تجمع البنات اللي ماعندهم عايلة او ماعندهم خوات

[بنت عطا]

عنديً خوات الحمدلله ونحب بعض وننصح بعض وواجد نتهاوشً ومانكلم بعض بسً نرد لبعض مانقدر نزعل من بعضنا

مهما يكون الاخت غير والوحده مالها الا خواتها اهم بينصحونها من قلب وماراح يخدعونها

 

[سارونات]

بنات اللي يقلولون نتقرب حق بنات خالاتنا او بنات عماتنا تره صعبه شويه اذا اهم بالاساس مو حيل وياج مايصير اقط روحي لهاا

 

[ahhaat]

الله يعينج ويعين البنات
الحمدلله انا عندي خوات وحيل معاهم مع ان فرق العمر بيني وبينهم
اهما اعمارهم متقاربه من بعض بس بينهم سنه وسنتين اما انا بيني وبين اللي اكبر مني 7 سنوات لوول
بس هم قريبة منهم واقرب وحدة فيهم اهي اكبر وحدة وبيني وبينها 11 سنة والحمدلله مافي حواجز بينا

مشاءالله الله يخليكم لبعض ولايفرق شملكم يارب:eh_s(7):

 

[ahhaat]

بنات اللي يقلولون نتقرب حق بنات خالاتنا او بنات عماتنا تره صعبه شويه اذا اهم بالاساس مو حيل وياج مايصير اقط روحي لهاا

معاك حق سارونات وبعدين مو دايم بنات الخال وبنات العم يكونون بنفس أعمارنا عشان نتقرب منهم

 

[ahhaat]

عنديً خوات الحمدلله ونحب بعض وننصح بعض وواجد نتهاوشً ومانكلم بعض بسً نرد لبعض مانقدر نزعل من بعضنا

مهما يكون الاخت غير والوحده مالها الا خواتها اهم بينصحونها من قلب وماراح يخدعونها

الله لايغير عليكم ان شاءالله والخوات مايجمهعم ولايفرقهم الا الام الله يخليها لكم ويطول بعمرها:eh_s(7):

 

[ahhaat]

ياحيااتي ماعليه
حاولي تتقربين من بنات عمتج واو خالج او اي بنت قريبه من عمرح
وكوني صداقات وبجذي ماراح تحسين بالوحده كلش

مشكورة حبيبتي على النصيحة وأنا الحمدالله عندي رفيجات واجد بس مافيهم الا تعوضني عن الاخت

 

[ahhaat]

انا حاسه فيج اكثر من غيرج ..

انا عندي اخت صغيره والفرق بينا 12 سنه لكن حاسه فيج لاني طول 12 سنه وانا كنت احس بالوحده ولليوم احس فيها واحب اكون وحيده اكثر اوقاتي لاني تعودت حتى هي تكون بروحها احيانا بس كل ماتكبر تتقرب مني اكثر طبعا وحيدتي ودلوعتي وقريبات من بعض .. لكن بعد ودج باخت قريبه من عمرج تشكين وتفضفضين لها او اكثر من اخت يملون عليج البيت .. عايلتي على قدي انا وامي واختي بس فديتهم كل حياتي .. ماعندي اهل لزم يعني اعمام او عمات وعماتي توفو واحنا مو محتكين ف عيالهم عندي الي يصيرون لنا من بعيد وطبعا مو وياهم الا نادر ومارتاح لهم واهل امي بعيد .. افتقد الجو العائلي حييييل بالمناسبات والاعياد اكثر وقتي بالبيت وماطلع زيارات الا للمعارف والصديقات مع ان وايد ناس يزورونا بالمناسبات لكن ودج باهل واعمام وعمات وخوال وخالات وعيالهم ! .. وانا نفسج كتومه وماحب اتكلم عن نفسي يمكن حياتنا هي السبب .. حابه حياتي نفس ماهي لاني اسوي الي ابيه لكن انحرمت من جو الاهل ودج باخوات واخوان تضحكين وتسولفين وتطلعين وياهم كان ودي باخ يكون لي ظهر وسند :/ .. الحمدلله على كل حال الله يعوضني بزوج :$ ..

