تجمع امهات العالمية الامريكية

[mr000]

سلام أمهات اشلونكم!آنا اليوم رحت المدرسه بدفع له حق السنه اليايه عاد آنا أول وحده قاعده حتى مو مداومين مالوت المحاسبه كانت 7 ألا عشر وعلما وصل الموظف تيمعوا كم أم وأبو وآنا مستانسه دوري أول وحده دشيت بدفع جان يقولي وين الفورمه اللي لازم تعبينها قلتله ماعطيتوا الميدل سكول قالي عيل روحي أخذي من التسجيل وكتبيها .... وعلما رحت كتبتها رديت قعدت أنطر دور من يديد لي 8! أي صح فوز ولدي زاد 150 حتى عطيته اليوم 500 مو 350 قلت بعد قبل لايعطل بشهر 6 بدفعله 1000 لأنه أعرف مصرف أخاف أصرفهم خل أفتك منهم! بس بصراحه والله الرسوم غاليه ومثل ماقالت كراميلا آنا شايفه بالنت أحسن الجامعات في بريطانيا رسومها 3ألاف دينار السنه اشدعوه على روضه والا ابتدائي هالكثر!!

 

[mr000]

على طاري حليب الكاكاو آنا صارت فيني عقده كل ماأشوفه ودي أرد أشتري كله أخاف ينقطع مره ثانيه مع أن توني شاريه 3كراتين!!عاد فترة اللي انقطع بنت ولدي كلما تشوف صورتها بالنقال وهي قاعده تشرب حليب كاكاو تقولي أبي ميلك مسكينه قمت ماأراويها الصوره علشان لاتتذكره !!وألحين تلعب فيه تشرب شويه وتقطه بالزباله تقولي خلاص!!

 

[ReeMaN]

سلام امهات العالميات شخباركم انشالله بخير شخبارج كاراميلا مع الزووو انشالله استانستوو لا اتشوفين زوونا هههههه والله رفيجتى موديه عيالها الزوو بالعطله اللي طافت تقول الفيل دااايخ مخدر ويسالون عن الزرافه وينها قالو لها ماتت والاسد مخدر طماشه

كاراميلا اى فورمه اللي عندكم ؟؟ ماعطو ولدي شي

الله يسلمج الكي جي 2 العام كان 2023 دينار ......... مايندرا السنه اليايه حق جريد ون جم رسومهم الدراسيه

 

[ReeMaN]

شخبارج مروو والله هالحليب كاكاو بكل مكان قمت اشوفه اليوم مريت الفرع اطاللع مكانه اشوه الى الحين موجود بس ماخذيت

 

[نواري]

مشكوووووووووووووووووورين امهات العالميه والله ما قصرتو ا ...وسامحوني على تأخيري في الرد لأني والله واايد مشغوله امتحانات ولوعه وضغوط استغفر الله الدنيا صايره متعبه المهم قررت اني اخليه بعد ما قريت ردودكم لأني والله قتعده احاتي الغياب والدروس الي راح تتراكم عليه والله كريم الله يعيني ويعينه ان شاء الله

 

[bella bambina]

مساء العسل أمهات
الله يبارك فيج كراميلا الحمدلله يابو لنا مدرسة كانت مساعدة بالابتدائي صف بنتي اللي بخامسه وتمدحها لي اسمها مس جناينا أمريكية بس اليهال ينادونها مس سومالي لأن زوجها لقبه الصومالي
مروو ان شاء الله ولدج يرجع بالسلامه وترى مع البرد السفر ما يسوى ( اللي ما يطول العنقود ) لا والله صج حرام تهدين ولدج بفترة الامتحانات بروحه بهالعمر لازم أحد فوق راسه ولا ما يدرس

 

[bella bambina]

فوز أمس و آنا آخذ بنتي شفت وحده حامل تاخذ بنتها حسيت اني أعرفها فابتسمت وسلمت أتوقع انها انتي كنت لابسه بالطو أحمر وأسود وشعري أسود
مريت خذيت الأقلام صج روعة حتى ولدي استخدمهم بكتابة الواجب بس المواقف مثل ما قلتي مزعجة
يوم الأحد رحت البيرق مو وايد عجبني ميزته الوحيدة ان عيالي دشو السينما (آلفن آند ذ جبمنكس) تقريبا كانو برحهم السينما فاضية مع ان الفلم يديد كان فيه محل حوامل بالدور الأرضي يم h & m بس والله ما دشيت كنت أركض ورا دلول وطبعا أكبر عيب بالمجمع ان ما فيه مكان ألعاب حق اليهال وتحسفت اني ما دخلتها السينما مع اخوانها

 

[bella bambina]

