تجـــــــمع للي ولادتها ب 2008 حياكم الله

[Q8_ButterFly]

انا عندي اهم شئ بالتجهيز الكرفايه


والباجي ينشرون بيوم واحد بس المهم يكون عندج لسته بالاغراض

 

[توتة الدلوعه]

سلاموا بنات شلونكم
كويت بترفلاي صج كلامج الكرفاية اهم شي وخاصة اذا بجر يعني نبي 2 واحد وقت الانفاس الصغير والثاني الكبير اللي بالغرفة
يالله بنات همتكم من وين نشتريهم وين احسن نوعية واشكال حلوة

 

[نفيشه]

والله اللي احاتيه الكفر واطقم التقديم والحلو
والباجي سهالات

 

[Q8_ButterFly]

امس رحت محل الي بالسالميه يم المحاميد اسمه جنه Baby Room والله عنده اشياء حلوه وايد وعجبتني بس قال انه بتاريخ 20/11 بينزل كرافي يدد فا قلت انطر احسن واسعاره تينننننننننننننننننن


يعني الفراش الصغير مع الستاند والفرشه بـ 35 وفي نوعيه بـ 27 بس والله حلو وايد حتى كرافي الكبار اسعارهم حلوه مع الفرشه الكامله


انصحكم تروحوله

 

[كليرز]

خلاص والله جد زعلت

 

[Q8_ButterFly]

خلاص والله جد زعلت

من شنو زعلانه !!!!!

 

[كليرز]

شوفي ردودي اللي قبل..........

 

[Q8_ButterFly]

كليرز شدعوه لا تزعلين عاد


بالنسبه حق البطن عادي

والشعر تغيير هرمونات كل شئ بجسمج يتغير هم عادي


وعوار الظهر كلنا ولازم التمدد خلال النهار وانا حتى بالدوام اغطلي نص ساعه انام لووووووول

 

[توتة الدلوعه]

وليش زعلان ما يحاجيني
ههههههههههههههه
كليرز زعلانه
كوكو زعلانه
منو زعلها
لاتزعلين يالغالية ترا محد يرضى على الثاني اهني كلنا خوات واكثر
شوفي حبيبتي بالنسبة حق عوار الظهر ماكو احد كثري ظهره يعوره وطبعا هذا طبيعي الدكتوره اتقول لان الرحم قاعد يتوسع بس هم لازم اديرين بالج وترتاحين وتمددين كثر ما تقدرين وبالنسبة للبطن اعتقد مثل ما قالت كويت بترفلاي تغير هرمونات بالجسم
نفيشة شلونج شخبارج صح حتى هذيله مهمين والله تصدقين المفروض من الحين اندور اطقم وهالسوالف علشان بعدين لا تصير لوية عندنا انا وحده عن نفسي حايسه مادري في شنو ابتدي احس اني ضايعه
كويت بترفلاي شلونج شخبارج بقيت اسالج اي صوب صاير هذا بالسالمية عالاقل انشوف ونلقي نظره

 

[كليرز]

مشكورررررررررررررررين فراشة وتوته ......حبيبات ولله

الحين انتوا مثل ما تشوفون اني بالاسبوع 17 لكن هذا طبعا غلط لاني امس لما راجعت دكتوري قالي انتي داشة الخامس صار لج 10 ايام يعني انا الحين بالاسبوع 19 فمنو الحين معاي...
بس تعالوا الدكتور صدمني ... انا كنت حاطة انشالله الولادة على اخر مارس بس امس لما سالته قال انتي احتمال 16 مارس او قبله او بعده.... شنو خربط حسبتي .... لاني كنت بقزرها اجازة الوضعمع الطبيات يعني مارح اداوم الا السنة الجايه... بس الحين خلااااااااااااااااااااص
بس اتصدقون انا من الحين ابي بسرعه اولد لاني بصراحه مليت ( هذا وانا توني خخخخخ) يعني من ناحيه النومه ما ارتاح- اللبس صار مالي خلق- الاكل( اللي يشوفني يقول هذي درام) ما اطلع واجد- هذا غير العروس اللي راح اتطوفني ( بيني وبينكم احسن لي من الخساير)
بس والله ارتحت حييييييييييل لما طمني الدكتور عن البيبي انه كل شي تمام والحمدلله... وهذا الشي اتمناه للكل طبعا
مو كاني قرقرت وايد ( وحده مو مصدقه احد يراضيها )
تشااااااااااااااااااو

 

[جوريه]

اهلين بنات شخباركم

في ناس بدت تجهز ماشالله من ورانا انا موعدي بعد اسبوعين بنطر اشوف شنو اليبيبي على اساسه اجهززز

اليوم دخلت ال ابع حسب الاستكر ونااااااااسه مابقا شي بس انا مستغربه من نفسي للحين مانطت كرشتي العاده هالحزه الكرش ماشالله متفوخه

