تجمع امهات العالمية الامريكية

[ReeMaN]

ام لولو جنى وايد متاخر بشهر ثلاثه انا اتذكر العام اذا مانى غلطانه وانشالله البنات يذكرونى على اخر شهر واحد او على اول شهر 2

وبعدين اخر موعد تسجيل الطلبه والاخوان 31 -1 وبعدين يفتحون باب التسجيل .... وبعدين الاحسن اتروحين واتردين عليهم احسن من التلفون وروحي حق وحده بالتسجيل اسمها جيهان خوش وحده وانشالله تساعدج

 

[bella bambina]

مساء الخير أمهات
والله شكلها مروو اهيه اللي طايحه علينا كلنا واحنا ما ندري :dddds:
ريمان خلاص احنا نستسلم 10 \ 0 الصراحه أثبتتي انج كونان :eh_s(15):
فوز شفتيني أسأل مس مروى اذا مقعينها بالساد جير قالت لأ بس مس سومالي قالت اي مقعدينها سألت دلول تقول انها ما سمعت كلام الأبله ومو ناويه تسمع الكلام الله يستر وتقول مس ميرنا left the school because I was naughty

 

[caramella]

السلام أمهات إشلونكم وشخباركم
سامحوني لهيت إشوي الأيام اللي فاتت
مشكوره فوز على الأحرف اللي بالعربي الحين بشوف خل يكتبهم و نحوس معاه بالويك إند على اغراض ال d
وايد تفيديني والله يسهل عليج و يجعله في ميزان حسناتج
ريمان بدعتيييييييييييييييييييييييييييييي ماشالله
إنشوفكم على خير إنشالله بس أوصل الكويت
سامحوني ما اقدر ارد على كل مشاركاتكم عندي جم مشوار بقضيه

 

[ReeMaN]

بيلا اشرااااااااااااايج فيني هههههههههههه :ggdw:

لا انشالله المره اليايه ايي اسلم عليكم اليوم كنت مستعيله اشوي لان بمر محل بحولي قبل لايسكر بالوحده ونص
بس اعطيكم تلميحه عنى لا شفتو وحده طويله اشوي ومتحجبه ومتينه ولابسه جوتي رياضه هذي انا هههههههههههه ها عرفتينى فوز :dddds:

هلا والله كاراميلا افا عليج خلاااااااااااص بشتغل بالتحقيق يصلح لى هالمجال هههههههه منو فاقد شغالته والا سايقهم باجر دوار شيراتون ادورهم :krkrkr:

 

[bella bambina]

هاي أمهات
ريمان اي والله تنفعين بصراحة كبرتي بعيني من قبل لا أشوفج عيل آنا خداي أمشي ومخي يشتغل بأشياء ثانية بدون أي تركيز
كراميلا ترجعين بالسلامه ان شاء

 

[mr000]

سلام امهات اشلونكم! كراميلا استانسي هناك وتردين بالسلامه ان شاءالله

 

[mr000]

ريمان عاد والله تصدقين ودي مره أروح عند الكي جي الصبح يمكن ألاقي أحد منكم.. وودي أشوف صفوف النيرسري حق بنت ولدي..

 

[Fouz]

شلونكم أمهات

ريمان الله يحلي أيامج سبحان الله البنات ياخذون القلب، تصدقين جني عرفتج لاني اشوف وحدة بهالمواصفات بس مو متينة ولا ضعيفة و كذا مرة تمسك لي الباب أحس اني كاسرة خاطرها احتمال تكونين انتي، بس اذا شفتينا تعالي خلينا نتعرف عليج، انا من يوم الاحد ببقق عيوني و ادورج

و عدل كلامج السنة اللي فاتت مريتهم أول شهر 2 و كانت المقابلة أظن نص فبراير، أم لولو روحي المدرسة أول شهر 2 أضمن


كاراميلا العفو حبيبتي ما سويت شي، و ان شاءالله ابلغج بكل يديد، اليوم وزعوا ورقة حق اللي يبي يستلم صور عياله اللي صوروهم بعد العيد بس للأسف الظرف بالسيارة ما نزلته علشان باجي التفاصيل، و معذورة خلصي شغلج و ان شاءالله تنضمين للمجموعة اذا وصلتي بالسلامة


بيلا هم رديت سألت بنتي من شوي و قالت لي دلال قعدت على ساد جير و مس مروة اللي قالت لها،، الحال من بعضه انا ما أدري عن اللي دار مداري الحمدلله و الشكر

مرو اليوم سألت أخوي قالي اذا السيارة من بهبهاني أو الغانم تقدرين تراسلين الشركة الاساسية في دبي و تشرحين الموضوع يمكن يفيدونج
و حياج الله بالكيجي علشان تكتمل المجموعة

 

[mr000]

سلام أمهات اشلونكم! فوز سيارة بنتي جيب نيسان وولدي قال بيسوي جذي بيراسل الشركه بس حسافه ألحين هو مسافر والأبو مايرضى أحد يكلمه هو يتصرف بروحه!