اليوم راح ريلي دفع باجي رسوم السنه وحجز حق السنه اليايه
ريمان دزو لنا ورقة حق اعادة التسجيل
التمهيدي 1480 د.ك
أولى روضه 1712
ثانية روضة 2124
الصف 1_4 2842
الصف 5_8 3011
الصف 9 _12 3187
والله احنا قابلين بالزيادة بحاله وحده نبيهم يختارون مدرسين سنعين ويقدمون خدمات أحسن

 

[bella bambina]

كراميلا متى ناوين ترجعون ان شاء الله ؟
دقيت طلبت عصير مانجا من الشركه ما لقيته بالجمعية بس ليلحين ما رجعو معجون الطماط واللبنه حسافه كنت أروب فيها فوقفت مصنع اللبن حتى اشعار آخر

 

[Fouz]

مساء الخير أمهات شخباركم

اليوم مادري شياني نمت و مو حاسة بنفسي و استغفر الله معدتي ذابحتني، عطاني الدكتور حبوب بس مو يايبة نتيجة ، بسئله عن غافسكون اللي قالت لي عنه بيلا يمكن يفيد

مرو زين سويتي دفعتي وايد اريح بس حسافة على النطرة، زين اللي قلتي لنا علشان أعبي الفورمة مالت السنة الياية لأني دفعت رسومها و افتكيت من ذيك المرة بس باجي حجز الكرسي، و على زيادة الرسوم والله يا مرو كل شي شاب نار و قاعد يزيد الا الراتب

ريمان شخبارج، مو بشارة كلش الزرافة ميتة!!! عاد انا بنتي ما قط شافت الحديقة بالكويت يوم كانت بالحضانة حاشها بوشنيتر فترة الرحلة و السنة اللي وراها كانت مسافرة وياي و هم ما راحت
رسوم كي جي 2 صارت 2124 زادت 100 دينار عن السنة

نواري حياج الله و ان شاءالله تاخذين القرار اللي فيه مصلحة الكل

بيلا اي هذي انا و انا بعد لما شفتج قلت ماشاءالله ويها سمح خل ابتسم و اسلم، فرصة سعيدة و الفال نشوف باجي الامهات
و عليكم بالعافية الأقلام و ان شاءالله تساعد دلال و تعلمها مسكة القلم،، و اشوة ان بنتج تمدح مس سومالي و ان شاءالله تكمل مع اليهال لان كلش مو شي سالفة تغيير المدرسات
بالنسبة حق البيرق شلون الطريج بعيد؟؟ اذا تقدرين توصفي لي الطريج أكون شاكرة

 

[bella bambina]

فوز آنا أسعد حبيبتي والله يعافيج الحمدلله اليوم ماسكة القلم وقاعدة تسوي تريسنق
الجافيسكون كنت دايما أستخدمه بحملي وايد زين
الله يسلمج خذينا طريج الفحيحيل السريع ليما العقيلة سألنا واحد بالطريج ( مضيعين جنه مسافرين ) قال لنا بالعقيلة قطعه 4 بس وصلنا قطعه 4 ولا جبالنا مبنى يديد على اليسار وكان مكتوب الفنطاس على لوحة الشارع الثاني فمادري اهوه تبع العقيلة أو الفنطاس

 

[mr000]

سلام أمهات اشلونكم! اشمعنى آنا ماأشوف أحد منكم.. آنا اليوم قاعده من ال7 لي 8ألا عشر كل الموجودين أمهات وأبهات الكي جي محد منكم موجود؟؟ومريت عند جيهان بالتسجيل قالتلي صح فيه تغيير مدرسين وايد بس ان شاءالله للأحسن وبمصلحة الطلاب... بس شكلي برد أروح باجر أكلم الكاونسلر عن التيوترينج... مع اني مااحب أكلمه متغير عن العام وايد نفسيه.. أكلم السكرتيرات يقولون له أحسن...وسألتها عن الحضانه قالتلي عن بنت ولدي 3ونص راح تكون بالحضانه يعني 6ونص غريد 1 بس لو تروح نظام انجليزي 5ونص تكون في غريد1...مادري ألحين مع هالزياده كل سنه مادري عن ولدي يدخل بنته بالعالميه وألا لأ ......كراميلا اشلون الزوو اليوم..عسى استانس ولدج... والله آنا الكبيره أستانس أروح الزوو مالتهم حتى بآخر سفره العام رحت مع ولدي كنت أبي أشتري من محل السوفونيرز مالهم حق بنت ولدي تي شيرت والعاب وصدريات على لندن زوو..والجو كان يهبل... أذكر قبل 9سنين تقريبا مره شفنا عرس بالزوو... والله العروس والمعرس مستانسين ومعازيم كاشخين ويهال... أحنا لوعندنا معرس يقول بسوي العرس بحديقة الحيوان جان صار علج بحلوج الناس لي آخر عمره ولاأحد يزوجه بعد!!

