تجمع أولياء أمور مدرسة التكامل(صباح السالم)للعام الدراسي2009-2010

[باونتى]

نداااااء الى امهات كي جي 1c ... ما تدرون متى عندهم PE ؟ اهم ماطرشولنا ورقه بالجدول بس محد فيكم انتبه اذا مكتوب على باب الصف والا لأ أو سأل التيتشر ؟

رفرف لا تضيقين خلقج ترى احنا يامالنا من الحرات يعني اعيالنا شكلهم ناوين علينا من اول سنه ويفتكون منا ... بس والله اهم يهال وانا اللي عندي توه يستوعب ان وراه ريبورت ويكون فيه قريد والا مايدري شالسالفه مسكين ... الله يعينا .

تم قبول النداء :eh_s(6): موو مكتوب على باب الصف غير ان لا تحطون لعيالكم حلاو وكاكاو ويبووا ملابس اضافيه لهم للطوارئ وبس .. ومكتوب بالورقه اللى عطونه اياها مكتوب ملابس الالعاب لازم يلبسونهم فى اليوم اللى عليهم العاب بس مو كاتبين متى ؟؟؟؟

 

[Miss_Tiger79]

كويتيه ذربه
وعليه مسكينه الله يعينج انشالله وماتشوف شر حبيبتي

رفرف
ميخالف انتي سأليها انتي شنو كتبتي واهيه تعطيكم السبيلنغ تيست اخاف احد يمها يلهيها او شي



شخباركم باجي البنات

 

[manarah]

تم قبول النداء :eh_s(6): موو مكتوب على باب الصف غير ان لا تحطون لعيالكم حلاو وكاكاو ويبووا ملابس اضافيه لهم للطوارئ وبس .. ومكتوب بالورقه اللى عطونه اياها مكتوب ملابس الالعاب لازم يلبسونهم فى اليوم اللى عليهم العاب بس مو كاتبين متى ؟؟؟؟

اشكرج على تلبية النداء وأهم شي ان مو باجر .. انشالله انا اسألهم وأبلغكم

 

[باونتى]

بنات ابى مساعدتكم .. ولدى ما يتريق كل يوم ترجع الجنطه مثل ما اهيا اللهم قرمه من الصمونه وقرمه من التفاحه ياربى ما ادرى شسوى المشكله ان اهو بس يحب توست مع مرتديلا او نقانق وانا ما ابى كل يوم احط له مرتديلا ونقانق احط له جبن ما يآكل لبنه ما يآكل حتى البسكوت والبطاط ما يآكله !!! اريد جلا شنو تحطووون وجبات لعيالكم والله من الحين قاعده افكر شنو اسوى له باجر :0bee2e8d89:

 

[manarah]

باونتي حطيله من الكرواسان الجاهز باي حشوه يحبها .. بيتزا .. ساندويشات جبن ومربى أو زعتر .. كب كيك .. قصصي جزر مع خيار وحطيهم بعلبه صغيره .. موزه .. روب دانينو الصغار باي نكهه يحبها .. ترى انا احط 5 اشياء بالجنطه اقل شي وعادي تلقين بس الصمونه مأكوله والباجي على حطت ايدج بس المهم اني نوعت والياهل وشهيته ... وطالما اهو يحب المرتديللا والنقانق خليه 3 ياام بالاسبوع اللي يحبه ويومين حاولي تنوعيله باشياء ثانيه بس انا طريقتي لازم احط شي يحبونه ومتاكده ياكلونه وساندويتش ثاني حشوه يديده مو متعودين عليها واشوفهم اذا حبوها وكلوها والا لأ ..

