تجمع أولياء أمور مدرسة التكامل(صباح السالم)للعام الدراسي2009-2010

[رفرف]

ذربة ..

حتى بنتي تقول بنطلون اخضر !! نفس لون التيشيرت ..
عاد انا التيشيرت خذيت من اتش اند ام وخلصت .. بس لو شنو ماني شارية بنطلون اخضر يطيح بجبدي . من حلات اللون عاد ..
وقالت تبي كبوس اخضر بشوف احصل لها ولا لا .. اذا ما حصلت بتلبس واحد من كبابيسها بالغالب وردي (ترقيع)
وشبابيص خضر وخلاص ..


كبوسه ..
دشي سايت المدرسة شوفي الاسعار اليديدة ..
اهيه المدرسة ما تعتبر دينية مثل الرؤية .. لا عادية جدا .. ويدرسون موسيقى عادي .. والاسلامية منهج الحكومة ..
تأسيسهم انا احسه قوي ومرتاحة عليه الحمدلله .. والادارة متعاونة ..

 

[Miss_Tiger79]

شلونكم بنات شكلكم وايد لاهيين علي السبورت داي انا ولدي الي بكي جي تي شيرت ابيض يعني لبس البي اي العادي والكبير تي شيرت اصفر وانا بلبس سماوي . شفتو التنسيق بين الوان عيالي والواني

 

[manarah]

رفرف وكويتيه البنطلون بنطلون البي ايه كل مره جذي بس الظاهر بناتكم ياحلوهم بيكشخون ... انا بلبس قميص ازرق واللي تشوفني اتيي تسلم على هههه اللي يقول انا بروحي بالحديقه لابسه ازرق ... التيشرتات تم بحمدالله العصر شريتهم بس بنتي ماحصلتلها كاب ازرق بلبسها ابيض والله يتمم على خير ( على خبتنا عرس مو سبورت دي )

 

[ام حسون وفطومه]

شلونكم امهات
شخباركم مع اللوية انا بنتي تي شيرتها برتقالي
ةيننتني ودها تلبسا وتنام تقول بنروح نلعب مستانسة واااايد
انشالله عاد ييسونلهم شي يسوى منو رايح من قبل ؟ وعادي نييب معانا اليهال
انا يمكن يدها ويدتها ايووون يسوى والا لا شرايكم

 

[manarah]

ام حسون وفطومه والله انا اقول يسوى يمرون يشوفونها شوي عشان اهي تستانس واهم يسوولهم كذا لعبه ومسابقه وكل صف بدوره يلعب اللعبه . يعني الصفوف تدور على كل الالعاب .

 

[نواره الحلوة]

بنات وافونا بأخبار السبورت داي أول باول آنا ماراح أقدر اروح توني مداومه ومالي عين استأذن بس أبونا بروح وماله خلق الروحة فأكيد ماراح يعطيني كل التفاصيل

 

[رفرف]

والله كان وناسة بس مشينا قبل لا نعرف منو الفايز ؟ امهات قريد 1 اي لون اللي فاز ؟؟
طبعا بنتي كله خسرانين الحمدلله اهم شي الوناسة ..
وشفت تايقر ومناره طبعا .. وبشوشه انتي ام صلاح ولا ام سليمان لأن شكيت بالوضع وخفت ارز ويهي واقولج انتي بشوشة تطلعين مو انتي انا مخربطة ..
اذا ام صلاح يعني انا وتايقر اللي كنا نسولف معاج اذا ام سليمان لا مادري ..

احلى شي اني سافطة صوب الكيجي واحنا طالعين بنتي اخيرا تحقق حلمها وشافت مدرساتها بكيجي2 واهو صراخ اهو ركض اهو تلمم واي لوف يو وركبت السيارة وهي في قمة السعادة الحمدلله ..

 

[manarah]

رفرف احنا قعدنا لي اخر شي بس والله مادري منو فاز لعبوا شد الحبل القروب الاخضر مع الاحمر والاحمر فاز وبعدين لعبوا الاصفر مع الازرق والاصفر فاز واخر شي كل الفرق خذت كاس .. مادري شسالفه المهم انه لعب وناسه وحاشتنا الشمس وراسي للحين امصدع منها .

رفرف ومس تايقر انتوا كنتوا تسولفون مع بشوشه انا كنت يمكم بس هقيتكم تعرفونها انها ام صلاح

اللي تشرفت وشفتها اليوم باونتي واخييييرا .. وشفت بيبي بوب (ام سليمان ياحلوه) بس ما سلمت عليج لان ريلج كان وياج واستحيت اكلمج .

