تجـــــــمع للي ولادتها ب 2008 حياكم الله

[Q8_ButterFly]

كنت بين الشفا و رويال حياة بس جني رسيت على رويال لان دكتورتي هناك
وانتي؟؟

انا اراجع بدار الشفا بس شكلي بولد بالفروانيه لانه اخاف من الخاص

 

[Q8_ButterFly]

استغفر الله ياربي شهالوسواس


عيل انا اقولكم شنو كله افكر اعوذ بالله


انه كله بولده ويموت مادري ليش هالتفكير كله ايييني لانه من المحاتات الزايده يمكن مادري استغفر الله :eh_s(16):


عسى الله يتمم علينا كلنا ويقر عينا بشوفة عيالنا يارب

 

[كليرز]

هاااااااااااااااااااااااااي
قاعدة اكتب لكم وانا فيه حصة الاحتياط.............. بايعتها
المهم انا ناوية انشالله بالهادي لانه مراجعاتي هناك عند د. جعفر القناوي

وبالنسبة للوسواس حدث ولا حرج حتى الدكتور مل مني ..... لاني طولت على ما احمل يعني تقريبا ثلاث سنين هذا غير اني سقطت وانا بالسابع وتوفى الجنين .... بس الحمدلله على كل حال
الوحده بس تتوكل على الله وكل شي يصير تمام
تشاو ( الطالبات ميتين ودهم يعرفون شسوي )ههههههههه

 

[نبض الغلا]

مرحبا

الصراحه بدال ما طمنوني خرعتوني

والله تراني على طريف

المهم الخطر ما يروح اذا خلصت السادس

 

[Q8_ButterFly]

كليرز من صجج سقطتي بالسايع


لا حول ولا قوة الا بالله شلون ومن شنو قوليلينا القصه


خرعتينا الحين بيشتغل الوسواس عدل

 

[حاااايره]

ههههههههههههههههههههه استغفر الله شر البيلة ما يضحك


طلعت مو بروحي هههههههههههههه



يبا صلو عالنبي

ومن بعد اذن كليرز بقولكم سالفتها كليرز ولدت بس لان كان فيه تشوهات وبعدها ولدت ومات


من غير شر جاينا كلنا انشاءالله كل اجنتها سلييييييييمه معافاه ويتم علينا للاخر ونولد بالسلامه يارب


والتربويه بلى انشاءالله من السابع غدا شرج ولو فيج شي جان الدكتوره لاحظت هالشي بالسوناااار



سلاااااااااااااااااااام

 

[نبض الغلا]

مشكوره حبيبتي الحااااااااااااايره صراحه طمنتيني

 

[om meshary]

السلام عليكم
انا عضوه يديده و بعد اسبوعن ادش الشهر التاسع..... و حدي خايفة من الولادة

 

[كليرز]

والله انج حبيبة يا الحايرة والله توقعت انكم نسيتوا قصتي بس والله طلعتي خوش صديقة ورفيقة ... ونعمه الرفقة

انشالله الله يتمم على الكل وانا الحمدلله قبل امس كانت مراجعتي وكل شي الحمدلله تمام
بس الوزن الله لا يوريكم اوووووووووووووووووووووووووووووووف يعني فرق من إلى ...
والزلال على بدايته
بس بنات انا مليت وافر السوق ادور بجايم للحوامل ما لقيت فاضطر اني اخذ مقاسات كبييرة ولازم اعدل فيها ....
لانه خبركم هاليومين والبرد اللي حاشنا ودكم بس ببجايم ...
وعلى سالفة الكاتلوج رحت عندهم لما طلعت من مراجعتي لقيتهم بسرعه صكروا عاد زوجي قال انسي تروحين بكرة لاني من سكان المنطقة العاشرة وهو ما يحب حولي بس انشالله اول ما اخذ اكاتالوج بقولكم عنه

ياللله اشوفكم بكره باي

 

[Q8_ButterFly]

ههههههههههههههههههههه استغفر الله شر البيلة ما يضحك


طلعت مو بروحي هههههههههههههه



يبا صلو عالنبي

ومن بعد اذن كليرز بقولكم سالفتها كليرز ولدت بس لان كان فيه تشوهات وبعدها ولدت ومات


من غير شر جاينا كلنا انشاءالله كل اجنتها سلييييييييمه معافاه ويتم علينا للاخر ونولد بالسلامه يارب


والتربويه بلى انشاءالله من السابع غدا شرج ولو فيج شي جان الدكتوره لاحظت هالشي بالسوناااار



سلاااااااااااااااااااام

واي تعور القلب قصتها


انزين شلون نعرف اذا البيبي فيه شئ ؟

 

[CaRaMeLaH]

صباح الخير بنات إشلونكم ؟

مشتاقتلكم

 

[أم حيدر]

بنات ذكروا الله وسدوا حلوجكم كلكم بعد ذكر الله

ماكو الا الخير ورب العالمين يسهل عالجميع انشالله ويترس حظنكم بعيالكم ويتربون بعزكم - وانشالله كلنا ولادتنا سهالات باذن واحد أحد.

(( قل لن يصيبنا الا ما كتب الله لنا ))

 

[Q8_ButterFly]

اي والله صاجه يا ام حيدر ويارب تقر عينا بشوفة عيالنا وتبعد الوسواس عنا :yaaaaaarb:

 

[نبض الغلا]

السلام عليكم يا بنات وصاجه ياام حيدر عليكم بالرقيه وسورة البقرة والاذكار والله كريم
ابي اطلب طلب
صار لي فتره طويله احاول انزل توقيع مثلكم بس مو عارفه بلللللللللللللليييييز ابي الطريقه بالتفصيل

 

[حاااايره]

التربويه حياج الله ياقلبي


ام مشاري دقت ساعه الصفر يالله انتو السابقون ونحن اللاحقون الله يسهل عليج كثري ادعيه واقري قرآن وانشاءالله مورج كلها تتيسر






كليرز امبي اخجلتيني

من طيبج والله انتي الحبيبه الله يفرحج قلييييبج ويعوضنا معاج يااارب
والبجايم حكاااااااااااااااايه فريت فر ما لقيت حوامل اخر شي اخذتلي وحده مو شتويه لا خامتها خفيفه بس جم طويل من مذركير عاديه جدا وب 25 والله ما تسوى

ويالله الف الحمد لله تطمنتي عالبيبي يا عسل







بترفلاس يا وسوااس السونار يبين كل شي شفيج صليييييييييييييييييي عالنبي تكفين ترا انا اللي فيني كافيني بس قاعده انسي نفسي

لا تحاتين ياعسوووله






كراميلا ياااااااااااااااااااا مرحبا وانتي اكثر وحشتينا وين هالغيبه؟؟؟






ام حيدر اي والله صدقتي احنا بحاجه لامثالج يخفف عنا مو احنا الحمد لله والشكر من بني وسواس
شدي حيلج معانا والله يعينج علينا





سلاااااااااااااااااااااااااااااااااام

 

[حاااايره]

التربويه اي والله ام حيدر صاجه



والتوقيع والله ما اعرف اذكر لماا حملت حطيت موضوع بالقسم منو يعرف يسويلي توقيع الحمل وعطيتهم موعد اخر دوره وحبايب قلبي ماقصروا كويتيات



سلاااااااااااااام

 

[أم حيدر]

اي جذي ابيكم ايمانكم قوي بالله دايما توكلو على الله بكل شي - امهاتنا اول شلون يابونا لا ابرة ظهر ولا كمام ولا تحاميل ولا صخام تخيلو العذاب وشوفو احنا العلم بفضل الله شنو وفر لنا - وبمجرد انكم تفكرون بالاجر اللي رب العالمين يعطينا ياه وقت الطلق بتعرفون شكثر احنا محظرظين اصلا سبحان الله المره وقت الطلق الله يمسح كل ذنوبها وتصير نظيفة جنها توها مولودة

تربوية شوفي

كلك على لوحة التحكم عندج بالصفحة فوق

بتنفتحلج صفحة يديدة - في قائمة على ايدج اليمين

سوي كلك على تحرير توقيع

بتنفتحلج صفحة نزلي تحت بتشوفين مستطيل يمكه كلمة Browse داخل مربع رصاصي

سوي كلك على الكلمة
رفعي الصورة اللي تبينها من جهازج

بعدين سوي حفظ التوقيع

وسلامتج وتعيشين

 

[نبض الغلا]

مابي اي صوره ابي صورة مراحل الحمل الي من خلالها ندخل على موقع بيبي:080402ask_prv:

 

[سوسو الأموره]

مرحبا شلونكم أمهات المستقبل

يله هانت إنشااالله مابقى شي ونفقص واي تعبت

أمبيه بنات قبل أمس نزل عزكم الله علي دم أمبيه ماتشوفون شصار فيني قعدت أرجف ويديني ورجولي ثلجووو وصارو زرق وراسي صار حار ومعرقه وبردانه رجلي ياعمري عمره إخترع من شكلي وروح يلحفني بلحافين ويفرك يديني ورجولي يبي يدفيني وأنا أرجف إخترعت عاد رحت للدكتوره جان تقولي عادي دام إنه ماإستمر معاج بس مره وحده إنشااالله مامن خطوره ياربي بس الخرعه بروحها قلبت راسي خواتي يضحكون علي يقولون لو تصير الصجيه شيصير فيج

أمبيه والله الموضوع صار يخرع إهي إهي

الله يتمم علينا بخير ونشوف ذريتا سالمين ويرزق كل محروم

 

[أم حيدر]

تربوية حبيبتي سوي دبل كلك على مراحل الحمل اللي بتوقيعي اسم هذا الشريط (تكر) او دشي على www.baby-gaga.com

في وايد اشكال انتي اختاري شرايط الحمل ودخلي البيانات المطلوبة مثل موعد آخر دورة وهالاشياء اللي هم طالبينها، عقب مايسوولج التكر راح يعرضونه لج مع 3 مربعات المربع الثاني اهو الي تقدرين تضيفينه حق توقيعج - حفظي عندج بالجهاز - بعدين دشي عالمنتدى واتبعي خطوات الرد اللي كتبتلج ياه قبل هالرد لحد لما توصلين browse رفعي التوقيع من جهازج وحمليه

وراح يطلعلج