تجمع امهات العالمية الامريكية

[caramella]

هههههه .. مو آنا علقت لمعاي من عشر سنين نفس الطريقه ولا ولا ووووولاااا تعدلت بس أقلب الراء واللام !! ههههههه
زين زين غيرتي الصوره عشان أناديج : كاراميلا يا آيس كريمه .. (( راحت الفلاروايه ) ..

تسلمين يا طفوليه

 

[حلم الطفولة]

الله يسلمج حبيبتي .. .......


(( فضلا .. شاركو بالموضوع اللي بتوقيعي .. حياكم ))

 

[ReeMaN]

هلا نواري يسعدنا مشاركتج معانا بسالج الكرنفال بس حق الططلبه والا مع اولياء الامور ؟؟؟

 

[ReeMaN]

مروو انشطه مدرستكم كل مره يسوون بالعطله؟؟؟ يعنى باجازه السبت؟؟

و في عندي سؤال ثاني مقتبس من اختنا اى اسم <-- حلوه مقتبس مروو طلبة العالميه ينعزمون حفلات مثل بالمطاعم يعنى برا المدرسه والا بس بالمدرسه ؟؟

 

[mr000]

هلا والله ريمان والله مو متأكده ماأذكر أذا صار فيه أنشطه ثانيه السبت بس أذكر القرقيعان كان بالليل بس ماكان السبت حتى الانترناسيونال داي كان العصر بس يوم الخميس والسبورت داي هم ماكان السبت! فما أعتقد يخلون أنشطتهم دايما السبت! وبالنسبه حق أنهم ينعزمون بمطاعم برا المدرسه ما دري مافهمت قصدج يعني الطلبه يعزمون بعض وألا مدرس يعزم الطلبه؟عموما ما حصلت مع ولدي بس في صبيان من صفه يطلعون مع بعض بالويك أند!

 

[ReeMaN]

هلا مروو يعطيج العافيه حياتي اى اقصد الطلبه يعزمون بعض مثلا ببيوتهم او ينعزمون اعياد ميلاد برا المدرسه ....

 

[lyale]

هلا والله ليالي سيلفريدج والله يهبل مع أن لبسه صار غالي كله ماركات آنا أذكر فبل الغزو وعقبه كم سفره كنت أشتري منه هدوم عيالي لما كانوا صغار حتى حق الطلعه ألحين رحت بشتري حق بنت ولدي أخذت منه بس مو لبس كاجوال كله كاشاريل وبربريز هو بس كافي أول طابق المكياج والعطور والجناط والساعات مايخلونج لازم تشترين كل مره بنتي تدزلي مسج تبي شي معين وأتعوذ من أبليس أقول بس أشتري الشي الفلاني تالي ماأطلع ألا شاريه بعد شغلات ثانيه! بس في هارودز كان عندهم عطر غوتشي يديد قالي توه يومين نازل عندهم ومايوصل دول الخليج الا بعد كم شهر وهم شريت عطر ديور جديد يقول أن هذا بس مخصوص حق هارودز يعني لا بدول الخليج ولا حتى بمحلات لندن الثانيه ينباع!بس والله لما تتسوقين بمناطق ثانيه بره لندن وايد أحسن ماكو طابور عالكاشير والمقاسات متوفره يعني اللي ماحصلته بلندن شريته من مناطق ثانيه عندج منطقه أسمها كانتربيري تروحين لها بالقطار من محطق فكتوريا تقريبا ساعه و40 دقيقه وايد حلوه بارده وهاديه طول ماانتي تمشين تسمعين أصوات طيور تغرد وهدوء وفيها كل المحلات ومحلات ثانيه بعد ماشفتها بوسط لندن ونفس طريقة كوفنت غاردن يعني ماتدخل السيارات بين المحلات تتمشين على راحتج حتى الجو نظيف ماكو التلوث مال الباصات والتكاسي مثل لندن ومحطة القطار يم السنتر تمشين 5 دقايق ألا أنتي بالسوق وهم فيها تسكو الجمعيه حق الكاكاوات

لا صج مرووو شوقتيني علي السفر ومشكلتي انا رحت لندن بس ما رحت مناطق ثانيه بره لندن لان انصدمت وقتها من الجو وما تنقلت بمناطقها وفي ناس قالولي روحي بالك بوول وهم ما رحت لان وقتها الجو كان بارد وهي علي البحر فا خفت من الجو بس يبيله الواحد يعودها معاكم

 

[lyale]

بنات انا ودي اعرف عن ask بليز الي تعرف شي عنها تقولي اهي علي ما اظن نفس المؤسسين العالميه

 

[mr000]

آنا مو متأكده يمكن هي المدرسه الأمريكيه اللي بحولي شارع المثنى اللي يسمونها مالت السفاره لأن أغلب اللي فيها من عيال الموظفين بالسفاره الأمريكيه والله آنا بصراحه مادخلتها ولاجربتها بس لما كنت بنقل ولدي العالميه سألت بنت عمي عن المدارس الأمريكيه بحولي لأن عيالها متخرجين من العالميه و على أساس لو ماانقبل ولدي بالعالميه وين أوديه فمانصحتني بهالمدرسه مالت السفاره قالت أنها وايد فري وأن ولد أخوها فيها وأمه مو مرتاحه منها! وبالنسبه حق بلاكبول حلوه وتونس حق اليهالبالصيف جوها حلو وفيهاأماكن ألعاب وهم فيها سوق وأذا رحتي بلاكبول راح تكونين موبعيده عن منطقة البحيرات أسمها ليك ديستريكت هذي المنطقه جنه ماشالله مناظر خيال وفيها شاليهات عالبحيرات بس حسافه قالولنا كان لازم تحجزون من قبل فتره!يعني الشاليه على حشيش وورد لي حافة البحيره مو رمل

 

[ReeMaN]

هلا صويحباتي .... ليالي شخبارج انا شفت المدرسه اذا تقصدين الامريكيه الخاصه انا ماعرف احد فيها ورحت شفتها قبل لا اسجل ولدي بالعالميه بصراحه ماادري عن دراستهم بس اخترعت من الاشكال اللي فيها وايد فري وشكلها المدرسه بروحها اتخرع من برا جنى بغابه ... روحي شوفيها حزة دوام الطلبه وقولي لهم ابي اخذ تور بالمدرسه وطلي على الطلبه شوفيهم....

واي انا كشيت وكل وحده وذوقها وديري بالج يمكن انا شيزوفينيا نسيت شتسميه فوز

 

[ReeMaN]

الله مرووو لندن وتاجير شاليه اكيد خضرا وبحيره عيل رمل وطحالب سوده وحشاكم نعل محذفين وبطول ماي وكلينكسات بس هم احب بحرنا

 

[mr000]

أشلونكم بنيات للأمانه بس حبيت أقولكم اليوم كنت بالأفنيوز وشفت بدبنهامز عطر ديور اليديد اللي شريته من هارودز وقالتلي هذا مخصوص بس حق هارودز ماتحصلينه بمكان ثاني حتى كنت صديقتي وهي هم توها راده من لندن وقالتلي يمكن يكون مسوينه حصريا حق هارودز صح ماتلاقينه بمحلات ثانيه هناك لأن آنا سألت عنه بسيلفريدجز مالقيته بس مايمنع أنهم يصدرونه بره لندن!

 

[lyale]

شلونكم بنات مروو وريمان وكريملا وباقي البنات وينكم ما عندكم اخبار عن المدرسه والمدارس
المهم مروو وريمان معاكم حق انا وايد متخوفه منها مو لانها اختلاط انا متخوفه لانها اغلبها اجانب واخاف عيالي يطبعون بسلوكيات وعادات غريبه انا بالنسبه اذا فري اوكي بس كل شي معقول ما احب الزياده عن الحد وودي البيئه والمجتمع الي يكونون فيه ما يبعدهم عن عاداتنا وتقاليدنا
ولما سئلت بالتعليم الخاص قالو لي انها وايد قويه بس مشكلتها انها وايد فري ونسبة الاجانب اكثر من الكويتين فيها السفاره الامريكيه وايد تحط اخبار عنها والجامعات هناك علي طول يقبلون الطلبه منها
خخخ وقالي العالميه بنفس قوتها بالسفاره الامريكيه افضل لج بوايد منها لانها اغلبها كويتين وحتي لو كانت اختلاط بس طبايع الكويتين تختلف عن الاجانب وهذا الي اقنعني وايد فيها وحتي كنتابي الابداع هونت عنها من كثر ما مدحوها لي

 

[lyale]

مرووو والله يبيله سفر وشاليه ومناظر حلوه
ريمان خخخخخخخخخخخ لا صاجه تخرع من كثر ما تخرع والله كنت برووح اشوفها وامر يمها جم مره ولا عارفتها امبيه ليش محوطينها بشجر صج شنها غابه

 

[mr000]

سلام بنات أبي أحد من الخوات اللي عيالهم في العالميه من زمان تفهمني طريقة أختبارات آخر السنه لأن ولدي أول سنه فيها وأمس يقولي الناظر يقول أختبارات يوم 11و12/6 هذي مو أختبارات آخر السنه يعني ما تسقط وتنجح هذي بس علشان تحديد مستوى الطلبه علشان يوزعونهم على الصفوف السنه اليايه يسمونها ريبليسمنت يعني ماشين عادي أختبارات أسبوعيه وشهاده بشهر 5 وشهاده ثانيه بشهر 6 بس مو أختبارات آخر السنه أبي أعرف أذا صح هالكلام وألا ولدي فاهم غلط لأن أمس عصب وزعل يقول ليش ماتصدقيني وبتروحين تسألين المدرسه جني ياهل! والله أذا كلامه صح وايد زين ياريتني مدخلته من زمان ولا شلعة القلب اللي مريت فيها بالتكامل وتوتر الأمتحانات نفس طريقة الحكومه! لكن طبعا هالنظام بس لي المتوسطه يعني الصف ال8 وبعدين من 9 يعتبر ثانويه فيه أمتحانات نهاية الفصل الأول والثاني! فياريت الخوات يردون علي ويطمنوني!!!

 

[ReeMaN]

مروو شوفتينى على العطر ابروح اشوفه ... لان كنت ناويه اروح هالشهر اخذ لي جم عطر .... ابي شي يديد احب العطورات القويه من طقه توم فورد مع ان خالص عندي وابي ثاني بس ناطره احد من اهلي يسافر اييب لى منه برا ارخص من الكويت حتى قالو بفيلا مودا يبيعونه ب 50 .....

ليالي انا توقعت وحطيت احتمالات ان ولدي ماينقبل بالعالميه وقلت ابي الابداع او الامريكيه الخاصه بس الحمدلله على القبول وانشالله الفال لج يارب ....

 

[ReeMaN]

مروو سالي الاخت نواري وايد حبوبه انشالله اتساعدج جنى عندها بالابتدائي ...

 

[mr000]

أي والله أختي أدري فيها حبوبه وماتقصر آنا دزيت لها عالخاص من أمس وناطره الجواب أنشاءالله!

 

[ReeMaN]

مرووو وينهم صديقاتنا اختفووو!!! الكل اختفى اول شي قمر و سارونا وفوز والحين كاراميلا وين يحوسون !!! انا شاكه هالتجمع مثلث برمودا :0bee2e8d89: يا ترا الدور على منو الحين بيختفي :tomato2:

 

[mr000]

أي والله وينكم بنات ليش مختفين! لالا لازم تخصصون لكم 5 دقايق باليوم تمرون الدوانيه جنا ظلينا بس آنا وريمان وليالي نسولف بروحنا!! بس أنشاءالله يكونون لاهين بالخير والكل بصحه زينه وعيالهم بخير! بس أخاف كلهم يتنسون تعادوا من بعض!!