انا اعيالي واعيال اخوي ما اطلعوا من الحديقه اللي فوق ال12 ونص وانا كنت مستويه خلاص لانهم لعبوا وتغدوا بماكدونالد وانا قلت خاربه خاربه وهونت عن ردت الدوام وبسطت وياهم .

 

[Miss_Tiger79]

والله بنات استانسنا اليوم وصج سوو تغيير جو لنا وحق اليهال

رفرف
اي بشوشه الي كانت تسولف معانا لانه شفتها صوب الكي جي وقعدنا نسولف وعرفتها بشوشه
يحلوها تهبل والله
عيل صار بين بنتج ومس فرح فلم هندي

مناره
زين سويتو
تدرين انا طلعت الساعه12 والبيت سيييييييييده وعلى طول سبحتهم ورديت الدوام بصمت ورديت البيت

وترى كل الفرق فازت يعني ما قالو اي لون الاول

 

[ام حسون وفطومه]

هلا امهات شلونكم هقب اليوووم والله انا استانست انا وابوها واقفين عند الباب من 8ونص نطرت بنتي لم وصلت شكلهم حلو واهمه ينزلون من الباص كل صف حبايبي انا بنتي تعتبت 11ونص قالت بس برجع يحلاتهم انا بنتي برتقالي ملابسها حسافة اني ماتعرفت على احد منكم
بس يمكن اللي كانو يلعبون يم كلاس بنتي اذا كانو مثبتين البنت اللي لابسة برتقالي وكاب كحلي عليه بنت وكشه راح يعرفني
لاني كنت معاها
الله يحفظ اليهال بنتي مالها خلق تداوم باجر بس مو بكيفها.....ز

 

[بشوشه]

هلااااااااااااااااااااااااااااا و غلاااااااااااااااااااااااااااااااااااا
اي انا انا انا انا
انا كنت لابسه بلوزه جينز و سكارف ونااااااااااااااااااااسه يعني سولفت مع بنتين حلوين و ما ادري منو اهما و هات يا سوالف ( انا رزيت ويهي ) و اخر شي رحت صوب الكي جي و رديت سولفت مع الحلوه الجميله اللي طلعت مس تايقر يااااااااااااااااااااا حلاتج تشرفت بشوفتج


رفرف
نووووووووووووووووووووووو ليش طوفت هالفرصه سولفت معاج و ما ادري انج انتي يا بختي و الله تشرفت فيج و ان شاء الله تتكرر صراحه كانت فرصه واااااايد حلوه المفروض عرفتيني من تحلطمي على ولدي لووووووووووووووووووووووووووووول

انا استانست اكثر من اليهال

مناره
ياااااااااا حلاتج و طيب قلبج يا زميلتي العزيزه

 

[باونتى]

بنات شلونكم .. اليوم كان حده وناااسه شكل اليهال بالتيشرتات الملونه يشوووق .. وأخيراااااااااااا شفت مناره أم شرووفه وشفت أم سليمان بصراحه تهبلووووووووووووووون وصج تشرفت بمعرفتكم .. وكان ودى اشوف رفرف ومس تايقر وباقى الامهات .. كان يوم ممتع بس احنا طلعنا على الساعه 11 لان صار حر .. مافى بعد شى ثانى مثل سبورت دى عشان نتشاوف ؟؟؟

 

[رفرف]

لوووووول بشوشة حرام والله ما تحلطمتي انا مضيعه ماذكر وبغيت اقولج انتي بشوشة وتطلعين مو انتي قلت ياحلاتي وانا مخرعه المره انتي بشوشه ؟ خير انشالله بشوشة والا كشرة انتي شكو هههههه .. واصلا احس من كثر ما كنت تعبانة مادري شفيني مو مجمعة .. بس زين طلعتي انتي يعني شفناج الحمدلله ..

وحسافة باونتي ماشفتج انا مارحت صوب الكيجي كلش ماعندي احد هناك بس كنت موقفة سيارتي ذاك الصوب فمريت وانا طالعة اللي شفت ابلات بنتي يعني كلش ما لحقت ع اليهال وهم يلعبون ولا امهاتهم ما عليه ملحوقة انشالله ..

وذربة اللي صج كل مرة نقول بنتشاوف ولا اشوفها ..

اليوم حده كان وناسة بس انا اصلا حددددددي تعبانة بغيت اخذ طبية من الدوام بس قلت ماكو فايدة مردي بروح وانزرع بالشمس علشان عيون عمتي صبا فما تسوى اخذ طبيه .. وزين مني واقفة لي 11ونص تالي رديت دوامي وطلعت مبجر شافو شكلي اخترعو قالو بتطيح علينا .. رديت البيت وقلت حق الخدامة غدي اليهال وجابليهم ودشيت الدار قفلتها ولأول مرة من سنييييين انام الظهر وبس غيبت مادري نمت مادري شصار فيني ما قمت الا 6 وويهي اصفررر وحالتي حالة ولا ادري عن اليهال بعد عمري والحمدلله عدى اليوم على خير ..

