تجمع المدارس المصابة بالانفلونزا الخنازير؟؟؟؟؟؟؟؟؟؟؟؟

[أحلى الخلايق]

السلام عليكم
بنات حبيت اطرح هالموضوع لما فية من اهمية
صراحة شكثر مدارس يكون المرض منتشر بينهم ولا يعلمون الا لمن تنعدي المدرسة كلها؟؟؟؟؟؟؟؟؟
فهالتجمع راح يفيدنا الي عندهم بنات يداومون راح يسهل علينا معرفة المدرسة الموبوءة خصوصا انى الادارة تكتم فياليت من المدرسات اوالامهات الي تسمع خبر عن اي مدرسة ماعلية الا انها تكتب اسم المدرسة؟؟؟؟؟
وحسب معلوماتي
مدرسة الوسطى
ومدرسة العارضية
ومشتبهين بثانوية رزينة


ياللة يابنات_03ba: الي تسمع عن اي مدرسة تبلغنا عشان ناخذاحتياطاتنا

 

[صعب غلاها]

وثانويه بيان
وثانويه الرابطه

والاداره مصرين يكتمون عن البنات اللي حايشتهم واحنا عايشين على امانه الله

ماندري علانه وفلانه فيها ولا لا

صج شي يبط الجبد

 

[المكسيكيه]

الله يكون بعونكم والله

 

[أحلى عيون]

امبيه المدارس الي بصباح الناصر خواتي فيهم


مدرسه الفروانيه المتوسطه بنين فيها زوجي يقول كل يوم يطلعون 3 من الطلبه فيهم

 

[ملكة قلب زوجي]

ياليت تضمون بعد المدارس الخاصه هم بعد ما يعلنون عن الحالات المصابه

 

[*سكون*]

حبيبتي مو بس المدارس .. الكل يشتكي من الحرارة والكحه بس تدرين وين المشكله مو بالادارات تتكتم لااا المشكله ان الاهالي يتكتمون لو أحد من عيالهم فيه ما يقولون ليش ووين المشكله ؟؟ المشكله داخلنا ككويتيين حتى المرض نستحي نعلن عنه .. يخافون أحد يعاير عيالهم بالصف

انا اشوف الوضع مستشفيات مليانه ويقولون الاعراض تتشابه من جذي مو الكل يحلل واللي يحلل ويطلع فيه ما يقول عشان لا يصير منبوذ .. وضع يعور القلب .. ما نقول الا الله يكافينا الشر ويبعد المرض عنا

 

[% Dloo3a %]

اي شي ...



منو قال الوسطى والرزينه فييييهم .. انا اعرف ابلات فيهم ويقووولون ماافيهم شي اشاعات ..


واعرف ابله بثانوية العميريه تقووول فيها 5 حالات !!!

 

[ZajiL]

انا اقول يابنات
توكلوا على ولا تخرعون نفسكم وخلوها على رب العباد اهو ارحم منه
انا كنت ميته من الخوف وبمنع عيالي
بس الحين كل يوم اتحصن بالاذكار احس صج صج ربي غسل على قلبي وغير جذي ابتعادي اني اسمع الاخبار اول باول
خلاني طاخه تدرون ليش خاولت ابعد لاني صرت مانام بس افكر واعصابي شاده وخيافه على طول

من جذي وكلت امري لله
عسى الله يحفظنه ويحفظ امة محمد

 

[أحلى الخلايق]

اي شي ...



منو قال الوسطى والرزينه فييييهم .. انا اعرف ابلات فيهم ويقووولون ماافيهم شي اشاعات ..


واعرف ابله بثانوية العميريه تقووول فيها 5 حالات !!!