 

[باونتى]

باونتي حطيله من الكرواسان الجاهز باي حشوه يحبها .. بيتزا .. ساندويشات جبن ومربى أو زعتر .. كب كيك .. قصصي جزر مع خيار وحطيهم بعلبه صغيره .. موزه .. روب دانينو الصغار باي نكهه يحبها .. ترى انا احط 5 اشياء بالجنطه اقل شي وعادي تلقين بس الصمونه مأكوله والباجي على حطت ايدج بس المهم اني نوعت والياهل وشهيته ... وطالما اهو يحب المرتديللا والنقانق خليه 3 ياام بالاسبوع اللي يحبه ويومين حاولي تنوعيله باشياء ثانيه بس انا طريقتي لازم احط شي يحبونه ومتاكده ياكلونه وساندويتش ثاني حشوه يديده مو متعودين عليها واشوفهم اذا حبوها وكلوها والا لأ ..

والله يا مناره كل انواع الصمون احطه واهوو ما يحب الكرواسان بس بحطله باجر روب دانينو اهو يحبه واايد .. تسلمين حبيبتى وما تقصرين

 

[ام حسون وفطومه]

دوووم انشاءالله
انا بخير الحمدلله
اليوم دقت علي الممرضه من المدرسه قالت بنتي حايشينها اليهال بالقلم بعينها
رحت خذيتها ووديتها المستشفى طلع شرخ بالقرنيه وغطوا عينها ولازم كل يوم نوديها المستشفى عشان ينظفون مكانه ويشيكون عليه
كلش مو وقته بيطوفها المنهج

حبيبتي والله ماتشوف شر ماشاءالله على اليهال الابلة وينها عنهم احس من كثر ما في يهال بالصف ما ينتبهون عليهم الله يحفظهم انشالله

 

[ام حسون وفطومه]

والله يا بنات انا عندي نفس مشكلتكم بنتي ماتحب شي ولا عندها اكله معينة واذا حطيتلها شي ما تاكله تظل طول اليوم من غير اكل كل شي احطلها بسكوت حليب عصير بفك اشكلها من الصمون ومرات معجنات صغيرة تصورو حتى ماي تشرب ذابحتني وتروح المدرسة من غير ريوق بس قلاص حليب

 

[باونتى]

والله يا بنات انا عندي نفس مشكلتكم بنتي ماتحب شي ولا عندها اكله معينة واذا حطيتلها شي ما تاكله تظل طول اليوم من غير اكل كل شي احطلها بسكوت حليب عصير بفك اشكلها من الصمون ومرات معجنات صغيرة تصورو حتى ماي تشرب ذابحتني وتروح المدرسة من غير ريوق بس قلاص حليب

والله يا أم حسون الحال من بعضوووو .. الصبح بس يشرب حليب كاكاو ويرجع مو مآكل غير قرمه من الصمون وحتى الماى ما يشربه :0bee2e8d89:

 

[كويتيه ذربه]

مناره والله ماادري يمكن اسبوع حرام تقول برووح فيت فور فن كسرت خاطري مو قادره تبطل عينا الثانيه بعد

الشر ماييج باونتي

 

[كويتيه ذربه]

مس تايقر
الشر ماييج

 

[كويتيه ذربه]

حبيبتي والله ماتشوف شر ماشاءالله على اليهال الابلة وينها عنهم احس من كثر ما في يهال بالصف ما ينتبهون عليهم الله يحفظهم انشالله

الشر ماييج
هذا وبنتي قاعده جدام ماانتبه عليها مدرس الاسلاميه الا لمن بجت
بالصف 30 واحد وين بينتبه اهيا بالويه ماانتبه قال لها ليش تبجين

 

[um 3li]

كوكولاتي
ام حسون و فطومه

ولدي ما عطوه سورة الحمد بس اليوم علموه يقول لا اله الا الله محمد رسول الله

وليلحين يلون ... عطوه رقم 1 ... وحرف m

ما ادري شمعنى هالحرف ؟؟؟ ليش ما يبلشون معاهم من اول حرف ؟؟؟

 

[ام حسون وفطومه]

والله الواحد يحاتيهم بالمدرسة لانه في يهال شوية شياطين مفروض يتعاقب تبين الصج احس المدرسة من خبرتي خلال هالاسبوع فوضة واااايد

 

[رفرف]

ذربه سلامااااااااات ما تشوفون شر عورت قلبي بنيتج بس انشالله ماكو الا العافية ولد اختي صارله نفس الشي وبسرعة التأمت لا تحاتين انشالله ماعليها الا العافية ..


