تجمع أولياء أمور مدرسة التكامل(صباح السالم)للعام الدراسي2009-2010

[um 3li]

انا ولدي كان غايب الاربعا ومادري تيشيرتهم اي لون ؟؟؟؟ شسوي؟؟؟؟؟


شسوي؟؟؟؟


وام علي مالقوا غير البنفسجي ؟؟؟؟؟ لون صعب من وين تحصلينه؟

اي والله صاجه اللون صعب بس شنسوي بعد

بروح الركن الرياضي والنصر الرياضي وان شاء الله احصل

 

[رفرف]

ام حسون لا مافي مداليات يحليلج بطولة مو سبورت داي
اهمه بس يلعبونهم مسابقات واليهال يستانسون ان اهلهم معاهم يعني وناسة لا تحاتين ..

انا ليلحين مادري اي لون تي شيرت بنتي ..
تقول احنا صفنا كل الالوان كل فريق لون واهيه الفريق الاخضر عاد مادري صج ولا تخوره لازم اسأل الثلاثا انشالله لي داومو

 

[Miss_Tiger79]

شخباركم بنات:sfg:
وكل عام وانتو بخير على عيدنا الوطني وعيد التحرير
والله يديم علينا نعمة الأمن والأمان ويحفظ ديرتنا من كل شر


:eh_s(9)::eh_s(9)::eh_s(9):

 

[um 3li]

حبايبي الي يسألون عن السبورتس دي :ada: :-

يوم الأربعاء 3-3
الساعة 8:30
في حديقة مشرف

راح اكتبلكم باختصار الي مكتوب بالورقة

تودوون عيالكم الساعة 7:30 المدرسة مثل كل يوم ومايصير تودونهم الحديقة
المدرسة راح يودونهم

اولياء الأمور ( الي اهم احنا ) معزومين واخيرا انعزمنا على شي مو بس ندفع فلوس وما نشوف شي لوووووووول

اليوم الرياضي راح يبدأ الساعة 8:30 وينتهي 11:30 ومن بعدها تقدرون تاخذون عيالكم من الحديقة

والي ما ياخذ ولده / بنته راح يرجعونهم بالمدرسة وتقدرون تاخذونهم في نهاية الدوام الساعه 1

طبعا طلبوا من ولدي تي شيرت بنفسجي ( كي جي 1 - e )

ولازم ايبون معاهم اكل في جنطة ظهر وعصير وماي وكبوس

ومايصير يلبسون ملابس المدرسة او جوتي المدرسة وما يصير ايبون فلوس او موبايل

ودمتم سالمين :ggdw:

مراسلتكم من مدرسة التكامل : أم علاوي . كوم

والي تقرا التقرير ويعجبها تدعيلي اروح الحج هالسنة ان شاء الله :yaaaaaarb:

 

[كويتيه ذربه]

ام علي
ماقصرتي على التقرير
وانشاءالله تروحين الحج هالسنه وانا وياج بعد

واخيراااااااا بنلتقي
وراح يصير تجمعنا بالحديقه ونتعرف على بعض

 

[manarah]

اشلونكم بناات كل عام وانتوا بخير ..

اول شي ام على الله يرزقج بحجه انشالله هالسنه امين .. وبالنسبه للون البنفسجي انا ولدي حظه بكي جي 1 وكي جي 2 اللوون البنفسجي وتدرين من وين كنت اروح اخذله ؟ اروح المحل الي بالمركز العلمي gift shop والتيشيرت عليه صوره بس عادي يرضون باي صوره المهم اللون المطلوب .... والالوان الثانيه بنات ترى سهله النصر الرياضي عنده كل الالوان

رفرف اتوقع كلام صبويه صح لان حتى ولدي قاللي ان كل واحد يلبس لون القروب اللي اهو فيه واهو لونه اخضر بس هم بتأكد الثلاثا انشالله .

والله انا اتمنى يومها ما يكون حر وايد عشان يستانسون اليهال وما يتعبون ..

 

[Miss_Tiger79]

ام لي
مشكوره لى الترجمه وانشالله يكتبلج حجه هالسنه

كويتيه ذربه
انشالله نشوفج بالسبورت داي

مناره
ترى ما فهمت يني شلون كل صف مقسمينه جم قسم ؟؟؟؟
لانه سألت ولدي قالي مادري ما قالت شي المس ... مادري اهوه دايخ
وسصار مع ولدج على القبول... شلونه مع الاختبار .. شكلج مثلي جنه انا الي بسوي الاختبار قاعده على اعصابي

 

[manarah]

مس تايقر لان اهم بالصف امقسمين على قروبات على الوان ونفس التقسيمه هذي راح يلبسون بالسبورت دي انا هذا اللي فهمته بس ننطر الثلاثا ونتأكد ... ولدي الحمدلله نجح بالمقابله واشوه نطق انا كنت خايفه انه ما يتكلم نهائي بس الحمدلله اللي قابلتنا مس فرح دشتي وماشالله تعاملها كان وايد حلو وياه واهو استانس عليها .