يارب الله يحفظلك عائلتك الصغيره ويعوضك بالزوج اللي يملى عليك حياتك ويكونلك العون والسند وتجيبين منه بنات وعيال يغنونك عن كل الناس واحنا الظروف جبرتنا نتأقلم مع الوحدة عشان جذي تعودنا عليها مع الوقت والصديقات مهما كانوا زينين وعلى قلبك وقت المناسبات ينشغلون كل وحده مع عايلتها واخوانها وخواتها

 

[موج-البحر]

مممممم يبتيها على الجرح :eh_s(2): صج ماباقي شي على العيد واحساس الوحدة

مايكبر الا بالهوقت بس الحمدالله على كل حال الله اكيد بيعوض المحروم

وتحز بخاطري لما اشوف كل وحدة واهلها وجماعتها وعند اعمام وخوال :eh_s(2):

واااااااااااااااااااي عورتي قلبي :eh_s(11): بس الله يعوضنا ان شاءالله , من توفى ابوي

والاحوال مش ولا بد بس الاكيد انها خيرة

بس كلي ثقة ان الله راح يعطيني شي كبير وحلو بالمستقبل القريب ان شاءالله :eh_s(7):

ويعطي كل وحدة اللي تتمناه وفيه خير لها

وعــــــيـــــدكــم :eh_s(9): مــبــــارك مــقـدمــا

​

 

[كلهآ ملح ..}]

آنآ وحيده آهلي يعني لا اخو وولا اخت

لكن ربي عوضني بصديييييييقه مثل الاخت واشد

عجبني الانضمااااااااااااام

 

[رق القلوب]

موضوع روعه لان حطيتي ايدج عالجرح

انا الكبيره بين 3 اخوان وماعندي خوات كانت بنت خالتي مثل اختي الكبيره كلللللللل شي نسويه مع بعض بس الله يسامح اللي فرقنا طلعت لها صديقه مادري من وين صارت قريبه لها اكثر مني ومن امها بعد لين ابتعدت عنا بعدها حسيت مو بس بالوحده بالجرح لان تغيرت وايد وايد وغير هذا كله انا من النوع اللي مااحب اكون صداقات وايد عندي صديقات ايه بس ماحب افضفض واقول لهم كل شي وبعد هذا بنت خالي صارت لي مكان بنت خالتي لكن مع الايام اكتشفت انها تحتر مني وايد مع اني والله ماعندي شي زود عنها يمكن لاني درست واشتغلت وهي للحين مع انها اكبر مني لكن اللي تسويه كان وااااااااضح حتى امي كانت تقولي هالشي الله يخلي لي امي لانها الوحيده اللي افضفض لها هي امي وصديقتي وكل شي بس بنات يبقى الوحده بحاجة اخت او صديقة مثل الاخت بعمرها تفهمها اكثر اوقات احس اني معقدة بسبة هالشي
كاني وايد عورت راسكم
مشكورين موضوع روعه

 

[ڕۆۆحــي ڣــڍااگ]

الله يرزقج كل ماتمنيه ويؤفقج
انا عندي اختين وحده جاهل وحده كبيره بس مو معاها كلش اربع وعشرين ساعه متهاوشين
اذا هي فوق انا تحت واذا انا تحت هي فوق واذا قعدنا بمكان واحد نتهاوش لوول على اتفه الاسباب
بس مرات اذا ابي منها مصيبه تسؤيها ولها مزاج لؤؤل دايم معااي بهالسؤالف
بس رفيجتي اقرب من اختي اختي بنظرها انه انا دلوعه مايعجبها اسلؤبي لؤؤل ولا يعجبها احد كااك
بس انا معاي رفيجتي اكثر من اختي الله لا يفرقنا ان شاءالله

