تجمع أولياء أمور طلبة The English Playgroupجميع الأفرع

[Laymo0ona]

انا لايعه جبدي منهم اول شي معطينهم اغنيه مصريه مادري خلصت الاناشيد!!! وين اللغه العربيه مدرسه خاصة عشان يتعلم مصري!!
وثاني شي تكرمون ولدي قام يبول واهوا واقف انننصصدمممت!!!! يقول التيجر تقولي اوقف
انا ابي مدرسه تعلم ويستفيد منها مابي اقعد ارقع من وراهم!!
حتى احرف مايعرف ليلحين ماشفت اي تقدم بس الهوم وورك اخر الاسبوع ينقل نقل لو مدخلته روضه حكومه احسن

 

[ام عفاف الكويت]

ليمون اي نشيد
ولدي ماما وبابا يحبوني
نشيده يعطونها الكل حتي حكومه
الواجب نقل علي قولتج

 

[Laymo0ona]

ليمون اي نشيد
ولدي ماما وبابا يحبوني
نشيده يعطونها الكل حتي حكومه
الواجب نقل علي قولتج

لا وحده ثانيه
وصح كلامج الحكومه نفس الشي بس الفرق انها اببلاش وانا دافعه فلوس عشان مابي حكومه المفروض اتبرد القلب من هالنواحي والله ضايق خلقي احسه مو قاعد يستفيد شي كلش
كلشي اهوا عارفه قبل احسها ضعيفه
يعني اسبوع كامل يقعدون على حرف واحد واذا سألته عن الحرف مايعرفه!!!
مع انه ولدي ماشاءالله عليه شاطر ويلقط كل الاشكال والالوان يعرفهم بالانجليزي من قبل لا يدخل وانا انصدمت شلون تعلم بسرعه والحين حرف بالاسبوع مو عارفه!!
طبعا العربي اكس والقرآن شكله بس يعطونهم المعوذات لانه ماياني بشي يديد كلش واتوقع اغلب اليهال حافظينهم
المشكله ماكو شي يغطي على شي صج ماشفت اي شي تعلمه الا النشيده المصريه ونشيده ثانيه عن الخضروات والفواكه وتكرمون يبول واهوا واقف!!!

 

[ام عواشوو]

انا بعد لايع جبدي بنتي قاعده اداوم عالفاضي لوموديتها حكومه
احسلي احس بس تروح تلعب لومدخلتها حكومه ابرك قاعدين نقط
فلوس عالفاضي البنيه للحين مانطقت بشي واهيا ماشالله عليه تفهم
والواجب اخر الاسبوع تنقل نقل ماشوف مستوي زين
والعربي تقولج الفاتحه والانجليزي abc تخيلو مسكت القلم والاحرف مو
عارفه تكتبهم فيني قهر قولولي شسوي

 

[basma83]

ودي اعلق عليكم اللي تذمون بالمدرسه كل مدرسه فيها عيوبها وايجابياتها بس بالنسبه حق البلاي قروب اذا مو عاجبتكم في نقل نص السنه ترى للحكومه عادي اذا ماخاب ظني انا عن تجربه بنتي كانت من الحضانه هناك لي ثالثه ابتدائي و4 ابتدائي الله رزقني الحمدلله وقررت اوديها مدرسه البريطانيه اللي بسلوى احسن مدرسه بالبكويت ومستواها مثل الامدرسه الانجليزيه الحديثه الحمدلله لنجحت بالاختبار والحين ماشالله الله يحفظها يير 4 بالبريطانيه واجتازت اختبار القبول لو المدرسه مو قوية جان بنتي انجحتت لان البريطانيه مايتغشمرون وفي اشياء ماخذتها من البلاي قروب البريطانية للحين ماخذوها ووانا نقلتها مو الباي قروب لان البلاي قروب لي يير6 وانا ابيها للي التخرج فقلت اطلعها من الحين وازيدكم من الشعر بيت بنتي بالعربي قويه واااايد والبريطانيه اخر همهم العربي للاساف فالله يعافي البلاي قروب ويمكن فرع عن فرع فررررق انا فرع سلوى بنتي ويير 3 كانت بالسالمية
وهم احب ازيد ان الحضانه العيال فيها صغاااااار انا مدرسه والله الياها بالهسن فطين سماعي مايقدر يمسك قلمممم والله بنيته ماتسمح وراعو الفروق الفردية بالهسن اللعب اهم من التدريس ثانية روضه تحكمين الحين صعب شوي شوي على اليهال وترى 20 دقيقه بس للتدريس بالهسن اكثر مستحيل
واسفه على الاطاله والله يخلي عيالنا ياررررب

