تجمع امهات مواليد شهر 7 و 8 لسنة 2010

[كتكوته22]

يحلوج بربيره نفسي اي والله تشويق وآثاره فلم أكشن لووووول يحلوج اي والله نفهم بعض حبيبتي اي والله صج كل ما يكبرون تكبر معزتهم فلاذات أكبادناالله يحفظهم يارب وايفا الله يرزقج بنوته عشان تبدعين بلبسها وتحسين بمعاناتنه جن تجهيز عروس يننون 

 

[برميت]

بنات ابشركم .. ابوي طلع من المستشفى امس و كتيت عليه نون على سلامته الف الحمدالله


لوووووووووووول ايفا ضحكتيني بسالفه الجواتي

لا حبيبتي انتي مو عتيجه ..اذا يتلج بنت ان شاءالله بيحوشج الينون الي احنا فيه

بنات على طار يالجواتي و البوتات ..خذيت لها واحد اينن من برنسس وااايد حلوين و كشخه و لقيت بعد بسنتر بوينت بس للاسف المقاسات المخلصه
و شريت لها باندتين من محل الباندات الي قلت لكم عنه .. و خذيت لها هيلاهوب و خلصت و ملصت

الحين باقي احنيها بليله العيد
و شعرها ملوع جبدي ودي اطول بس الحين طوله كلش يلوع الجبد ..و عيد ... ماادري شسوي اقصه و لا اتحمله على ما يطول
حتى ريلي مايبيني اقصه ..ودي بس ارتبه لو بس القذله تقزقز عيونها

 

[بربيره]

قوه بنوتات اشلونكم لكم وحشه هاع انا اليوم مع الاسف ما رحت السوق كنت بطلع و لابسه جن ننعزم و حولنا على مقر ثاني

باذن الله باجر اطلع وااااايييي وناسه شوفوا برا طاق مطررررر يا سلااااامممم حدي اشتقت للبرد هاع

صج بعد جم يوم احتمال نسافر و درجة الحراره ٢ فحدي متخوفه ان بنوتي تمرض و لازم اروح اتشرا لها ملابس شتويه

حاليا عندي وااااايييييد جاكيتااات بس باخذ بنطرونات انا احب اللقنز بس اخاف ما يوفي مع البرد انتو اشرايكم ؟

و لازم اخذ لها تريننقات و هاينكات و ملابس بيت شتويه الله يعيني يارب يارب ما انسا شي ولازم اجهز لي انا بعد ملابس بيت شتويه تهئ تهئ

الله يعينا على فرارة السوق لازم نخلص بوقت قياسييييييي

 

[بربيره]

برميت اذا قصيتيه تتحسفين البيبيات شعرهم ما يطول بسرعه

انا قصيت شعر بنتي و تحسفت و انا بعد بروح اقص قذلتها بس بارنوبه و دبدوب

امي تقص حق خواتي بالبيت وانا اطفرررر لان يفرق قص القذله بالصالون عن البيت

 

[برميت]

لووووووووووووووول بربيره امج جنها امي تمووت على القص

يمكن اجازف و اخليها تقص قذلتها ...بس شعرها من ورى ضيييم ضيممم حتى لو اسويه اشتسوار مو حلو ..شعرتها خفيفه شكلها بسويلها لفافات بالعيد لوول

اشوه انه بدله اول يوم كبوس ..ولا جان توهقت

شريت لها بوت حق بدله اول يوم و تحسفت لاني كنت ناويه البسها الحيول

ماادري البسها البوت و لا البسها فلات
البوت يهبل عليه فرو و يلمع اشحلاته ..خل اصوره لكم لي رحت البيت

 

[فلافل وبطاط]

برميت الحمدلله على سلامة الوالد وقرة عينج

ايفا الحمدلله على سلامة فهودي وحلوين بدله كافي ..
والبرتقاليه اتشوق ...

كتكوته سلامتها العسوله انا بعد بنتي وابوها نزله معويه
ومجابلتهم .. اطل على التجمعات واطلع ... وماتفقدين غالي...

روزي كللللوووووووش مبروك ولاتنسين النون .. اتصدقين بنتي
للحين ماسويت لها نون تعبانه مالي خلق ...