وان شاءالله تجيبين العيال وتجيبين لهم اخوان وخوات ويملون حيااتج يارب
وربي يسعدج

 

[ahhaat]

روحي فداك
جزاك الله ألف خير على هالدعوة الطيبة وغالبا الخوات قبل الزواج كله يتناجرون في بيت أهلهم بس بعد ماتتزوج البنت وتصيرلها حياتها المستقلة ومشاكلها ساعتها ماتلقى أحسن من الأخت تلجألها وتشكيلها وتطلب نصيحتها والله يخليلك رفيجتك ويسخرها لك ولايفرق بينكم يارب

 

[ahhaat]

موضوع روعه لان حطيتي ايدج عالجرح

انا الكبيره بين 3 اخوان وماعندي خوات كانت بنت خالتي مثل اختي الكبيره كلللللللل شي نسويه مع بعض بس الله يسامح اللي فرقنا طلعت لها صديقه مادري من وين صارت قريبه لها اكثر مني ومن امها بعد لين ابتعدت عنا بعدها حسيت مو بس بالوحده بالجرح لان تغيرت وايد وايد وغير هذا كله انا من النوع اللي مااحب اكون صداقات وايد عندي صديقات ايه بس ماحب افضفض واقول لهم كل شي وبعد هذا بنت خالي صارت لي مكان بنت خالتي لكن مع الايام اكتشفت انها تحتر مني وايد مع اني والله ماعندي شي زود عنها يمكن لاني درست واشتغلت وهي للحين مع انها اكبر مني لكن اللي تسويه كان وااااااااضح حتى امي كانت تقولي هالشي الله يخلي لي امي لانها الوحيده اللي افضفض لها هي امي وصديقتي وكل شي بس بنات يبقى الوحده بحاجة اخت او صديقة مثل الاخت بعمرها تفهمها اكثر اوقات احس اني معقدة بسبة هالشي
كاني وايد عورت راسكم
مشكورين موضوع روعه

بالعكس ياقلبي ماعورتي راسنا الا أسعدتينا وشرفتينا بمشاركتك ومرورك وأنا أبي كل وحدة تفضفض وتقول اللي بقلبها على الأقل بهالموضوع لاننا مانقدر نقول عن هذا الشعور لأحد ماعاش مثلنا وحس باحساسنا لانه عمره مارح يتفهم والله يابنات لابنت خال ولابنت عم ولارفيجة تسد مكان الاخت ابداااااا والله يطول بعمر امك ويمتعها بالصحة والعافيه وتكون لك الصديقة والام والاخت لأنه مافي مثل الام هي اللي فعلا ماتتعوض.

 

[ahhaat]

آنآ وحيده آهلي يعني لا اخو وولا اخت

لكن ربي عوضني بصديييييييقه مثل الاخت واشد

عجبني الانضمااااااااااااام

مشاءالله الله يهنيك برفيجتك وحياك الله بينا

 

[ahhaat]

موج البحرحبيبتي خليك جذي متأملة بربك ومحسنة الظن فيه والله ماراح يخيبلك أملك أبدا والله مثلما يقطع من جهه يوصل من جهه ثانيه والله يرحم ابوك ويجمعكم معه بجنات الخلد وان شاءالله مثلما انحرمنا من الخوات والجو العائلي الله يعوضنا بعدين بعيال وبنات يملون علينا الدنيا وينفعونا بكبرتنا ياررررررررررررب ياكريم*

 

[DeCToOoRa]

انا ماعندي خوات وبمووت من الوحده وهالشي خلاني هاديه حييييل
ودي باخت توقف معاي اسولف معاها تحن علي اطلع معاها واكثر شي اتضايق لما اروح عرس واشوف الخوات اشلون واقفين يم اختهم وشيسوولها هالموقف صج يحز بخاطري ولا تقولين بنت خاله ولا عمه .. نفس الاخت ماكوووو

 

[dalo0oa121]

