انا ولدي الحين ثمن شهور و 15 يوم وللحين مافي ولا ضرس ولا سن ولا حاجه
الشغله الوحيده اللي فرحني فيها انه يقعد
والحين اذا حطيته على ظهره يشد حيله ويقلب على بطنه
جبت له من ترافيليو مثل الفرشه الاسفنج تلاقونها عباره عن 4 قطع عليها رسومات اطفال اركبها مع بعض واقعده بنصهم واحط وراه مخده كبيره وجبت له ألعاب تركيب وتلفون لعبه . واهوا يقعد بس يلعب فيهم واذا طاح على جنب عادي لان الاسفنج حلو يحميه بس اذا زهق يقط نفسه على ورا فالمخده تحمي راسه .
طبعا بالدراي انا ملاحظته يمشي ويركض فيه تبارك الرحمن ويمسكه ويوقف . بس يتعب بسرعه ويقعد
اعتقد المهم ان الدراي يكون نازل مو عالي عليه عشان لا يكون معلقه رجول الياهل فيضطر انه يوقف على اطراف اصابعه .
الاكل ياكل بس مو ذاك الاكل اللي يفرح لا
سيريلاك . مره اكل بطاط مهروس سويته له
ياكل قفشتين ويشبع . او يلهيه التلفزيون . المشكله يبي يمسك كل شي بيده . يعني لو جبت الصحن ابي اوكله يغثني الا يمسكه ويقعد يصارخ ويبجي على الصحن . وآخرتها يزم شفايفه ويسكر حلجه ما يبي ياكل .
