"" تجمع اداريات المدارس ""

[ام شيخون]

هلا فيج جكوره
حبيت استفسر عن طبيعه شغلج الصراحه اول مره اسمع فيه
شنو يعني متابعه دوام

 

[ام شيخون]

شرايكم بنات نطالب بتثبيت تجمعنا

 

[جكورة]

رد : "" تجمع اداريات المدارس ""

هلا ملائكة النور
الحين السكرتاريه شنو وظيفتهم
صادر
وارد
متابعة الدوام
المتابعه يعني ( كل شئ يخص المدرسات من غياب وتأخير وعرضي وأجازات ودفتر الحضور والإنصراف أنا مسؤله عنه يعني أشووف منو الغايب والحاضر وشنو نوع الغياب عرفتي .. وأسجله بالكمبيوتر )

 

[ام شيخون]

الصراحه دوامي الاولي كان فيه نقص بشؤون الطلبه والسكرتاريه وما كنا ناخذ مناوبات ولا بيع مقصف ولا شي الا اللهم شغلنا ويالله نلحق نخلصه لانه سكرتاريه وحده و3 شؤون طلبه
اما دوامي هذا اول سنه السكرتاريه 3 انا قلت وحده وارد و2 صادر طلع في مسمى يديد مادري عنه هههههههههههههههههههههه
مشكوره على التوضيح

 

[جكورة]

رد : "" تجمع اداريات المدارس ""

حياج يالغلا

 

[تهانيh_a_z]

هاي بنات
انا بعد اداريه بس للحين ما تخرجت من الجامعه باقيلي سنه
وين تنصجوني اتوظف ؟
انا ودي البنك
متى انكرف بالشغل نفسكم
ناطره هاليوم على ناااااااااااااااااااااااااااااااااااااااااار

 

[العاشقة]

رد : "" تجمع اداريات المدارس ""

هلا بنات...
انا كنت ماسكه الوارد وكتب الوكيلات طباعه...وبعدين رديت شئون الطلبه واحنا ابتدائي..وكل وحده ماسكه مرحله ولها دفتر تاخذ الغياب فيه وعندنا ملف نحط الطبيات فيه..ونقل المرحله ..وكل شي يخص مرحلتي..بس بعد ما رديت من اجازتي..رديت اشتغل مع الوكيله ومع القسمين..بس السنه هذي الاغلبيه طالبه نقل..ويمكن ارد سكرتاريه

 

[ام شيخون]

العاشقه
شنو عندج احلا الوارد او شؤون طلبه
ويعطيج العافيه

 

[العاشقة]

رد : "" تجمع اداريات المدارس ""

هلا ..
والله شوفي الوارد احلا..لانه فيه اعرف كل شي واتواصل مع الكل ..اما شئون الطلبه روتين معروف..
انزين..بنات صج لنا زياده والا خرابيط

 

[ام شيخون]

والله انا سمعت انه بس اللي مسماها شؤون الطلبه والله كريم ويعطونا كلنا

 

[ام شيخون]

اب
اب
اب
اب
اب
اب
اب

 

[ام شيخون]

بنات بداء العد التنازلي للدوام 13-9-2010
ما شبعنا من العطله

 

[شمعة ليل]

رد : "" تجمع اداريات المدارس ""

قوه حبيباتى سؤال فنى؟ اختى
بالداخليه تشتغل وتبى تشتغل مثلكم بمدرسه اداريه بس شهادتها ثانويه عامه مادرى يقبلونها
وانتو شنو شهداتكم ؟
وشكرا

 

[كبرياء ومهابه]

رد : "" تجمع اداريات المدارس ""

هاي بنات تكفون نبي تثبيت لتجمع الاداريات
وبصراحه الاداريه بالمدرسه وبدووووووووووووووووووووووووووون مبالغه والله كل شي عليها
حنا ماسكين المدرسه من إلى مو باقي إلا نغسل الحمامات ونمسح السراميك
والله كرف كرف كرف
بس لو يعطونا اهتمام تميز يقيمونا شفوي بين فتره وفتره وتكفون صراحه ودنا بموجهه عشان نحس
بمكانا
وبالاخير لو بتكلم ماراح اخلص لاني الاداره المدرسيه يبيله اداريين شقرديين​

 

[elzyn]

ما عندكم شغل محاسبة بقسم الادارية
الي تعرف عن هالموضوع ارجو انها تراسلني وانشالله لها الاجر علي المساعده

 

[ام شيخون]

رد: رد : "" تجمع اداريات المدارس ""

قوه حبيباتى سؤال فنى؟ اختى
بالداخليه تشتغل وتبى تشتغل مثلكم بمدرسه اداريه بس شهادتها ثانويه عامه مادرى يقبلونها
وانتو شنو شهداتكم ؟
وشكرا

هلا فيج حبيبتي:
بالنسبه حق شهاداتنا اغلبنا دبلوم او بكالريوس
يعني دارسين بعد الثانويه دوره تختلف من وحده الى وحده مدتها انا الصراحه دورتي ثلاثه سنوات تخصص برمجه حاسب الي
وبعضهم مدرسات محولين اداريات
ومشكوره على سؤالج

:bye22:

 

[ام شيخون]

حبيبتي كبرياء ومهابه

اضم صوتي لصوتج نطالب بالتثبيت
ونطالب بتخصيص يوم بالسنه لتكريم الاداريات المتميزات ونبي نطالب بحقوقنا لانه ما ضاغ حق وراه مطالب حالنا من حال المدرسات
ونطالب بتقسيم الشغل على الاداريات مو الكرف بس على شؤون الطلبه او السكرتاريه والباجي مايعطونهم شي وحاسبينا قسم اداري

 

[ام شيخون]

:eh_s(6):

ما عندكم شغل محاسبة بقسم الادارية
الي تعرف عن هالموضوع ارجو انها تراسلني وانشالله لها الاجر علي المساعده

هلا فيج
الصراحه مادري بس على ما اعتقد انه لازم المكان الي تشتغلين فيه يكون فيه قسم الماليه والمدارس ما فيها قسم ماليه الا وزارة التربيه او المنطقه التعليميه (( حولي - العاصمه - الفروانيه - الاحمدي - مبارك الكبير - الجهراء ))
واتمنى لج التوفيق

 

[ام شيخون]

اتمنى المزيد من الاسئله والاستفسارات والمشاركات

 

[ام شيخون]

اب للرفع
:fun: