تجمع((المراجعات عند فوزية القطان))

[أسيرة أحلامي]

بنات اللي مسوين مجهري عند الدكتوره ابي اسال عن الفاتوره بستشفى الهادي جم تطلع ؟؟ بس ياخذون 900 ماياخذون اكثر ؟؟

 

[eng.q8]

ما جربت الحقن المجهري
بس حق العمليه اطفال الانابيب ياخذون 900 ومرات اذا الدكتوره اكتبتلج درب او دوا
يكون عليج الحساب بس ما يعدي ال 100 دينار
والله يرزقج ان شالله

 

[كويتيه مذهله 87]

السلام عليكم ،

انا راجعت العيادة ودشيت على الدكتورة سهى وسوت لي تحليل اليوم 21 وخذت 4 مسحات ، انا اراجعها عشان ابي احمل وعلى اساس انه زوجي عنده مشكلة في عدد وحركة الحيونات المنوية ، النتيجة طلعت انه عندي ضعف بالتبويض مع اني كنت مسوية تحاليل بشهر 8 وكل شي سليم ،وطلع التهاب بوحدة من المسحات مع اني ما اعاني من افرازات لها لون ولا ريحة ولا حكة ولا عوار ، وبالنسبة للتبويض انا الدورة منتظمة عندي وبمنتصف الدورة تنزل علي الافرازات الشفافة مالت التبويض ، الحين الدكتورة تبيني اراجعها عشان اخذ علاج حق الالتهاب وانا ما ودي اخذ ادوية لين تنزل الدورة وان شاء الله اكون حامل طبيعي ولا تنزل ، اهي انصحتنا بالتلقيح الصناعي وقالت انها بتعطيني كلوميد ثاني يوم الدورة واتسوي لي باجي التحاليل بس انا خايفة من الكلوميد لانه ما عمري اخذته ؟ منو حالتها نفسي؟

حبيبتي لا تحاتين وكلي امرج لله تعالي وبتشووفين الخير بكل مكان
استغفري الله

والكلوميد ماله اضرار حبيبتي تكبر المباايض وتعطيج ابره تفجيريه وتسويلج التلقيح الصنااعي وبنات يقولون مايعور انا ما جربته والله
بس اهم شي استمري بالادويه والابر وربي يرزقج الذريه الصالحه يااارب

وانا مثلج سويت تحاليلي كلها زينه للتبويضج ماصار 6 شهور الا طلع فيني ضعف تبويض لان صار فيني تكيسات والحين سويت كوي تكيسات والحمدالله رد تبويضي مثل قبل

 

[هيونه الكويت]

هيونه انا باجر موعدي معاج .. حق السونار الاخير بس الدكتورة ماراح تكون موجوده حولتني عند د امرين الباكستانيه ..
والسحب احتمال يكون الاحد او السبت..

نفس الحاله

بس انا الصراحه مو مرتاحه حق امرين هذي
ايدها وايد ثقيله بالسونار وانا ودي اسأل اأسأله للدكتوره وهذي ما تعرف عربي

ودي اروح حق شيماء

 

[ام مسااعد]

بنات اللي مسوين مجهري عند الدكتوره ابي اسال عن الفاتوره بستشفى الهادي جم تطلع ؟؟ بس ياخذون 900 ماياخذون اكثر ؟؟

هلا حبيبتي العملية 800 مو 900!!

انا سويتها بالهادي 800 بس خذوا مني 30 دينار زيادة عشان كانت عمليتي الجمعه واي مستشفى خاص ياخذ هالزيادة بس يوم الجمعه!!

طبعا شاملة كل شي ماعدا يوم الارجاع سعر 2 اللي هو 150 والابر المثيتى بعد العملية ريلج يشتريهم وطقونهم عندهم وقيمة الابرة الاولى دينارين والثانية 3 تقريبا..

موفقة

 

[مس ام عمر]

بنات اللي مسوين مجهري عند الدكتوره ابي اسال عن الفاتوره بستشفى الهادي جم تطلع ؟؟ بس ياخذون 900 ماياخذون اكثر ؟؟

انا خذت مني 800 دينار مع المسكنات 840

وعمليتي كلها كلفت 1400 شامل التحاليل والسونارات والسحب والترجيع والادويه:eh_s(22):

 

[مس ام عمر]

انا حاليا اعالج عندها

والحين مستمره بعلاج علشان الاجنه المجمده
وسويت العمليه شهر 7 واجهضت
منو عنده معلومات عن الاجنه المجمده

ادعوولي يكتبلي الشهر الحمل
وربيي رزقنا ويرزقكم قريب

 

[هيونه الكويت]

انا حاليا اعالج عندها

والحين مستمره بعلاج علشان الاجنه المجمده
وسويت العمليه شهر 7 واجهضت
منو عنده معلومات عن الاجنه المجمده

ادعوولي يكتبلي الشهر الحمل
وربيي رزقنا ويرزقكم قريب

الله يرزقج بالذريه الصالحه

ما عندي فكره عن الاجنه المجمده

 

[eng.q8]

هيونه
بشري شنو صار معاج بموعدج!
ان شالله خير

 

[أسيرة أحلامي]

مشكوريييييييييين بنات اللي ردوا علي .. هيونه بشري شصار معاج ..

