تجمع امهات مواليد شهر 7 و 8 لسنة 2010

[عاشقة لندن]

هلاااا عشووقه اشلونج قلبي من زماان عنج

انا عيل بنتي عصله تخرع ..والله للحين تلبس مقاس من 6-9 و عندها بجامات من 3لي 6 للحين قدها ..بعد عمري عصله مسحوته

امس بعد قلبي قاعده تمشي بالمشايه ...جان تدبق على ويها ...و خلاص قررت ما تقرب صوب المشايه

هلا فيج ياقلبي

الحمدلله بخير اي والله من زمان عنج وعن البنات ام زاكي وايفا وروزي مون تدرين عن سادوو شخبارها ؟


ترى طبيعي تكون عصله الحين وقت الاسنان وبسم الله عليهم يتحركون وايد اهم شى اسأل الطبيب اذا قالج وزنها طبيعي خلاص لا تحاتين

 

[فلافل وبطاط]

واااي بنات فقدتكم والله

شلونكم وشلون عيالكم ؟؟

حطيت موضوع عيد ميلاد شيوخه اللي حده كان
شاغلني ...
والحمدلله الحفله الكل استانس فيها ...

يبت دي جي وتصوير فيديو ،، وانا ماسكه المايك والمسابقات
واختي وزعت الهدايا ...

لعبت الصغار والكبار ..

وبنتي بس امبحلقه عيونها ومبوزه ...

مع انها ترقص وتتهز على اي موسيقى واتصفق بس شافت
الناس تنحرت هههههههههههههههه فديتها

بدت ترفع روحها وتوقف شوي بس للحين ما مشت...
خواااافه احس فيها

 

[برميت]

اشلونكم بنات شخباركم والله لكم حشه من زمان عنكم

هاالووووو حبيبتي شخبارج :eh_s(17):

 

[برميت]

حتى انا بنتى عصله وقايلين لى حليب بروجرس يمتن ويفتح الشهيه

كوكا تشرب اس 26 نفس بروجرس ..بس اهي ماتكمل حليبتها ..تفضل الاكل على الحليب

 

[برميت]

برميت ودي بنتج عند الدكتوره ريم قنواتي متخصصه بتغذيه اليهال وايد زينه وحبوبه
انه اول ماادخل عليها تخمط فهود وتحطه عندها بس ولدي يفشل مايبي الناس
وانه صحه ولدي وايد زينه منها تعطي شيوخه فيتامين وتعطيج اكلات متنوعه
وبالها وسيع وتعطيج من وقتها تهبل شوي عليها

انا وديتها عند البرفسور خالد السعيد حده عجيب ..لما شافها قالي ليش ضعيفه جذي ..و قعد سوا معاي تحقيق ..جان يكتب على ملفها وراااااثه ...لانه ابوها مصعوي مثلها و انا كنت مصويه بعد ..اثنيناتنا كانوا اهلنا يعالجونا علشان نمتن ...فقالي هذي وراثه و مافيها شي ..و سالني عن اكلها و كل شي تمام ..لاني كل شي اعطيها ..ماابيها تكرهه نوع من الاكل ..كل شي تاكل و الحين بدت تخربط تاكل بطاط بفك و عصير سانكست ..و الاكل المهروس ماتحبه و اكل اليهال هم ماتحبه تبي تاكل من اكلنا ..و عندي كتاب فيه وصفات عطيته خدامتها و كل يوم تبربس و تسويلها شي و تجرب فيها .. وزنها توه يوصل 7 كيلو ...يعني وزنها نفس وزن كرشتي لوووول

 

[برميت]

هلا فيج ياقلبي

الحمدلله بخير اي والله من زمان عنج وعن البنات ام زاكي وايفا وروزي مون تدرين عن سادوو شخبارها ؟


ترى طبيعي تكون عصله الحين وقت الاسنان وبسم الله عليهم يتحركون وايد اهم شى اسأل الطبيب اذا قالج وزنها طبيعي خلاص لا تحاتين

ايي ساد بخير الله يسلمج متواصله معاها و بوصل لها سلامج

 

[برميت]

فلافل و بطاط ..كل عااام و شيوختج بالف خيير و عقبال نشوفها احلى عرووسه

للاسف ماراح اسوي عيد ميلاد حق شيوختي لانه بيكون بالعشر لاواخر ..و هم اهي صغيره ماتفهم شنو عيد ميلاد
بس مسويه لها شي حلو و غريب بالقرقيعان ..اذا انجحت فكرتي راح اقولكم عنها

و الف الف مبرووك و سنه حلوه يا جميل

 

[فلافل وبطاط]

حياتي ربي يبلغج فيها
ونشوف الشيخات عرايس

متشوقين اانعرف انشاالله تضبط ..

