تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

انا بخير الحمدلله
الحمدلله على سلامتج
ديري بالج بالطريج وخاصه عند المدرسه على الرمل
اي باب تروحين؟؟

 

[manarah]

انا بخير الحمدلله
الحمدلله على سلامتج
ديري بالج بالطريج وخاصه عند المدرسه على الرمل
اي باب تروحين؟؟

الله يسلمج .. باب الكي جي 1 وماشالله مع اني الساعه 2 وخمس كنت عند المدرسه بس ما لقيت موقف قريب من الباب زحمه ووقفت عالرمل .

 

[Miss_Tiger79]

مناره
اي انا اوصل نفس موعدج وكل يوم اسفط على الرمل
ديري بالج من الرمل

 

[كويتيه ذربه]

مناره انا امس واليوم صايره اروح من باب الكي جي 1 قبل باب الكي جي 2
واصفط على الرمل

حتى اليوم تعرجبت وكنت بطيح وانا رايحه المدرسه بس اشوى بس واحد شافني

 

[بشوشه]

والله انا وحده اذا اغتثيت اّكل يعني ما ينفعلي ادرس :botetoo:

لووووووووووووووووووووووووووووووووووووووووووووووووووووووول
انا والله حايشني عوار بطن من المحاتات و كل اربعا تييني الحاله اللي مالي خلق اشوف احد ابدا

 

[manarah]

لووووووووووووووووووووووووووووووووووووووووووووووووووووووول
انا والله حايشني عوار بطن من المحاتات و كل اربعا تييني الحاله اللي مالي خلق اشوف احد ابدا

بشوشه هدي شوي ترى انا ما أفرق عنج وايد بالمحاتات بس شفت ان هالشي يأثر علياهل يعني انا ولدي يتله فتره كل ما يكتب شي يطالعني شقوله صح والا غلط يعني حسيت اني بهالمحاتات والتعليق على كل شي بتضيع ثقته بنفسه فالحين قاعده احاول اخلي روحي ريلااكس وخصوصا يوم الاربعا أمليه الاملاء واذا غلط بشي احفظه الكلمه وأرد بعد فتره أمليه مره ثانيه ... ونفس الشي بالعربي وخلاص اللي علينا سويناه وندعيلهم بالتوفيق بس .. انا بعرف احنا بشهاده الثانويه العامه اشراح نسوي :eh_s(1):

كويتيه ذربه ديري بالج من التعرجب والطيحات انا وحده صار عندي رعب من هالسالفه ..

مس تايقر شكلنا بنتواعد عند البراحه :eh_s(6): نفس الخدم يحليلهم اللي يوقفون عند الباب ويطقونها سوالف لا ومع مر الايام يصيرون ربع :dddds:

 

[كويتيه ذربه]

مناره انا تعقدت قمت اخاف من الطيحات كلما اتذكرج

وعلى طاري الخدم اللي يم المدرسه يحليلهم والله مسوين ديوانيه

مناره باجر لازم ادورج يمكن اعرفج من المشيه

 

[الثقيلة]

السلام عليكم شلونكم
انا بصراحة احس معقدين عيالنا بمنهج العربي وغثيث بعد وماحس في متابعه قوية من المدرسة بس بسأل عن نادي الهوم ورك تنصحون فيه؟؟؟؟؟؟؟؟؟؟؟

 

[manarah]

الثقيله وانا وياج باللي قلتيه بس اعتقد العربي ما يمديهم بتابعون كل اليهال بالصف لان اصلا 3 مرات بالاسبوع بس حصه وحده ..
كويتيه ذربه اذا تبين قوليلي بالخاص وين اشوفج بالمدرسه اليوم . .

 

[نواره الحلوة]

صباح الخير بنات
آنا أمس طول اليوم وآنا ولدي نغني آذا اتعرفون البلوتوث مال وين الحركات الفتحة والضمة وين الحركات وين الحركات الفتحة والضمة لوووووول >>>>>> قربت استخف
والله عيزت وآنا أذكره وهو يكتب الحركات وأقوله آنا ماراح أكون معاك بالصف علشان أقولك واليوم الصبح وإحنا بالسيارة بعد خليته يكتب الإملاء السطرين الأخيرين والحمدلله كتبهم عدل

 

[jolie_q8]

صباحكم سكر

شلونكم وشخباركم

رفرف : ما تشوفين شر

انا ترى ماشفت املاء الصغير للحين ,, بس اتكلم عن درجات العود ,, اهوا اللي معور قلبي

والا الصغير ان شاءالله سهالة

امس اول مره يكتب جمل بالانجلش ,, يهبل يهبل ,, وايد طفل ولدي

وانتو شلونكم ,, ما تلاحظون يوم الاربعاء يزيدون الواجبات

 

[كويتيه ذربه]

