تجمع امهات مواليد شهر 7 و 8 لسنة 2010

[أفراح الكويت]

مرحبا بنات شخباركم

اشوف كل وحده تشتكي من عيالها ماتسننو انا الحمدلله ولدي طلع له ضروس اللي فوق وتحت بسرعه اتوقع من الجل استخدمته لولدي ان شاءالله بس ارد البيت اعطيكم اسمه

 

[sara_77]

اخيرااااااااا بنتى طلع لها ضرس صغيره تحت

 

[دلال العلي]

سار مبروك الفال الفال لنا يارب
انا اللحين ولدي بدا يحبي يحاول وبالليل اسم الله عليه يبينا نقعد ونلعب وياه الاخ ما يشتهي يلعب الا بالليل حزت النومه

الله يخليهم لنا يارب ويفرحنا فيهم

 

[الرها]

مرراحب
بنتي بتكمل سنه ان شاء الله هالشهر
وطبعااا ولالالاسن وبس تحبيي

 

[sara_77]

انا بنتى ماتحبى بس طلع لها ضرس

 

[الجوري البنفسجي]

السلام عليكم موجودين احسب خلاص محد يدخل بعد الولاده

 

[sara_77]

موجودين ومبروك الحمل

 

[الجوري البنفسجي]

الله يبارك فيج من الثقه بالرضاعه صار

 

[•Brown•Sugar•]

امهات @@ وينكم من ولدتوا الكل اختفى شدعوه

 

[دلال العلي]

هلا فيكم اشلونكم واشلون الكتاكيت الصغار

 

[فلافل وبطاط]

انا اخر وحده انضم للتجمع حدي متأخره
ولدت 7/5 ويبت احلى شيوخه

 

[فلافل وبطاط]

شيوخه قريب اتكمل السنه
وطلعت ضروس 4فوق 4تحت اسمله عليها الرحمن
وتحبي وغرامها الدرايه عاد هي حبت واقعدت وتقلبت كله بالتاسع ههههههههه
بس سننت امبچر
الله يرزقني اخت او اخو لها انا حامل الحين

وان شاء الله بسوي لها حفلة عيد ميلادها وابيها عجيييييييييبه
عاد قررت من الحين ابي الحفله كلها شخصية سبونج بوب
كبار وصغار يحبووونه

وهمتكم يا بنات كل وحده شايفه كيكه صحون زينه بالونات اي فنتق اي فكره سبونج بوب
شاركوني افكاركم

 

[•Brown•Sugar•]

فلافل وبطاط
ربي يثبت حملج ويحفظ شيوخه
انا نهائيا وقطعيا ما افكر ولا اتخيل ولا احلم اني احمل بعد @@!!

بنتي حاليا عمرها 9 شهور وشي موجود بالتوقيع
طالعلها ضروس 2 تحت من الثامن وتبحي وتتعلق بالاشياء
وتوقف ثواني وتطيح .. الضروس اللي فوق متى المفروض يطلعون؟؟

 

[شموووخ وغروور]

الله يا احلي تجمع مرت ايام وشهور وسولفنا مع بعض ومرت اشهور وقطعنا انشغلت ف بنوتي
شخباركم جميعاا

 

[•Brown•Sugar•]

اهلين شموخ شلووونج وشلون بنوتتج

 

[sara_77]

شلونكم امهاات وينج بروان شوجر وباجى البنات ماتبينون بالماسنجر

حتى انا ابى اسوى عيد ميلاد حق بنتى يمكن اسويه بماكدونلدز بس شرايكم شنو احسن فرع عندهم حق العيد ميلاد

 

[فلافل وبطاط]

اهلين منورين

ليش ماتفكرين تحملين براون ؟؟
بس انا مع ان البيبي الاول يكبر يعني ٣ سنين وبعدين الوحده اتحمل
بس انا ادري استعيلت

سارا حلوو ماكدونالدز سوينا اذكر حق اخوي بفرع الفروانيه عشان قريب على بيتنا وعالاهل
وناسه والله

بس بنتي افكر اسوي لها شي يديد محد مسويه

 

[غنوة ستايل]

قوه بنات شلووونكم

 

[غنوة ستايل]

انا ولدي الحين تسع شهور ومافي شي
ولا شي لا سن ولا اي شي
بس اشوه الحين صار يحبي خفيف على مكوته
واهوا نايم يقدر يقوم يقعد بروحه
ويحب يوقف بشكل مو طبيعي

امس وديته الطبيب ..خالد السعيد
ما شاء الله على الطبيب روعه
فحص لي ولدي وعطاني دوا حق الكحه وعطاني فيتامين د
وقال عادي لو الطفل تم لسنه مافي سن عاادي

الحمد الله المهم اني تطمنت على ولدي

 

[فلافل وبطاط]

اهلا غنوه
الحمدلله اي عادي لا تحاتين
على حسب في يصير تسنينهم امبچر بس مايمشون بسرعه
وفي ما يسنون بس المشي عندهم بسرعه
الله يحفظه لج وتشوفينه معرس