عاد انا للحين ماسويت قرقيعانها

 

[غلا الكويت]

صباح الخير علي الحلوين

ممكن اشترك معاكم ولدي من مواليد 2010 شهر 7

سويت له حفله صغيره ليوم ميلاده
وخلصت لبس القرقيعان باقي العيد واول يوم رمضان

بسوي له 3 دشاديش وحده للعيد واول يوم رمضان بحط معاها سديري مكتوب عليه مبارك عليكم الشهر والقرقيعان نظام بحري وللحين جاري البحث عن فكره للتوزيعات و العيد
العيد اللي طاف سويت له كبكات علي اسمه العيد هذا محتاره شنو اسوي له شنو عندكم افكار

 

[فلافل وبطاط]

غلا صباح الخيرات
وحياااج
ربي يبلغج فيه معرس انشاالله
حلوه فكرتج وياحلو الصبيان شغلهم مريح

 

[ايمانو حلوة]

بناتوووو

ترى عادي البيبي ابهالعمر يكون شوي ضعيف لان فترة تسنيييين رهووفة مادري جم وزنها بس مو اكثر من 8 كيلو لانها انولدت 1900 نتفة

وبخصوص الااكل هي تحب اكلنا يعني اذا سويت عيوش ومجابيس واشياء جذي اعطيها معانا بس اذا باستات وشغل شوي لا اسويلها عيش وخضار او عيش ودياي او سمك فيليه مقلي والااكل المهروس هذا ماتاكله كللللش تلوع جبدها منه من بديت اوكلها ماكانت تطييقه نهائي ولاتحاتون شوي شوي راح يتعلمون المشي الين سنة وثلاث شهور

 

[فلافل وبطاط]

انا بعد بنتي تبي اكلنا
بس اسمله عليها كانت تختوخه وفشت يمكن عشان
التسنين ...

مشكلتي معاها الحين انها متعلقه بأبوها بشكل مو طبيعي
اي مكان يروح تلحقه وتبجي اذا دش تكرمون الحمام يتسبح او شي
تقعد تبجي عليه لين تشاهق ..

مع ان نص يومه بالدوام ويرجع يتغدا ويريح شوي وهم يطلع اغلب وقتها معاي
صايره لدرجه ماترضا امسك ايده او اجيسه

اليوم شفتها ماسكه فوطه وتمسح جوتيه عزكم الله وتقوله بابا عشان يشوفها @@
طبيعي هالشي ولا شنو ؟؟

 

[ايمانو حلوة]

فلافل

امبييييييييه جنج تتكلمين عن بنتي رهف بالضبببببببببببط تمووووووت على ابوها متعلقة فيه حيييييل بالدراية بس يتحرك تررركض ورااااه وبس يطلع من الباب تبجي بجي تموووووووت من البجي

اتوقع لان ماتشوف ابوها وايد فتشتاقله لان اذكر مرة كنت بالصاولن طولت شوي ولمن شافتني قامت تناقز وتصرخ تبيني اشيلها

اتوقع هالشي طبييعي بس مزعج يعني قمت اخشها اذا ابوها بيطلع لان اذا شافته طالع تبجي



الا صج بسالكم جم وزن بيبياتكم اول ماولدتوهم والحين جم وزنهم؟؟

 

[فلافل وبطاط]

ايه امبيه نفس بنتج بنتي
يمكن لان مايشوفونهم يفقدونهم ويشتاقون لهم

اي والله انا بعد اخشها اذا ابيطلع

شيوخه يبتها ما شاءالله ٣.٨٠٠ واخر مره وزنتها ١١
بس الحين مادري ماوزنتها لما كملت سنه ..

