تجمع امهات 2008 حياكم

[love love]

وحده قالتلي حطي اللحم دقيق بالميكرويف راح تذوب بسرعه بدقييقه

 

[كويتيه وافتخر]

شهيتيني كويتيه على معكرونه بالكريمه باقوم اسويلي

بس اشلون طريقتج مكرونه مسلوقه ودجاج شاورما مع كريمه واخلطهم مع بعض ؟؟

 

[love love]

مبروووووووووووك

 

[كويتيه وافتخر]

مبروك تخرجه كويتيه وحمدالله على سلامته

 

[الاستاذة]

مبروك تخرج اخوج كويتيه ومنها للاعلى انشالله

داريني نعيما

رقي اوله لا مابي خمسه ابي 2 بس ولا اقولج 3 شورانه

بعد شخباركم؟؟

جهراويه يالله مابقه شي امبيه اتي صغيره وايد علينا هي هي هي

 

[كويتيه وافتخر]

الاستاذه داومتي اليوم ؟؟

اشلون زيونه شاخبارها والاساور احسبيلها واياج

 

[كويتيه وافتخر]

الاستاذه وباجي البنات

شسوي لاختي عنايه عروس

سالت هناك بقسم العروس محد برد جبدي

انا اللي سويته
حجزت لها موعد طبيب اسنان اليوم تشيك عاسنانها ويسويلها تبييض

وحجزت لها حمام مغربي باجر والاسبوع الجاي عند وحده حمام مغربي وباخليها كل شهر

وبعد شنو اقدر اسوي ؟؟؟
رحت شريت لها عده من الحواج مابقى زيت وكريم ماشريته من حمله كويتيات لبياض الروسيات خخخ
بقسم العروس وقلت طبقي

شنو اسوي بعد
اهيا ضعيفه ماتحتاج رجيم والا جان وديتها
بعد اول اخت بادلعها
بس عطوني خطط وافكار ؟؟

 

[love love]

حمام زيت

تنظيف بشره

بدكير ومنكير

جلسات للشعر

 

[mrs_sugar]

كويتية و افتخر

مبروك عرس اختج
و الله يتمم عليها
و يسخر لها ريلها و يسخرها له
و يرزقهم الذرية الصالحة

كويتية 1
مبروك تخرج اخوج
الله يوفقه

باقي البنات

شخباركم

صار لي يومين رديت تعبت مرة ثانية

 

[كويتيه وافتخر]

الله يبارك بعمرج وحياتج ياشوقر

اشتقت لج والله

وسلامتج ماتشوفين شر اشفيج شاللي متعبج ؟؟

 

[al_gardenia]

س س س س س س لا لا لا لا لا لا لا لا لا لا لا لا م م م م م م م م م م م م

شلونكم شخباركم

فديييييييييييييييييييييييييييييييييييت الي اسالوا عني والله حبايبي انتوا قريت ردودكم

من كثر ماولهت عليكم ودي ادق على وحده وحده واسمع اصواتكم

امبه شسوي اليهال واشغل هدوا حيلي حسافه على العطله ضاعت وماستانست فيها

ان شاءالله ربي يعضوني بوقت ثاني

ودي اسولف لكم بقلبي حجي يقرقع ودي افضفض مبطه جبدي

يالله ان شاءالله باجر القى وقت اسوالف لكم

تصبحون على خير

 

[داريني]

صباح خير جميعا

لي عوده لكم عقب ما اخلص شغلي

 

[الاستاذة]

صباح الخير ويه عسى ماشر القاردينيا فضفضي فضفضيي وانا اختج

كويتيه وافتخر اي صاجه يمكن قصدها كلنه مع بعض عالاساور وانا حسبالي خمسه حقي بروحي هي هي هي

شوفي وديها صالون الشرقيه في بالجابريه وفي بخيطان اكيد سامعه عنهم عندهم حمام مغربي عجيب يبيض وبعشره بس يفركون بذمه وضمبير

انا اذكر يوم ملجتي رحت لاليك الي بمجمع شيخه بالسالميه سويت اشتراك عروس سويلولي جلسات شعر وجلسات تبيض ونظاره وسنفره ووايد اشياء جربي روحي عندهم ليلحين عندهم هالعرض هذا رقمهم 25747447

 

[كويتيه وافتخر]

صباح الخيرات

هلا الاستاذه

صاجه الشرقيه حلو
بس انا متعامله مع وحده عجيبه بس فيها عيب مواعيداها فل بالاشهر
يعني قبل شهرين انا حاجزه عندها لسبعه والحين احجز لشهر 8 وتسعه

بس اكيد ذكرتيني بالشرقيه

اما لاليك اكرها من يوم ماقصيت شعري وصبغته عندهم صج صبغه لونها حلو
بس حرقت شعري ووقف شعري من ايدها


قعدت اعدل فيها واروح لاكثر من وحده تقص لي ليما تحسن بس صج ايدها دمار للشعر نسيت اسمها الله يسامحها

 

[داريني]

بنات خل نشوفكم هيدا الاسبوع
شنو رايكم ؟

 

[داريني]

انا شايشه ودي اقص شعري كاريه
بس اختي تقول اصير نفسها بروحنا جنه توأم نتشابه حيييل

 

[داريني]

بنات ابي مواقع بطلب
انمسحو كل الي عندي

 

[داريني]

اخوي تخرج من الاردن هندسه وبعد شوي بيوصل ان شالله بروحله المطار مع الاهل عقب الدوام

على بركه انشالله

 

[كويتيه وافتخر]

هلا داريني


اذا مشتهيه القصه قصيها اشوراج بس اهم شيء زوجج راضي موتغلطين غلطتي لي يومج يعايرني

قصيتي من وراي انا احب الطويل وانا ليش ماقلتي لي وموخوش مفاجاه خخخخخخخ كرهت عمري

 

[أم وجيه]

......................

متفشله ...... للحين ما ولدت

صباح الخير

كويتية1 مبروووك تخرج أخوج منها للأعلى منها ان شاء الله

شقورة سلامات الظاهر التعب رد عليج مع العطله ولوية اليهال لا تضغطين على روحج

كويتية وافتخر احنا نقول مثل ( مثل أم العروس فاضيه مشتغله ) وهذا انتي مع اختج حايسه مو عارفه شنو بتسوين
الله يتتم لها على خير يا رب ويسخرهم حق بعض

دردر أدري فيج تقولين عقب تنفذين نعيما مقدما

أمس دورت وايد بالسوق ما لقيت شي يدش مخي ألبسه اليوم ان شاء الله بروح أحوس مره ثانيه