اي بس انا ادرس بالوسطى وبعض الطالبات عندهم هالمرض

 

[الفنانه79]

والله يابنات انا كنت اهلوووووس من الخووووووووووووف والوسواس قبل الدوام واخاف على اعيالي

سبحان الله قمت اقرى الاذكار والصبح اقرى دعاء الوباء واستودعهم الله


اهو اللي عطاني اياهم اهو اللي يخليهم لي ويحفظهم لي يارب

والحمدلله الله مسح على قلبي

وتوكلت ووكلت امري لله لااله الا هو ان يحفظلي اعيالي ويخليهم لي

 

[bint_looda]

الله يحفظنا وديرتنا واهلها من كل شر

 

[غناتي حسين]

مدرسه درة الهاشميه فيها خمس حالات ومن ثاني يوم داومو البنات وعادي كل شي طبيعي والبنات اللي بنفس الصف عادي داومو وكان شيئا لم يكن

 

[*سكون*]

ما يصير يداومون الا بعد أسبوع من ظهور الأعراض حتى لو حسوا بتحسن لأن العزل لازم يستمر حتى بعد الشفاء ب 24 ساعه

ولا تخافون اهي انفلونزا عاديه بس الفرق انها اقوى شويه .. والاحتياطات والاجراءات لانها نوع ينتشر بسرعه .. احنا نتوكل على الله واهو الحافظ سبحانه

 

[المكسيكيه]

يداومون فيها الخنزور المتخنزر صج اهليهم مايستحون بذمتي
انانيين يعدون غيرهم اي مايهم اذا حد كبير بالسن ولا مريض بالسكر او القلب ولا ربو ولا وحده حامل يلا عادي نعدي الكل الي يعيش يعيش
والي يموت مو مهم والله هل النوعيه لا تعليق

 

[taybaa]

الله يسترعلينا

 

[::: بنت جابر الخير :::]

ثانوية أم الحكم مليااااااااااااانه حالات ورفيجات بنت إختي 2 فيهم
والحين هي صابتها الإنفلونزا وعدتنا إدعوا لنا

ومتوسطة العارضيه بعد بنت إختي الإسبوع هذا جتها الإنفلونزا الظاهر وحده معاها بالصف
ما أقول إلا حسبي الله ونعم الوكيل باللي موراضي يأجل الدراسه
وعادي عندهم إن المرض ينتشر يعيش اللي يعيش ويموت اللي يموت :eh_s(14):​

 

[ورد الطايف]

ثانوية أم الحكم مليااااااااااااانه حالات ورفيجات بنت إختي 2 فيهم
والحين هي صابتها الإنفلونزا وعدتنا إدعوا لنا

ومتوسطة العارضيه بعد بنت إختي الإسبوع هذا جتها الإنفلونزا الظاهر وحده معاها بالصف
ما أقول إلا حسبي الله ونعم الوكيل باللي موراضي يأجل الدراسه
وعادي عندهم إن المرض ينتشر يعيش اللي يعيش ويموت اللي يموت :eh_s(14):​

الله شافيج وعافيج

لاحول ولاقوة الابالله ليش الانانيه هذي المريض مفروض مايداوم ينشرون المرض

بعض الناش ماعندهم ضمير

 

[فـراوله]

عادي أختي بمدرسة الفروانيه كان في حالات عندهم وكانت تداوم عادي
وما صابها شيء حراره خفيفه وراحت الحمدالله

واخواني الصبيان اثنينهم كان حرارتهم 39 وخذوا علاج وألحين الحمدالله
ما فيهم الا العافيه


بنات ترى حيل مكبرين الموضوع ترى أنفلونزا العاديه قاعده تموت آلااااااااااااااف كل سنه
شمعنى محد تكلم ولا خاف

ارقوا نفسكم بالأدعيه والاستغفار والبنات وايد حاطين طرق الحفاظ من انفلونزا الخنازير
اتبعو هالتعليمات وما في الا العافيه

قل لن يصيبنا إلا ما كتبه الله لنا

حتى لو وحده خايفه وحابسه روحها بالبيت اذا الله كاتب لها تنصاب راح تنصاب
مهما تسوي بعمرها

ترى هذا اختبار من الله لكم ولازم إيمانكم يكون أقووى من جذي

أدري كلامي ما راح يعجب بعض البنات بس هذه الصراحه واللي لازم
نثق فيها

والله يحفظكم ان شاءالله

 

[@ نجمة العطااا @]

مدرسة العدان ثانوية فيها اصابات على ما اظن!! ومدرسة الحسناء بينت معاوية فيها اصابة معلمة و3 بنات والله يستر على بناتنا

 

[ghalaty]

خوش موضوع بعد شنسوي اذا حيل متكتمين احنا خل نعلم بعض