انا بعد ماعندي خوات وودي باخت اتسوق وياها نطلع مع بعض نسولف ونفضفض مع بعض وانا عن
نفسي ماثق بلبناااااات كلش فالاخت انحرمت منها عالنعمة واتمنى الله يعوضني باللي احسن منه وانا حاسه بمشاعرج

 

[ahhaat]

انا ماعندي خوات وبمووت من الوحده وهالشي خلاني هاديه حييييل
ودي باخت توقف معاي اسولف معاها تحن علي اطلع معاها واكثر شي اتضايق لما اروح عرس واشوف الخوات اشلون واقفين يم اختهم وشيسوولها هالموقف صج يحز بخاطري ولا تقولين بنت خاله ولا عمه .. نفس الاخت ماكوووو

بنات وش رايكم نسويلنا قروب ونصير مثل الخوات وأكثثثثر نشتكي لبعض وننصح بعض كل وحدة تسمع للثانية نسأل عن بعض ها وش قلتوا ؟ وطبعا انتو رشحوا البرنامج اللي يعجبكم نسوي فيه القروب :eh_s(7):

 

[(دنيتي)]

الله يعينج اختي على الوحده صعبه ولله بس سلي نفسج تدرين شلون

حاولي تكلمين ربج ولله هالطريقه ولله مجربه صدقيني بتستاااااانسين وايد وترتاحين الله بيشيل عنج اي ضيقه وبيفرحج فرح

طبيعي

انا احس اصلا اللي ماعندها خوات شخصيتها اقوى لانها دايما بتعتمد على نفسها طول الوقت الله يوفقج بعد عمري

انا عندي بدل الاخت سبعه ومو حيل مستنانسه ترى مرات وايده احس بالوحده

تحياتي لج​

 

[هب العطر]

السلام عليكم و رحمة الله و بركاته ~

عجبني التجمع حيييييييييييييل لأني وحده من نفس الحاله


نفس المشكله , اخوات ما فيه , بنات خال ما فيه بنات عم ما فيه بالكويت , بنات خاله اصغر مني بوااايد ما ينفعون لشيء


امي و خالاتي كبيرات بالعمر , جاراتي كل وحده صاكه على روحها الباب ما يخالطون احد كلللللللللش ملششششششش

رفيجاتي بالدوام بيوتهم بعيده عن بيتي و اهاليهم مثل اهلي يعني ما يرضون اطلع معاهم بسياييرهم الا بسيارتي

و باوقات محدده و نادر ما يتوافق وقتي مع وقت وحده فيهم



اختي آهات احييج على شجاعتج في طرح الموضوع


و اختكم هب العطر بتكتب لكم بعض الحلول ( للجادات فقط ) ! بليز اي بنت موجاده تكفووون لحد ينضم لنا بعدين يهون


1- نتعرف على بعض بالمنتدى . و ننادي بعض بأسامينا في المنتدى .

2- نآخذ ايميلات بعض و نتعرف اكثر . ننادي بعض بأسامينا بالمنتدى

3- نتلاقى بمحاضرات دينيه نسائيه ( عشان نضمن ان ما فيه صبي خبل عايش الجو و عنده فضول و بيستكشف و يدش بيننا ) .

و ايضا ننادي بعض بأسامينا في المنتدى .

4- بعد المحاضرات و بعد ما نعرف اشكال بعض للمره الاولى عدل مدل , ننتقل للمرحله الثانيه , نتلاقى في حديقه بيوم عائلات .

او في مول , او مطعم .


وشوي شوي تتوثق صداقتنا ببعض


منو فيكم موافقه ؟؟


و طبعا اي وحده تشاركنا لها الحق في الاحتفاظ بمعلوماتها الشخصيه لنفسها و محد بيطالبها تكشف اي شي

يعني ما راح نلح عليج قولي لنا اسمج او عطينا موبايلج , الى ان تطمئنين للتجمع .


منو موافقه ؟؟؟