تجمع امهات الصف الخامس ابتدائي 2011/2012

[أم عزيـز]

جدول امتحانات حدمنطقة حولي حق خامسه حده مأسااااة

من صجهم حاطين اول شي عربي بعدين رياضيات !
لا والاسبووع اللي وراه وطنية بعدين علووووم ! شنو هالجدول الفااااشل
الله يعين عيالنا على هالجدول الدايخ والمناهج الصعبة

 

[jenjen]

السلام عليكم في احد سمع اذا في دروس محذوفه من منهج العلوم نفس السنه اللي طافت

 

[بقلبي انت]

لا مافي دروس محذوفه
بنات منو عندها اسئلة الset book تكتبهم الله يعافيكم

 

[أم عبووووود]

Jenjen
لا حبوبة ماكو شي محذوف بالعلوم لان الكتب محذوف منها بعض الدروس اللي العام
ربي يوفق عيللي وعيالكم ان شالله

 

[jenjen]

مشكورين على الرد والله يوفقهم و يطمن قلوبنا عليهم

 

[<<لمار>>]

الله يعينا علي الامتحانات انا ولدي يتعبني بالحفظ لازم انا احفظ ولامانخلص

 

[أم عزيـز]

انا التعبير مينني بنتي كلش مو راضيه تتعلم اسس التعبير
تبي تترس الصفحه وبس حتى لو مو مرتب ولا مترابط

ما ادري شنو بتهبب

 

[وحش الريم]

يا الله يا رحمن ياذا الجلال والاكرام يسر علي عيالنا...............
امهات منهج العلوم مافي شي محذوف؟؟؟
وباجي المناهج الرياضيات مثل ما اهو .............يااااااااااااااااااربي وايد متروس

 

[بقلبي انت]

يارب وفق عيالنا وسهل عليهم الامتحانات والله
المواد دسمه والحفظ وايد

مافي شي محذوف بالعلوم تدرسه كله

باجر رياضيات امتحان بنتي يارب وفقهم

 

[بقلبي انت]

يارب وفق عيالنا وسهل عليهم الامتحانات والله
المواد دسمه والحفظ وايد

مافي شي محذوف بالعلوم تدرسه كله

باجر رياضيات امتحان بنتي يارب وفقهم

 

[دلولي]

انا الله يعيني بنتي حبيبتي جاها العنقز على هاالاختبارات

 

[أم عبووووود]

الله يوفق عيالنا ان شالله ولا يخسر التعب ان شالله

انا بنتي اليوم امتحانها علوم ربي يوفقها

وااااايد واااااايد دسم وكم من المعلوووومات يااارب يعينهم ان شالله

والله المفروض اللي امتحنوه يحذفونه خلاص مادري شنو الفايده يمتحنون بالمنهج مرتين والله حرام عليهم اليهال قاموا يضيعون

امهات العلوم يبي له مجابل عدل عدل وربي يعينكم

ربي يوفق عيالي وعيالكم

 

[بقلبي انت]

بنتي اليوم جايه مستانسه تقولي يما امتحان الرياضيات سهل جنه حق رابعه مو خامسه
الله يستر عليهم ويارب تسهل امتحاناتهم وتوفقهم فيها

 

[أم عبووووود]

الله يوفقها ان شالله ولايضيع التعب يارب

انا موصيه اييبون لي نسخه منه ومايابوا ل لي الحين

بس يابوا لي العلوم مال رابع اليوم



ربي يوفق عيالي وعيالكم يارب *

 

[الصابرة المحتسبة]

للصف الخامس

 

[شذرات]

امتحان العلوم

لما كنت قاعده أدرس ولدي بنتي بتاسع تقول يما هذا منهجنا هالفصل درسناه!!!!!

تكفا الياهل شلون راح يحفظ حشرة العصا الماشية وإلا تنين البحر الورقي أذين وفايدته وبطين وفايدته وشريان ووريد والفرق بينهم والجهاز العصبي والخلية العصبية والعصب والنهايات العصبية وووو

شنو التمويه وشنو التكيف إنا ولدي ضاع بينهم

وما كان قاعد إلا يضحك على كلمة نيكوتين يقولها بطريقة تضحك ويضحك

وأنا ودي أبجي

واليوم التربية الوطنية والله أسئله مادري شلون صاير من كثر ما مااااالها معنى

أنا أسأل ولدي السؤال ولدي يسألني يعني شنو يبون أقول له مادري يا حبيبي احفظه جذي وخلاااص

وعشان يعطون للمادة أهمية حطوا فيها تواريخ !!!

الله يعين

 

[ام دندوونه]

الله يعينااا..انا ولدي امتحانه اليوم رياضيات..والحمد الله قدم زين..وبكرة انجليزي الله يستر..ويسهله عليهم..
يارب توفقهم يارب..ولاتضيع تعبناااا فيهم..وتفرحناااا بنجاحهم يارب..

 

[بقلبي انت]

اي والله شذرات صاجه اشفهمهم بالبطين والقلب والخلايا وغيره احنا يالله نفهمه عشان نوصل المعلومه لهم
ما اقول الا الله يعينا والله ماتخلص الامتحانات إلا دمنا نشف فينا انيميا

يارب تسهل علي عيالنا امتحاناتهم ووفقهم فيها يارب
باجر انقليزي امتحان بنتي الله يستر لا تغرز فيه

 

[أم عبووووود]

السلام عليكم
شلونكم يا امهات باجر امتحان بنتي العربي وااااي لوع جبدي وجبدها قامت تخلطت بالمعلومات من كثرها

مادري شنو فايزة الوزارة لما اليهال يدرس ١٠ دروس وايي له منهم 3 دروس بس حسبي الله ونعن الوكيل

لا والمنهج صعب والكلمات تييب الغثى


يارب يفتح على عيالنا ويوفقهم ان شالله ولا يضيع تعبنا ولا تعبهم ان شالله *

 

[رهف الجود]

السلام عليكم

ممكن اعرف شعطوهم في امتحان العربي؟؟؟