بربيره بسج سوق ... والله فلوسنا طايره عاللبس والمشكله اصرف ولما
ارد احس ماشتريت شي ... ابي بعد هههههههههههههه ...

شعرها مابقصه .. بحنيها ليلة العيد ...

بشوف بدلها شنو ناقصهم ... واجهز شغلنا وافتك ..
تعبت والله هالعيد بنتي وخواتي ٣ وانا لان امي اتعبت علينا وانا وديتهم
اشتريلهم ...

 

[بربيره]

قوه بنوتات

توني راده من السوق رحت اتشرى حق قطوتي ملابس شتا للبيت حق السفر

و لقيت تشكيله حلوه بفاشن مل بس بكمل باخذ لها تريننقات يارب باجر اخلص الشغل

 

[فلافل وبطاط]

اهلين بربيره
عليها بالعافيه الحلوه ...

 

[مزيونه 79]

صباح الخيرات بنات شخباركم
الجوووووو خياااال

 

[برميت]

هلا روزي و هلا فلافل لكم وحشه

كوكاتي مريضه بعد قلبي ..سناسين و كحه
هذا و انا ملبستها شتوي ..امس رايحه عيد ميلاد والله كل البنات هناك صيفي و نص جم و حفر الا كوكا مشتيه جم طويل و هيلاهوب ...برد والله برد عليهم حرام نص جم

و مارده بنتي مرضت

هالشهر ضربت الرقم القياسي كل اسبوع اوديها الطبيب ..اول مره حراره ..ثاني مره حساسيه بكل جسمها طلعت من الحراره ..و بعدين حراره و احتقان و الحين سناسين و كحه

انا على طريف و ابجي

امس حطيتها بلبسها شي من هدومها الي شريتهم
كلهم والله كلهم كبار عليها و المشكله في شي مو من الكويت و شي من زمان شاريته ماراح يردونه

بوديهم الخياط بضيجهم

حده ضاق خلقي

 

[بربيره]

برميت لا يظيق خلقج

كل اليهال قام يمرضون بالدور موسم مرض الحين

و انشالله بسرعه تطيب انا بنتي يوم مرضت قلبي كان ينعصر

لان احس فيها خمووول و مره وحده تكرمون ترجع و بعدها تضحك

و عيونها ذبلانه والله تقطع القلب حاسه فيكم و اذا عالملابس الله يعافي الخياييط

كل شي يتضبط و اصلا يطلع احلا لما تضبطينه بالخياط للحين ما انسا مدرستنا الفيزيا

تقول بنتها كانت تشتري لها من جونيورز و تعدله بالخياط و تضبطه يصير قياسها و احلى

فلما يسالونها تقول والله شاريته من برا خخخخخ شفتوا عيارة الحريم*

 

[بربيره]

الله يعافيج فلفول وينج غاطه

امس بنتي فصلتتت كنت بالحمام جن تطق الباب

و رديت انا طقيت البيت ماتت من الضحك صارلنا ربع ساعه

انا بالحمام وهي برا اهي تقط الباب طقه و انا اردها و تفصل من الضحك

وانا اضحك على ضحكتها و سوالفها جن افج الباب و اشيلها و ابوسها و اعظها خخخ

ولا تطق صدري جنها قاعده تطق الباب و ارد لها الطقه امبي لا فصلنا امس

 

[مزيونه 79]

برميتوا حبيبتي ماتشوف شر كوكا
والله حتي نونو مريضه صدرها وكحتها جنها شرقه تخرعني بالليل جنها شرقانه واهيه نايمه تكح حبيبتي
وتاخذ مضاد وثلاث مرات باليوم كمااااااام

 

[بربيره]

اخيييييسه روزي ما تشوف شر بنيتج والله يكسرون الخاطر بروحهم نتفه

 

[EleGanZa]

بااااك

قطعت عنكم حمودي دودي كان مريض بعد عمري نزله معويه والحمدالله صار احسن


بنات شكلكم ما تذكرتووونييييييي


انا ساد فيس بس متنكره خخخخخخخخخخخخخ

 

