تجمع أولياء أمور مدرسة التكامل(صباح السالم)للعام الدراسي2009-2010

[Miss_Tiger79]

السلام عليكم ...
انا ودي اسجل ولدي اليوم بالنادي الصيفي عشان يتأقلم مع المكان ويستفيد ...
عشان حق الكي جي 1 شهر 9 ان شاء الله ,,,
منو بتشرك إعيالها بالنادي الصيفي مال ال:080402ask_prv:تكامل ؟؟

انا مسجله بنتي بنادي التكامل
احسن عشان تتأقلم بالمدرسه



كويتيه ذربه
مادري والله
بس باجر ان شاءالله بروح المدرسه عشان بودي هدايا المدرسات وأسألهم

 

[سيدة الذوق]

مرحبا بنات شلونكم ..بغيت اسال التكامل معطلين الحين الاني بسجل بنتي وبعرف شيبون ومتي تسجيل

ادق من صبح محد يرد علي رقم هذا 25528145

 

[سيدة الذوق]

وبغيت اسال في توصيل يعني باص وهسوالف ولالا؟؟

 

[كويتيه ذربه]

سيدة الذوق مداومين اتوقع لي باجر
انا اليوم مريت خذيت الشهاده
ودقي على هالرقم احسن 25522204

 

[رفرف]

شلونكم بنات ؟

وشلون الريبورتااااااااات ؟؟


احنا الحمدلله الريبورت متوقع نفس كل مرة .. مو احسن ولا أسوأ .. نفس الشي الحمدلله
خذيتها امس عقب ما شفت الريبورت غديتهم بره وشرو هدايا والى اللقاء السنة الياية انشالله

 

[Miss_Tiger79]

شلونكم بنات

الحمدلله الريبورت هالمره احسن شوي
اليوم خذيته وراح ولدي سلم على ابلاته وعطاهم تذكار استانسو
يستاهلون والله تعبو وايد


ومس نافيدا بدرس قريد2 مادري احط ولدي عندها والا اخليه عند مس آن

والدوام عقب العيد ان شاءالله بس الاداره مداومين من 1-9

ومبروكين (ذربه و رفرف )
ونشوف عيالنا ان شاءالله متخرجين من الجامعه

 

[رفرف]

تايقر ..

مبروكين والله على قولتج اليهال تعبو واللي اييبونه كثر الله خيرهم ..
امس هم بنتي عطت تذكارات حق الابلات عاد تعلقت بمس نافيدا تقول لها plz plz if you gonna teach grade 2 plz take me plz take me plz take me حتى المس ماتت من الضحك قالتلي اهيه بالغالب بتدرس قريد 2 مو اكيد و اذا بدرس قريد 2 انا ابيها بحاول احطها بصفي .. الظاهر كسرت خاطرها كثر ما ترجتها ..
وبنتي مو مستوعبه ان لازم كل سنة تتغير الابلة .. كل سنة تسويلي هالفلم تبي ابلتها القديمة .. واهيه من النوع اللي واايد تتعلق بابلاتها امس كانت ميته وتمر كيجي 2 تسلم على ابلاتها بس كنا مستعيلين ..


باقي الامهات .. بشرو شلونكم ؟؟

 

[Rosedale]

مرحبا خواتي


انا بنتي باذن الله بتكون بالنادي الصيفي بالتكامل وبعدها بتروح kg1

بنات الصفحات وايد فماقريت كل شي اللي بعرفه احنا نختار المدرسات ولا شنو واذا بغيت أغير صفها شلون


وبالنسبه للاكل سواءا بالنادي ولا بعدين أحطلها أكل معاها ولا منهم مو عارفه بليز نوروني والحمام منو يوديهم يخلونهم بروحهم ولا في أحد معاهم؟؟؟؟؟؟؟؟؟؟؟؟؟؟

 

[كويتيه ذربه]

رفرف عالبركه وان شاءالله تشوفينها متخرجه من الجامعه يارب

مس تايقر عالبركه وعقبال المراحل اليايه ان شاءالله


خذيت ريبورت بنتي الحمدلله درجاتها شوي احسن من كل مره

بس ضاق خلقي لمن دريت ان الدوام 14 يعني عقب العيد على طول
وان خلاص صار ممنوع تختار المس اللي نبيها حتى اللي اخترناهم ماراح يمشون على حسب اختيارنا

 

[Miss_Tiger79]

ذربه
الله يبارك فيج حبيبتي
وانتي بعد مبروكين والفال تخرجها من الجامعه

اي شفتي شلون الحين ممنوع تختارين
والدوام عقب العيد احسن لاني خذيت اجازتي رمضان كله فمالي خلق اقوم واودي وادرس
والله يعينا

رفرف
الله يبارك فيج حبيبتي وانتو بعد مبروكين والفال تخرجها من الجامعه
وترى اختيار المدرس على حسب مستواه من عند مستر براين ويمكن من الابلات

