تجمع المسافرات الى لندن شهر 7 وشهر 8 ؟

[النظره الخجولة]

نجلاء الحمدلله على السلامه شكلج الي في بالي

وكل البنات الحمدلله على السلامه انا وصلت امس ومن اول مانفتح باب الطياره وشفت الحر جاتني الصيحه

وااااااااااااااااي ياحلات لندن وجوها والله ماشبعت منها

 

[ام فويزان]

صالون السلفرج روعه بس مشكلتهم حطوولي موعد بعد كم ساعه اقعد ويا وحده تشوف شنوو الي يناسبني فطنشت ماانطرت لان ماعندي وقت

مريهم راح يعجبج

عمري لا تروح صبغهم يحرق الشعر و لا لأ اذا عندج فكره

 

[كريستال]

لاتروح

تفداج العافيه ياقلبي تعرفين شريت عطر بوند نمبر ناين الاكسلوسيف اللي عليه كريستال شوارفسكي
هذي صورته

والثاني اللي بالعنبر

والثالث الفريش عاد تصدقين ماكنت ابي اشتري عطور بس ماقاومت _03BA:

ماخذت من شانيل لاني ماخذه قبل وماشاء الله عطورهم ماتخلص يبيله نصور المشتريات بس ماكو وقت رمضان على الابواب

 

[LA TROO7]

عمري لا تروح صبغهم يحرق الشعر و لا لأ اذا عندج فكره

حبيبتي والله ماادري

بس مبين شغلهم بيرفكت

 

[LA TROO7]

لاتروح

تفداج العافيه ياقلبي تعرفين شريت عطر بوند نمبر ناين الاكسلوسيف اللي عليه كريستال شوارفسكي
هذي صورته

والثاني اللي بالعنبر

والثالث الفريش عاد تصدقين ماكنت ابي اشتري عطور بس ماقاومت _03ba:

ماخذت من شانيل لاني ماخذه قبل وماشاء الله عطورهم ماتخلص يبيله نصور المشتريات بس ماكو وقت رمضان على الابواب

عليج بالعافيه قلبي

شميتهم بس ماادري قامت امي تذم فيهم فهونت عنهم عااااااااااد ودي اشوف سوقج_03ba:

انا احب شانيل مع ان اغلب عطوراتهم متشابهه بس احب ريحت البودر فررش

 

[LA TROO7]

نجلاء الحمدلله على السلامه شكلج الي في بالي

وكل البنات الحمدلله على السلامه انا وصلت امس ومن اول مانفتح باب الطياره وشفت الحر جاتني الصيحه

وااااااااااااااااي ياحلات لندن وجوها والله ماشبعت منها

الحمدلله عالسلامه

نفس الاحساس بالضبط فررررررررق الجوو

بنات مااحد يدري نجلا وينها شخبارها ؟؟

مس شوكو طمنينا شصار على شحنكم ياارب وصل

 

[نيلفار]

هاااااااااااااي بنات شلوونكم


انا الحمد لله وصلت بالسلامه


وااااااي يا حلات الديره صج غبار والجو يلوع الجبد بس ديرتنا ما في منها


وان شاء الله اريح وتالي اقولكم الاكشنات الي صارت

 

[mr000]

نيلفار الحمدلله على السلامه ولما ترتاحين سولفي لنا عن سفرتج!!ليالي وينج شخبارج اشتقنالج!! كريستال عليج بالعافيه العطر آنا وصلني أيميل عنه بس كان سعره غالي خاصة اللي قرشته عليها شواروفسكي وفي نوعين بعد نفس الشكل بس قرشه عاديه بدون شواروفسكي بس وايد أرخص منه!!

 

[النظره الخجولة]

الحمدلله عالسلامه

نفس الاحساس بالضبط فررررررررق الجوو

بنات مااحد يدري نجلا وينها شخبارها ؟؟

مس شوكو طمنينا شصار على شحنكم ياارب وصل

الله يسلمج ياقلبي وانا مالومج انتي تقولين قاعده شهرين انا حول الشهر تميت هناك وعورني قلبي لو شهرين عادي اصيح بالمطار ههههههههههههه

 

[جنون العشق]

شخبار السوق



اشدعوه محد معطيني ويه

 

[نيلفار]

مرووو والله الحمد لله السفره كانت حلوه وكسر الروتين ويت بوقتها بعد الاربعين بس فديته لو ولدي معاي جان استانست اكثر لان كنت واااايد احاتيه

تدرين هالسنفرات طلعت علي اكثر من بيع السوق

لان بالمطار انا حاطتهم بجنطة السحب الي معاي وراح عن بالي ان ما يصير سوائل


وسولي سالفه يا تقطينهم يا تدفعين 90 باوند وتدخلين الجنطة الشحن

والي يقهر ان انا كنت قبلها دافعة وزن زايد يعني لو حاطتهم بالجنطه الي فيها وزن جان ما رديت دفعت مره ثانيه

وتيرمنال 5 ايهبببببببببببببل شكثر شريت عطور ومكياج اسعاره روعة

وحتى الجناط وايد ارخص انا لقيت جنطتي ارخص ب 70 باوند





جنون العشق حبيبتي سوووقهم يهبل بس عيبه يتعب بالمشي

 

[حضاره]

نيلفاز اشلونج

شنهي الجنطه اللي طلعت ارخص ب70؟؟

 

[نيلفار]

جنطه ديور

 

[..ليالي..]