 

[ام حسون وفطومه]

مساء الخير
رفرف البريطانية يعطونهم ميداليات وكؤوس بعد فانا كنت متوقعه جذي
والياهليتحمس اذا كان في جائزة ,وحبيت اعرف يسوى اليوم الرياضي

 

[um 3li]

ام علي
ماقصرتي على التقرير
وانشاءالله تروحين الحج هالسنه وانا وياج بعد

واخيراااااااا بنلتقي
وراح يصير تجمعنا بالحديقه ونتعرف على بعض

ان شاء الله يارب يسمع منج

ونصير بحملة وحده بعد :eh_s(9):

عاد انا بروح ان شاء الله الأربعاء بس ما ادري شراح البس ولا كنت قتلج عشان نتعرف على بعض والمشكلة اني من بعد اليوم الرياضي لازم اروح الدوام ؟؟؟!!!!!!!!!!!!!!

ما ادري شسوي ؟؟؟؟؟؟؟؟؟

 

[كويتيه ذربه]

هلا ام علي انشاءالله نرووح بنفس الحمله

الثلاثاء نتفق كلنا بالمنتدى شنو راح نلبس عشان نعرف بعض

انا بحاول اخذ استاذان يوم كامل او طبيه مالي خلق بعدها ارد الدوام

 

[Miss_Tiger79]

مناره
مبروك القبول والله يسهل على عيالنا
احاتي بنتي بدش صغيره

بنات انشالله نشوفكم بالسبورت داي

 

[ام _خلودي]

قوه
شلونكم وشلون اليهال مع الدراسه

انا ولدى حبيبي بعدى ماسجلته كى جى 1 ولدت وضروف ولادتى كانت صعبه
ان شاء الله هاليومين اخلى ابوه يروح يسجله والله يستر ويعدى حده بيبي حبيبي

بنات بغيت اسال بالنسبه ل sport dey انا بنتى طالبين منها تى شيرت احمر

يعنى البسها التيشرات الاحمر تحت الدرينق سوت مال المدرسه ولا ماينفع ؟
واذا ماينفع يصير البسها جينز ولا شنو ؟

 

[نواره الحلوة]

ام خلودي
كل سنة يقولون لبسوا اعيالكم اللون المطلوب للتي شيرت والبنطرون مال التريننغ سوت مال المدرسة ولدي اللي بكي جي 1تي شيرت أخضر بس الكبير اليوم وصيته يسأل المدرسة لأن ماعطوه ورقة وان شا الله ما ينسى عشان ما اتوهق

 

[kaboOOOOOOOOsa]

بنات عفيه ابي منكم خدمه
ابي اسال عن المدرسه
يعني عندهم روضه ولا لاء واسعارهم وطرقه الدفع والمنهج في دين انجليزي
والاداره اشلونها وياكم يعني متعاونه ولا لاء
انا ابي اسجل عيالي بس قاعده اسال عن المدارس
انا ادري انها كانت دينيه بس عقب ما باعوها ما ادري شنو غيرو فيها


فبليز الله ابلغكم بعيالكم وتشوفونهم متخرجين من احسن الجامعات ردو على لاتحقرون

 

[manarah]

قوه
شلونكم وشلون اليهال مع الدراسه

انا ولدى حبيبي بعدى ماسجلته كى جى 1 ولدت وضروف ولادتى كانت صعبه
ان شاء الله هاليومين اخلى ابوه يروح يسجله والله يستر ويعدى حده بيبي حبيبي

بنات بغيت اسال بالنسبه ل sport dey انا بنتى طالبين منها تى شيرت احمر

يعنى البسها التيشرات الاحمر تحت الدرينق سوت مال المدرسه ولا ماينفع ؟
واذا ماينفع يصير البسها جينز ولا شنو ؟

ام خلودي الحمدلله على سلامتج ومبارك ماياج واشلون صحتج الحين واشلون البيبي انشالله بخير ... لبسي بنتج تي شيرت احمر وبنطلون البي ايه بس انا ناويه البسهم التيششيرت جم طويل مادري اخاف يصير هوا نفس اليوم .

 

[manarah]

بنات عفيه ابي منكم خدمه
ابي اسال عن المدرسه
يعني عندهم روضه ولا لاء واسعارهم وطرقه الدفع والمنهج في دين انجليزي
والاداره اشلونها وياكم يعني متعاونه ولا لاء
انا ابي اسجل عيالي بس قاعده اسال عن المدارس
انا ادري انها كانت دينيه بس عقب ما باعوها ما ادري شنو غيرو فيها


فبليز الله ابلغكم بعيالكم وتشوفونهم متخرجين من احسن الجامعات ردو على لاتحقرون

بالنسبه للاسعار ماعندي الورقه الحين عشان اقولج بالضبط سعر كل مرحله .. بالنسبه لماده الدين يدرسونهم ونفس منهج الحكومه ... يهتمون بالاخلاق وماعندهم اي احتفالات تخالف دينا وتقاليدنا

 

[kaboOOOOOOOOsa]

بالنسبه للاسعار ماعندي الورقه الحين عشان اقولج بالضبط سعر كل مرحله .. بالنسبه لماده الدين يدرسونهم ونفس منهج الحكومه ... يهتمون بالاخلاق وماعندهم اي احتفالات تخالف دينا وتقاليدنا

تسلمين حبيبتي عندج رقمهم

 

[manarah]

تسلمين حبيبتي عندج رقمهم

25522204

 

[كويتيه ذربه]

السلام عليكم
بسألكم باجر بتلبسونهم بنطلون البي اي نفس كل مره
بنتي مصره ان باجر لازم بنطلون احمر


يالله كل وحده تقول اي لون بتلبس عشان نعرف بعض


وحمدلله عالسلامه ام خلودي ومبروك ماياج