الله يوفق عيالنا وعيالكم

rosedale
انا بنتي بعد بالنادي واليوم بجي وحالتها حاله مع انها ودها اداوم بالتكامل واهيه الحين عند مس مريم
والاكل انتي تيبينه ما يعطونهم المدرسه

 

[DoOoDee]

اهلا اهلا ... تايقر انا ولدي بعد عند مس مريم :gathering:
يلا زين صارو مع بعض عشان انسولف كل يوم .... ان شاء الله تكون زينة معاهم:bye22:

 

[سيدة الذوق]

بنات مايردون ..~

 

[DoOoDee]

ها مس تايقر اشسوت بنتج اليوم ... انا رد ولدي معصب ما قال شي :eh_s(22):

 

[كويتيه ذربه]

الله يبارك فيج مس تايقر وتسلمين

 

[رفرف]

تايقر ..

الله يعينكم عالبجي حرام صغيرة لأنها ..
بس تبجي الحين ولا تبجي اول يوم دراسة والمدرسة كلها تبجي احس اليهال يشيشون بعض عالبجي ..
انا بالحضانة ان شفت ياهل يبجي يضيق خلقي اقول الحين اكيد بنتي بتبجي خو من تشوف احد يبجي تبجي معاه ..
واختيار المس ادري ان مانعين بس مس نافيدا قالت اذا قدرت بحطها بصفي انشالله يعني ان صار التوزيع من المدرسات احسن


ذربة ..
مبروك نجاح بنيتج
ماعليه الدوام 14-9 زين لأني انا اداوم بنفس اليوم ماحب يقعدون بالبيت وانا مداومة حق الطاخ وطيخ

 

[كويتيه ذربه]

الله يبارك فيج رفرف

بس انا ناويه ان شاءالله باجازه العيد اسافر جذي اتوهق اذا داوموا

 

[Miss_Tiger79]

doodee
هلا فيج
امس شصار معاج اول ما وديتيه
انا بنتي ماسكه هدومي وحتى جنطتها ما تبي تحطها على الطاوله وكان في ياهل يبجي حبيبي كسر خاطري وبنتي لاااازم تآزره ... ما يصير يبجي بروحه وصارو اثنينهم يبجون بس اهوه امه مشت وانا مع بنتي وآخر شر حطولهم العاب وتركيب واشوه قدرت اطلع
ولما خذيتها مستانسه .. الحمدلله .. الله يتمم عليها
واليوم تعمدت اخليها تروح مع ابوها لانها معاه ما تبجي واشوه


رفرف
اي والله انا امس حاشني صداع من بجي اليهال
بس اليوم اهدى شويه
وصاجه تبجي الحين ولا تبجي اول السنه .. وعشان تتعدو على المدرسه

شصار على بناتج وين دخلتيهم ؟؟؟ اي نادي
انا مفكره بدخل بنتي لتل جيم فيه باليه .. عشان نعزز الانوثه
والصبيان دخلتهم جمباز مع عيال اخوي ومستانسين الحمدلله
اقولج شي .. هذاك اليوم بنتي تقولي شسم هالبنيه ؟؟ عن بنتج اقولها مسوكه .. تقولي لااااااااء اسمها م س ك تهجيها لي عبالها مو عارفه اسمها

 

[رفرف]

ذربة
تروحون وتردون بالسلامة انشالله .. اي اذا بتسافرون بالعيد ما يمديكم الله يعينكم


تايقر
صبوية دشت النادي العلمي اهيه تبيه .. وكوكي ما دخلتها مكان احسها صغيرة مع انها متمللة حدها .. بس صايرة صديقتي الصدوقة وين ما اطلع معاي
حتى تكرمين الحمام لازم احد معاها فقلت خلاص مو لازم تدخل مكان ما أأمن اي احد يوديها
والله كان ودي لتل جم بس احس بالعطلة هالنوادي تصير زحمة ولوية .. شكلي بدخلها ايام الدوام اذا استعدلت وقامت تخلص واجباتها مبجر ..

 

[كويتيه ذربه]

رفرف
الله يسلمج

انا بدخل بنتي النادي العلمي من الاسبوع الياي
بتردين تدخلين بنتج بعد شهر

 

[Miss_Tiger79]

رفرف
زين تسويين
والله يعينج على مسوكه اذا صارت معاج على طول انا بنتي كانت جذي وقاعده اعودها ما تصير جذي لانها ما تتأقلم مع الناس بسرعه لان دايما معاي وين ما اروح حتى العزايم
ولتل جيم ليلحين ما شفته وترى اذا بتخلين النادي بايام المدارس لازم تنسقين بوقت الواجبات
انا هالسنه توهقت مع النادي يروحون الساعه 4 فيخلصون واجباتهم بسرعه بسرعه ونزل مستواه وطلعتهم وقتلهم لما تعطلون ادشون
فالحين قايله اذا بيستمرون بالنادي مالهم لازم يكون وقت التدريب مفتوح والا بس بالعطله
لان صج مافي وقت

ذربه
عاد احسن وقت تسافرين فيه بعطلة العيد وقتها الناس كلها رجعت