تجمع أولياء أمور مدرسة المستقبل ثنائية اللغهf.b.s 2011/2012

[_أم فهودي_]

الاجتماع أي يوم ؟؟ الأربعاء أو الخميس ؟؟؟ .... راح يكون يوم اجازه لعيالنا والا يداومون ؟؟ لأنه الاجتماع من 8 الى 3

 

[حربيه وبس]

الاجتماع يوم الخميس بس مادري ماقالو عطله او لا بس ماظن عطله لان ولدي عليه املاء الخميس

 

[حربيه وبس]

صج بسالكم اهم طالبين ٥ دنانير مادري حق شنو
جنه حق اللبس التايلندي عشان نشتريه منهم
الي عندها خبر تقولي

 

[ريومه المزيونه]

ماكو دوام الخميس انا مكلمتهم اليوم

واحنا محد طلب منا فلوس ؟؟ حق شنو اللبس ؟؟

 

[_أم فهودي_]

باجر عطله لعيالنا توني اتصلت فيهم ... والـ 5 دنانير اللي فهمته انه راح تشترونه من برا بهالسعر يعني قصدهم ماراح يكلف عليكم ... الله يعننا بس على طلبات هالمدرسه وين القا هاللبس الحين .. زين انهم معطينا شهر علشان نجهزهم ..

 

[golden tears]

السلام عليكم
الخمس دنانير اللي طالبينها حق اللبس المدرسه راح تجيبه

 

[golden tears]

وفيه ورقه فيها اكثر من شيئ تجيبونه اختاروا شغله وحده انا باجيب خريطه تايلند
والمفروض يجيبون اكل تايلندي بس ما ادري متي

 

[_أم فهودي_]

متى آخر يوم دوام ؟؟ وكم يوم العطله ؟؟

بسألكم الغياب كم عليه ؟؟ ولدي قريد ون وهم عندي kg 1 ... يحاسبون عالغياب ؟؟ يعني عليه درجات ؟؟

 

[وافية*]

هلا ام فهودي اي اكيد الغياب ياثر موعن انه عليه درجات بس حرام لما يداوم يلقاهم ماخذين اشياء ودروس جديده لان ماشالله حييييييييييل ضاغطين عليهم هالسنه وانا والله اغيب عيالي خصوصا بهالبرد كل ماقعدت ومالي خلق خليتهم ينامون يكسرون خاطري بس بعدين اتحسف

 

[توتاتوتا]

السلام عليكم امهات

شخبار عيالكم مع التقارير ان شاء الله يتفوقون و يفرحونكم

انا العام كان عيالي 3 بالمستقبل و السنة هذي نقلتهم الرسالة فحبيت افيدكم بتجربتي لان من خلال متابعتي العام كنتو منزعجين من بعض الامور

بصراحه الحمد لله ان كتب لنا ننقل للرسالة مب سوء فالمستقبل ابد حتى في موضوع لي امدحهم فيه لكن بعد ماجربت الرسالة لاحظت فرق علي عيالي بالعربي والانجليزي قرأه وكتابه و محادثه تطور ملحوظ ولما قابلت الابلات ماشاء الله مانقدت على وحده منهم بشي فاهمين عيالي متقنات لشغلهم يعني رائعات

واتمنى ماكون ثقلت عليكم و افدتكم

 

[_أم فهودي_]

خواتي محتاجه رايكم ....

انا مضطره أسافر بتاريخ 2/1 لمدة 10 أيام خارج الكويت ولازم آخذ عيالي معاي ما أقدر أخليهم بروحهم .. وعندهم مدرسه
سؤالي اذا غابو عن المدرسه بهالفتره يعني 7 أيام غياب بالضبط .. راح يأثر بمستواهم يعني بينزل في التقرير ؟ حتى لو قلتلهم عذري اهو السفر ؟؟

 

[سيد-الغنادير]

مرحبا ..


منو ولدها في قريد 2 بلو عند استاذ جو ؟؟
وقريد 1 بنفسجي عند مس أمل ؟


في أحد معاي ؟؟​

 

[golden tears]

شخباركم يا امهات مع العطله وشلون عيالكم
بغيت اسال اللي ةلدها قريد ون قرين كم مراجعه المفروض يدرس

 

[ريومه المزيونه]

السلام عليكم امهات

شخبار عيالكم مع التقارير ان شاء الله يتفوقون و يفرحونكم

انا العام كان عيالي 3 بالمستقبل و السنة هذي نقلتهم الرسالة فحبيت افيدكم بتجربتي لان من خلال متابعتي العام كنتو منزعجين من بعض الامور

بصراحه الحمد لله ان كتب لنا ننقل للرسالة مب سوء فالمستقبل ابد حتى في موضوع لي امدحهم فيه لكن بعد ماجربت الرسالة لاحظت فرق علي عيالي بالعربي والانجليزي قرأه وكتابه و محادثه تطور ملحوظ ولما قابلت الابلات ماشاء الله مانقدت على وحده منهم بشي فاهمين عيالي متقنات لشغلهم يعني رائعات

واتمنى ماكون ثقلت عليكم و افدتكم

حبيبتي الي اعرفه ان الرسالة منهجهم حكومة اغلبه واذا وصلوا رابع قلبوا انجليزي

والعلوم بس الي غير عن الحكومة

 

[ريومه المزيونه]

خواتي محتاجه رايكم ....

انا مضطره أسافر بتاريخ 2/1 لمدة 10 أيام خارج الكويت ولازم آخذ عيالي معاي ما أقدر أخليهم بروحهم .. وعندهم مدرسه
سؤالي اذا غابو عن المدرسه بهالفتره يعني 7 أيام غياب بالضبط .. راح يأثر بمستواهم يعني بينزل في التقرير ؟ حتى لو قلتلهم عذري اهو السفر ؟؟

ام فهودي كلمي الادارة واشرحي ظروفج واكيد ماراح يقولون شي بس انه يكون عندهم خبر احسن

 

[ريومه المزيونه]

بنات الاسبوع الجاي في دوام والا لا ؟؟؟

 

[بنت البحرين]

اي دوام

 

[hajer81]

شلونكم امهات
تنصحوني بمدرسه المستقبل ولا لا؟؟؟

 

[الشموخ للشموخ]

السلام عليكم حبيبتي هاجر ولدي الحين g5 المدرسة أنا أشوفها زينه بس مو قوية السنه هذي تغيرت الاداره ونترجى خير مشكلتهم مشكله يرتفع سعرها كل سنه ليش مادري اذا تقدرين الرؤية ممتازه *

 

[ريومه المزيونه]

مرحبا بنات شخباركم

وينكم عن التجمع مالكم حس

منو سجلت ولدها بالتقويه الي تكون بعد الدوام !!

هي انجليزي ورياضيات

شرايكم فيها