تجمع امهات العالمية الامريكية

[ReeMaN]

هلا والله ليالي شخبارج اى صاجه حلو الكحلي مع الابيض احسه لبس ذرب انشالله ينقبلون عيالج فيها يارب تبشرينا بقبولهم قبل لايخلص هالشهر وتفرجين وتفرحينا معاج قولو آمين

 

[caramella]

آمين ريمان إنشالله ينقبلون عيال ليالي
إي والله صاجه ليلي لا أشوف عربانة برد واقفه يالشارع لو آنا بأقصى اليسار أبتون يعني بتوين لما أوصل حق العربانه خخخخخخخ

 

[lyale]

مشكورين بنات علي الدعوه حلوه ريمان المشكله تعلقت فيكم يعني حتي لو ما نقبلو بالمدرسه بدخل التجمع علشانكم والسنه اليايه اول وحده بسجل عيالي انشاء الله
كراميلا ضحكتيني بتوني اهم شي صحة الحامل

 

[mr000]

سلام أمهات اشلونكم شخباركم أمس كنت بكلمكم بس لويه من عقب السفر وأحس بتعب ودوخه كله ودي أنام بس ماكو مجال من عقب النشاط والمشي والطلعه طول اليوم بالسفر ألحين فجأه أحس بتعب وخمول بس والله اللي أكلها ولدي مسكين أمس داوم سيده ورا السفر ودوامهم طويل ورجع عنده واجبات ودراسه يعني ماارتاح واليوم بالسياره وآنا موديته المدرسه فجأه قام يرجع وداخ كلش موقادر فكنا واصلين المدرسه فدخلت أخذت له طبيه من العياده بالمدرسه ووديته المستوصف ورديته البيت!بس الظاهر الجو هالأيام فيه فيروسات أو فترة تغيير جو لأن أكثر اليهال مراضى هالأيام! المهم اليوم أول مره أدخل عيادة المدرسه ماشاءالله جناح كامل فيه 3أو4 غرف وحده للدكتوره ووحده للفحص ووحده للعلاج وغرفة ملفات وغرفة انتظار بصراحه آنا دخلت كم مدرسه خاصه حتى اللي كان فيهم ولدي قبل ماكان عندهم عياده جذي ونظيفه مرتبه !

 

[ReeMaN]

ليالي واحنا بعد استانسنا وتشرفنا بمعرفتج يالطيبه وواتمنى انشالله اتضلين معانا والله يسهل على عيالج يارب

مرووو ولكم باك الف الحمدلله على السلامه ... ومايشوف شر وليدج اى من تغيير الجو هالايام مو مستقر عشان جذي يمرضون مساكين هاليهال والله .....
وبصراحه مروو يبيلج مساج ريلاكس عقب السفر يروح عنج التعب انشالله ... وفرحتينا مروو عن العياده صج استانست ان عيادة مدرسه بهالترتيب ومشكووره حبيبتى على الاخبار الحلوه

 

[mr000]

الله يسلمج حبيبتي ريمان والشر مااييلج بس والله خايفه أرد عالقعده بالبيت والكسل هناك اشزيني أمشي طول اليوم حتى ريلي يقولي ضعفانه مع أن هناك طحت له أكل بأكياس البطاط الشبس بس ماآكل كاكاو ولا كيك ولا أتغدى من الريوق لي العصر بس شاي أو قهوه وبسكوت لأن أختكم لاهيه بالسوق ماعندي وقت أضيعه عالأكل!!!خخخخخ! المهم أي والله عيادتهم بصراحه شي يشرف جنج داشه عياده خاصه أنشالله محد يحتاج من العيال بس عالأقل الواحد يتطمن أن لواحتاج الياهل طبيب أوتعب عالأقل في عياده زينه يقعد فيها علما ياخذونه الأهل! ليالي أنشالله عيالج ينقبلون وتتطمنين عليهم وحتى لو ماصار لاسمح الله خليج معانا لاتنقطعين!!كراميلا بس عطيني عنوانج وآنا أوصل لج منازل من باسكن روبنز كل يوم أفا عليج بس كم كراميلا عندنا ولا تتعنين له وهذي فرصه لي طبعا علشان آكل برد كل يوم!!!

 

[ReeMaN]

مرووو صاجه اتصدقين احنا هنى بالكويت ماعندنا شي غير الآي والآي راسي يعورني ...وظهري مادري شفينى ونروح الطبيب ويقولج مافيج شي بس امشي ... ووين الجو اللي يساعد على المشي غير الاسوقه ؟؟؟ وتعالى شوفي لاسافرتي تمشين يوم كامل ولاتشكين ولا تملين من المشي ولا حتى تتعببين من المشي وتعالى شوفي النوم بالليل من اروع مايمكن بسبه المشي .... ماتشوفين الاجانب المره بالتسعينات تركب اعلى قمه جبليه او تركض لج بمضمار سباق ..... ولا يعرفون الاطبا

 

[caramella]

