تجمع المتزوجاااااااات بعمر الـــــــــ40 الله يطوّل بعمرنا

[فوفو22]

اهلين ومرحبا فيكم كلكم بنات الاربعين ياحلوكم وياحلو سوالفكم انا داشه متاخر لان بنتي ماخذه الابتوب والحين افرجت عنه 0
شلونكم شاخباركم احب اسمع سوالفكم0 القطاة لاتستحين دشي وشاركينا وسولفي معانا 0 انا ترى قليلة الكلام احب اسمع واقرا بس هم الله يعافي فوفو وباجي البنات طلعوني من صمتي 0

نجوم لا صمت بعد اليوم

فضفضي حبيبتي لاتخلين شي بقلبج

ترى انتي بين خواتج واهلج

 

[النجوم]

تصدقون خلصت بنتي امتحانات الثانويه وناطرين النتيجه 0 الله يستر هذي البنيه شلعت قلبي من قلة الدراسه ودلوعة ابوها عطاها وجه الحين طالعت لي بسالفه يديده تبي تدرس بالجامعات الخاصه 0 المشكله الحين الجامعات الخاصه رفعت نسبة البعثات الداخليه 0 والله ايدي على قلبي مادري شسوي 0الله ينجح الجميع 0

 

[فوفو22]

السلام عليكم
الصراحة انا مشاركة صارلي فترة بالمنتدى بس أدخل وشوف سوالفكم واضحك بس والله عن جد اعجبتني السوالف وحبيت اشاركم انا عمري 37 وعندي 5 عيال

هلا فيج يا ام غانم اشلونج

ربي يحفظ لج عيالج

وين تشتغلين ؟؟؟

 

[فوفو22]

حبيبتي فوفو

ان شاء الله خير

بس ريلي موراضي بعد اخذ كلوميد
قالي خليها على الله

بحاول فيه الشهر الياي
والله كريم

كم سنه لج متزوجه؟وكم عمرك؟؟وشكثر عندج عيال؟؟

وكم عمر زوجج

>>>صرت دكتوره

قصدي بعطيج نصيحه ممكن تفيدج عقب اجابة الاسئلة

 

[فوفو22]

ليه يافوفو ليه كده ؟

عبالي عمرج 22 سنة

هالموضوع للفضايح

بجيب أمي تدردش معاكم :dddds:

لا تزعلون مني

أتغشمممممممممممممر

بحبكمممممممممممممممممممم

:fun:

ايوا ياماركه

ماعليج اقعد مع ام 22 واتغشمر مع ام 33

واسولف مع ام 44

وافهم ام 55

لله الحمد والشكر عندي القدره اتعايش مع كل الاعمار واندمج بعد

وين امج ماركه مثلج او لا :dddds:

 

[فوفو22]

تصدقون خلصت بنتي امتحانات الثانويه وناطرين النتيجه 0 الله يستر هذي البنيه شلعت قلبي من قلة الدراسه ودلوعة ابوها عطاها وجه الحين طالعت لي بسالفه يديده تبي تدرس بالجامعات الخاصه 0 المشكله الحين الجامعات الخاصه رفعت نسبة البعثات الداخليه 0 والله ايدي على قلبي مادري شسوي 0الله ينجح الجميع 0

نجوم حتى ان بنتي اليوم خلصت الامتحانات

وتبي تدرس بجامعه الخليج

الظاهر موضة المراهقات

 

[النجوم]

انا اليوم قاعده بالبيت متعوده كل خميس ازور امي وجمعة خواتي بس اليوم سيارة ولدي خربانه وولدي اخذ السياره
وبنتي ماخذه سيارة زوجي0 واحنا قاعدين 0 بنتي مشركه بمعارض وااشوفها وايد ماغير كل ليلة تي من المعرض يايبة لنا صحن حلو 0
ذبحتني هالبنيه مسرفه وايد الفلوس بايدها مثل الجمره 0

 

[*مرامي*]

فوفو

انا عمر 28

وصارلي متزوجه سنه ونص

وصارلي حمل بعد 9 اشهر من الزواج من غير تلقيح صناعي بس كلوميد
بس ما الله كتب يثبت وطاح من الاسبوع التاسع


الحمدلله على كل حال
بس ترى ماسويت تنظيفات ماشاء الله ادوية امي انفظت كل اللي فيني

 

[القطاة]

هلالالالالالالالالالالالالالالالالالالالالالالالالا وغلالالالالالالالالالالالالالالالالالالالالالالالا فوفو22 أنا أشتغل بالتربية وما أدراك ما التربية وعندي 3 بنيات وولد
وعمري 42 وسلامتج وتعيشين

 

[فوفو22]