 

[ام عفاف الكويت]

بسمه البريطانيه وين ؟
وفيها متوسط ؟
ودي اخلي بنتي تستمر لكن بلاي قروب مافيها الا سادس او خامس جنه بس
انا الحين بسلوي بنتي بالعكس الحمدلله والشكر ممتازه
ولدي شوي معصلق معاهم ليش مايتكلم وصغير
بس يقول ماما وبابا
لكن مايقول ولا شي لانه اتوقع مستمع اخته لما مستمعه كانت جذي
لا 10 دقايق انا ادرس بسسسسسسسسس
احس حرام وايد صغار
كي جي تو بنتي وولدي كي جي ليسنر
وانتي شرايج احولهم من اي مرحله ولاي نظام امريكي او بريطاني

 

[عشق]

ام عفاف فرع سلوى سوا لهم اليوم العالمي بدل الهالويين أنا سألتهم. وأشوف وايد يذمون أنا بنتي ماشيه بدراستها ومستواها زين بس لما اسمع كلام انحبط مادري اخليها تكمل الابتدائي عندهم والا لا. أنا مشكلتي مع الادارة وايد باردين وانا حنانه ابي اسأل واعرف كل شي بس المدرسات وايد زينين *

 

[sweet lady]

مساء الخير
بصراحه أنا من البداية ماشفت تقدم وقلت بنطر شوي عليهم
امس كانت معاي مقابله مدرساته لأني مااحضرت الاجتماع
اشرحتلي المنهج جان اقول بقلبي جان زين يعرف ربع اللي تقوله والله بابنات ان وصلوا حرف ج بالعربي واهو بالأساس مايعرف اللي قبلهم
معقول جذي وغير القران مووو حافظ شئ من بداية الشهر واهم كل اسبوع أية يعني بمعدل ٤ايات ولا شئ بين عليه بصراحة ماني مطمنة احس
اي شئ وخاصتا أبلة العربي تقولي إحنا نعلمهم واللي يفهم يفهم موو شرط كلهم يفهمون من البداية عالاقل يردون ورانا موو شرط يحفظون لانهم صغار
عيل أنا ليش مدخلته واهو صغير موو ابيه يتعلم ويستفيد ............
اللي فهمتة ان العيال الصغار بالكي جي ليسنر اهم ماعندهم ان يردون ورآهم ويعرف يمسك مسكة القلم قلت لها يعني راح يي يوم اشوف ولدي يكتبلي الأحرف والأرقام قالت لا مو لهدرجة بس يعرف يمسك مسكة القلم قالت بس بالشكل يمكن يعرف اما كتابة بهالعمر صعب
والله بنت اخوي اسم الله عليها كل شئ حافظته من أرقام واحرف وآيات صغيرة شاطرة وقاعدة بالبيت مو مدخليهما لا حضانة ولا شئ
وانا ولدي يداوم كل يوم وعبالة باص كاسر خاطري من ٦يقعد حتى ساعات قبلي على ولا شيئ
*

 

[sweet lady]

الحمدلله ان من الأساس أنا مخططة على مدرسة ثانية
من الروضه ان شاءالله من السنة اليايه يعني مو معتمدة عليهم الا الحضانة
وحبيل عاجبتني مدرسة دسمان النموذجية ابيه ثنائية اللغه حتى يسهل علي مجابلة دروسه معاه واهم شئ قوي العربي والقران *

 

[عشق]

سويت أنا بنتي دخلتها الروضه على طول لا حضانة ولا شي بس حافظة القران وتعرف الاعداد والأحرف واستغرب لما يقولون لي في يهال ما يعرفون مادري العيب من المدرسة والا الياهل نفسه

 

[sweet lady]