 

[manarah]

ههههه رفرف والله حالتنا حاله امس .. انا والابو هواش منو ينام الظهر اقوله انا منزرعه بالشمس ابي اناااااااام جان يسمحلي انام بس يمهم عالقنفه واهو يجابل اليهال ويلعبهم عذره اذا رحت الدار انام راح تطول نومتي بس يمهم اي نومه بتنامينها بالله وهم اليهال مساكين كانوا دايخين ووصيته لحد يغفي والا ينسدح ترى راح ينامون وتخترب نومه الليل سمحتلهم ينامون على 7 ومساكين ما صدقوا ... وذربه كانت بعيد عنا لان قريد 2 على طول كانوا بالجهه المقابله لنا عشان جذي ما شفتيها وانا شفتها عالاخير .

باونتي بعد ماكو شي غير البرودكشن يعني الحفله اللي يسوونها حق كي جي 1 ويغنون فيها انشالله نشوف بعض مره ثانيه على خير .

ام حسون وفطومه زين الحمدلله اللي استانستوا وحسافه انتي بعد ما شفناج بس ملحوقه انشالله

 

[نواره الحلوة]

بنات شووقتوني بسولفكم يليتني كنت وياكم وتعرفت عليكم
والله يديم الوناسة عليكم وعلى اعيالكم
بالنسبة لي كان يوم درامي بعد ما ردوا اليهال مع أبوهم من السبورت داي والا ولدي الكبير يصيح من عوار ضرسه وسيده على الصحة المدرسية وخذيت جنطته معاه قلت وقت االانتظار يكتب لأن ورقة العربي كاتبين إن اليوم إملاء واحنا هالاسبوع كلش ما كتبنا ولا شي ومسكين قعد يتحلطم علي ان ضرسه يعوره وهو خايف يدش الطبيب وآنا مجابلته أمليه الدرس اللي طلع ما يعرف منه ولا شي وجنه أول مرة يقرآه بغيت ألطم لابنا بهالضرس ولا بالدرس

 

[نواره الحلوة]

أمهات قريد 2
موملاحظين ان العربي يركضون فيهم ركض يعني المنهج وايد دسم وفيه مفاهيم وايد ( التاء المفتوحة والمربوطة وال الشمية والقمرية و الشدة والتنوين والمفرد والجمع ) وما كو تركيز عليهم يعني بس يخلصون الدرس وخلاص واحنا نركز ان يحفظ كلمات الدرس بس أمس حاولت أعطي ولدي كلمات خارجية مو من الدرس كتغيير وعشان أشوف مستواه طلع ما يعرف يتكبهم مع انهم من نفس المنهج انتوا ملاحظين هالشي والا بس آنا

 

[Pissy Missy]

السلام عليكم

انا اليوم كان امتحان ولدي حق القبول وان شاء الله بيروح kg 2

المدرسة الي امتحنته اسمها cheri وايد حبوبه والحمدالله انقبل ويوم الاحد بروح ادفع الرسوم

الحين سؤالي حق الي عيالهم في مرحله kg2 شلون المدرسات وشنو يعطونهم وشلون نظامهم اليومي ؟؟؟

 

[Pissy Missy]

السلام عليكم

انا اليوم كان امتحان ولدي حق القبول وان شاء الله بيروح kg 2

المدرسة الي امتحنته اسمها cheri وايد حبوبه والحمدالله انقبل ويوم الاحد بروح ادفع الرسوم

الحين سؤالي حق الي عيالهم في مرحله kg2 شلون المدرسات وشنو يعطونهم وشلون نظامهم اليومي ؟؟؟

 

[Pissy Missy]

السلام عليكم

انا اليوم كان امتحان ولدي حق القبول وان شاء الله بيروح kg 2

المدرسة الي امتحنته اسمها cheri وايد حبوبه والحمدالله انقبل ويوم الاحد بروح ادفع الرسوم

الحين سؤالي حق الي عيالهم في مرحله kg2 شلون المدرسات وشنو يعطونهم وشلون نظامهم اليومي ؟؟؟

 

[Pissy Missy]

السلام عليكم

انا اليوم كان امتحان ولدي حق القبول وان شاء الله بيروح kg 2

المدرسة الي امتحنته اسمها cheri وايد حبوبه والحمدالله انقبل ويوم الاحد بروح ادفع الرسوم

الحين سؤالي حق الي عيالهم في مرحله kg2 شلون المدرسات وشنو يعطونهم وشلون نظامهم اليومي ؟؟؟