مناره اشوفج انشاءالله عند باب الكي جي 1

 

[manarah]

اوكي كويتيه شوفي الخاص

 

[Miss_Tiger79]

كويتيه ذربه
عاد بتشوفين مناره صج تحبينها لانها انسانه تنحب صج مع اني ما شفتها الا 5 او 10 دقايق بس تهبل هالبنيه

جولي
صباح العسل


اليوم ما داومت
خذيت راحه واستجمام
رحت خذيت تطعيم الفلونزا الموسميه وتريقت بره ورديت البيت

 

[نواره الحلوة]

مس تايقر
بالعافية وزين سويتي اليوم الصبح الجو كان وايد حلو آنا فكرت استأذن من الدوام وروح اتريق بره بس لما وصلت تكيسلت قلت طاقه هالدرب للأحمدي وأرجع مرة ثانية وكاني للحين قاعده انطر اتصير الساعة ثلاث بفارق الصبر

 

[كويتيه ذربه]

كويتيه ذربه
عاد بتشوفين مناره صج تحبينها لانها انسانه تنحب صج مع اني ما شفتها الا 5 او 10 دقايق بس تهبل هالبنيه

جولي
صباح العسل


اليوم ما داومت
خذيت راحه واستجمام
رحت خذيت تطعيم الفلونزا الموسميه وتريقت بره ورديت البيت

اخيرااااا شفتها
اي ماشاءالله عليها تهبل مع ان ماكنا مع بعض الا دقيقتين بس تشرفت بمعرفها
وانشاءالله اصادفج انتي بعد بالمدرسه


نفس حالتي داومت وطلعت الساعه 10 ورحت تريقت بره صج الجو وايد كان حلو

 

[manarah]

:gathering: اها يعني اليوم كلكم استئذان .. صج الجو كان عجيب ماشالله انا وبنات الدوام اول ما وصلنا الدوام قلنا الجو الحين مال قعده ريوق بره بالهواء الطلق بس ولا وحده منا سوتها .. عليكم بالف عافيه ...

كويتيه تشرفت بشوفتج وانتي تهبلين والله بس اقوووووول ترى مو امبين عليج عمرج ... لا لا لا والله شكلج اصغر ماشالله تبارك الرحمن وابنيتج يحلووووها نعومه ستايل بنتي ضعيفه وطويله .. تفرحين فيها انشالله

مس تايقر ميرسي عالحجي الحلو ما تقصرين حبيبتي بس لااااا ترى يبيلنا صج انتيمع ونسولف اكثر مايصير جذي كل وحده تشوف الثانيه بودقيقه ودقيقتين

رفرف اليوم مفقوده الصبح من غير شر انشالله صرتي احسن .

 

[رفرف]

شلونكم امهات ؟؟

انا ما داومت حدي تعبانة وصخونة خذيتها طبية .. وبنتي وداها ابوها المدرسة
و عطوها دفاتر الاملاء للعربي والانجلش وانا كنت مطرشة نوت لابلة العربي بما اني ماشفتها ولا مرة ابي اعرف درجات بنتي بالاملاء ..
بالعربي 9 و 9ونص .. طبعا الغلطة نفس اللي توقعتها بالضبططط كلمة أشارت كاتبتها إشرات خالطة بين إسراء وأشارت وما تنلام والله مع اني نبهتها عليها مليون مرة بس ماقول الا حسبي الله على المنهج الغبي !! اول ما يتعلمون بعطونهم كلمات متشابهة !!

الانجلش 2 منهم 10 وواحد 8 وبطت جبدي على غلطاتها لأنها كاتبه الصح وماسحته وكاتبة الغلط .. yes كاتبتها yis وكلمة ثانية بعد هم غلطانة فيها مع انها بالبيت تكتبهم صح انا كل يوم امليها بس ما حبطتها عاااادي وقلت لها تركز المرة الياية ..

وبس اليوم نقاهة من التدريس ولا ابيها تفتح ولا كتاب ..

بشوشه ..
اليوم واحنا راكبين السيارة بنتي قالتلي شوووفي هذا صلاح وأمه .. اشوه ما تليقفت وسلمت لأنها ردت بكلامها قالت لالالالالا هذا مو صلاح جان اندقرت جدام المره ..

 

[manarah]

رفرف ما تشوفين شر واحنا ترى من زماااان عندنا الخميس نقاهه ما نفتح ولا ااا شي كافي لبحه طول الاسبوع

 

[Miss_Tiger79]

الله يعافيكم بنات
طافكم الجو ...


مناره
يالله قلنالكم نبي يمعه بره امدرسه نبي نسولف مع بعض
بس شرط لحد يتكلم عن المدرسه.... تقدرون؟؟؟؟

رفرف
سلامات والحين اجو كله معفوس وامراض