تجمع المسافرات الى دبي عطلة الربيع 2010

[سفيرة العشق]

حبيبتي المدينة الحمد لله على سلامتج
ها شلون دبي
انا اول مرة اروح لها
وين تنصحيني اروح هناك بقعد 5 ايام
ابي استانس ويا ريلي
وجم يبيلي ميزانية ؟؟؟؟

شنو احسن فندق هناك وسعره مناسب ؟؟
ادري قرقت عليج وايد بس تحمليني

 

[المدينه]

حبيبتي انا سكنت بروز غاردن للشقق الفندقيه لان احنا عايله كامله فيها غرفتين وكل غرفه حمام خاص داخلها
وصاله وحمام خارجي ومطبخ
الفندق نظيف وروعه وخدمتهم ممتازه

 

[سفيرة العشق]

انزين ما قلتي شكثر يبيلي ميزانية
ووين احلى مكان للطلعات والسهر هناك؟؟؟

 

[المدينه]

حبيبتي اذا عالسوق شكثر شغلات تينن عندهم وخصوصا بالقريه العالميهيعني على حسب انتي شنو بتشترين

 

[مستقبلي احلى]

اختي المدينة اشلون جو دبي الحين بارد مثل الكويت او رطب ؟

 

[المدينه]

اول يوم روحي للقريه العالميه وبعد خامس يوم لانج ماراح تشبعين منها
واما ثاني يوم روحي لدبي مول واااي روعه روعه تغدو فيه بالمطاعم اللي برا القعده واااو ولعبو بالالعاب وااااي العابهم

تينن تينن تينن اشويه عليها حلوه وتخوف بنفس الوقت بس اتونس

وروحي حق المارينا ذاا ووك وواي القعده فيه تشرح الصدر يعني روحوله عال5 حلو الجو بيكون حلو

ومجمع ابن بطوطه وعندج سوق نايف خذيت لامي خامتين للعرس يطيرون العقل

وبعد في محل بخور عجيب عنده معمول للبيت يطير العقل وسعره بتنصدمين منه ب10 درهم يعني 800 فلس حده خيااال

وفي بعد محل خذيت بخور وعطورات منه بعد عجيب موموجود بلكويت عندنا
وروحي المجمع الغرير سنتر في بره قعده ومطاعم روعه وفي فعاليات حلوه

وعندج مجمع ابو الهيل بعد في عبايات حلوه بس مارحتله بصراحه

 

[مستقبلي احلى]

والحمدلله على سلاميج

 

[مستقبلي احلى]

وين اماكن يستانسون منها اليهال غير سكي

 

[المدينه]

لا حبيبتي جوهم روعه براده حلو يعني عادي تتمشين بره بدون جاكيت

 

[المدينه]

الله يسلمج حبيبتي
في العاب بدبي مووول اكيد بيستانسون لانها روعه
وبره مجمع الغرير بعد في العاب

 

[مستقبلي احلى]

يعني ما اخذ جاكيتات حق عيالي
ومشكورة حبيبتي على الرد

اخذ لهم صيفي يعني اترننغات صيفية

 

[لوازم العائلة]

مرحباا انا امس وصلت من دبي داااار الحي

الحمدلله على سلامتج
نبي نعرف كل شي بدايه بالجو بعدها بالاماكن الي رحتيلها
ويعطيح العافيه

 

[نوارة الشرقية]

متى يبتدي مهرجان دبي للتسوق ابغا التاريخ بالعربي والانجليش واي يوم بالتحديد
والله يسعد الجميع يارب.

 

[مستقبلي احلى]

مشكورة اختي المدينة

 

[المدينه]

يعني ما اخذ جاكيتات حق عيالي
ومشكورة حبيبتي على الرد

اخذ لهم صيفي يعني اترننغات صيفية

اي انا اللبس ولدي ترينق صيفي بس داخله اندر وير شتوي كم طويل وانا لاوالله عادي بس اخذيلج احتياط جاكيت

 

[المدينه]

الحمدلله على سلامتج
نبي نعرف كل شي بدايه بالجو بعدها بالاماكن الي رحتيلها
ويعطيح العافيه

الله يسلمج حبيبتي الجو بنهار دافي وبليل برد بس العادي اللي مايحتاج لبس شتوي يعني الجو اينن والاماكن اللي رحتلها ذاكرتها فوق

 

[المدينه]

متى يبتدي مهرجان دبي للتسوق ابغا التاريخ بالعربي والانجليش واي يوم بالتحديد
والله يسعد الجميع يارب.

بادي حبيبتي 28\1

 

[سفيرة العشق]

يعطيج العافية حبيبتي

 

[المدينه]

يعطيج العافية حبيبتي

يعافيج ياقلبي

 

[لوازم العائلة]

يعطيج العافية حبيبتي لوازم العائلة
انا بصراحة ششت على فندق العنوان بس ايه الأحسن
مال دبي مول أو الداون تاون؟؟؟

وقملر الدين عجبني سعره بس هو يم السوق أو بعيد؟؟؟

حبيبتي بالنسبه لادريس اصحج فيه اكثر من اي فندق ليلته ب83بالفتره الي بتروحين لها من غير ريوق
قمر الدين مافي حجوزات
المنزل حلو ب73