انا اليوم قاعده بالبيت متعوده كل خميس ازور امي وجمعة خواتي بس اليوم سيارة ولدي خربانه وولدي اخذ السياره
وبنتي ماخذه سيارة زوجي0 واحنا قاعدين 0 بنتي مشركه بمعارض وااشوفها وايد ماغير كل ليلة تي من المعرض يايبة لنا صحن حلو 0
ذبحتني هالبنيه مسرفه وايد الفلوس بايدها مثل الجمره 0

اي يا نجوم البنات بهالعمر

ماشاء الله مسرفين ومايحسون بقيمة الفلوس

عليهم بالعافية
انا ازيد منهم

بنتج بأي معرض مشاركه؟؟

 

[*مرامي*]

النجوم
ان شاء الله خير
ادعي الله والله يسخر لها حبيبتي
واذا على الصرف بنات هالايام كلهم جذي
بس حاولي تعلمينها حق باجر لي ياها الريل ان شاء الله
الحين في دورات بهالخصوص
بالقرين اسبوعين ب25 دينار
وديها خليها تستفيد

والله يبلغج فيها يااااااااااااااارب

 

[الشهد كله]

تعااااااااااااااااااالوا _03BA: ما صار لي جم ساعة من خليتكم ألقاكم تسولفون من وراي :krkrkr::krkrkr:

شنو صار من وراي من مؤامرات قولوا لي ترى آنا قاعدة لصلاة الفجر ماراح أنام :ggdw::ggdw:

شبعانة نوووووووووووووووووم ...... ​

 

[*مرامي*]

اي نسيت فوفو
زوجي كبري

 

[*مرامي*]

هلا والله بالشهد كله

اشلونج

وييييييييه سوالف والله حلوه ماشاء الله عليهم البنات

بس مادري وينها بناتي حبيباتي غطت

 

[النجوم]

بس فوفو جامعة الخليج صعبه انا ولدي تخرج من الاستراليه اهي جامعة قويه وصعبه لان الدراسه فيها تعتمد على القواعد بس الامريكيه دراستها سهلة لان اساسا كان بالثانويه الانجليزيه لان ولدي الوحيد قلت خل يدرس بالمدارس الخاصه احسن له 0 اما بنتي الكبيره تخرجت من الثانويه بتقدير جيد جدا وتخرجت من المعهد العالي للفنون المسرحيه بتقدير زين 0 اما بنتي الضغيره اللي الحين بتتخرج من الثانويه مو شاطره وايد ماادري عين حاشتها قبل كله تقديره بالامتيازات بس من كثر العين عليها ما ترقعت تصوري كل فترة الامتحانات يصير فيها ربو او تسخن او تمرض بحساسيه قويه الله لايوريكم علشان جذي ابوها دلعها وايد وهي ما صدقت 0لازم تاخذ كورس تقويه عندهم 0
الله يسهل حق الجميع وينجح بنتج ولا يخسر التعب انشالله 0

 

[بناتي حبيباتي]

وعليكم السلام ورحمة اله وبركاته

هلا ومرحبا فيج حبيبتي

ادخلي اشفيج مستحية

وين تشتغلين يا حلوه؟؟؟؟

بناتي حبيباتي مبروك نجاح البنات وعقبال ما تفرحين بزواجهم يارب

تسلمين يا قلبي والفال للجمييييع

 

[فوفو22]

فوفو

انا عمر 28

وصارلي متزوجه سنه ونص

وصارلي حمل بعد 9 اشهر من الزواج من غير تلقيح صناعي بس كلوميد
بس ما الله كتب يثبت وطاح من الاسبوع التاسع


الحمدلله على كل حال
بس ترى ماسويت تنظيفات ماشاء الله ادوية امي انفظت كل اللي فيني

صاج ريلج

لسه انتي عروس

انسي موضوع الحمل واشغلي بالج بأي شي بسفر بشغل بنادي

واتوقع رح تحملين لان سبق رحمج تكوّن فيه جنين

فسهله حالتج مو صعبه ولا تحتاجين عمليات ولا حبوب ولا يحزنون

تحتاجين طولة بال وصبر

وربي يرزقج هالشهر بالحمل اللي يفرحج

 

[الاسطورة]

ها يا عياييز المنتدى
اشلونكم وشخباركم







ودي اعرف شغله
منو منكم طقت ابر او سوت عمليه تجميل
ومنو فيكم يعطونها عمرها

واشلون تحتفظون برشاقتكم

 

[*مرامي*]

بروح وارد شوي

برب

 

[فوفو22]

هلالالالالالالالالالالالالالالالالالالالالالالالالا وغلالالالالالالالالالالالالالالالالالالالالالالالا فوفو22 أنا أشتغل بالتربية وما أدراك ما التربية وعندي 3 بنيات وولد
وعمري 42 وسلامتج وتعيشين

:dddds:

انا بعد بالتربية بس بروضة

ومرتاحه بالدوام