 

[Fouz]

صباح الخير أمهات، عساها جمعة مباركة علينا كلنا

مرو شلونج، ماكو الا تنطرين رجعة ولدج بالسلامة ان شاءالله و يراسلهم، حرام السيارة يديدة و كل شوي خربانة

بيلا و ريمان شخباركم

كاراميلا شلونج، كاهو الفولدر جدامي
1- الورقة الاولر فيها ان حرف الاسبوع الياي اهو d
2- الورقة الثاية راسمين 4 فراشات و ملونينهم تالي يسوون تريسنغ حق الرقم 4 مرتين و يكتبونه بروحهم 3 مرات
3- ورقة فيها صورة حوت و كاتبين حرف الحاء مرة وحدة
4- ورقة فيها صورة ريشة و كاتبين حرف الراء مرة وحدة
5- ورقة فيها صورة جيتار و عنب و جلاص و هدية و تكرمين زبالة ، تالي يسوون تريسنغ حق حرف g و يكتبونه بس لازم سمول لتر مو كابتال
6- كتيب صغير On the farm حاطين صور الحيوانات اللي تعيش بالمزرعة، خروف دجاجة حصان بقرة و يلونونهم اليهال، و حاطين اسم الحيوانات الصغلر مثل: cow clave, sheep little lamb, chicken chick, horse colt,
7- ورقة الصور اللي صوروهم عقب العيد ، المجموعة تشمل: 8 صور 4x6
صورة وحدة 13x18
صورة وحدة 15x21
صورة وحدة 20x25

اخر موعد لاختيار الصور 24 فبراير و سعر المجوعة 9 و نص، و اذا تبين صور اضافية طبعا تدفعين مقابل كل صورة تبينها

بسأل مرو و بيلا عندهم year book والا لأ، انا على بالي الصور علشان يحطونهم فيه؟؟

 

[Fouz]

صار موعد التبدل حق الزوارة، اجازة سعيدة لكم كلكم و نشوفكم على خير ان شاءالله

 

[ReeMaN]

سلام عليكم شخباركم امهات العالميه انشالله اجازه سعيده بهالجو اللطيف

اي فوز ماادري شقصه الصور يعنى صور حقه بروحه والا مع صفه ؟؟؟

 

[bella bambina]

مساء الخير أمهات
هلا والله فوز وريمان اي آخر السنه يبيعون اليير بوك يحطون فيه صور اليهال هذي وصور عن الأنشطه طول السنه و الفرق الرياضية وأحس انهم يركزون على الهاي سكول وبالذات الخريجين والصور الحين لازم نروح قسم الأنشطة بالادارة نختار صورة شخصية لأن مصورينهم عدة لقطات وهذي الصورة يعطونج منها حجم صغير 8 نسخ وصورة كبر كف الايد وصورة ثانيه كبرها مع عيال الصف والمدرسين وصورة شخصية كبيرة هذيلي ب 9 و نص وتقدرون تختارون صور اضافية وطبعا كل شي بحسابه

 

[mr000]

السلام اشلونكم أمهات! فوز العام آنا شريت اليير بوك ب15 دينار بس علشان صوره وحده فيه حق ولدي وعداي صوره شخصيه يعني مو في صفه مع ربعه وألا بنشاط بس يلا ماحبيت أكسر خاطره شاف ربعه شارين الكتاب! وهذي الصور اللي ب9 ونص العام نفس الشي هم شريناهم! اشدعوه ب9 ونص.. بس شنسوي ندفع!

 

[mr000]

سلام امهات اشلونكم!!

 

[caramella]

السلام أمهات
إشلونكم وشخباركم
والله سكتوا حايسه قاعده اغير الشقه لأن الشقه اللي آنا فيها وايد فيها خرابات تكرمون المغاسل ما يمشي الماي فيها يقعد يتيمع ما يمشي عيزنا و إحنا نشتري هاللي يسلك البواليع و إنتوا بكرامه ماكو فايده
فا اليوم بنقل الشقه اليديده إدعولي تكون النقله سهالات
مشكوره فوز آنا ماخذه الأوراق اللي لازم يسويهم بس ما ادري ابدي بشنو
فا بس تكتبين لي اطلع الملف وأسوي معاه اللي قلتي عنهم
والكتيب الصغير هذا فطنتيني عليه إشلون إنسويه معنه الأبله كاتبة لي إن يقصهم و ليونهم و أقراله اللي تحتهم بس توقعت إنه نسويه كتيب صغير
فدتيني ما قصرتي
وعلى الصور عادي نقدر ناخذهم أي وقت خلال السنه ولا إذا بس وقت معين أطرش أمي تاخذهم

 

[Fouz]

شلونكم أمهات شخباركم

بيلا و مرو شلونكم و مشكورين على معلومة اليير بوك

ريمان شخبارج

أهلين كاراميلا الله يعينج على النقلة ، و ان شاءالله الشقة اليديدة تكون أحسن و أريح،، انتي وين مأجرة الحين ؟؟
بالنسبة حق الكتيب بنتي ملونة الحيوانات اللي فيه و مو قاصين ولا شي بس تلوين عادي اتوقع المدرسة تقولهم الاسم و اليهال يلونون
الصور اخر وقت تختارين 24 فبراير تكونين راجعة قبل التاريخ هذا ان شاالله

 

[bella bambina]

السلام عليكم أمهات اشلونكم واشلون عيالكم ؟
هلا والله فوز العفو حبيبتي
كراميلا الله يعينج وان شاء الله ترتاحون بالشقه اليديده

 

[bella bambina]

صباح الخير أمهات

 

[bella bambina]

حبيبتي دلول أمس رحنا حق جوني كارينوز نتغدى فقلت حق الويتر اييب بيبي جير جان تنقز مخترعه no i dont want to sit on the sad chair i will behave عقدو بنتي