تجمع امهات مواليد شهر 7 و 8 لسنة 2010

[عزّي إيماني]

مرحبا انا ولدي اللحين عمره ست اشهر اوكله بسكوت بس مو عارفه شنو احسن اكل اللحين ابي اطبخ له خضار شنو احسن شي واكل العلب ما حبه وايد

؟

حاولي تعطينه جزر
انا اول شي جربت عطيت ولدي جزر بسرعه حب الاكل لان طعم الجزر حلو
فوحيه وبعدين بالخلاط وخليكون خفيف عشان يقدر يبلعه

 

[الرها]

صبااح الخير

 

[مريم ص]

قوه امهات اشلونكم وينكم ما تبينون

واي انا وايد متعلقه ببنتي و امس ريلي يقولي بيحجز للسفر و ما يبي ياخذ بنتي لانها صغيرة
و انا طول الليل اشوفها و تخنقني العبرة ما ني قادرة اخليها حتى اهي متعودة علي مو على الخدامة
ما ادري شسوي
؟؟؟

 

[sara_77]

شلونكم

مريم الصراحه انا بعد مااتحمل اخلى بنتى كل مكان معاااى الله يعينج
بنتى لما الحين ماطللها ضرس وعطيتها روب بالفواكه ماحبته ولما الحين بس تقعد ماتحاول تحبى او تزحف

 

[<<ام تركي>>]

مرحبا امهات اشلونكم
عندي 3بنات وولد الله يخليهم لي ويصلحهم
بنتي البجر عمرها 10 سنين وداشه مراهقه مبجر متعبتني وبنتي الثانيه عمرها 9 سنين إلي يشوفها يقول يا حليلها
هاديه والقطو ياكل عشاها وإهي عوبه وبنتي الثالثه عمرها 7 شهور شنو دلوعه بس شيلوني تخيلوا للحين ما تعرف
تقعد مدللتها اختها الكبيره كل شايلتها واذا زهقت منها قطتها علي وانا ابتلش فيها ولحطيتها عالارض تحبي ورى مو جدام
وولدي وحيدي يقولي ماما ليش كل بنات ابي صبيان <<اي مو الشغله بكيفي ان شاء الله الله يرزقني باربع صبيان عشان ولدي يستانس <<<جني قلت قصة حياتي

 

[الرها]

ياحليلج ام تركي

الله يخليهم لج يااارب


مريم

الله يعينج
انا بنتي الكبيره مووول ما كانت متعلقه فيني ولالا تبيني وهي صغيرره
كنت اروح واجي وهي عند اهلي

عكس تووحه الحين بس تصيييح شيليني واذا خليتها عند اهلي وطلعت دوووم تصيييح
وابشررركم انها حبت بس السلحفاة اسرع منها

 

[ايمانو حلوة]

رهوفة ليلحين ماطلع لها ضرس وتقعد شوي يعني ماتتوازن

 

[موجة ~ بحر]

ولدي مسكين فيه تكرمون اسهال شكله مال الضرس وصاير وايد ايحط ايده ابحلجه شكله يعقدون اسنانه على قولت امهاتنا

 

[غنوة ستايل]

قوه بنات شلووونكم ان شاء الله طيبين
انا ولدي الحين باجي له 5 ايام ويدخل السابع
للحين ما يعرف يقعد عدل
واحطه على الكرسي الحمد الله يمشي عليه ( الكرسي اللي يتحرك )
بس مشكلته للحين ما قلب . نص قلبه
والاكل ماادري
مرات اتعاجز اسوي له اكل . ومرات يغثني ياكل قفشه وحده او ثنتين والباجي ما يبيه
جربت معاه :
البطاطا المهروسه
والجزر
والروب اللي فيه فواكه ( بس حذروني منه قالوا يسوي امساك ) فوقفته .

الحين حليب .. وبس .
سيرلاك ما ودي اعطيه سكريات وهو تبارك الرحمن متروس

وحيل تعبانه خاصه اني حامل الحين ودخلت الشهر الخامس .. ما شاء الله

بنات تذكرون لما كنت اقول ابي اولد عشان احمل مره ثانية
سبحان الله .. الله استجاب لدعائي ..

 

[غنوة ستايل]

شلونكم

مريم الصراحه انا بعد مااتحمل اخلى بنتى كل مكان معاااى الله يعينج
بنتى لما الحين ماطللها ضرس وعطيتها روب بالفواكه ماحبته ولما الحين بس تقعد ماتحاول تحبى او تزحف

الف الف الف مبروووك ياقلبي توني اشوف شريط الحمل
انا بعد حامل بالاسبوع 21

 

[ام فطوميي]

قووووة امهات انا ولدت 1/8 ويبت بنوتا يما فديتها والله

 

[<<ام تركي>>]

صباح الخير امهات توني وديت بناتي المدرسه وشبكت وقاعده اشري نسكافيه مع صمونه داخلها تمر لذيذه

مبروك الحمل غنوه جان نطرتي لكمل ولدج السنه وحملتي عشان ترتاحين

شوفي انا بنتي عمرها 7 وداشه بالثامن لقعدت ما تتوازن اذا حطيتها عالتلفزيون اسم الله عليها تقعد ما تطيح
تنتبه مع الببايات تحب براعم قناتها المفضله تخيلي تقعد وتنسى نفسها وتميل لورى او على جنب وطاااااخ وسمعي
البجي لا وتعصب لبجت تلحن البجيه عوبه والاكل والله اعطيها من كل شي والحمدلله تقبلته بس فيه يوم عطيتها
جزر بروحه الظهر والمغرب عطيتها بفك روبيان واطلعت لها حبوب حمرا تحت حلجها يمكن تحسست من الجزر او البفك
مادري المهم قطعتهم عنها حرام عطيه سيريلاك وبسكوت فارليز حطيه بشوي ماي وعطيه واذا عالاكل شوي شوي
بنتي كانت نفسه
بيتقبله بس صبري الحين بنتي لشافت الاكل والله تهجم عليه اول وحده وتبجي وتصيح ان ما عطيتها منه

 

[الرها]

مراااحب أمهااات
بنتي جاها في فمها فطرريات
ومسكينه تعبتت مررره

 

[sara_77]

الف الف الف مبروووك ياقلبي توني اشوف شريط الحمل
انا بعد حامل بالاسبوع 21

مبروك الحمل والحمدالله الله رزقنا
انا عطيت حق بنتى من الروب اللى على فواكه صج سوالها امساك 3 ايام ماخرجت عزكم الله وسوالها حساسيه طلع لها حبوب بجسمها وقعدت تحك جسمها وتبجى وعطيتها زيرتك يالله ارتاحت

 

[الرها]

غنوه وساره
الله يتمم عليكم يااااااااااااااااااارب

 

[the note book]

شلونكم

 

[موجة ~ بحر]

اهلين الحمدلله بخيروانتي

 

[الرها]

وين باقي الامهااات

دوووم راقد هالتجمع

 

[غنوة ستايل]

الرها
بالنسبة للفطريات
اول شي غيري الرضاعات كلها . مع المصاصه
وجيبي القطاره اللي يعطونا اياها المستوصف صج ما يبين المفعول الا عقب 3 ايام يبدأ يخف
انا ولدي جنني بالفطريات البيضا لسانه وشفايفه لدرجه اللي يشوفه تراواله ان شفايفه عليها بقايا حليب . بس اهي فطريات
عطوني القطره اللي فيها سائل ثقيل ابيض والحمد الله اسبوع استعمال منتظم وراااحت ما صار لها اثر
وصرت اعتمد على غلي الرضاعه والحلمه الخاصه فيها لمدة 5 دقائق بعدين احطهم بالثلاجه . وما اطلعهم الا عند الاستعمال فقط
والحلمه اغيرها بالشهر مرتين الى ثلاث مرات .
الحين الحمد الله الفطريات راحت واختفت .

 

[غنوة ستايل]

مررررحبا امهاااااات

اليوم اول مره اطيييح على هالموضوووع لوووول

انا بنتي جايبتها 2-8 <<< يوم الغزو هه

الحين هي داشه بالثامن بس المشكله انها ما تحبي يني انا مراااات احلها لعبه عشاان تروحلها هي لاااااا تقعد تصرررررررررررررررخ ياتعطيني يا مالج امل اجيبها هههههه اسم الله عليها عوووبه
بس تقعد ومرات ماتتوازن وماطلعلها ضروووس وتقلب .,,<<<<ادري قلت حالتي بنتي كلهااااا لوووول بس عشان اكون معاكم عالخط

شوفي انا ولدي الحين سبع شهور و 2 يوم
ونفس الحاله
قالوا سدحيه على بطنه وحطي له شي عشان يتجرا ويروح له يزحف
بس لا امل .. مافي .. يقعد يبجي يبجي او يحط راسه على الارض ويعظ الفراش او يعض ايده
ولو قعدته اما طاح على اليمين او اليسار او قدم عمره مني ليما يوصل لرجوله ويقعد يمص اصبع رجله

اسنان للحين ما طلعت . لان البدايه سن مو ضرس . مافي امل
بس يبجي ويسعبل على الفاضي
والطبيبه قالت لما يصير عنده اسهال مع ارتفاع حراره عرفي ان يومين ويطلع سن له . فناطره العلامات اللي قالت عليها .

طبعا قلب مافي . كلش ما في امل . بس يحرك رجليه وايدينه كأنه يسبح سواء حطيته على ظهره او بطنه احسن يحفر ما يتقدم ..

واذا حطيته بحظني ابي اقعده ينط لجدام . كأنه يبي يوقف ويوقف شوي بعدين يصير مثل السرنقه يهتز صاعد نازل صاعد نازل ..

واذا قعد على الدراج ( الكرسي اللي به عجلات ) مشى وانطلق فيه . ومرات انتبه عليه انه وااااقف مو قاعد بس ماسك الدراج , وهذا اللي مخليني ما اخاف . واحس انه عادي

لان الطبيب مره قال لي لو ولدج قادر : يصلب طوله ويفرد ظهره يعني خلاااص مافي الا العافيه . وصح كلامه الحمد الله يمد نفسه ويصلب ظهره يعني مو رخو الرخاوه اللي تخوفج لا عادي ياهل .

ويمكن لانه متروس حبتين ثلاااث يتأخر بالقلب . وهذا الشي مو مخوفني الحمد الله انه بخير ومافيه شي .


انتي بنتج قعديها وااااايد على الدراج عشان تتعلم تقعد وتتعلم توقف وتمشي وتحرك رجولها والله يكون بعونج من قلبت البيت لان ولدي مو تارك شي ما قلبه على راسه