{ تجمع الامل } 2 { تجديد الامل }

[أحلى^حياه]

منااااااوووووي و حلمي الامومه

شلوووووووووووووووونكم

 

[حلمي الأمومة]

هلا وغلا احلى حياة

شلونج ياحلوة
بشرينا عنج

 

[شنوووفه]

مسااء الخيير فدييتكم :>
ونااسه المنتدى سريييع @@ خالاسكت لااطقه عيين هههه

 

[أحلى^حياه]

حلمي بخيررررررررر الحمد لله بس توني سوويت العملية ما قلتولي الحمدلله على السلامه


مارغريتا شلونج حبيبتي وشلون الحمال

 

[مارغريتا]

تشتاقلج العافيه مناوي حبيبتي انتي شلونج شخبارج ؟؟

بنات شرايكم في عمليه كي المبايض ؟؟؟ في احد تعرفونه سواها ؟

هلا برتش والله انا اللي سامعه عنه انه يسويها اللي معاه تكيس عشان تعالج التكيسات
وفي وحده مره اذكر قالت ( لو تشوفين مواضيعي عنوان الموضوع عن التكيس بهالقسم ) انه اختها سوت العمليه وحملت بعدها على طول وكل شي بإذن الله

الله يرزقج حبيبتي

السلااااااااااااااااااااام عليييييييييييييكم

شلووووونكم شخباررركم
رد ريلي بالسلامه ولهيت معاه والنت انقطع
ولهت عليكم وايييييد حاولت اقرا الردود اللي قبل بس مشالله وايد

جني قريت انه مارغريتا شافت خط واضح والثاني شبه واضح ؟؟
شصار عليها ؟؟​

هلا فيج هلا وغلا وانا اقول هالبنيه وين اختفت بس المنتدى مايخلي احد يذكر يا فاصل يا معلق يافاتح بس ماتدخلين ع المواضيع وكل يوم سالفه ..

حمدالله على سلامة ريلج واشتقت لج والله عسى ربي يرزقج ان شالله :eh_s(7):

آنا الحمدالله ربي كرمني بفضله ورزقني هالشهر الله يتمم علي ويثبته لي ياارب
ادعيلي اشوفه بحضني سليم معافى



احلى حياة :

فديت من يسأل عني

حياتي باختصار نوم وحارج :eh_s(11): ذبحني والله مادري ششرب شسوي

بروح بدور طبخاتج بطبخ لرمضان ..

صج شرايكم بنات

لازم اطبخ برمضان لحمولتي ؟؟ والا عادي يعذروني حامل ؟

آنا اولا ماعرف اطبخ واذا طبخت يعني اكيد بطبخ شي خفيف سلطه حلو حمسه شوربه جذيه يعني
مادري احسها فشله آنا العام اول سنه لي ماطبخت بس كنت اسوي حلو بعد الفطور

وحمولتي مو من النوع اللي بالمطبخ وذابحهم الطبخ لا ييبون طباخه تطبخ لهم

ف شرايكم ؟؟

 

[مارغريتا]

احلى حياة عملية شنو ؟؟؟ انتي حامل ؟ شلون ؟؟

الحمدالله على سلامتج حبيبتي والله مادريت

 

[حلمي الأمومة]

حبيبتي احلى حياة والله المنتدى قمنا نلخبط بسبته اعذرينا

والحمدلله على سلامتج لابأس طهور ان شاء الله
بس عمليه شنو الي سويتها؟؟


مارغريتا شلونج شربي حليب بارد للحارج واذا تعبانة لاتضعطيين على نفسج وتطبخين لايكلف الله نفسا الا وسعها يعني صيام ونساه الله يعينج
مو فشلة ولا شيء بس انتي تعذري منهم انج ماتطبخيين وحاولي بين فترة وفترة تسويين شيء خفيف الحلو البارد اسهل شيء او سلطات
والله يعينج ولا تضغطيين على نفسج ديري بالج ترا نفسج لها حق عليج

 

[مارغريتا]

والله الحليب البارد ينفع بجريه مشكوره حبيبتي

بشوف ان الله سهل علي وحسيت ايام رمضان خفيفه علي بسوي اللي اقدر عليه والله يقدرني ان شالله ويجملني بعيونهم

 

[فانتا ستروبري]

صباح الخير بنات شلونكم وشخباركم

فقدتكم والله

والمنتدى لاعب فينا لعب حرام عليهم

أحلى^حياه

الف الحمدلله عالسلامة شلون العملية بشرينا ويارب تعبج ما يروح ان شاء الله


شنوووفه

لووووووووول لا تطقينه عين تكفيييييين بروحه ما يترقع

انتي شلونج وشخبارج من زمان عنج


وردة من نور


الله يسهل عليج يارب ويتمم عليج ويكتب لج الحمل يارب


.{ريآنه}.!