عشق أنا ولدي شاطر وذكي بس يبيلة اهتمام وتعليم عشان جذي دخلته حضانة ابيه ينمي افكاره لان ذكي اسم الله عليه
تخيلي يعرف شغلات وايد بالايباد والايفون وانا خاطري عنهم يطلع لي اشياء وااايد والله مااعرفها تقولي أبلة العربي اهو برا الكلاس
يمشي مع أطفال ويلعب معاهم اكبر من سنة مايبي اللي بسنة تقولي لعبة اكبر من سنة لان ولدي يلعب ويتعلم مع اخوي عمرة ٨سنوات
ويقلده فتلقين تفكيره اكبر منه
بس اهما الظاهر ويشوفون الحضانة بس لعب والتزام ويرد ورآهم تقواجلي اهم شي الالتزام *

 

[عشق]

سويت الايباد والايفون اليهال يعرفون له احسن من عندنا وانتي اذا ما شفتي فيه تطور غيري المدرسة

 

[قبوط ومربين]

معقولة يعني جذي انا بعد امس شفت ام نقلت ولدها من البلاي جروب تقول ما استفاد شي ويابته روضة ولدي الحين تقول الحمدلله وايد احسن من اول بالله على شنو المبالغ الي ياخذونها اذا مايدرسون عدل

 

[عشق]

قبوط ومربين اسمج يشهي حق هالجوو مال اكل. اي مدرسة ولدج

 

[pink Engineerah]

السلام عليكم

بالنسبه لي عيالي بالسالميه يير 1 ماشا الله تبارك الرحمن مستوا فوووووووق الممتاز عيالي يايين من روضه ثنائيه وفرق معاي مستواهم حييييل العربي قوي والانجليزي اقوا والمحادثه بدو يتطورون والكل لاحظ عليهم وقصه يديده كل اسبوع نقراها واجباتهم معقوله ومستانسين والحمدالله الله يتمم علينا ياااارب

اللي عيالهم بالكي جي لا تستعيلون عليهم لان بهالعمر الياهل سماعي يخزن ما يطلع شي بالمراحل اليايه يبدا يطلع كل التجارب السابقه

 

[عشق]

بنك توالد بسلوى والا السالمية واشلون دراستهم

 

[شمسة 1983]

صباح الخير أمهات حبايبي

كل مدرسة إن كانت حكومة أو خاصة لها مميزاتها ولها عيوبها وحتى انا اعاني احيانا من عيوب في مدرسة بلاي قروب بس مع هذا ما انسى المميزات بالعكس عيالي في تطور باللغة العربية والانجليزية واستانس لما اشوف ولدي وبنتي لما يحلون الواجب يحلونه بروحهم ومن غير مساعدة هذا معناته ان المدرسة مهتمه فيهم الحين ولدي وبنتي الاحظهم كل سنه احسن من السنه الي قبلها . وملاحظه مهمه جدا جدا اذا في شي ما اعجبج بتصرفاتهم مع ولدج او مستوى ولدج مو عاجبج دقي على الاخصائية ووضحي لها وجهة نظرج واذا ما لقيتي تحسن غيري المدرسة الوحدة الزم ما عليها مصلحة أعيالها مو تقعدين تذمين بالمدرسة ولي الحين اعيالج فيها ؟؟؟ غيري المدرسة اذا ما لقيتي حق المشاكل حل .
على سبيل المثال : انا ولدي رجع من المدرسة امبلل نفسه وقلت له ليش حبيبي انته كبير قال الابله ما خلتني اروح الحمام ثاني يوم اتصلت بالاخصائية وتفاهمت معاها وبنفس اليوم رجع لي ولدي مستانس يقول الابله حطت لي ستيكرز وقالت لي كل ما تبي تروح الحمام قول مو تستحي وانحلت المشكله .
لا تحسبون ان المدارس الثانيه احسن ترا كل مدرسة ولها عيوبها وانا احس ان بلاي قروب اقل عيوب فيها
ومن مميزاتها اول ما تسجلين فيها : الملابس من ضمن الدفعه الاولى وريوق الاطفال عليهم والرحلات بعكس المدارس الثانيه على كل شي تدفعين .
وبالنهاية اقول الله يوفق عيالنا واهم شي مصلحتهم

 

[ام عفاف الكويت]

صاجه
الله يوفق العيال

 

[شمسة 1983]

هلا ام عفاف حبيبتي
غيبتي بنتج اليوم ولا وديتيها؟
انا عيالي غيبتهم اليوم كويتين ما كو فايدة ههههه

 

[ام عفاف الكويت]

لا وديتهم
من صجج بالبيت اسم الله عليهم شطانه وطق ونوم للظهر
قلت لها اليوم تروحين وباجر و 10 ايام ماتروحين متشققه