تجمع امهات مواليد شهر 7 و 8 لسنة 2010

[أفراح الكويت]

مساكم الله بالخير شخباركم
واسفه على التأخير لان ولدي استمرض علي من هالانفلونزا القشرا
جبت لكم اسم الجل وهو *Pansoral طبعا دلكي شوي شوي تلاقين الطفل يستانس *

 

[•Brown•Sugar•]

فلافل << ما افكر لان الياهل يبيله عنايه واهتمام وانا ماعندي خدامه وابي افضى حق نفسي شوي
سارا << احسن فرع حق اعياد الميلاد ماكدونالز اللي ع البحر وناسه وكبير وفيه العاب حق اليهال

بنات انا بنتي بس تقول ماما وبابا ودادا ونانا
امي تقول انا لما كنت بعمرها كنت اغني @@
انتوا عيالكم مثل بنتي ؟؟

 

[•Brown•Sugar•]

افراح << مايشوف شر ولدج

امهات اللي تبي بنتها او ولدها يحبي اهي تساعده
تحطه ع الارض وتخليه بوضعيه الحبو
وتحرك ريوله وايده لما ياخذ الحركه ويتعلمها

 

[فلافل وبطاط]

براون اي والله صعبه بدون خدامه
انا الحين بنتي وحامل وخدامتي عررت علي ومتوهقه
هي هذي هم انا معاج

انا بنتي تأخرت لان دايما شايلتها ماقطها عالارض
بس لما بديت احطها واخليها على بطنها بدت شوي شوي تحاول لين حبت

وجل بانسورال وايد زين حق مرحلة التسنين كنت استخدمه حق بنتي واستخدم لها المره

 

[فلافل وبطاط]

ايه براون عادي جيلهم غير جيلنا
بابا وماما ودادا وديده بس هذا اللي يطلع منهم
هههههههههههههههه

 

[sara_77]

انا بنتى كلا بابا ذابحها هالبابا حتى داد ماقامت تقولها نستها كانت تقولها قبل


براون بسال عن ماكدونلدز البحر ويبيله ايام عاديه مو بالويكند زحمه مافى مواقف

هذا الجل امس شريته حق بنتى وقاعد استخدمه حقها وشكله قام يريحها لانها وايد صارت عصبيه بسبب الاسنان

وعلى الحبى انا بنتى يااما شايلينها ولا قاعده على القنفه مرات اقعدها على الارض واحاول معاها تحبى انا بنتى مشكلتها اذا قعدت تقط روحها لورا فجاه يعنى جم مره طايحه على الارض وجم مره حايشه خشبت السرير ماردى ليش فيها هالطبع فاخاف اقعدها على الارض واخليها الا وراها شى

 

[غنوة ستايل]

ساره انا جبت فرشه من ترافيليو عباره عن فلين 4 قطع اركبهم مع بعض على 5 دنانير
اقعد ولدي عليهم حتى لو طاح عادي لان يطيح على فلين وعليه رسومات ( دب العسل واشكال حلوه )
واحط له تركيبه عنده يقعد يمصمص فيهم مع ريموت كنترول خربان . ويلعب
اول كان يقعد الحين صار لا يبي يقلب ويطيح ويرد يقعد يعني عادي
انتي بس لو تجيبين الفرشه هذه اللي اقول لج عليها ترتاحين من الخوف عليها لو طاحت او لا

 

[دنيتي كلها دودي]

مســاائكم ورد وجووري
شلوووونكم
انا ولدي بسم الله عليه عمره ٩ شهور استعنله جل بانسورال والحمدلله يهبل بس اعطيه يرتاح حييل عليه
بس انا متضايقه من شغله إذا يبي ينااام بجي وصياح عشان ينام والحليب صاير مستحيل يكمله كله من غيرته كان سيميلاك وصار فيه امساك وحطيته نوفيلاك تكفون ابي حل << ادري قرقت واااجد هههههااي

 

[الرها]

مررراااحب
بنتي بتكمل سنه ان شاء يوم السبت
تحااااول توقف بروحها وطبعا ماسننت
وتقول بابا ماما دادا واهم شئ ايددده ( جده))

 

[•Brown•Sugar•]

الجل مايفيد الا اذا كانت لثته وارمه
يعني اللي تسنينه بارد ماراح يسويله شي بس يخدر لثته لوول

 

[sara_77]

ساره انا جبت فرشه من ترافيليو عباره عن فلين 4 قطع اركبهم مع بعض على 5 دنانير
اقعد ولدي عليهم حتى لو طاح عادي لان يطيح على فلين وعليه رسومات ( دب العسل واشكال حلوه )
واحط له تركيبه عنده يقعد يمصمص فيهم مع ريموت كنترول خربان . ويلعب
اول كان يقعد الحين صار لا يبي يقلب ويطيح ويرد يقعد يعني عادي
انتي بس لو تجيبين الفرشه هذه اللي اقول لج عليها ترتاحين من الخوف عليها لو طاحت او لا

