تجـــــــمع للي ولادتها ب 2008 حياكم الله

[LUXURY]

كليرز الحمدلله انها طمنتج
ويا رب يسهل عليج اصعب مرحله من الحمال ويسهل ولادتج

اخيتج لاكجري بمستشفى ال Koc ان شاء الله

 

[غـــ روحــsaraــي ــلآآ]

السلااام


شلونكم بناااات ماشاء الله كلكم موصلين ههههههههه الله يهون عليكم وتقومون بالسلاامه ان شاء الله


انا توني بالشهر الاول بس بغيت اسألكم وين تنصحوني اراجع انا حمالي الاول في بنتي كنت اراجع بالمواساه

عند دكتور الافغاني حيل ممتاز بس زحمه عنده وشوي نفسيه عاد ان شاء الله اذا الله تمم علي ووصلت ابي اولد عند

دكتوره فتنصحوني بمنو؟

 

[malgoofah]

لكجري ودج نولد كلنا ابيوم واحد؟ ههههههه لا انا مابي يوم سبت ههههههههه اتشرط
ابي weekend
اهم شي السهاله يالله يا ربي اتهون علينا و نولد بالسلامه اتصدقون بنات يوم قربت الصجيه خفت
مادري ليش بس اهم شي الحمدالله جهزت كل شغلي و خلصت باقيلي بنات السكر اللي على اشكاااال الفرنسي عرفتوووه وين احصله و منو بالمنتدى اتبيعه؟

 

[LUXURY]

غلا روحي
مو هذا الدكتور المصري؟؟
اذا اهو تره اعرف سالفه عن وحده راحتله كان زين معاهها قالتله انها بتسافر مع ريلها وتولد بره عطاها حبوب اجهاض وبط الجيس وولدها قيصري واهي بالثامن ولعوزها عقبها للحين تولد قيصري
ديري بالج
وتره الحريم احسن لج
روحي حق شاديه تهبل معاملتها واسلوبها وشاطره


ملقوفه
والله خوش تتشرطين بعد؟؟؟ لا خلاص غصبن عليج انا باولدج يوم السبت ان شاء الله
هههههه
الله يسهل عليج
على قولتج قربت الصجيه وخفنا لووووووول

 

[love love]

لووول ملقوفه السبت مو ويك اند؟؟؟

قصدج تبين اليومين الي بالمستشفى بالويك اند صح

 

[malgoofah]

ايه عالم حوا شفتي عاد انا اتشرط ابي اولد الخميس او الاربعاء بعد احسن اريح الاربعاء و اسوي استقبال خميس و يمعه واطلع السبت الصبح او اليمعه بالليل الا اعيالي ما عندهم دوامات من باجر هههههههههه و بعد عشان خواتي يجابلوني 24 ساعه ما يتحججون بالدوامات
اشرايكم فيني مو افكر عدل هههههههههه خواتي و امي كل وحده تبي تاريخ جنه ابكيفي اللي اتقولي نطري امتحاناتي اتخلص والا اتقول يا ويلج ان ما ولدتي ويك اند جني اعناد بسويها و اولد ابنص الاسبوع

 

[malgoofah]

اتصدقون بنات امس ما نمت من الخرعه قبل كنت بس احن متى اولد متى اولد و امس ليش قالتلي الدكتوره ترا ما بقى شي مت من الخوف و ما نمت واليوم الصبح خرعت امي داقه عليها من الصبح الساعه 7 فاضيه بسولف معاها اتقولي امي اشفيج قلتلها ولا شي بسولف لوووووووول حسيتها بطقني امقعدتها من النوم بسولف

 

[love love]

ملقوفه خوش تخطييط والله

متى اخر موعد لج؟؟؟

وعادي على سالفه التخرع.... انا كل ماادق على امي ولا خواتي على بالهم ولاده

 

[نورالدنيا***]

ان شالله بالشفا اولد واذا مافي سرير اروح رويال حياة

بنات رحت حق حماتي بالشفا والدة اتقول احنا فوق ونسمع صرااااااااخ مرة برة بالمصافط اللي عند الباب الجانبي ريلها بنزلها وله تولد عند الباب وااااااااااااااااي مسكينه بس خفت حدي

انا اي عوار بطير المستشفي يمااااااااااااااااااااااااااااااا وتدرون حولي بعيد علي مانوصل وااي حاسه بنشوة وخوف

الله يهون علي وعليكم اجمعين

 

[غـــ روحــsaraــي ــلآآ]

لكجري


والله ماادري يااختج بس الحمدلله ولادتي كانت تمام


بس انا سمعت عن دكتوره ناهده الظاهر واشوف البنات بالمنتدى يمدحونها شرايكم؟

 

[حاااايره]

عالم حواء
كليرز
نبض الغلا
نور الدنيا
لاكسري
ملقوفه
بترقلاي
والكل ردووووووووووو علي


لاني يا بنات ظايق خلقي

طبعا كلكم تدرون اني كنت اراجع عند ماجده ومرات المصريه نهاد اللي تشتغل بعياده ماجده
واخر شي غيرت واخذت موعد عند ناهده العلي عساس تولدني بالشفا بس اللي صار