تسلمين حبيبتي عالدعوة الحلوة يارب العالمين امين تفرح قلوبنا بالحمل السليم ان شاء الله



مرت ريلها


هلا فيج حبيبتي منورة وفقدناج ومارغريتا حامل ما شاء الله وربي يثبت حملها ان شاء الله


بداااير

مشكورة حبيبتي عاالدعوة الحلوة ما قصرتي



حلمي الأمومة


British Girl

مناوووي

دانتي

دانة الرشايدة

عــود كمــبودي

lovemyself

؛؛حلاوه؛؛


شمسوين طمنوني عليكم والله يفرج همومكم يارب ويسهل عليك كل شي برحمتك يا ارحم الراحمين


​

 

[أحلى^حياه]

مارغريتا
عملية ربط عنق الرحم
وبالنسبة للطبخ انا اقوووول اهم عاذرينج اكييييييييييييييد بس اذا بخاطرج تسوين شي سوي حلووو ولا سلطة موو كل يوم
متى ماحسيتي انج قادره
حق الحارج شرربي حليب بااااااااارد وحده بوحده ولا تنسين السفرجل حق البيبي



حلمي الامومه
الله يسلمج حبيبتي صاجه المنتدى خلانا ننسى سوالفنا
سويت عملية ربط للرحم والحمدلله افتكيت

 

[أحلى^حياه]

فانتا
بعد عمري الله يسلمج انتي شلونج شخبارج
والله الحمدلله افتكيت تعبت وايد وليلحين فيني عوار بس خفيف

 

[مارغريتا]

الله يثبت لج البيبي يارب

وصح انا اعرف وحده ماثبت حملها الا عقب هالعمليه

الله يرزقج بالسلامه ان شالله

 

[أحلى^حياه]

بعد عمري مارغريتا ولج بالمثل ان شاء الله

عند منو تراجعين حق حمالج؟

 

[دانتي]

بنات شلونكم جميعا
احلى حياه الف الحمد الله علي السلامه بقيت اسئلج في اي اسبوع من الحمل سويتي عملية الربط ؟
مارغريتا شلونج ولهانه عليج واااايد حطي بالج على نفسج حبيبتي وبالتسبه للحارج انا مثلج حليب بارد او خيار اول باول تمام للحارج
فانتا شلونج يالغاليه
مناوووي
شنوووفه
دانة الرشايده
عود كمبودي
وجميع البنات شخباركم نبي نسمع اخبار حلوه
يارب ترزق الجميع بالذرية الصالحه امين يااارب العالمين

 

[مارغريتا]

والله احلى حياة ليما الحين ما استقريت على احد مادري اروح لمنو


اهلين وسهلين دانتي هم آنا والله شلونج شخبارج ان شالله زينه

خلينا نشوفج من زمان عنج


آنا استأذن بروح انام فيني نومه حدي

تصبحون على خير

 

[دانتي]

وانت من اهل الخير مارغريتا الله معاج

 

[lovemyself]

السلام عليكم قوة بنات
بعد قلبى شلوووووووووووووونكم امبيه وناسه هالتجمع
شلونكم عسولات انشالله طيبين يحليل سوالفكم انا ما عندى سوالف مادرى ليش مادرى مستحيه ولا شنو:ssssso: بس والله ما تتخيلون شكثر مستانسه ان لى خوات نتشارك بنفس المشاعر عسى ربى ينولكم امانيكم بنات عفيه لا تنسونى من دعائكم ان الله يفرج كربتى ويزيل همى ويرزقنى بالذرية ويسخرلى ريلى يارب وانشالله الملائكة تقول ولكى بالمثل
يحليلكم شلونكم مع هاالحر يا ربى وشلون معنوياتكم حق رمضان نبى هالرمضان نشد حيلنا انشالله لانه احسن فرصه وانشالله تستجاب الدعوات يا بنات شدوا الهمه والله اصلا لازم دايما احنا نلجا حق ربنا واهو يمتحننا والحمدلله

*مارغريتا والله انج اصيله ما خليتى خواتج الله يثبتلج حملج يارب والف الف الف مبروك حبيبتى
حلمى حياتى شلونج
بريتش انشالله طيبه ؟
احلى حياة يا عسل شخبارج
دابتى صباح الورد
فانتا صباح العسل
اسفه اذا نسيت احد تونى عالتجمع بعدنى ما تعرفت حيل بس وناسه ما راح اتركه خل نتسلى مع بعض
خلونا ندردش ونسولف ونضحك ونزيل الهم تعبنا وزهقنا وربى امبيه صج الوحدة تنسى عمرها مرات يالله ترحمنا برحمتك انتوا شلونكم بنات خلونا ندردش يالله بس انا مرات انشغل اسمحولى لمن ريلى يكون عندى غالبا ما ادخل نت تعرفون يعنى مو كل يوم اشوفه

 

[عــود كمــبودي]

قوه بنات شخباركم

عندي سؤال

الصديد بالسائل المنوي يأخر الحمل ولا لأ ؟؟؟؟؟؟؟؟

 

[حلمي الأمومة]

شلونكم بنات

مناوي شكلها مشغولة بعرس اخوها وينها؟؟؟
عود اتوقع ياخر ما ادري والله بس لازم يتعالج اكيد

لوف شلونج شخبارج حياج الله والله احنا بنكون لج اكثر من خوات نفرح لبعض ونحزن لحزن بعض
احلى حياة الله يعينج ويثب حملج ويقومج بالسلامة سلاماااااااااااات ماتشوفين شر ان شاء الله

دانتي شخبارج عساج بخير

مارغريتا شلونج مع الحارج

مرت ريلها هلا فيج ولهنا عليج


فانتا شلونج دورتج انزلت ولا شصار عليج؟

 

[وردة من نور]

يسعد مساااء الجميع

شخباركم يا حلوات ان شاء الله بخير ؟؟؟

احلى حياة حبيبتي حمدالله على سلامتج وربي يرزقج الذرية الصالحة ان شاء الله

احم ... توني الحمدالله متغدين مين يبغي يحلي ويشرب معي الشاي