[برميت]

هااالوو ساد وين هالغطه

مساكين هاليهال معورين قلبي

امس وديتها الطبيب ..جان ابجي عنده لووووول ..طلعت كل الي بجبدي من يوم دخل ابوي المستشفى لي يوم شفت هدوم كوكا كبار عليها لووول
قلت له ابي بنتي تمتن ..قالي طبيعي جذي ..قلت له ماابي كل اليهال الي اصغر منها صاروا طولها و امتن منها مشاءالله و اهي للحين تلبس 6-9 و هم كبير ..قالي بعدين تكبر و تمتن و تودينها تسوين لها تكميم و رجيم ..قلت له راضيه بس خل تمتن

عطاني حليب فيه سعرات حراريه اكثر ..رديت البيت طايره من الفرحه ..و يت اعطيها جان تحذف المميه على راسي ..ولاعت جبدها منه ..لدرجه انها طول اليوم ماكلت شي من كثر ماهي لايعه جبدها

بطت جبدي نرفزتني ...امي و ابوي زفوني زف ..يقولون لا تلعبين بهرموناتها و جسمها

و امي تقولي انه انا كنت مثل كوكا ...ولما صرت 8-9 سنين كانت تخيط لي لانه مافي شي قدري بالسوق
اهئ اهئ ...حده ضايق خلقي على بنتي ...صارلها شهرين وزنها 8 كيلو ..و من 6 اشهر و حفاضاتها رقم 3
مو من صجها اهئ اهئ

 

[EleGanZa]

برميتووووووووو لا تخليني اعصب علييييج


دام نموها طبيعي عااااادي


ولد رفيجتي اكبر من حمود بشهرين او ثلاث ويلبس هدوم ٩ تخيلي !!

لا تعقدين البنت خليها ضعيفونه اهيه عودها ضعيف

مردها بتمتن ان شاءالله بصحه وسلامه لاحقه عالمتن

 

[EleGanZa]

انا موجوده خخخ

بس مادش بنكي هذاك وايد وكله بالقسم التجاري واطلع احس ماكو وقت والمنتدى صاير مو مثل قبل





بنات بسالكم


شنو توكلون عيالكم ؟؟؟؟؟؟؟؟؟


مابي اعطي حمود خرابيط مسكين زهق من نفس الاكل

الصبح حليب وبيض او سيريلاك
الظهر الغدا على حسب غدانا شنو
العصر حليب او سيريلاك
بليل خرابيط فرايز وسوالف كلش مو مفيده



مادري شعطيه لان انا اساسا ما اكل وايد كل اكلي خرابيط فقاعده اعطيه معاي

صارله جم يقولي ماما ام ماما ام يعني يبي اكل خخخخ عذبته :'(

 

[EleGanZa]

اي ونسيت

مرات اعطيه روب او زبادي اللي يكون فيه فواكهه

والعصاير بكل وقت

 

[ايمانو حلوة]

برميت
ماتشوق شر شيوووخة جو مررررض
ولا تلعبين بالبنية خليييها والله رهف صار لها 3 ايام ماتاااااااااااكل لقمتين بالضضبط والله قمت ابجي بس اليوم شوي احسن كلت عيش وملوخية معانا وريلي قال عقب العيد بنوديها مركز غنيمة بطمن على وزنها بعد والله احاتيها حيييل شهيتها قلييييلة للاكل وايد وتلبس من 0 لي 6 لووول يقدونها النتفة

بربيرة
ماتشوف شر بنوووتج سوالفها وشتناتنها تشوووق يحليلها



ابي ترنقااات حق رهف ابي عملي شكلي بروح فاشن مل بس ريلي مايحب هالاماكن تلووع جبده لووول


رحت من جم يوم الافنيو مريت موناليزا زووووووغة اشياءات وااااو عجبني ترنغ علي تنورة او بنطلون على مرت باباي اينن ياحلاته وتنورة لونها رمادي فيها كشك مشيرة باحمر اتينن بس غاالي شوياات وانا شريت للعيد خلصت وصرفت وااايد بشوف عالمعاش الياي اشتريلها شي حلوو ونايس منهم