نيلفار الحمدلله على السلامه ولما ترتاحين سولفي لنا عن سفرتج!!ليالي وينج شخبارج اشتقنالج!! كريستال عليج بالعافيه العطر آنا وصلني أيميل عنه بس كان سعره غالي خاصة اللي قرشته عليها شواروفسكي وفي نوعين بعد نفس الشكل بس قرشه عاديه بدون شواروفسكي بس وايد أرخص منه!!

هلا مروو يالغاليه

شخبارج انتي وكل البنات

انا اللحين بالقاهره
علشان جذي ما اتواجد بكثره

وان شاء الله راده بعد شوي الديره

طيارتنا بالليل

اشوفكم على خير لما ارد الديره على خير

باااااااااااااااااااي

 

[كريستال]

هلا بنات

مروو ولاتروح

الله يعافيكم ياقلبي

نيلفار

الحمدلله على السلامه ومعووضه السكراب انا صار لي نفس الشي بس مع الشاورجل كنت ناسيته واخر لحظه قبل لانطلع شفته قلت للسايق اللي بيودينا حطه بالجنطه لانه الجناط كلها كانت بالسياير وحطه بالجنطه اللي ندخلها للطياره

قامت المفتشه وقطته بالزباله الله يكرمكم الله يعوضنا باحسن منه عاد ياليتها خذته بدال ماتقطه بس قبل لاتقطه تمت تقرا اللي مكتوب عليه شكلها بترد وتاخذه

 

[نيلفار]

اوووف يبطون الجبد لااا انا الي الريال قاعد يقولي من صجج بتدفعين 90 على سكراب خصوصا ان الجنطه كانت وااايد صغيره قتله هالسكرب انا دافعة فيه وفق ال200 باوند وتبيني اقطه

عاد قام وكتب اسمه =====> الظاهر ناوي يجرب واحد

 

[mr000]

وي حرام والله هالفلوس يالله الله يعوضكم ان شاءالله! آنا والله هم ماشحنت الأغراض وشايله ككاوات حماتي ترس هاندباك وقالي حطيهم مع الجناط حق الطياره لأنه الهاندباك ثقيله ماتدخلينها معاج الطياره وحطيتها فزاد الوزن ودفعت تقريبا 250 باوند لأنه حماتي الله يهديها لزمت ووصتني أنه ماأشتريلها من المطار ألا من جمعية تسكو والناس شاريه أكثر مني بس من المطار عقب الوزن ودخلوه معاهم الطياره وهم شاريه كوت حق ولد أختي أمه موصيتني وموصغير اسم الله عليه ريال ونوع الكوت اللي تبيه وايد متفوخ وثقيل! بعد لما يكون الشي حق نفسج ميخالف أو حتى خواتج مابينكم فرق بس بصراحه الناس الثانيين لما يوصون على أغراض وايد يعني وحده تعطيج 200 دينار وتقول أبي هدوم حق عيالي لازم تحسب حساب الوزن بس آنا أستحي أتكلم مع أنه وحده من اللي يبت لها أغراض قبل سنتين لما طلب منها ولدي بعض الشغلات قالتله أول تدفع الوزن وعطيناها وهم جم قطعة ملابس صغار موكميه!! وتصدقين فيه وحده رفيجتي الله يسامحها زعلت وألحين ماتكلمني بس علشان كانت بتوصيني على أغراض وقلتلها أن شاءالله أحاول أحصل لج كل اللي تبينه لأنه عذريني كذا وحده موصيتني على شغلات الله يشهد ماقلت غير جذي وترى حتى ماقالتلي بعطيج فلوس وهي عادي عندها جذي علبو صديقات تحسبها صوغه حق روحها انزين فماشفتها الا دازتلي مسج خلاص مابي منج شي وياريتني ماطلبت منج بعد ولادقت سلمت لما رجعت ولاحس ولاخبر من 4 أشهر!!

 

[mr000]

ليالي اشلونج شخبارج يالله ناطرينج تردين بالسلامه وتسولفين لنا عن سفرتج عاد آنا عمري مارحت مصر ولاشفتها ودي مره أروح لها!!

 

[نيلفار]

مروووو من صجج رفيجتج حده ما عندها سالفه !

بعدين شدعوه حتى لو ما قدرتي ايبين لها الله يعافي الانترنت كل شي تقدرين تطلبينه وانتي بمكانج ما له داعي تخسر صداقة على اغراض

 

[mr000]

كريستال أكيد هذي بترد تاخذه يعني تهقينها بتخاف من الحلال والحرام وتستحرم تاخذ شي مولها!! بس تصدقين آنا في شي استغربت منه وتوني تذكرته مادري الطياره الكويتيه يسمحون أحد يدخل مشروب؟ لأنه شفت هنود شارين من المطار وكانوا معانا بالصاله واحنا ناطرين بندش الطياره حتى يبينون لأنه أكياس السوق الحره شفافه مادري ولدي يقولي آنا أعرف أنه في خطوط يسمحون يعتبرونه استعمال شخصي بس مو كميه! بس ماتوقعت الكويتيه يسمحون!! لا والأم والأبو والعيال الكبار كل واحد شايل كيس كل هذا استخدام شخصي!!