تجمع أولياء أمور مدرسة التكامل(صباح السالم)للعام الدراسي2009-2010

[ام حسون وفطومه]

صباح الخير شلونكم وشخباركم انا بنتي بكي جي 1و وااايد مستانسه من المدرسة بس انا خايفة لانه احس ان مستوى صفها مو قوي واللي تعرف عن مس مريم ولين تقولي عفية اهمه يدرسونها انجليزي حتى مس مريم مو مداومه يومين عفية اللي تعرف عنهم شي تقولي باسرع وقت و حبيت اعرف اهمه يحطون اليهال عشوائي والا يحطون الشطار بروحهم لانه بنتي يابت بالنترفيو علامه كامله بليييييز ردو عليي واكون شاكرتلكم واااايد

 

[Miss_Tiger79]

صباح الخير شلونكم وشخباركم انا بنتي بكي جي 1و وااايد مستانسه من المدرسة بس انا خايفة لانه احس ان مستوى صفها مو قوي واللي تعرف عن مس مريم ولين تقولي عفية اهمه يدرسونها انجليزي حتى مس مريم مو مداومه يومين عفية اللي تعرف عنهم شي تقولي باسرع وقت و حبيت اعرف اهمه يحطون اليهال عشوائي والا يحطون الشطار بروحهم لانه بنتي يابت بالنترفيو علامه كامله بليييييز ردو عليي واكون شاكرتلكم واااايد

مس مريم زينه
كانت ادرس ولدي بالسمر سكول
اهيه ايرانيه بس ما تعرف عربي الا قليل
بس زينه
انتي شوفي اذا بنتج مو مرتاحه معاها غيري صفها

 

[كوكو لاتي]

هاي امهات

اليوم معطين حق ولدي ورقه علشان اذا بسجله في ال الكتيفيتيز كلب اشرايكم؟؟؟؟

وشلون نظامهم يفيده في شنو ؟

 

[manarah]

مناره
هلا والله يالغالية والله نسيبج على سنغة عشرة اسم الله عليج مستانس فوق النخل فوق ماصدق يت المدرسة عقب حكرة البيت وعشتو صار عنده ربع عزم واحد على الشبس بس معترض يقول التيجر بسرعة قالت كلين أب وهو الله خير متعلم على الراحة وحيييييييل بارد يفت الجبد ومن الوناسة كان بخاطرة يخلص كل اللي باللنش بوكس يقولي قوليلها باجر خل تنطرني أخلص >>>>> ولد الباشا

بس المهم اشلون عروستنا أهم شي نفسيتها مو اتأثر باليهال اللي يبجون ويقطعون القلب وعليه عليهم وبعدين ترا ولدي حتجر قوليلها لا اتحاجي أحد وياها من الشباب واتفرفر بالممر خخخخخ

:dddds: لا خلاص اوصيها ولا يهمج مع انها ردتلي أول يوم دوام تقوللي الصف كله صاروا اصدقائي وكلهم مستانسين على ( حلوه الثقه بالنفس ) ... وبالنسبه للبجي لا الحمدلله اهي سنتين حضانه يعني ياويلها اذا بتبجي الحين بعد .

 

[manarah]

امهات قريد 1 صخه عسى ماشر .. اهااا مالومكم من جمله العربي .. ولدي اليوم مستعسر ولاراضي يتملى شي .. بمليه انجليزي جان يقوللي ترى اول شي a وبعدين الكلمات الثانيه o قلت حلوووو عشان التيشر لو تغير بترتيبهم انت تروح فيها .. والله سالفه يديده طالعلي فيها هذي بعد ... والعربي ما يتقن الحمله عدل بس مارضى يتملى مره ثانيه عاد والله راسي عورني وانا احن واترجى اخر شي قلتله قوم نام ورب البيت كريم .
باونتي منو ابلتهم العربي والمساعده ما تدرين ؟ وبنتي اسمها شريفه .

كوكو لاتي مادري ماعندي فكره عن الورقه ما وصلتنا .. بس اللي اعرفه الكي جي عندهم كلوب بعد الدوام اللي يكون مدته ساعه ورفرف أخبر مني فيه لانها كانت اتسجل بنتها فيه ... اترك المجال لرفرف

أم حسون وفطومه اشلون عرفتي ان مستوى الصف ضعيف واليهال توهم مداومين من اربع ايام بس ! وبالنسبه للتسجيل مادري اذا كان التوزيع عشوائي والا يراعون مستويات الاطفال ..

 

[Miss_Tiger79]

كويتيه ذربه ونواره الحلوه
ماتعرفو احسن ابله بقريد2

 

[ام حسون وفطومه]

امهات قريد 1 صخه عسى ماشر .. اهااا مالومكم من جمله العربي .. ولدي اليوم مستعسر ولاراضي يتملى شي .. بمليه انجليزي جان يقوللي ترى اول شي a وبعدين الكلمات الثانيه o قلت حلوووو عشان التيشر لو تغير بترتيبهم انت تروح فيها .. والله سالفه يديده طالعلي فيها هذي بعد ... والعربي ما يتقن الحمله عدل بس مارضى يتملى مره ثانيه عاد والله راسي عورني وانا احن واترجى اخر شي قلتله قوم نام ورب البيت كريم .
باونتي منو ابلتهم العربي والمساعده ما تدرين ؟ وبنتي اسمها شريفه .