مناره . وتايقر .
اي والله هل بنية بتقضي علي .. كلمة want كاتبتها DONT !! من وين يايبة الدي ؟؟ و OF كاتبتها IV ؟؟؟ عقدتني اقولها كتبيها جدامي تكتبها .. اقولها قوليلي الحروف تقولي عدل وانا والله كل يوم ادرسها كللل الكلمات ليش جذيه مادري !!


باونتي ..
عادي اليهال اتييهم ايام شهيتهم مو زود .. ترى مو لازم صمونة او كرواسونة .. انا اخذ الكرواسون الميني السادة واحشيه لها اي شي .. واحط لها كيك ميني رول ولا كب كيك ككاو .. ومكسرات باجياس سبال او كازو ملوت الرفاعي .. وكورن فلكس تحب تاكله خالي او اللي يكون سيريال بار يحبونه .. التفاحة تروح وترد مثل ما اهيه وماقدر احط لها اي نوع فواكه يحمض .. بس تفاح او رمان او اقصص لها خيار او سلطة .. تويستوس مفيد ويحبونه نفس البطاط الشبس اوأفيد .. شنو بعد ؟؟ بسكوت مالح ريتز او دايجستيف بالككاو او اي نوع بسكوت مفضل عنده .. ولازم حليب وعصير وماي .. ترا مو لازم صمون المهم نشويات .. والجبن تعوضينه بحليب ككاو او فراولة او كريم كراميل او بودينغ اي نوع او روب فواكه يعني شوفي بديل من الاشياء اللي يحبها ..
ولا تدققين وايد المهم ياكل .. وحطيله خيارات وايد 4 او 5 اشياء امفيدة واهوه يختار بينهم وغيريله كل يوم صدقيني ياكلون حاجتهم .. انا بنتي ايام اتييها ولله حتى الماي ما تشربه .. عادي

 

[um 3li]

بنات شخباركم
والله وناسه سوالف الكي جي 1
ام علي
ابلة العربي اهيه ادرسهم عربي واسلاميه
وترى يعطونكم ورقه جدول الاسبوع ومكتوب فيها الحرف بالعربي والانجليزي والرقم بعد اللون والشكل والسوره الي راح ياخذونها
بس انتو سألو عيالكم لان في يهال يلعبون فيهم ويضيعونهم وانتو حرصو ان ما لقيتو الورقه تسألون ابلتهم
وموفقين يا رب

حبيبتي مشكورة على الرد

عطونا جدول الحصص بس مو قاعدين يعطونا الا الرسومات الي لونها ولدي بالصف !!!
ما عطوني اي ورقه فيها ارقام او احرف او اشكال !!!!

والله انا كل يوم اسأل عن ولدي وشنو خذا وشنو عطوه لأنه اهو ما يتكلم ولا يقول

وانا ضايعه ما ادري شسالفه عشان جذي كل يوم اسأل !!!

 

[um 3li]

دوووم انشاءالله
انا بخير الحمدلله
اليوم دقت علي الممرضه من المدرسه قالت بنتي حايشينها اليهال بالقلم بعينها
رحت خذيتها ووديتها المستشفى طلع شرخ بالقرنيه وغطوا عينها ولازم كل يوم نوديها المستشفى عشان ينظفون مكانه ويشيكون عليه
كلش مو وقته بيطوفها المنهج

واااااااي حبيبتي ما تشوف شر

 

[um 3li]

امبيه بنات باجر ولدي عنده رياضه وما شريتله الملابس شسوي ؟؟؟؟؟؟؟؟؟؟؟؟؟؟؟؟؟

 

[um 3li]

حق الي طلبت دعاء الخبرة :-

(( أصبحنا وأصبح الملك لله لا اله الا الله محمد رسول الله ))

 

[حصه2007]

شلونكم بنات انا بنتي ب كي جي ون d1 عند مس انلو شلونها هالمس؟​