ليالي إحنا أكثر تعودنا عليج و لا تقاطعينه و ما تدرين ماكو شي بعيد على الله خليج عالويتنج وايد يسحبون قبل الدراسه خصوصا
إن المدرسه فيها وايد عيال دبلوماسيين فا وايد تصير تحركات لأن الدبلوماسيين مو مستقرين
صاجه أهم شي صحة الحامل لوووول
الحمدلله على السلامه مروو نورت الكويت
مسكين وليدج تعبان حرام ما يشوف شر إنشالله آنا جذي يوم رديت من لندن وصلت بال8 بالليل 12 بالليل مسخن تغيير الجو عليه من هناك لي هني
حبيبتي والله ما تقصرين كلك خير وبركه آنا اساسا مو مقصرة ترست الفريزر برد آكل لما إنام ولدي عشان ما أيخ ياكل وايد مو زين على بلاعيمه
ونستييييييييني على عالعيادة عندهم دكتورة بعد هذا شي وااااو لأن أغلب المدارس بس ممرضه
الصراحه إهي صج غاليه بس يعني موفرين كل شي مو نهب فلوس عالفاضي طقة باجي المدارس اللي نفس أو أغلى من سعرها و مو موفرين عياده بالأساس
آنا صراحه تهمني العياده لأن الياهل بالمدرسه وايد معرض للعدوى و الطيحات و الفلعات ف ضروري فيه عياده عشان يتصرفون على ما إيون أهله

 

[حلم الطفولة]

وي ! ......... سلامتهم العيال مرووو وكاراميللا .. يافلاروايه

 

[caramella]

الله يسلمج حلم الطفوله سكتي ذاك اليوم أقول على ضحك فلاروة جدام ولدي جان ولدي إعلق عليها لووووول
معنى قبل إعرف إقول فراوله

 

[ReeMaN]

ههههه ياحليله وليدج كاراميلا

 

[نواري]

حبايبي في كرنفال بالمدرسه يوم السبت والدخول بدينارين من الساعه 11الى الساعه4 ...اتمنى اني اكون فدتكم

 

[نواري]

حبايبي في كرنفال بالمدرسه يوم السبت والدخول بدينارين من الساعه 11الى الساعه4 ...اتمنى اني اكون فدتكم

 

[mr000]

أي تصدقين أختي نواري ولدي كان مستانس بيشتري تذاكر حق الكرنفال بس لما عرف أن يصادف يوم السبت ألحين هون مايبي يروح ماله خلق يروح المدرسه بالأجازه وآنا قلت هم أحسن يقعد يدرس! تصدقين حسافه نسيت أن ولدج بصف ولدي ياريت كنت سائلتج مبكر شنو خذوا اليوم لأن ولدي اليوم مريض وغايب وماعنده رقم أحد من الصبيان! ترى على فكره أمس ياب ورقة اختبار العلوم والرياضيات اللي أمتحنوهم قبل العطله !

 

[lyale]

واوو كرميلا طمنتيني لان نفس كلام المسؤله الي قابلتني بالمدرسه قالت لي لا تحاتين في وايد مو مستقرين والله كريم انا ناطره مابي اعابل الحين واصله شهري وبعدين يصير خير
ريمان الطيب اصلج يالغاليه
مروو حمد الله علي السلامه وطمنينا رحتي سيلفرج وشنو الشي اليديد عندهم ياني ولهانه علي المطعم الي فوق شنوو اكله لذيذ ........ وسلامت ولدج ما يشوف شر اهاليومين الجوو كله فيروسات ,,,,,,,,,,,,, وياريت كل مدارس الكويت يحذون حذو العالميه ) المدارس الخاصه والحكوميه يهتمون بالعيادات ووجود الدكاتره

 

[حلم الطفولة]

الله يسلمج حلم الطفوله سكتي ذاك اليوم أقول على ضحك فلاروة جدام ولدي جان ولدي إعلق عليها لووووول
معنى قبل إعرف إقول فراوله

هههههه .. مو آنا علقت لمعاي من عشر سنين نفس الطريقه ولا ولا ووووولاااا تعدلت بس أقلب الراء واللام !! ههههههه
زين زين غيرتي الصوره عشان أناديج : كاراميلا يا آيس كريمه .. (( راحت الفلاروايه ) ..

 

[mr000]

هلا والله ليالي سيلفريدج والله يهبل مع أن لبسه صار غالي كله ماركات آنا أذكر فبل الغزو وعقبه كم سفره كنت أشتري منه هدوم عيالي لما كانوا صغار حتى حق الطلعه ألحين رحت بشتري حق بنت ولدي أخذت منه بس مو لبس كاجوال كله كاشاريل وبربريز هو بس كافي أول طابق المكياج والعطور والجناط والساعات مايخلونج لازم تشترين كل مره بنتي تدزلي مسج تبي شي معين وأتعوذ من أبليس أقول بس أشتري الشي الفلاني تالي ماأطلع ألا شاريه بعد شغلات ثانيه! بس في هارودز كان عندهم عطر غوتشي يديد قالي توه يومين نازل عندهم ومايوصل دول الخليج الا بعد كم شهر وهم شريت عطر ديور جديد يقول أن هذا بس مخصوص حق هارودز يعني لا بدول الخليج ولا حتى بمحلات لندن الثانيه ينباع!بس والله لما تتسوقين بمناطق ثانيه بره لندن وايد أحسن ماكو طابور عالكاشير والمقاسات متوفره يعني اللي ماحصلته بلندن شريته من مناطق ثانيه عندج منطقه أسمها كانتربيري تروحين لها بالقطار من محطق فكتوريا تقريبا ساعه و40 دقيقه وايد حلوه بارده وهاديه طول ماانتي تمشين تسمعين أصوات طيور تغرد وهدوء وفيها كل المحلات ومحلات ثانيه بعد ماشفتها بوسط لندن ونفس طريقة كوفنت غاردن يعني ماتدخل السيارات بين المحلات تتمشين على راحتج حتى الجو نظيف ماكو التلوث مال الباصات والتكاسي مثل لندن ومحطة القطار يم السنتر تمشين 5 دقايق ألا أنتي بالسوق وهم فيها تسكو الجمعيه حق الكاكاوات

 

[caramella]

حبايبي في كرنفال بالمدرسه يوم السبت والدخول بدينارين من الساعه 11الى الساعه4 ...اتمنى اني اكون فدتكم

مشكورة عالإفاده
بس يوم السبت للراحه يالله نطخ بالبيت يا ربي من له خلق إروح
نفس ولد مروو إستثقل إروح

 

[caramella]

واوو كرميلا طمنتيني لان نفس كلام المسؤله الي قابلتني بالمدرسه قالت لي لا تحاتين في وايد مو مستقرين والله كريم انا ناطره مابي اعابل الحين واصله شهري وبعدين يصير خير
ريمان الطيب اصلج يالغاليه
مروو حمد الله علي السلامه وطمنينا رحتي سيلفرج وشنو الشي اليديد عندهم ياني ولهانه علي المطعم الي فوق شنوو اكله لذيذ ........ وسلامت ولدج ما يشوف شر اهاليومين الجوو كله فيروسات ,,,,,,,,,,,,, وياريت كل مدارس الكويت يحذون حذو العالميه ) المدارس الخاصه والحكوميه يهتمون بالعيادات ووجود الدكاتره

إنشالله يوم اللي إطمنونج بقبولهم و ما بعد الصبر إلا الفرج إنشالله
الله يهون عليج إنشالله يا رب و تولدين السلامه و يكون قدم المولود خير عليكم و ينقبلون بالمدرسه

 

[caramella]

هلا والله ليالي سيلفريدج والله يهبل مع أن لبسه صار غالي كله ماركات آنا أذكر فبل الغزو وعقبه كم سفره كنت أشتري منه هدوم عيالي لما كانوا صغار حتى حق الطلعه ألحين رحت بشتري حق بنت ولدي أخذت منه بس مو لبس كاجوال كله كاشاريل وبربريز هو بس كافي أول طابق المكياج والعطور والجناط والساعات مايخلونج لازم تشترين كل مره بنتي تدزلي مسج تبي شي معين وأتعوذ من أبليس أقول بس أشتري الشي الفلاني تالي ماأطلع ألا شاريه بعد شغلات ثانيه! بس في هارودز كان عندهم عطر غوتشي يديد قالي توه يومين نازل عندهم ومايوصل دول الخليج الا بعد كم شهر وهم شريت عطر ديور جديد يقول أن هذا بس مخصوص حق هارودز يعني لا بدول الخليج ولا حتى بمحلات لندن الثانيه ينباع!بس والله لما تتسوقين بمناطق ثانيه بره لندن وايد أحسن ماكو طابور عالكاشير والمقاسات متوفره يعني اللي ماحصلته بلندن شريته من مناطق ثانيه عندج منطقه أسمها كانتربيري تروحين لها بالقطار من محطق فكتوريا تقريبا ساعه و40 دقيقه وايد حلوه بارده وهاديه طول ماانتي تمشين تسمعين أصوات طيور تغرد وهدوء وفيها كل المحلات ومحلات ثانيه بعد ماشفتها بوسط لندن ونفس طريقة كوفنت غاردن يعني ماتدخل السيارات بين المحلات تتمشين على راحتج حتى الجو نظيف ماكو التلوث مال الباصات والتكاسي مثل لندن ومحطة القطار يم السنتر تمشين 5 دقايق ألا أنتي بالسوق وهم فيها تسكو الجمعيه حق الكاكاوات

عليج بالعافيه مروو إتصدقين آنا ما رحت هذي كانتبري والله كان ودي أروح لها بس ما صارت لي فرصه إنشالله المره اليايه أروح لها شوقتيني
آنا أموت بشي إسمه تسكو إرخيصه و حلوه يعني مو بو طقه و أكو جمعيه إسمها أزدا هم هذي حلوه و غير جذي فيها هدوم بعد خذيت حق ولي ملابس داخليه منهم خوش شي غسل ولبس أحسن من ملوت مذركير اللي غسله غسلتين صارت محنطه من كثر ما إهي يابسه