اسمله عليها اخذ لها مقاساات بو سنتين

 

[ام زاكي]

هلا والله ام زاكي عاد لاتقاطعين طلي علينا
شفتي فهود عاد انه حاطته تشوفونه

اي انشالله حبيبتي ماننقطع من شر وشفت فهودي ربي يحفضه انشالله انا بنزل صوره ولدي اخليج تشوفينها قريب

هلا فيج ياقلبي

الحمدلله بخير اي والله من زمان عنج وعن البنات ام زاكي وايفا وروزي مون تدرين عن سادوو شخبارها ؟


ترى طبيعي تكون عصله الحين وقت الاسنان وبسم الله عليهم يتحركون وايد اهم شى اسأل الطبيب اذا قالج وزنها طبيعي خلاص لا تحاتين

هلا والله عاشقه من زمان عنج شخبارج وشخبار عيالج انشالله بخير والله ولهت عليكم وعلى جمعتنا قبل بس بعد الكل داله بالتربيه والبيت الله المستعان بس

 

[ام زاكي]

ماصدق عيال هالايام غير شكل بعد حتى انا ولدي نفس الشي لمن يجي ابوه يطلع لازم اخشه ولا تصير قضيه بعدها حنه ورنه

 

[فلافل وبطاط]

والله يا ام زاكي امس من طلع ابوها بجت بجي
ومو راضيه تتحرك من يم باب الشقه ومااسكتت
الا وهي نايمه عند الباب اكسرت خاطري..

واللي صار امس ان وصل البيت ساعه ورد اطلبوه
الدوام ..

عشان جذي انا اقول نفس كلام ايمان يفقدونهم ويشتاقون لهم

ولا هو كل مره يطلع وتبجي شوي واخذها تهدا وتنسى بس امس غيييييييييير

الله يحفظهم ويخليهم

 

[برميت]

فلافل و ايمانو انا بنتي عكسكم ..لا تشوفينها لين رديت من الدوام تلمني حييل و تدبخني جنها سنه ماشافتني ..حتى امي تقول ودها ترد داخل بطنج علشان ما تخلينها والله اذا طلعت اقضي مشاويري و شغلي و ارد البيت ..تموت من البجي ليش ما شلتها و لا لميتها ..ذاك اليوم حصلت زفه محترمه من يدتي ..قالت لي يا الظالمه يالي قلبج صخر و عيبت علي لين قالت بس لانها شافتني لما دخلت و اشلون كوكا تستقبلني ...تقول والله لو عندي بنت جذي والله ما اخليها و لا دقيقه ...جلبه بنتي تحطني مواقف باااايخه و بالنسبه للوزن بالولاده 3و 250 و الحين يا دوب 7 اذا مو 6 و كسور ..بس تصدقين احسن علشان ما ينكسر ظهري و انا اشيلها

 

[AVE.NJ]

الله يخليهم انشالله
بنات اشتبون بالمتن انه ولدي متين مسكين مالبس هدومه كلش
واللبس حبيبي يلبسه مره وحده وعلى المره الثانيه الا موقده
وعيون الناس عليه
وعلى الاكل مايقول شي اي شي اعطيه ياكل بس هالايام ليش قاعد يطلعله الانياب وايد متعبينه
حتى ينام على ويهه ويحب التشريبه مع الرقاق واسبكتي مع لحم مفروم عيش مع سمج
وانه ولدي اذا بطلع يحن بس على طول نعطيه بفك بوسفينه يسكت هذا نقطة ضعفه غرامه الوحيد

 

[برميت]

لووووووووووووووول ايفا نفس كوكااا تموت على بفك بو سفينه مع اني خايفه منه لانه ما ينفع ...بس العصاري تموت عليه مع عصير سانكست او المراعي كوكاتي تحب تاكل بروحها ..ماادري شنو الاكل الي تقدر تاكله بروحها مثل البفك ..بس ابي شي مفيد ..امي تقول حطيلها خضار المثلجه فوحيها و عصري عليها ليمون و اشويه ملح و خل تلقط و تاكل ..بس متاكده ماراح تاكله ...انا ما احبه اشلون اهي تحبه اشوف بالافلام يحطون حق عيالها اكل يلقطونه و ياكلونه مثل كرون فليكس بس كرون فليكس يابت ..ابي شي مفيد تاكله ؟؟مرات اقطع لها موز صغار و تستانس عليه تلعب لعب فيه تسويه مريس بيدها ..بس تاكله ..ابي شي جذي