كوكو لاتي مادري ماعندي فكره عن الورقه ما وصلتنا .. بس اللي اعرفه الكي جي عندهم كلوب بعد الدوام اللي يكون مدته ساعه ورفرف أخبر مني فيه لانها كانت اتسجل بنتها فيه ... اترك المجال لرفرف

أم حسون وفطومه اشلون عرفتي ان مستوى الصف ضعيف واليهال توهم مداومين من اربع ايام بس ! وبالنسبه للتسجيل مادري اذا كان التوزيع عشوائي والا يراعون مستويات الاطفال ..

حبيبتي انا قاعده اتكلم عن مستوى بنتي وكنت حاطة في بالي مدرستها راح تكون انجليزية ما تكلمت عن صفها والمشكله ان ابلتها مريم ماداومت الا يوم بس الثانية وجنه اسمها الين اذا تعرفين عنها شي قولولي بلييييز

 

[كويتيه ذربه]

كويتيه ذربه ونواره الحلوه
ماتعرفو احسن ابله بقريد2

انا بنتي عند مس جيتا
والله الصراحه مس جيتا ممتازه هيا المدرسه الاولى حق قريد 2
بس بارده نوعا ما بس احس انها زينه بشكل عام

 

[ام حسون وفطومه]

عفية اللي يعرف عن مس مريم والين يقولي ؟؟؟؟

 

[ام حسون وفطومه]

ردو عليييي بليييز

 

[ام حسون وفطومه]

ردو عليييي بليييز عشان اتطمن

 

[كوكو لاتي]

بنات انا ولدي تقول المس ان عنيد شوي ومايسمع الكلام يعني تقوله ارسم مايرسم ويقولي مابي اروح السكول شسوي معاه هل هالشي عادي صار مع عيالكم جذي واهو مو داخل حضانه على طول هالمدرسه ؟؟؟؟

شي عادي ليش اول الايام او لا والله قاعده احاتي

 

[رفرف]

شلونكم امهات ؟؟


طافني وايد ماقدر اعلق على وحدة وحدة سامحوووني ..

اليوم شفت ابلتهم العربي اخييييرا الصبح وسألتها عنها عاد قالتلي زينة بس يعني جنها تقولي زوينة لا تستانسين وايد .. وتقول خل تشد حيلها بالاملاء عاد انا ادرسها وامليها بس منهجهم مادري شلون صاير عندي بالبيت تكتب كلشي صح وبالمدرسة تخوره وتتلخبط بالكلمات المتشابهة انا شسوي يعني ؟؟
اليوم حلينا الهومووركات ودرسنا الاملاء والله يستر على باجر عسى ما تخوره ..

ومسوكة لا تزال شالعة قلبي ماتدخل الحضانة الا بجي وصراااخ واي على ما تتأقلم الا انا صاير فيني شي .. ولي هديتها وطلعت اسمع صراخها وانا بالسيارة عاد انا اكمل البجي عنها .. بس اابلتها تقول زينة ومستانسة وكلللللش ما تبجي ولي قلت لها تروحين السكول تقولي إي يعني مو كارهة المكان بس تبيني معاها ..
وطبعا الشخصية متغيرة 100% بالبيت صايرة واااااايد حساسة بسرعة تبجي وكله بحضني قاعدة انشالله ما يستمر هالوضع مدة طويلة لأن اعصابي بدت تتلف ..

 

[um 3li]

بنات انا ولدي بكي جي 1 - e
هم احس ان الابله مو ذاك الزود مو مرتاحتلها ؟؟؟؟

اذا تعرفون مس ايما ؟؟؟؟؟؟؟

وانا ماراح اسجله بالنشاط الي عقب الروضه احس انه حرام توه صغير يروح 7 ونص ويرجعلي 2 ونص وااااااااااااااااااااااايد

الوقت الي يقضيه بالروضه كافي حق عمره وحرام يقعد اكثر خصوصا ان هالفتره يتغدى فيها ويلعب مع اخوانه واقعد معاه شوي لانه ينام مبجر بليل

 

[ام حسون وفطومه]

انا بعد ما راح اسجل بنتي حرااام يتعبون مافيهم حيل وشنو راح يعطونهم بهالساعه

 

[ام حسون وفطومه]

حبيت استفسر عن شغله بنتي تقوول عادي تاخذ حلاو معاها تقول اليهال ايبون ويااهم بس شلوون انا واايد اخاف من الحلاو في البيت ما اعطيها اخااف

 

[ام حسون وفطومه]

اذا ممكن اللي عندها معرفة بمس مريم والين تقوولي ادري يننتكم بس من كثر مو انا خايفة

 

[الثقيلة]

السلام عليكم
ام حسون مس مريم ماعرفها بس ميس لين بصراحة تهبل واهي المساعدة بالصف ولدي للحين يبيها واهو بقريد1

 

[ام حسون وفطومه]

السلام عليكم
ام حسون مس مريم ماعرفها بس ميس لين بصراحة تهبل واهي المساعدة بالصف ولدي للحين يبيها واهو بقريد1

صباح الخير حبيبتي اهيه فلبينية صح؟؟؟وصح اهي مساعدت المدرسة وانا بصراحه ابي ابلة قوية شنو تنصحيني دام عندج خبرة بالمدرسة وكوني ما اعرف احد بالمدرسة ولا سالت عنها بس ما ادري ليش سجلتها على طول انزين وشلونهم بالعربي

 

[Miss_Tiger79]

ام حسون وفطوم
لا تودين معاها حلاو احسن
خل تاخذ معاها فاكهه افيدلها