تجمع امهات العالمية الامريكية

[QUMAR]

مساااء الخيرات
شالاخبار بنات
أمس الخميس كان الوينتر شو
روعه يا حلات اليهال يونسون
احد منكم راح

 

[lyale]

شكل التجمع فل من دخلت امهات وينكم نبي نستفيد منكم ............... شوقتوني عالمدرسه من كلامكم فا لا تفلون التجمع دخلو بقوه علشان نستفيد من خبرتكم بالمدرسه

 

[ReeMaN]

السلالالالالالالالالالالالام عليكم صديقاتى حبيباتى شخباركم
الله ياني ولهانه علييييييكم صارلى فتره مو داشه المنتدى وماشالله البنات ماقصرو مسكو مكانى كفيتو ووفيتو بس المايك عند منو الحين
فوز وكاراميلا الله يردكم بالسلامه انشالله يااااااااااااااااااارب .......
اختى ليالي ليش بتنقلينها من مدرستها ؟ خل يسوون لها اختبار قريد ون اذا نجحت الله يوفقها اذا بيردونها سنه اوقع حراااام اتروح عليها سنه كامله ويبقى نقول القرار الاخير بايد الام والله يوفق الجميع يارب

 

[ReeMaN]

حياتى قمر كان ودي ايي الحفله بس صادف اليوم الرياضي حق مدرسة ولدي نفس الوقت قولي لنا عن الحفله شو صار ما صار

 

[ReeMaN]

كويت نانى اذا تقصدين المدرسه الامريكيه الخاصه اللي قبال الابداع مانصحج فيها حيييييييييل حييييييييل فري وعيالهم اشكالهم اتخرع الشعر الملون اخضر واصفر واحمر واللبس اللي مو شي وكلهم اجانب نادر ماشفت عيال الكويتيين ........

 

[lyale]

اختى ليالي ليش بتنقلينها من مدرستها ؟ خل يسوون لها اختبار قريد ون اذا نجحت الله يوفقها اذا بيردونها سنه اوقع حراااام اتروح عليها سنه كامله ويبقى نقول القرار الاخير بايد الام والله يوفق الجميع يارب

انا بنقلها لان نفس ما انتي عارفه النظام الانكليزي شديد تخيلي بنتي تنتظرنا بقاعة الانتظار في نهاية الدوام ولو تكلمت نص كلمه بدون سؤالها ليش تكلمتي التيشر عاقبتها وشوي بنتي تعبت من هالسالفه حيل شديدن غير النظام الامريكي يحببون الياهل بالدراسه ويعطونه الثقه وانشاء اللله تمتحن وتنجح اهي وايد شاطره وماخذه فل مارك بمدرستها وتالف قصص بالانكليزي وتقرا فصص بعد بس هم احاتي اخاف مافي اماكن :krkrkr: ا

 

[ReeMaN]

اى صاجه ليالي عشان جذي انا ماحب النظام الانجليزي حيل صارمين مع اليهال وشديدين ونظام يصلح حق اللي عنده عيال شياطين يضبطونهم حق امهاتهم .... قدمت بنتج الامتحان والا بعدها ؟؟

 

[lyale]

لا والله بعد بس الي اخذت مني اوراق الابلكشن وايد حبوبه وقالت انشاءالله بندق عليج علشان الامتحان وقدمت لهم بعد بالابداع بس حسيتهم وايد خبه علي ولا شي ماكو اسلوب الستف غير ان المبني وايد لويه ومبني البنات بشرق ومبني الاولاد بغرب وزحمه غير العالميه ارتحت حق مكانها معزول عن زحمة ودواعيس حولي ومبناهم وايد مرتب ونظيف وتعامل الستف بقمة الذوق والادب

 

[ReeMaN]

اى انشالله يدقون عليج الحلو اللي فيهم ان عند كلمتهم اذا مكتفين قالو لج مو اغلب المدارس يلفون ويدورون معاج واخرتها اتقولج مافي مكان ...بس حبيبتى انشالله بنتج تنقبل فيها ونفس الوقت لازم اتحطين احتمال ان ماتنقبل او ينزلونها سنه لازم تحطين اسمها في كذا مدرسه للاحتياط انج تضمنين مكان حق بنتج

 

[lyale]

اي الله كريم والله ناطره ردهم وبشوف اكثر من مدرسه لان ابي مدرسه قويه و زينه مابي كل يوم انقلهم مدرسه

 

[Fouz]

السلام عليكم حبيباتي و خواتي

شلونكم كلكم و ماشاءالله اشوف اعضاء يدد الله يزيد و يبارك

ريمان مشكورة حبيبتي و الله يسلمج
كاراميللا الحمدلله على السلامة

توني رادة من السفر و قلت اسلم على الحبايب و ان شاءالله نشوفكم على خير باجر ،، مع السلامة

 

[ReeMaN]

هلالالالالالالالالالالالالالا والله حبيباتى فوز وكاراميلا نورتو ديرتنا عاش من شاف نك نيمج فوز شلون دبي وشلون الدوره عسى ناجحه

اتوقع كاراميلا اليوم راحت المدرسه وانشالله اتبلغنا بالاخبار اللي اتبرد الجبد ياااااااااااااااارب ...... ناطرينج كاراميلا اتفرحينا وهم انشالله ليالي اتفرحنا بقبول بنيتها يارب تستاهلون كل خير والله يكتب اللي فيه الخير للجميع

 

[ReeMaN]

