تجمع السعوديات العايشن في الكويت

[بـــــــــدور]

بنات والله اني محتارة وش اسوي فطور اليوم كل الطبخات والاطباق اللي اعرفها سويتها للي تعرف شي جديد تعلمني ويستفيدون بعد البنات

 

[أوراد التميمي]

هلا بدور شلونك عساك طيبة

سوي محشي دجاج غيري شوي بالكبسة

تدرين أمس سويت كفتة بس من حوسة العيال وصجتهم حست فيها حوسة وطلعت والله خيال

زوجي قال لي لا تباعدين عنها

اخذت لحم مفروم طازج من بندة وخلطته مع كزبرة وبصل وبقدونس وطماط وفلفل بارد

وملح وبهارات وليمون وتركتها طول وقت الهوشة >> الله يصلحها يارب يمكن تركتها ساعة


المفروض اني اكورها بس المزاج لك عليه مع الصغيرين وش سويت سدحتها بالصينية المدورة حقت الكيك

وقلت نامي الله يحفظك ودخلتها الفرن وحمرتها من تحت وفوق

وسويت لها صوص < تغميس > روب + طحينية + نص فص ثوم مدقوق وملعقة جبن سائل

واستمتعي بالطعم صراحة أعجبت العايلة كلها

إن شاء إذا تفرغت نزلتها

وسلامتك

 

[أوراد التميمي]

ما شاء الله مطبخ كويتيات يدهر الله يجزاهم خير

الله يعطيهم العافية

ريما الكويت طبخاتها مميزة ما شاء الله عليها

كل طبخاتها محفوظة عندي ولا يهنون الباقيات

 

[بـــــــــدور]

هلااوراد اشوة انتي مصحصه معاية انا سويت قبل شوي سلطه دجاج مع الخس والصلصه وسويت بسبوسة علشان زوجي يحبها مووووت وسويت عجينه فطاير وشوربة كويكر <<<<<<<<<<<<<<< الجهاز معاها في المطبخ



الكفته انا اسويها مع صلصه الطماطم وادخلها الفرن بس حلوة طريقتك مع الصوص ابغااجربها

 

[أوراد التميمي]

هلا بدور انا سويت شوربة بيضا من جا رمضان واحنا كله الشوربة الحمراء اليوم غيرت خخخخخخخخخ

ومرق للثريد وشكلي اليوم كبسة ربيان

مطلعة دجاجة ولي نص ساعة اطالعها مو عارفة وش اسوي فيها المسكينة ساعة أقول مكرونة وساعة ودي احرقها مشوي خخخخخخخخ

للحين افكر في امرها والخدامة ناشبة فيني وش بتسوين خليني افكر شوي خخخخخخخخخخخ

كريم كراميلا يومي يحبونه الله يصلحهم

ولقيمات ابشرك صرت سنعة وضبطت معي السنة كل سنة شيل وحط معاها السنة ركدت وطاعتني

 

[أوراد التميمي]

يا اختي المنتدى دايم يشوتني اكتب وذا ارسلت يطلع كاني مو مسجلة اروح واسجل مرة ثانية << اوراد الله يرحم امك لا عاد تشرحين

المهم بدور حبيتي شوفي هالرابط فيه طبخات اختي ريمه

بوق عيني عينك << الله يجزاها الجنة يارب

http://www.q8yat.net/album.php?albumid=1172&page=3

 

[أوراد التميمي]

اسلم عليك بدور

بروح اتفاهم مع دجاجتي خخخخخخخخخخخخخخ

بدور انت من وين في السعودية

 

[بـــــــــدور]

ههههههههههههههه اوراد عساني مااصير دجاجه عندك عليكم بالعافية يارب تصدقين صارلية 14 سنه بالكويت ومااحب الاكلات البحرية ولااحب اطبخها ادري اني غلطانه والسمك فيه فوايد كبيرة بس ماني قادرة نفسي ماتتقبله
اوراد جربي كتاب ام ريما اناشريته من السعودية رهيب مررررررررررة

 

[بـــــــــدور]

انا من عرعر عروس الحدود الشمالية

 

[فنانة الكويت]

اشدعوه محد عبرني ويييييييي الظاهر مومكاني اهني اسفه اذا دشيت عليكم عرض

 

[بـــــــــدور]

فنانه الكويت هلاياقلبي حياك معانا والله انا بالمطبخ احوس توني انتبهتلك وش رايك تجين تلفين معاية ورق العنب

 

[فنانة الكويت]

ههههههههه يا عمري انتي والله انه بعد احوس بالمطبخ بس الحين قعدت شوي ناطره ابو الشباب يرجع من الدوام عشان باقي الاغراض واكمل شغلي هلا فيك ياقلبي اتشرف اني اكون معاكم

 

[بـــــــــدور]

حياك الرحمن ممكن تقولي لنا وشو فطوركم اليوم

 

[أوراد التميمي]

ههههههههههههههه اوراد عساني مااصير دجاجه عندك عليكم بالعافية يارب تصدقين صارلية 14 سنه بالكويت ومااحب الاكلات البحرية ولااحب اطبخها ادري اني غلطانه والسمك فيه فوايد كبيرة بس ماني قادرة نفسي ماتتقبله
اوراد جربي كتاب ام ريما اناشريته من السعودية رهيب مررررررررررة

ايه والله احمدي ربك يا بنت الحلال خخخخخخخخ

بدور انا اهلي واهلي رجلي يموتون على شيء اسمه زفر الله يصلحهم

انا كنت احبه صراحة بس توحمت فيه وخلاص كرهته

الربيان احبه بس في رمضان ما اشتهيه

تدرين عاد اهل زوجي من حبهم له ودهم يسووونه سمبوسة الله يحفظهم يارب فيه العافية

عندي كتاب النخبة صراحة روعة يجنن

شريته 120 ريال

حيا الله اهل عرعر ما شاء الله عليكم

يعني اهنيا اطلب تجد

شمالية وشرقية جنوبية وغربية

في احضانك يا اغلى ديرة نتهنى بأحلى صيفية



<< انشودة المجد​

 

[أوراد التميمي]

اشدعوه محد عبرني ويييييييي الظاهر مومكاني اهني اسفه اذا دشيت عليكم عرض

لبى الدلع والزعل حياج يا بنت الحلال وراك عجلة تعالي

ادخلي علينا بالعرض والطول يا مرحبا والله

واهلي على الجماعة صج الليت اخضر بس مشغولين الله لا يشغلنا الا بطاعته

​

 

[العشق المستحيل]

بدور هلا والله فيك وفي اهل عرعر كلهم انا ساكنه في عرعر

 

[أوراد التميمي]

الله يفرج همك يالغلا

العشق كم بينكم وبين الكويت

نفس المسافة بالنسبة لنا احنا بينا وبينهم يمكن 3 أو أربع ساعات بالسيارة

 

[بـــــــــدور]

بدور هلا والله فيك وفي اهل عرعر كلهم انا ساكنه في عرعر

هلا فيك يالعشق المستحيل انتي في اي حي في عرعر

 

[بـــــــــدور]

اوراد انتي وين اهلك بالسعوديه

 

[أوراد التميمي]

انا من الشرقية بالجبيل تحديدا