تجمع أولياء أمور مدرسة التكامل(صباح السالم)للعام الدراسي2009-2010

[أم عبووووود]

رفرف ماتشوفين شر حبيبتي


ربي يوفق عيالي وعيالكم ان شالله

 

[manarah]

مس تايقر ما اوعدج ان محد راح يتكلم عن المدرسه ماظن نقدر شي بدمنا احنا حتى بالدوام سوالفنا عن المدرسه والدراسه

ام عبود تسلمين حبيبتي عالدعوه الحلوه والله يهديهم ويصلحهم

 

[رفرف]

الشر ما اييكم بنات ..

نواره حتى احنا طول اليوم انغني وين الحركات الفتحة والضمة يالله تتذكر اخرتها قمت لي نامت ازوغل امسح الهمزات الزايدة واحط الحركات خوش أم انا ..

ولا يزال مسلسل المرض مستمر وطرشت بناتي الشاليه مع اختي وقاعدة هوم الون اشرب جاي ليمون ويمي كووووودة ادوية ..

 

[كويتيه ذربه]

:gathering: اها يعني اليوم كلكم استئذان .. صج الجو كان عجيب ماشالله انا وبنات الدوام اول ما وصلنا الدوام قلنا الجو الحين مال قعده ريوق بره بالهواء الطلق بس ولا وحده منا سوتها .. عليكم بالف عافيه ...

كويتيه تشرفت بشوفتج وانتي تهبلين والله بس اقوووووول ترى مو امبين عليج عمرج ... لا لا لا والله شكلج اصغر ماشالله تبارك الرحمن وابنيتج يحلووووها نعومه ستايل بنتي ضعيفه وطويله .. تفرحين فيها انشالله

مس تايقر ميرسي عالحجي الحلو ما تقصرين حبيبتي بس لااااا ترى يبيلنا صج انتيمع ونسولف اكثر مايصير جذي كل وحده تشوف الثانيه بودقيقه ودقيقتين

رفرف اليوم مفقوده الصبح من غير شر انشالله صرتي احسن .

حبيبتي حتى انا والله تشرفت بشوفتج
حبيبتي تسلمين صج شكلي صغير:eh_s(22):
ويخليلج عيالج ويارب ويحفظهم انشاءالله

 

[بشوشه]

شلونكم امهات ؟؟

انا ما داومت حدي تعبانة وصخونة خذيتها طبية .. وبنتي وداها ابوها المدرسة
و عطوها دفاتر الاملاء للعربي والانجلش وانا كنت مطرشة نوت لابلة العربي بما اني ماشفتها ولا مرة ابي اعرف درجات بنتي بالاملاء ..
بالعربي 9 و 9ونص .. طبعا الغلطة نفس اللي توقعتها بالضبططط كلمة أشارت كاتبتها إشرات خالطة بين إسراء وأشارت وما تنلام والله مع اني نبهتها عليها مليون مرة بس ماقول الا حسبي الله على المنهج الغبي !! اول ما يتعلمون بعطونهم كلمات متشابهة !!

الانجلش 2 منهم 10 وواحد 8 وبطت جبدي على غلطاتها لأنها كاتبه الصح وماسحته وكاتبة الغلط .. Yes كاتبتها yis وكلمة ثانية بعد هم غلطانة فيها مع انها بالبيت تكتبهم صح انا كل يوم امليها بس ما حبطتها عاااادي وقلت لها تركز المرة الياية ..

وبس اليوم نقاهة من التدريس ولا ابيها تفتح ولا كتاب ..

بشوشه ..
اليوم واحنا راكبين السيارة بنتي قالتلي شوووفي هذا صلاح وأمه .. اشوه ما تليقفت وسلمت لأنها ردت بكلامها قالت لالالالالا هذا مو صلاح جان اندقرت جدام المره ..

لوووووووووووووووووووول اشوعه انج ما سلمتي لان خالتي اللي خدت صلوح الخميس
عاد يا ريت اشوفج يوم المنى
اتمنى اني اتشرف بشوفتكم كلكم الله العالم جني اكلم خواتي

 

[Miss_Tiger79]

الله يعافيكم بنات



رفرف
ليلحين الفلونزا ؟؟؟ الله يعينج ويشافيج يا رب

مناره
يالله اختاري يوم لليمعه وانا اول وحده بسولف عن المدرسة

 

[رفرف]

شلونكم بنات ؟؟


نامو عدل وراكم تدريس باجر نياهاها زاهبه حق النكد ..
انا رحت اليوم ايكيا وشريت طاولة وكراسي ورول ورق وخرابيط اشجع بنتي على الدراسة يعني ,..