حبيبتى قمر .... بسالج متى عن عطل المدرسه شنو العطل اللي يعطونهم غير عطلة الصيف ..؟؟؟ يعنى عندهم عطلة الكريسماس وعطلة الشتا والخريف والربيع وعطلة عيد العمال <-- شبقى من السنه لا صج شنو العطل اللي عندهم ؟

 

[Fouz]

هلا فيج حبيبتي ريمان و الديرة منورة بأهلها يالغالية،، الحمدلله كل شي تمام و دبي عجيبة بس يبيلها روحة بدون دورة و بدون فزعة الصبح
و الحمدلله على سلامو كاراميللا و ان شاءالله نسمع منهت اخبار تفرح يارب

سارونة حبيبتي ابي منج خدمة،، ابيج تقوليلي شرايج بحضانة ولدج يعني تنصحين فيها و شنو عيوبها لان في وحدة قريبة اسألتني عنها و قلت أحسن شي اخذ الاخبار من سارونة دام اهي مجربتها،، ناطرتج

 

[sara999]

احم يعني المايك عندي؟؟؟؟
اي اقولج الحضانه حلوه ومريحه ونظيفه وكلها كويتيين مو اجانب اوكي المدرسات كلهم برتش ما عدا الللغه العربيه او الدين تلاقينها مصريه او سوريه جذي وبعد المكانيات عاليه عاليه والنظام وااااايد حلو وهدوء حلو ........ الانشطه حلوه وخفيفه ومفيده بدون هلاقه ومياعه ....... وبعد شنو اقول عنها ... فتره طافت مو بعيده حسيت ولدي مو مرتاح وحتى مني قلت حثق البنات اني ابيي اغير حضانته وجذي بس كلمتهم وعالجو الموقف والحين بالعكس يموت عليهم ولما اوديه ينقز يلم المدرسه من كثر ما يستانس عليها ..... وبالنهايه انا أؤمن ان المدارس حظ يعني لو امدحلج اياها من الحين لي باجر انتي وحظج

 

[Fouz]

احم يعني المايك عندي؟؟؟؟
اي اقولج الحضانه حلوه ومريحه ونظيفه وكلها كويتيين مو اجانب اوكي المدرسات كلهم برتش ما عدا الللغه العربيه او الدين تلاقينها مصريه او سوريه جذي وبعد المكانيات عاليه عاليه والنظام وااااايد حلو وهدوء حلو ........ الانشطه حلوه وخفيفه ومفيده بدون هلاقه ومياعه ....... وبعد شنو اقول عنها ... فتره طافت مو بعيده حسيت ولدي مو مرتاح وحتى مني قلت حثق البنات اني ابيي اغير حضانته وجذي بس كلمتهم وعالجو الموقف والحين بالعكس يموت عليهم ولما اوديه ينقز يلم المدرسه من كثر ما يستانس عليها ..... وبالنهايه انا أؤمن ان المدارس حظ يعني لو امدحلج اياها من الحين لي باجر انتي وحظج

مشكورة سارونة ما قصرتي و انتي صاجة كل شي حظ بس حسب تجربتج الحضانة زينة و انا بنقل الكلام اللي قلتيه و ان شاءالله تستفيد منه

 

[sara999]

اي والله انشالله تتوفق بالحضانه ...... أقول في ناس يو من لندن الحمدالله على سلامتهم ... عاد مادري شلونهم وشخبارهم مع الكويت وجو الكويت واااي يا حلات هالشعور انج تغطين عن ديرتج وترجعين لها ولهانه والا شرايكم يا ناس ؟؟؟

 

[mr000]

سلام أشلونكم خواتي شخباركم الحمدلله على سلامة المسافرين نورتوا الديره! أختي ريمان من بعد أذن الأخت قمر حبيت أجاوبج على سؤالج عن الأجازات عندهم أجازة الكرسمس مدتها شهر من 4/12 وفي أجازة الأيستر يسمونها أجازة الربيع مدتها أسبوع بشهر 4 وطبعا الأعياد الفطر والأضحى والعيد الوطني وعادة يوم تسليم الريبورت دايما يكون نص دوام !

 

[ReeMaN]

مشكوووووووووووره حبيبتى مروو بس شرايج بعطتلهم الكريسماس صج حلو يكون عندهم عطله بس مو مناسب مع عطلة الحكومه والا عادي بالنسبة لج اتوقع انج تعودتى على عطلتهم هالوقت ؟؟
وينج كاراميلا مشتاقين لج وولهنا على سوالفج ونبي نعرف شصار معاج على العالميه بشرينا .... يارب تبشرنا بقبول ولدها قولو آآآمين :yaaaaaarb:

 

[mr000]

والله أختي آنا بالنسبه لي ما تفرق معاي وايد أذا عطلته مع الحكومه والا بشهر 12 لأني متقاعده و ماعندنا أحد غيره بالمدارس بس أخته بالجامعه بس هم مو شي لان عطلتهم مو مع بعض فما قدرت اسافر بالاجازتين بس هو الولد وايد متضايق أن عطلته مو مع عطلة عيال عمه وعيال خواتي فأذا كان معطل مايقدر يروح لهم لأن عندهم مدارس وأذا هم معطلين هم مايقدر يطلع معاهم ولااييون عنده لأن عنده مدرسه وامتحانات بس يشوفهم بالويك أند فهذا الشي مضايقه وايد خاصة أن لما كان بالتكامل كانت عطلته مع الحكومه فكان يقدر يروح الشاليه ويستانس معاهم!