تجمع امهات مواليد شهر 7 و 8 لسنة 2010

[AVE.NJ]

ساعدوا عيالكم ع المشي انا كنت 24 ساعه ماسكتها من ايدها وامشي معاها
واتغافلها واهد ايدها وترد بسرعه تدور ايدي لوول وتعلمت ع المشي بسرعه ماشاءالله
ماكنت البسها جوتي ماتعرف تمشي فيه بس دلاق واخليها تمشي ع الزوليه
اسم الله عليها صارلها شهر الحين تمشي بروحها وتصعد الدري
فديت قلبها بعد اهي مافيها عافيه وايد يعني الوزن ساعدها تطير بدال المشي لوول

صح كلامج بس انه مالي خلق ومومستعيله على مشيته ادري راح ياذيني
وخدامتي الزينه بتسافر والثانيه مايبيها وانه راح ابتلش فخليه متى مامشى على راحته لما ترد خدامتي بعدين يصير خير

 

[فلافل وبطاط]

شلونكم بنات ؟؟

انا خوختي امسك ايدها وتمشي معاي بس بروحها تخاف
وساعات تغافل روحها واتخطي وجم خطوه وتقعد ...

حق الريوق صمون وجبن كرافت ،، ميني كرواسان مره جبن مره زعتر انوع لها ...
ومرات بسكوت دايجيستيف او المطاحن امنقع بشاي او حليب ...

بس صايره ما تاكل شي غداا اتلقط معانا عالفطور ...

 

[AVE.NJ]

اف انه فهود وايد يحب الحلو
اليوم اشتهيت اطلع قبل الفطور جان اقول حق ريلي مشتهيه سابليه السالميه جان اروح الساعه 4 جذيه
امبيه الناس كلها بره والحياة سعيده وانه كل يوم مجابله المطبخ
المهم دخلت سابيله والا متروس جنه بخلص الاكل
والا الكل يشوف فهود والفلبينيات الكل يعطيه نقصه تدرون ابيض ومتبتب يحبونه الفلبينيات سوى جو
المهم زلابيا اليابس اسم الله عليه ياكله وقطايف وكنافه وكل شي حلو المهم نبي نطلع مانقدر من الشو اللي سواه فهود تدرون يعطونه حلو يعني طاقه يقولهم كل اللي تعلمه
يحط ايده وجنه يقول كيفي ويعد اصابيعه ويقولون له مكان عيونه يوريهم وخشمه طبعا مااشر بس يسوي حركه بخشمه وحلجه يطلع لسانه اهما يعطونه حلو واهو يبدي بالعبط
بس مايبي احد يشيله عطوني حلو واقولكم كل اللي حافظه اسم الله عليه بسرعه يلقط
بس مشكلته مايقول ماما بس بابا

 

[•Brown•Sugar•]

لوووول ايفاا ربي يحفظه من العين
انا بنتي تضحكني اذا زفيتها ولا عصبت عليها
تيي تتلزق فيني وتمد البوز يعني ببوسج
وانا اقولها ماكو بوسه انتي مو حلوه تبرطم لووول يعني انا زعلت
وتستانس لما تمسك المشط تركض وراي يعني بمشط شعرج
وتعالي عدي جم صعروره طلعتلي من التكفخ هههههههههههه

 

[AVE.NJ]

اي البنات غير
انه الموز يقول بنانا
خو البوس يمشي ويقول حبا من بعيد احسن طبعا اذا سوا حبا حق احد اترسه سعابيل
ويعد اصابيعه كله خرابيط والسياره يقولها ان ان

 

[مريم ص]

حبايبي على اساس الدوامات قربت و المدارس بتفتح
مو ناويه اتدخل ولدها و بنتها الحضانه ؟؟؟

بصراحه انا اعيالي كلهم اكبار و بالمدارس الي كم سنه ما عندي ياهل بالبيت
بس العام يوم جبت دندونه كانت بروحها و كانت اصغيرة و ما تفهم بس الحين اسم الله عليها عمرها سنه و تفقد اخوانها اذا راحوا و خلوها
ذاك اليوم اخذت اعيالي للايوب اشتري ملابس المدرسة و خليتها
شنو سوت فينا يوم وصلنا اقعدت اتكفخ بخوانها و اتلملمهم واضح انها فاقدتهم حبيبتي و الخدامة تقول من رحتوا و اهي تطق بيبان الغرف و اتناديهم و تبجي
ما ادري شنو اسوي فيها اذا داومنا اكيد راح تقعد بالبيت تبجي
خاطري اسجلها بحضانه عشان تلعب مع اليهال بس قلبي ما يطاوعني توها اصغيرة

 

[AVE.NJ]

مرت سنه على فهودي حبيبي
كل عام وفهودي بالف خير :nbvppw::nbvppw::nbvppw:

 

[AVE.NJ]

حبايبي على اساس الدوامات قربت و المدارس بتفتح
مو ناويه اتدخل ولدها و بنتها الحضانه ؟؟؟