امي اليوم حلفت علي ما اولد عند دكتوره بره المستشفى تبيني اولد عند دكتوره من عندهم مسكينه لانها تعقدت من سالفة بنت خالتي كانت مولدتها ماجده وعقب ماطلعت بنت خالتي قامت تنزف والمستشفى قامو يدقون على ماجده واهي تطنش واهي تعتبر حاله ماجده المستشفى مو مسؤول عنها وهم اليوم بنت رفيجة امي جايبه دكتوره ما اعرف اسمها بعياده خاصه وبتولد برويال حياة والا الدكتوره تطنشها والبنت تأذت اخر شي ولدهها دكتور من رويال حياة عشان جذي امي حلفت اني ما اولد لا عند ماجده ولا ناهده ولا غيرهم الا اذا من الشفا وانا مابي ازعلها حاولت فيها والا تدمع عيونها بعد عمري كسرت خاطري



عاد الحين منو في بالشفا اللي اعرفه معصوومه زينه بس طق عصي عليها ودايم احجز عندها وتكنسلني يا مسافره يا عمليات انا اخذت موعد عندها تاريخ 13_3 بس اخاف لاسمح الله اولد قبلها لان انا باجر ادش شهري؟؟

فشرايكم بمي ادريس يمدحونها؟؟؟

والا لكشمي هم يمدحونها؟؟


بلييييييييييييييييييييييييييييييييييييييز ابي رايكم ترا ضاق خلقي

لحظه لحق يقولي اسامي دكاتره رياجيل بعلي ما يرضى

 

[نفيشه]

حايرة
رديت عليج بالموضوع الثاني

انا ناوية اولد ان شاء الله برويال او بالشفا الله يعلم حسب التساهيل

 

[malgoofah]

بعد قلبي حايره حاسه فيج انا كنت بغير الشهر اللي طاف عن دكتوره ماجده بس بعدين هونت واشوفها جنها صارت احسن و بالنسبه لدكاترة دار الشفاء والله حبيبتي كان ودي افيدج بس والله ما اعرف شي عنهم بسألج واشوف بس اهم شي لا اتضيقين خلقج مو زينلج ضيقة الخلق امج وعليه اتخاف عليج واتحاتيج انا بسأل كل رفيجاتي و خواتي وارد عليج

 

[malgoofah]

انا اخر موعد لي انشالله 14 و خاااااااااااااااااااااااايفه و اذبحوني كل يوم يسألوني ما صار شي بنات بسألكم انا صايره ثقيله و كله مالي خلق هذا غير الفلونزا والكحه اتهقون عادي ما ازور حمولتي هالاسبوع؟ اهم ازوارتهم من الصبح لي الليل و الاسبوع اللي طاف ما زرت اخاف يطنقرون علي بس يا ربي والله تعبااااااااااااااانه انا ريلي واعيالي يزورون عادي بس انا فشله ما ازور؟

 

[حاااايره]

نفووش بعد عمري قريت ردج

ملقوفه اي والله الله يجزاج خير شوفي اذا احد يعرفهم وما تقصرين يا قلـــــــــبي


وتعالي عادي لا تزورين مو انتي تعبانه صج مو عياره واللي مليبي يقدر مو لازم انتي دقي تلفون على خالتج تعذري وقوليلها تسلم على عمج وكان الله غفورا رحيما شتسوين بعد اهم مالج صحتج

 

[malgoofah]

حايره انا خالتي و عمي متوفين بس احمواتي واحمواني اللي يزورون انا بشوف لي صرت احسن بمرهم حتا لو ساعه وان ما قدرت ما راح اجامل عطيني لي باجر بسألج وارد عليج بس انا سامعه وايد يمدحون د لكشمي

 

[SweeTa_4ever]

حايره

حطيتلج ردي وبحطه اهني

والله مادري عن دار الشفا لاني بولد بالهادي عندج الهادي بهواني واختها زيييينييييين وترا نفس الشي برا وله داخل وسهاله من الله الولاده الحين الكل يولد حتى السسترات لاتحاتين انا رفيجتي مولدها بالشفى ريال اسمه مجدي وتمدحه واول ماحملت فتحت ملف عند معصومه بس مارتحتلهااا كلش الحين اراجع عند ماجده ومرات ادش على نهاد اتينن ترا اهي استشاريه وحبووووبه

 

[كليرز]

اول شي بنات شوفي توقيعي عدلته على حسب كلام اخر مراجعه لي

ثانيا ... الحايرة
كلام الوالده صحيح ميه بالميه وانتي شلج بعوار الراس وعلى مالا يدقون على الدكتورة وتجي الا انتي والده
واعذريني ما اعرف دكاترة الشفا معنى اختي كانت والده اخر ولاده لها هناك بس ما اذكر منو ولدتها
ياللله تساهيل
انا ناوية انشالله عند دكتورة رشمي بالهادي او انيتا

ملقوووووووووفه
تدرين عاد لو اقولج انا شخباري عن الزوارات
واساسا انا الحين عند بيت اهلي صار لي اكثر من اسبوع وعادي ادق على حمولتي واسلم عليهم
بعدين انتي وحده تعبانة ويالله يالله تشيلين عمرج والكل راح يعذرج .... والشغلة عادية لا تكبرينها ...ّّ!!!!

 

[SweeTa_4ever]

كليرز

شلون جذي عدلتي التوقيع لانه عندي متأخر مفروض داشه شهري من اربع ايام انتي جم زدتي على التوقيع

 

[كليرز]

سووويييتا


انا رحت للموقع نفسه وسويت واحد جديد بعدين سويت كوبي ورحت عندي توقيعي بالمنتدي مسحت القديم وحطيت الجديد
والقديم كان اول اربعه لكن الجديد خليت موعد ولادتي على 23 /3
وامس الدكتورة قالت لي اني دشيت شهري صار لي 10 ايام