تجمع امهات العالمية الامريكية

[caramella]

هلا والله مروو عليج بالعافيه أهم شي إنشالله تشريتي عدل من بستر لأن الصراحه تسوى و تستاهل العنوة
الله إسلمكم بستر هذا أوتلت ببريطانيا بس شي خطيييييييييييييير والله الأسعار إتينن و غير جذي في أشهر الماركات منها ديور و بربري و فرساتشي و وايد أشباء كله خصومات و موديلات مو حيل قديمه يعني مالت السيزن اللي فات
ريمان عفيه عندج خبرة بسوالف لبس الصبيان شاخذ حق ولدي
بس والله شكلي باخذ له بنطرونات مابي شورتات عشان لي طاح إشوي ما يتعور اليوم حبيبي راد من الحضانه ريله مزلقه إقول إصبي دزه بالحديقه و الابله عصبت عليه
بالنسبه حق التوب آخذ له قمصان ولا تيشرتات كموم طوال ولا قصار ؟؟؟

 

[caramella]

إنشاله يا رب إعيالج ينقبلون بالعالميه و ترتاحين من عناء البحث عن مدرسه يا ليالي

 

[caramella]

صباح الخير مامات
صج ريمان أمس نسيت أعلق على موضوع نساتج بالسمج ضحكتيني لمى قلتي الحياة طبيعيه لوووول
ذكرت أمس بالليل قبل لا أنام جان أقول والله نساتج قشره يا ريمان سمج من الصبح
آنا مستحيل أتنسى بسمج لأني ما آكل سمج لا قبل ولا بعد النساة

 

[ReeMaN]

هلا كاراميلا والله على اللبس انا افضل البنطرون الطويل والتي شيرت طويل مو بس حق الطيحات حتى حق البرد داخل المدرسه انا قبل كنت اخذ ولدي من الصف ايدينه واذونه ثلجه من البروده كنت البسه صيفي بس كم طويل ....قالو المدرسه نظام سنترال وصف الكي جي 1 تحت بالسرداب لازم تهويه بارده عاد شالحكمه ماادري ومدرستهم اساسا ممنوع شورت .... بس انا ولدي يحب يلبس شورت اكثر من البنطرون وتي شيرت نص كم ولو حاصل له الود وده بدون تي يرت يروح بس بشورت رايح البحر مو مدرسه

عشان جذي انا باخذ له بنطرون وباخذ شورت اذا يلبسون والتي شيرت هم باخذ نوعين انشالله ...

 

[ReeMaN]

كاراميل انا قبل كلش مو ذاك الزود مع السمج بس ماادري شاللي ياني بنساتي ابي سممممممممج وكنت اعاني اذا ماحصلت

وخفت اولد ايب سمجه والا قبقب اذا ماحققت حلمي بشرب مرق السمج .... بس الجمدلله في نسات جاااااااااااااااااااايد اعرف وحده تنست على غبار عاد جو الكويت على طول مغبر تخيلى كاراميلا تيمع الغبار وتااااااكله مو بس تشمه

 

[Fouz]

شلونكم يا حبيباتي

مرو عليج بالعافية بستر فيلج صج تستاهل العنوة و جوها غير عن زحمة السوق بلندن، انا بعد استانست في بلو ووتر مجمع كبير مكانه حلو مع ان المحلات وحدة بس تحسين بجو ثاني، سبحان الله لندن كلها حلوة بس كل ما تطلعين منها تلاقين مكان متميز بشي ثاني

ريمان شخبارج يالغالية و كلامج صح بخصوص البرودة انا بنتي كله مكمكمة لان اول اوديها بشورت و جم قصير 24 ساعة منتشلة و مريضة،، من ناحية ماراح نلحق فماراح نلحق علشان جذي بشتري اليونيفورم لونه غامج مو مثل الابيض كل شي يبين فيه و ينهري من كثر الغسال علشان بقعة مو راضية تروح

كاراميلا شلونج حبيبتي و ان شاءالله ما تتنسين بشي ما تحبينه لانها تصير وايد ناس تنسوا بأشياء ما كانوا ياكلونها

ليالي حبيبتي ان شاءالله خير و ماكو شي مستبعد يمكن يصير لج نصيب و اذا ما صار ان شاءالله ينقبلون بمدرسة زينة و حاولي تسجلينهم السنة الياية مبجر علشان تضمنين و تفتكين من لوية النقل و المقابلات

 

[ReeMaN]

فوز زين اتسوين ويا ابنيتج خو جونا مو مستقر وفوق هذا نبتلش بالمكيف يدشون بالبارد ويطلعون بهالحر وبس لقطو هالامراض اللي مانخلص منه الف الحمدلله ......

 

[lyale]

السلام مامات خلاص صرتو مامات ( وهو جمع اطلق من ملكه بيتها لتجمع امهات مدرسة العالميه الاميركيه فقط لا غير ) نايس والله ملكه بيتها مو راضيه ترووح من بوئي كلمة مامات
كراميلا شلونج مع الحمال والنساة وذكرتيني بنساتي كلا ابي اشياء بارده ومابي شي مطبوخ وغرامي البرد بس انا احب هاغن دز اكثر من باسكن روبنز والحين علي الاشهر الاخيره اتولعت برد مكدونالدز المكينه ومابي عليه نكهات وفوق هذا اوصي خدامتي تاخذ الثلج تبشره لي بالخلاط ويصير شكله جنه بردي وواي شنو يونس ويريح وهاليومين مادري شفيني اتنسا عالتراب البحر وصلت 8 ونساتي لحد الحين

 

[ReeMaN]

@@ ليالي اسملله عليييييييييج ترا اقرا عليج بعد قلبي ....... تراب البحر @@ يعنى شنو بتسوين بالتراب ؟؟؟؟

 

[lyale]

ريمان خخخخخ لا تحاتين ما اكله بس احب العب فيه واشم ريحته .......... تذكرت سعاد عبد الله يوم تنست بصابون

 

[ReeMaN]

هههههههههههههههه اى اشوه خلاص عيل نسوي قلعه والا جبل طارق

 

[lyale]

اي هذا اهو قلعه والايد تنترس تراب ........ بس ريمان مو ملاحظه اذا الوحده تنست ترجع ايام الطفوله بفك برد عصير سانكست

 

[ReeMaN]

احلى ايام طفوله والله جان زين تنسيت بايام الطفوووله ولا مرق سمج

 

[caramella]

احلى ايام طفوله والله جان زين تنسيت بايام الطفوووله ولا مرق سمج

لول ضحكتيني إنشالله نساتج اليايه على أشياء طفوليه

 

[caramella]

السلام مامات خلاص صرتو مامات ( وهو جمع اطلق من ملكه بيتها لتجمع امهات مدرسة العالميه الاميركيه فقط لا غير ) نايس والله ملكه بيتها مو راضيه ترووح من بوئي كلمة مامات
كراميلا شلونج مع الحمال والنساة وذكرتيني بنساتي كلا ابي اشياء بارده ومابي شي مطبوخ وغرامي البرد بس انا احب هاغن دز اكثر من باسكن روبنز والحين علي الاشهر الاخيره اتولعت برد مكدونالدز المكينه ومابي عليه نكهات وفوق هذا اوصي خدامتي تاخذ الثلج تبشره لي بالخلاط ويصير شكله جنه بردي وواي شنو يونس ويريح وهاليومين مادري شفيني اتنسا عالتراب البحر وصلت 8 ونساتي لحد الحين

عيل آنا أفضل باسكن على هاجن داز لأن هاجن داز طعمه حالي حيل بس هذا ما يمنع إني آكله طبعا أي برد بالطريج أي شي على قولتج المهم شي بارد
وهم برد ماكدونالدز حلو شوقتيني لازم أمر اليوم

 

[caramella]

إي والله فوز إنشالله أتنسى بكل شي إلا الأشياء اللي ما أحبها
ريمان ماكو إلا أشتري له جم طويل صاجه حتى آنا لما آخذه من الحضانه كله مثلج ميت من البرد لما أبلته قالت لي يبيله جاميت حق الحضانه لأن ولدج كله بردان معنها قالت لي بشهر 9 يعني حر بس ممن السنترال على قولتج

 

[ReeMaN]

اى كاراميلا حتى الروضه يعتبرون يهاال مايتحملون البرد وبسرعه يلقطون المرض .... وانا اساسا ودي البسه بنطرون طويل بس لاشاف في صبيان لابسين شورت يبي يلبس مثلهم ....


صج سارا ام سلوووومي وينهاااا من زمان عنا ... فقدناها

 

[caramella]

صج والله فقدنا سارا و قطاتها
و مرو قالت باحر بتكلمنا من اكويت أتوقع اليوم توصل بالسلامه
وفوز هالدوام قاطعها المسكينه
ولا يهونون باجي البنات

 

[lyale]

كراميلا ريمان شلونكم و ين باقي البنات ولهنا عليهم
تصدقون بنات انا ما يعجبني لبس وايد مدارس بس احب اللبس الكحلي والابيض احس احلي علي عيالنا من كوكتيل الالوان

 

[lyale]

كراميلا حلو البرد حق النساة تراا وايد يخففها عليج والله يتمم عليج الحمل وشنو ودج فيه بنت ولا ولد