بصراحه انا اعيالي كلهم اكبار و بالمدارس الي كم سنه ما عندي ياهل بالبيت
بس العام يوم جبت دندونه كانت بروحها و كانت اصغيرة و ما تفهم بس الحين اسم الله عليها عمرها سنه و تفقد اخوانها اذا راحوا و خلوها
ذاك اليوم اخذت اعيالي للايوب اشتري ملابس المدرسة و خليتها
شنو سوت فينا يوم وصلنا اقعدت اتكفخ بخوانها و اتلملمهم واضح انها فاقدتهم حبيبتي و الخدامة تقول من رحتوا و اهي تطق بيبان الغرف و اتناديهم و تبجي
ما ادري شنو اسوي فيها اذا داومنا اكيد راح تقعد بالبيت تبجي
خاطري اسجلها بحضانه عشان تلعب مع اليهال بس قلبي ما يطاوعني توها اصغيرة

والله مانصحج حضانه بهالعمر بس سنتين يمكن

 

[فلافل وبطاط]

واااي حياتي ربي يحفظه ويخليه

مريم لااا حضانه حرام توها صغيره ،،، سنتين سنتين ونص
ممكن ...

 

[برميت]

صباح الخير بنات
خلاص كوكا مشت رسمي
رحت طعمتها تطعيم بو سنه
رديت البيت جان توقف و تمشي
اسم الله عليها تفتر بيت امي بالصالات الي تحت
تدور و تركض و تصرخ من الوناسه ماتبي توقف
ولا تبي احد يوقفها او يمسكها
تمشي و تطالع ريولها مو مصدقه انها تمشي
والله احلا لحظه بحياتي اسم الله عليها بنتي كبرت

 

[برميت]

ايفا اسم الله عليه فهودي

عيل كوكاتي تموووووت على المكياج
و تبجي اذا ماعطيتها جنطتي لانها تدري داخلها
جنطه المكياج. تبسط و تفتحها و تطلع الحمرا و تييني و الا تحطلي و اذا ماعطيتها ويه تحط حق ابوها
و تطبق براطمها علشان يقلدها و يطبق براطمه حق الحمرا لوول
و تعرف انه فرشه البودر حق الخدود و تحطله
و تعرف الكحل حق العيون
امس اختي حطت لها ماسكرا تقول بنتج تخرع لما حطيت لها ماسكره رزت ويها و لا خافت احوش عيونها
و لما حطت و خلصت تصرخ من الوناسه

كنت ابي بنتي تكون دكتوره بس شكلها بتصير خبيره مكياج


امس شريت لها جنطه العيد بشوفها عليها تعرف ولا لا
قامت و حطتها بيدها و قعدت تتمشى فيها
جنها عيوز وااي كلبه اتينن و لما ييت باخذها منها علشان اخشها افحطت من البجي
و ماسكتها الا لما عطيتها جنطه مكياجي

و حركتها اليديده الي تسويها
لما نغني لها يمه يا البارع قويه العين يبيلها ريلين واحد بو روبيه واحد بو روبيتين
تحط ايدها علي عيونها و تمغطها
حركه عيااره

 

[فلافل وبطاط]

برميت هههههههههههههههههههههههه
اسمله عليها ربي يحفظها ويخليها

عندنا يدتي كل تقول ليه حبو قفضو وليه مشو رفعو

ماوصيج عااد شيلي ورفعي اللي جدامها الحين
والفال لي شيوختي تمشي ،، مزاااجيه اذا تبي تمشي
والله تفتر بالغرفه واذا ماتبي ماتتحرك كلش...

والمكياج زين عندج اتحط لج انا اتحط حق روحها وتاكل
اميننتني...

حنيتيها ؟؟
انا حنيت خوختي امبيه مو صج اعفستني مع انها نايمه

 

[AVE.NJ]

انه اليوم طعمت فهود اسم عليه بجى شوي وسكت
ترا تقول السستر عادي ماراح يصخن

 

[AVE.NJ]

انه فهود يموت على اغنية افتح ياسمسم ينهار معاها
حطيتها رنتي وكل شوي يعطيني التلفون يعني حطي لي افتح ياسمسم
ويرقص بعد معاها

 

[•Brown•Sugar•]

كتاكيت عيالكم :***** اسم الله عليهم

 

[ايمانو حلوة]

حلاة الاطفال

رهووووفة ليلحين ماتمشي بروحها بس تمشي معاي يبيلها شوي بعد

 

[•Brown•Sugar•]

برميت مبروووك حبيبتي وان شاءالله تشوفينها تمشي ع الكوشه

 

[فلافل وبطاط]

يلا جهزوهم حق العيد ،، انا 3 مرات رايحه وراده عالمحل ابدل الجواتي
صاروا صغار ):

بضبط امور خوختي واختار لها بدلة اول يوم ... عشان بالليل اتفرغ حق شغلي

 

[shai6ona19]

اسم الله على عيالكم يهبلون الله يخليهم لكم

عقبال ماتكبر بنوتي ويصير عمرها سنه وتمشي

توها عمرها شهر الله يحفضها لي^_^

 

[فلافل وبطاط]

الله يخليها لج وتشوفينها عروس ..: