المدرسة نظامها ثنائية اللغة ومنهجها امريكي ... وموقعها بالفروانية
المدرسين في عرب وفي اجانب والمساعدات كلهم كويتيات
الروضة :
يدرسونهم صف عربي وصف انجليزي ... يودونهم المسجد ... يودونهم المكتبة ... حاطين لهم اجهزة كمبيوتر يعلمونهم عليها ... يعطونهم علوم ورياضيات بشكل بسيط ... يعلمونهم الكتابه والقراءة ... طبعا كل شي يكون بالعربي وبالانجليزي
نظام الواجبات بالروضة :
يوميا يرسلون الواجب مع الطفل ... اول كانت واجباتهم للروضة اسبوعية بس الحين صارت يومية وبصراحة وااااايد احسن لانج تكونين مع الطفل اول باول وتعرفين شنو خذوا ... هذا غير ان الطفل يتعلم على حل الواجبات ويتهيأ للابتدائي
بداية الاسبوع يطرشونلج الخطة الاسبوعية وشنو الي بيدرسونه ... يودونهم رحلات ... واحيانا يكون عندهم نشاطات داخل المدرسة
المرحلة الابتدائية :
المواد الي تدرس بالعربي ( العربي - الاسلامية - الاجتماعيات والتربية الوطنية )
باجي المواد بالانجليزي
الرياضيات ... اولى وثانية ابتدائي بالعربي والانجليزي ومن ثالثة يكون بس انجليزي
نظام الواجبات ... يوميا واجبات :cxxxp:
بداية الاسبوع يعطونهم ( الخطة الاسبوعية ) وفيها الي بيدرسونه خلال الاسبوع والامتحانات والاملاءات وكل شي )
اغلب عطلهم مع وزارة التربية ... بعض المرات نختلف بس الغالبية معاهم
يسوون لهم انتخابات ويصير عندهم مجلس طلبة ( المرشحين من رابعة ابتدائي وفوق ... والناخبين كل مراحل الابتدائي
)
المدرسة بشكل عام وايد زينه ومعاملة الادارة مريحة
