي الحين مكفيها

أحلى

يوم تزرق عادي اشدعوه عاد

انا والله لو ما المسابقة جان علوم

بس ملتزمة مع البنات و اكتب يوميات الريجيم فأستحي اخرب

فشلة

او جوجو

لي حسيتي الحليب خف لا تاكلين اليابس و الخضر

خخخخخخخخخخخخخخ

ماله داعي

شربي لج حليب قليل الدسم علبة ولا ثنتين و شوفي النتيجة

مبهرة بصراحة

موفقين

 

[أم وجيه]

صباح الخير عالحلوين
او جوجو

لي حسيتي الحليب خف لا تاكلين اليابس و الخضر

خخخخخخخخخخخخخخ

ماله داعي

شربي لج حليب قليل الدسم علبة ولا ثنتين و شوفي النتيجة

مبهرة بصراحة

موفقين

كخخخخخخخخخخخخخخخ شقورة

هذا من الخوف آكل الأخضر واليابس

اي والله الحليب يسوي كنه اللي أشربه ينزل حليب لها ​

 

[mrs_sugar]

اي والله ام جوجو

اول مرة ادري انه الحليب يدر الحليب جذيه

عجيب بصراحة

تصدقين ريجيمي معطيني 3 علب حليب باليوم و ساعات 4 بعد

علشان لا يقل الحليب

و مو حاطين لي خالي الدسم

لا قليل الدسم لأنه البيبي تحتاج دسم بالحليب

سبحان الله

 

[أم وجيه]

اي والله ام جوجو

اول مرة ادري انه الحليب يدر الحليب جذيه

عجيب بصراحة

تصدقين ريجيمي معطيني 3 علب حليب باليوم و ساعات 4 بعد

علشان لا يقل الحليب

و مو حاطين لي خالي الدسم

لا قليل الدسم لأنه البيبي تحتاج دسم بالحليب

سبحان الله

اي سبحان الله الحليب يسوي حليب وإذا مافي دسم ترى إذا شفطي تشوفين الحليب حتى لونه يكون خفيف ​

 

[mrs_sugar]

اي صح الله يرحم ايام اللأكل بالهبل

تعالي شوفي الحليب

بس الحين ماي مايوه

الشكوى لله

 

[HaPpY_SpiRiT]

هلو هلو هلو
اشلونكم و شخباركم
شكرا لكل من دعالي بالتوفيق و ربي يوفقكم انشالله دنيا و آخرة

 

[HaPpY_SpiRiT]

اي صح الله يرحم ايام اللأكل بالهبل

تعالي شوفي الحليب

بس الحين ماي مايوه

الشكوى لله

ايييي والله شوغر صج الله يرحم أيام الأكل والله على حمالي كنت آكل بالهبل على أسا أبي وزن البيبي يزيد و ألحين لو تشوفيني لما أشد حيلي و آكل أستوعب ان يعني ليش اشفيني جذي آكل هاللي ألحين مالي الا أشتركلي بشركة دايت على الأقل أرد شوي أتعود على قلة الأكل حرام جذي من أول بيبي يخترب جسمي!