اى عرفت شنو تقصدين يبيلى اشتريها حق بنتى وشفيهم على الرموت حتى بنتى غرامها الريموت نعطيها رموت الدى فى دى لان اذا مسكت رموت الستلايت ماتخلينا نشوف شى

 

[sara_77]

مســاائكم ورد وجووري
شلوووونكم
انا ولدي بسم الله عليه عمره ٩ شهور استعنله جل بانسورال والحمدلله يهبل بس اعطيه يرتاح حييل عليه
بس انا متضايقه من شغله إذا يبي ينااام بجي وصياح عشان ينام والحليب صاير مستحيل يكمله كله من غيرته كان سيميلاك وصار فيه امساك وحطيته نوفيلاك تكفون ابي حل << ادري قرقت واااجد هههههااي

عادى اليهال كلما يكبرون يتدلعون ويتشرطون زياده انا بنتى وقت النوم تبى تلعب تشيل المخده اخليها لما تتعب وتمل بعدين اعدلها وانومها حتى الحليب مرات ماتبى تشربه من اول مااعطيها بعد ماتلعب شوى اعطيها تشرب وعادى اذا ولدج قام ياكل تقل كمية الحليب اللى يشربه

 

[•Brown•Sugar•]

÷
÷÷÷÷÷
÷÷÷÷÷÷÷÷÷
÷÷÷÷÷÷÷÷÷÷÷÷÷
÷÷÷÷÷÷÷÷÷÷÷÷÷÷÷÷÷
÷÷÷÷÷
÷÷÷÷÷
÷÷÷÷÷
÷÷÷÷÷


اب وينكم امهات
شالدنيا فيكم

 

[غنوة ستايل]

انا ولدي للحين واقف عند بابا او ابا ابا ابا
بعدين يتذكرني يقول اما اما اما اما
ومرات يجمعهم مع بعض بام بام بام .. يعني الكلمات مخربطه عنده

 

[غنوة ستايل]

÷
÷÷÷÷÷
÷÷÷÷÷÷÷÷÷
÷÷÷÷÷÷÷÷÷÷÷÷÷
÷÷÷÷÷÷÷÷÷÷÷÷÷÷÷÷÷
÷÷÷÷÷
÷÷÷÷÷
÷÷÷÷÷
÷÷÷÷÷


اب وينكم امهات
شالدنيا فيكم

قوه ياقلبي شلووونج

 

[~ M!sS D!oR ~]

واااااااااااااااي ياحلاات البنااااااااات والله
انا بنتي طاايحه بكلمة انا وانا وتمطهااااااااا
واذا شاااافت باااب الشقه مفتوووووووح علاااا طوول تاشر بيدهااا باااااااي
يعني تبي الطلعه لووووووووووووول

صج من ويييييييين بتشترووووووون لعيالكم لبس رمضاااااان والعيييييييد
ابي شي حلوووووووو ورااقي حق بنتي عالعيد بتكمممممممممممل سنه انشالله
فمن وييييييين اشنهريلهااااااا خصوصا بعد يوومين برووووح لدبي

 

[ايمانو حلوة]

هلووو بنوتات
ياحلاة عيالنا شهر 8 بيكمولن سنة

رهوفتي 1/8 اول يوم رمضان عيد ميلادها فديتها بروح السندس اذكر في محل فوق عنده شغلات حلوة تناسب رمضان

 

[الرها]

مرااااحب امهاااات

بنتي امس كملت سنه بالتاريخ الهجري طبعا
وبميلادي 1-6 باقي عليها كم يووم
جبت لها كيككتين وناديت اهلي واستاانسنا

واليوم طعمتها تطعيمت سنه ابرتين باليد ووحده بالفخذ ونقط بالفم
وطبعاااا صااااحت لين قالت بس

 

[•Brown•Sugar•]

يعورون القلب اليهال لما يطعمونهم
الله يعين بنتي توها 9 شهور والتطعيم الياي حق سنه
بكل تطعيم ودي اخذ الابره من ايد السستر واغز عيونها
بس شنسوي لوول ما باليد حيله

وحق القرقيعان باخذ حق بنتي من المعارض
وحق العيد يمكن اطلب لها من بره

وانتوا شنو افكاركم؟؟

 

[فلافل وبطاط]

هلا بنوتات شلونكم؟؟
انا حامل ومالي خلق وقاعده في بيت ابوي لان ماعندي خدامه

وما شاء الله عليها بنتي تكتسب خبرات وكلمات من خواتي
قامت تناديني يماا