تايقر ..
الحمدلله اليوم واااااااااااايد احسن ولا لي امس وانا شاكة انها h1n1 لأن وااايد تعبت هالمرة وصخنت .. بس اليوم تمام الحمدلله مافيني شي الا الكحة .. عاد هاذي تطول ..

 

[Miss_Tiger79]

لا رفرف هالسنة كل الي يتلهم الفلونزا يتلهم جايده مادري ليش .. حتى ريلي يتله قويه وحتى انا شكيت انها ... بس الحمدلله

يالله أجر وعافيه انشالله

 

[نواره الحلوة]

رفرف
ماتشوفين شر وعليج بالأعشاب الدافية ترى تلين الكحة

 

[manarah]

حبيبتي حتى انا والله تشرفت بشوفتج
حبيبتي تسلمين صج شكلي صغير:eh_s(22):
ويخليلج عيالج ويارب ويحفظهم انشاءالله

ايه والله من صجي ترى ما أجامل بهالمواضيع

مس تايقر ماعرف اختار يوم ولا مكان بلييييز هالموضوع اتركه لج ... وهقتج

رفرف ما تشوفين شر وأجر وعافيه .

 

[manarah]

اتمنى اني اتشرف بشوفتكم كلكم الله العالم جني اكلم خواتي

تصدقين بشوشه امس بالليل وراسي عالمخده استوعبت شي ... استوعبت ان انتي نفسج صاحبه الموضوع .. يعني كل مره ايام الجزء الأول من الموضوع اقول وينهي بشوشه افتحت موضوع عن التكامل واختفت عاد امس الحمدلله ردتلي الذاكره واستوعبت انج انتي :ggdw: الف الحمدلله خفت حاله الزهايمر اللي حايشتني

 

[بشوشه]

اي و الله السنه اللي فاتت بس غبت عن الشاشه و الحين انشالله الله لا يقطعنا عن بعض و راجعه بقوه

 

[كويتيه ذربه]

اشلوووووووونكم امهات

 

[نواره الحلوة]

أبونا رايح اليوم يكلم استاذ العربي كل يوم يوقف ولدي لأنه شيطان ما أدري شالسالفة معاه ؟؟؟؟؟ مع انه مستواه وايد زين وخطه وايد متعدل وبالإملاء اسم الله عليه يايب علامات ممتازة بس والله هالولد ذابحته الشطانه لدرجة يخرب على نفسه وعلى غيره بالصف وآنا وأبوه عيزنا منه ما خلينا تهديد والله حتى العقاب عاقبته بس شسوي الولد هايبر ويحب يسوي شو

 

[نواره الحلوة]

لما كان بقريد 1 مس نادية استثمرت هالشي وخلته يكون ليدر على ربعه والحمد الله عالجنا المشكلة ألحين لأن المدرسين بعد للحين ما تعودوا عليهم لازم نرجع انتفاهم معاه ومعاهم ؟؟؟

 

[نواره الحلوة]

اشلوووووووونكم امهات

هلا والله حبوبة
حبيت أسئلج إملاء العربي تكتبه بنتج بنفس دفتر الواجب وإلا لأ لأن مدرس ولدي يعطيه الإملاء بنفس الدفتر وبعدين يآخذه معاه فمايرده لنا بالويك اند بس اليوم الأحد يردلناايه مصلح وعليه درجة الإملاء

 

[كويتيه ذربه]

نواره انتي ماوديتي لهم دفتر 60 ورقه حق الاملاء؟؟؟؟؟

 

[نواره الحلوة]

نواره انتي ماوديتي لهم دفتر 60 ورقه حق الاملاء؟؟؟؟؟

لأ محد طلب منا ؟؟؟؟؟؟ اليوم بتأكد من ولدي وأشوف مع إن جذي أحسن عشان أشوف درجته بالإملاء أول بأول

 

[كويتيه ذربه]

لأ محد طلب منا ؟؟؟؟؟؟ اليوم بتأكد من ولدي وأشوف مع إن جذي أحسن عشان أشوف درجته بالإملاء أول بأول

احنا طلبت منا اول السنه
والدفتر يظل عندها

 

[Miss_Tiger79]

مناره
وهقتيني ... بس ميخالف اصيرلكم منظمة الحفل
سامحيني اليوم ما سلمت عليج عدل لانه راسي يعورني حيل واحس بطيح من الصداع

كويتيه ذربه
الله يعينج والله كلمو المدرس عشان يتفهم الموضوع