 

[bella bambina]

صباح الخير أمهات
ضحكتيني مروو اي والله جان قالو اشهالخبل اللي مزوجينه بنتهم احنا الأعراس عندنا بفنادق ونلاقين اللي حواليج يذمون ومو عاجبهم بعد بالزوو يمكن من الصدمه يبطلون حلوجهم ويسكتون لوووول

 

[mr000]

سلام أمهات اشلونكم! اليوم الصبح الجو بارد شوي أكثر من باقي الأيام وولدي ليلحين يلبس قميص نص كم وفوقه الجاكيت يقول داخل الصف موبرد!!مارحت المدرسه حق الكاونسلر بدق يمكن أحصل سكرتيرات الميدل سكول صارلي يومين أدق ويحولوني عليهم ومايردون وولدي يقول مايشوف الكاونسلر ومغير مكان مكتبه!!الظاهر كذا مدرس طالع موبس مال التقويه... مادري اشسالفتهم!!بيلا والله اللي أزيد من هذا شفنا عرس بحديقه باسكتلندا والله المعرس والعروس و4 معازيم بس يي مال الكنيسه ملجهم مادري عقد لهم وصوروا وراحوا شروا برد ونفيش لاوبعد كل واحد دفع من فلوسه يعني على قولة أخوي يقول عرسه ماكلفه حتى دينارين بس دفع عنه وعن العروس حق شعر بنات ونفيش!!

 

[bella bambina]

خلاص ولا يهمج مروو عطيني مواصفاتج وأدورج الله يسلمج آنا لما تسمعين صيحة ويهال يتراكضون هذي آنا اللي معاهم أو تلاقيني بطلعة الكبار 2:30 آخر وحدة تمشي من باركنج المدرسة ومعاي 2 من عيالي وعيال عمتي اثنين و أقعد أنطر ليلساعه 3

 

[mr000]

أهلين بيلا لا آنا الظهر ماآخذ ولدي أبوه ياخذه ألا أذا عنده تيوترينج الساعه 4 وألحين ماعنده حتى اشعار آخر لي نحصل مدرس!! الصبح عقب ماكتبت لكم رحت أعزي أم البنت اللي توفت بالحادث اللي صار لهم بطريق السعوديه قبل كم يوم مع اخوانها وخواتها... الله يرحمها ويصبر الأم صج والله مصيبه انا لله وانا أليه راجعون..والله ضاق خلقي وايد من شفت الأم حرام البنت مخطوبه وبتتزوج بعد شهرونص...اللهم لااعتراض على مشيئتك... الله يصبر أمها ويشافي المتعورين!!

 

[mr000]

بيلا مافيني شي مميز يعني مواصفاتي يمكن 100 وحده نفسي عبايه وشيله وبس مادري ماعندي مواصفات ثانيه

 

[ReeMaN]

سلام امهاتنا عساكم بخير ؟؟؟
شخبارج بيلا انشالله اتكون ابلتهم احسن من اللي راحت ويحبونها اليهال .... مشكوره تسلمين على الاسعار بصراحه اشوف الجريد ون وايد عليه 2842 الله يستر من الياي كل سنه يزيدون 100 يعنى على مايوصل قريد 5 الا فوق ال 3 الاف اشدعوا .....

هاااي مرووو والله صاجه لو صار العرس عندنا جان مو بس علج بحلوج الناس جان صار حدث خليجي وكل المحطات تحط صورته وتحش فيه ويمكن يسوون مقابلات معاه بكل المحطات هههههههه

انا ودي اصيدج نفس ماصدت كاراميلا وفوز بس لازم تحملين عشان اصيدج ههههههه على قولة كاراميلا صيادة الكروش
لا انشالله على يوم اصيدج انتى وبيلا بس نطرو علي اشوي مع انى مانى متاكده من فوز لما شفتها اهى او لا
الله يرحم اموات المسلمين ويرحمنا برحمته ويمسح على قلب هالامايه ويشافى عيالها يارب

 

[mr000]

ريمان أول شي غسلي أيدج آنا ماأحمل خلااااااااص انتهيت من هالمرحله من زمان ألحين دوركم... عسى ما الله يعاقبني على هالكلام واتمسخر الشهر الياي..لا الله لايقوله..بعدين آنا لأنه ماأروح عند الكي جي بس أقط ولدي الصبح وأمشي علشان جذي ماأشوفكم... انزين تواعدوا يوم وتعارفوا بدام عيالكم بنفس المرحله...

 

[P!ng P!ng]

مرحبا خواتي

شرايكم بادارة المدرسة

شنو الجنسيات وشلون تعاملهم

ومن متى لي متى دوامهم