 

[هيونه الكويت]

مشكورين بنات اللي اسألو عني



رحت حق الدكتوره شيماء وكانت يمها امبرلين

واللي سوت لي سونار شيماء

وعطتني موعد الاحد عشان فوزيه تشوفني

وعطتني ابر زياده طبعا

والله كريم

شصار معاج يا شجن؟

 

[أسيرة أحلامي]

هلا حياتي هيونه .. انا رحت الظهر وكنت عند الدكتوره امرين وانا بالانجليزي الله بالخير يالله افهم عليها بس انا مسويه العمليه مرتين من قبل فعارفه الخطوات وشنو اخذ وشخلي .. المهم سوتلي سونار وقاست حجم البويضات وقالت في بعضهم زينين وبعضهم لا .. بس الحمدالله على حكمة ربي ..
وامس خذيت الابره التفجيريه وعطتني تحاميل مثبته وورقة دخول المستشفى وان شاء الله باجر عمليتي السحب بالهادي ..

هيونه عادي حبيبتي لا تتضايقين انا قبل لما اتكون استجابتي بطيئه للابر يزيدونها لي وبعدين تكبر وانتي معاج وقت ان شاء الله فلا تحاتين ..

 

[أسيرة أحلامي]

بنات نصيحتي لكم لازم الوحده تقوي ايمانها برب العالمين ترا هو المعطي والرازق مو فلان من الناس ولا علان .. اذا الله كاتب لنا الحمل يتم بيتم حتى لو شنو صار .. واذا الله مو كاتب هالحمل ماراح يصير لو شنو ماسوينا .. كله بمشيئة الله (لله ملك السموات والارض يخلق ما يشاء يهب لمن يشاء اناثا ويهب لمن يشاء الذكور. او يزوجهم ذكرانا واناثا ويجعل من يشاء عقيما )
فوصيه اوصي بها نفسي واياكم :
1- الدعاااااااااااااااااااااااااء .. وفي محاضرة للشيخ محمد العريفي اسمها فضل الدعاء عجييييييييييييييييييييييييييبه ابحثوا عنا بالنت وتحصلونها .. انا ما اعرف احط الرابط ولا جان حطيته ..
2- الاستغفار بكل وقت خليه على لسانج مع حضور القلب .. ( فقلت استغفروا ربكم انه كان غفارا يرسل السماء عليكم مدرارا . ويمددكم باموال وبنين ويجعل لكم جنات ويجعل لكم انهارا)
3- الرقيه الشرعيه المعروفه الثابته بالكتاب والسنه .. وفي بعض الرقى هي من اجتهادات المشايخ ولا بأس بها لان القرآن كله شفاء .. واذا تبون اجمعها لكم واحطها من عيوني ..
4- فراءة سورة البقره يوميا .
5- قيام الليل ولو ركعتين .
6- شرب ماء زمزم بنية الحمل والشفاء لحديث ( ماء زمزم لما شرب له ) مع الحرص على الدعاء قبل شربه.
7- التوكل على الله واليقين بان الله سوف يرزقني ..

بناااااااااااااااااااات لاتنسوني من دعاؤكم .. ولا تنسون ان دعوة المسلم لاخيه المسلم مستجابه ويرد عليك الملك ويقول ولك بمثل ..

رب لا تذرني فردا وانت خير الوارثين
رب هب لي من لدنك ذرية طيبة انك سميع الدعاء​

 

[eng.q8]

اطلاله شجن
انا معاج باجر عمليتي
الله يستر ان شالله وموفقه

 

[eng.q8]

وانا بعد ثالث عمليه لي!
الله كريم

 

[ام مسااعد]

اطلالة شجن واختي

eng.q8

عسى ربي يحفظكم ويسرلكم اموركم ويكتبلكم الذرية الصالحة وجميع بنات المسلمين طمنونا عليكم

 

[أسيرة أحلامي]

وانا بعد ثالث عمليه لي!
الله كريم

وانا بعدهذي ثالث مرة اسويها بس اول مرة عند د فوزيه.. انتي وين سويتيها من قبل ؟

 

[هيونه الكويت]

مشكوره اطلاله شجن على الرد

والله يكتب لج الحمل امين

بشري شنو صار معاج؟

 

[هيونه الكويت]

اطلاله شجن
انا معاج باجر عمليتي
الله يستر ان شالله وموفقه

الله يوفقج بعمليتج

ويرزقج الذريه الصالحه

بغيت اسالج شصار معاج؟

ششلون العمليه؟

 

[ام يوسف القمر]

الله يرزقكم ولا يخسر التعب ان شالله مؤجورين ان شالله