نفوووووووووووش
جنج ناويه تغبين اعترفي يابت

كليرز
الحين من بقدر ياخذ مرضيات على قراراتهم اليديده حدج 3 ايام وتتحولين مجلس طبي
وعلى المناسبات عنددنا عرس بعد اسبوع انا حاسه بوقتها كرشي بيطلع وماقدر البس سهره

ان مادش شي ماني رايحه والله عيزنا من هالنساة الحين نبدي االتتفخخ والثقل

 

[Q8_ButterFly]

هلوووو بنات شلونكم عساكم كلكم بصحه وبخير



توته المحل يم بيضون الي بالسالميه جبال الجوهره عرفتيه الي المجمع بالسرداب اكو المحاميد اهو يصير اول ما تدشين لفي يميين وامشي


والله حلوين خوش كرافي عجبوني احلى من مذركير و لاند مارك بوايد انصحكم تروحون

 

[love love]

ليش كليرز وايد جدمت الموعد ليش متى اخر موعد دوره لج؟؟

اخاف حاسبه الدوه انتي غلط

 

[حاااايره]

مرحبــــــــــــــــــــــــــــــا بنات شخباركم؟

وحشتوووووووووووووووووووووووووووووووووووووووووني كلكم

 

[كليرز]

هلا وغلا عالم حواء:68_asmilies-com:
والله مادري ليش مقدم انا الاسبوع هذا بدخل الاسبوع 20 وانا ااساسا الدوره عندي ما كانت منتظمة؟؟؟

الله يسهل انشالله
الحايره والله لك وحشة انتي بعد:tek:

ودي اسولف بس فيني نومة اشوفكم بكره
بحفظ الله

 

[تعبتوني]

مرحبا ياحلوين ابي انضم لكم ان شالله اني حامل
اخر دوره كانت 5/10 احسبولي
وبغيت حدمة صغيرة ابي شريط نف اللي بتواقيعكم

وشكررررررا

 

[توتة الدلوعه]

سلام عليكم شلونكم بنات شخباركم
طبعا عندي لكم اخبار مو حلوه
انا ترا سقطت من قبل جم اسبوغ كنت بنص الرابع بس يالله الحمدلله على كل حال وانشالله الله يرزقني ويرزق كل محروم عاجل غير اجل يارب
طبعا هذه 3 مره اسقط فيها بس يالله الحمدلله على قضاء الله وقدره
بس بنات طلبتكم كلكم عفيه
ابيكم تدعولي وتدعون حق اختي الزين الي سقطتت قبلي ان الله يرزقنا بالذرية الصالحة عاجل غير اجل يارب ويقر
عينا يارب
تكفون بنات لاتنسون خواتكم بالدعاء
وانشالله بين بين ترة وفتره راح اطل عليكم

 

[Q8_ButterFly]

سلام عليكم شلونكم بنات شخباركم
طبعا عندي لكم اخبار مو حلوه
انا ترا سقطت من قبل جم اسبوغ كنت بنص الرابع بس يالله الحمدلله على كل حال وانشالله الله يرزقني ويرزق كل محروم عاجل غير اجل يارب
طبعا هذه 3 مره اسقط فيها بس يالله الحمدلله على قضاء الله وقدره
بس بنات طلبتكم كلكم عفيه
ابيكم تدعولي وتدعون حق اختي الزين الي سقطتت قبلي ان الله يرزقنا بالذرية الصالحة عاجل غير اجل يارب ويقر
عينا يارب
تكفون بنات لاتنسون خواتكم بالدعاء
وانشالله بين بين ترة وفتره راح اطل عليكم

حمدالله على سلامتج

ومعوضه ان شاء الله

 

[حاااايره]

لا حول ولا قوة الا باللــــــــــــــــــــــــــــــــــــه توته بعد عمري
حمدلله على سلامتج والله يعوضج بأحسن منه ياربي ترا كله اجر وانشاءاالله يكون شفيع بالجنه
انتي اهم شي ادا الله كتب المره الجايه اقري قرآن يس وق يوميا والبقره اسبوعيا ودااااااااااااايم ادعي وامسحي بماي زمزم على بطنج بعدين هم لا تخلين روحج روحي الطبيب يمكن عندج لا سمح الله جرثومه ياربي ناسيه اسمها جنه التروبولاكيا شي جدي كانت فرفيجتي تسبب اجهاض او اجسام مضادة وتحتاجين بيبي اسبرين وعسى ربي يكتبلج اللي فيه الخير
يعلم الله اني حزنــــــــــــــــــــــــــــــــــــــــــــــــــــــــــــت على الزين وعليج ياربي انتو من اغلى البنات والتجمع بعدكم صار هااااااااااااااااااادي يضيق الخلق سلام

 

[سنتر الزين]

الحمدالله على سلامتج اختي توته ماتشوفين شر