تجـــــــمع للي ولادتها ب 2008 حياكم الله

[بنات حواء2]

هلا و الله حبايبي اشلونكم و شخباركم انشاله بخير حبيت اطمن عليكم و اشوفكم شمسوين مع الثقل و اقولكم عيدكم مبارك مقدمن و يارب الله يرجعلنه حجاجنه بخير

 

[أم حيدر]

عييييدكم مبارك انتو وبيبياتكم وحبايبكم

ومشكورين عالردود

 

[سوسو الأموره]

مرحبا بنوتات

عيدكم مبارك

شلونكم وحشتوني

حايره .... بترفلاي

أبشركم شريت ملابس البيبي لزقت بلعوم رجلي لين رحنا وشرينا بس عاد شراوينا تضحك حايسين ماندري شناخذ أي شي يعجبنا خذيناه ولما ردينا البيت إكتشفت إننا ماشرينا مهادات ولا جيس البيبي ولا السرير بس هدوم : ) وشغلات كل ماسألتني أمي شريتي جذي أقولها لأ آخرتها قالي رجلي يبا إذا بتروحين روحي مع عمتي وإلا وحده من خواتج وإشتري الأغراض الباقيه أنا وإياج مانا عارفين ههههههههههاي

بنات أنا صايره الفتره هذي أحس بعوار بسري ذابحتني جنها إبره غير الحكه خلصت الكريم مال التشققات كل ماحسيت بحكه رحت غسلت جسمي بماي دافي وحطيت كريم ....
غير عوار ظهري زايد علي أهو ورجلي ذابحيني عاد رجلي ماشالله جنها رجل مصريه صايره شكبرها تخيلو من كنت ألبس 36 - 37 بالجواتي صرت أدور أكبر قياس إهي إهي إهي : (

 

[حاااايره]

مرحباااااااا بنات شخباركم مع العيد

انا توني ارجع من المزرعه وااااااااااااااااي بررررررررررررررررررررررررررررررررررررررد مو طبييعي

صخنت نشششششششششششششله وكحححححححححححححححه مع بلغم عزكم الله تعب صدري حيييييييييييل اول مره
و رحت الطبيب عطاني حبوب للحساسية بس كلمن يقولي لا تاكلينمهم

بس بنات حركت البيبي بالمزرعه خفففففففت احس فيه بس مو نفس دايم لا دايم اكثثثثثثثثثثر ودايم احسه يا يتحرك حول سري ولا فووق فضلوعي لكن هناك احسه ناااااااااااااااااااااااااااااااااااااازل يطق اللي شسمووونه عرفتووو تحت كلش؟؟؟


بس اليوم يوم رديت عادي قام يتحرك نفس اول فوق


شالسالفه؟؟؟

مراجعتي باجر؟؟
تخيلوو من كثر الكحه احس بكني بينفجر

 

[حاااايره]

سوسو ياامرحبا والله
غيدج مبارك
انتي من صجج شاريه بروحج ؟؟؟
انا لو بروح اعرف نفسي باخذ خرابيط ماتنفعني جان خذيتي الماما احسنلج احنا بنات هالوقت خرطي مانعرف شي...

واي عالرجل المنتفخه يمكن ضغط البيبي مادري مالج شؤ بس سألي دكتورتج احسن..






سلااااااااااااااااااااااااامي للكل

 

[الشايعية]

مررررررررررررررحبــــــــــــــــــــــــــاااااااا


شخباركم شمسويــــن مع البرد والمطر جووو خياااااالي تبارك الرحمن

وســـــــــلامااااات الحااايره ماتشـــوفيــــن شـــر

يمكن تغيير جووو على البيبي وبعدين ترا البر بررررررررد حيل والله ماتحملت رجعت على طووول

وسوسو الاموووره

يالله سهــالات ياعمري كلنــــــــا لهــــــــا

انا ظهري ذبحني معنى اني باول شهوري وضعفاانه حيل واحــس بالضيـــق علـــى طـــول مادري شفيني

 

[سوسو الأموره]

أهلين بنوتات

حايره الله يعينج ماتشوفين شر إنشااالله

وملابس البيبي رجلي مو راضي أروح بروحي يبي يشتريها معاي بس لما توهقنا قالي روحي مع أهلج <<< ماكان من الأول : )

وأما رجولي ياقلبو أنا جاني الزلال من الشهر الرابع مع إني ضعيفه خواتي وأمي مستغربين بس الدكتوره طمنتني وقالت لي عادي أهو بس زيادة ماي بالجسم وعشانج ثقلتي فجأه


أهلين فيونه

واي الله يعينج على عوار الظهر بس يله كلها إنشااالله تهون لما الله يتمم عليج وتشوفين البيبي بصحه وسلامه

 

[توتة الدلوعه]

شلونكم حوامل وشخباركم مع البرد المطر وعيدكم مبارك
الحايره ما تشوفين شر يا قلبي ولا توسوسين ماكو الا العافية انشالله وطمنينا عليج بعد المراجعه
الله يعلم يا بنات اشكثر دعيت ان الله يتمم عليكم ويسهل ولادتكم اليوم في المطر ودعيت حقي وحق اوخيتي الزين ان الله يرزقنا عاجلا غير اجلا ويرزق كل محروم يا رب ودعيت ان يطمن قلبج يا الحايره ويشيل عنج الوسواس لان اعرفج زين يا الوسواسية

 

[حاااايره]

فيوونه يا مرحبا اي والله بررررررررررررررررررد يشل الحركه انا احب الجو البارد اللي باللبس تدفين مو هالجو مهما البس ثللللللللللللللللللللللللللج ما احب جذي يتعكر مزاجي


سوسو ههههههههههه ياحليله والله متشوق للبيبي يالله الله يتمم ويفرحكم بشوفته سليم معاااااااااافى يارب العالمين



توته يا مرحبا بالغلا


بعد عمري مو وسواس جد والله الكحه قووووووووووويه تفجر البطن تفجييييير >> ماعليج منها ترا هم معاها حبتين وسواااااس

والله يسمع منج يااااااااااااااااااااااااارب يتمم علينا ويرزقكم يالغااااااليه




انا دخت بنام


سلااااااااااااااااااااااااااااااام

 

[Q8_ButterFly]

السلام بنات


عيدكم مبارك وكل عام وانتوا بخير


شلونكم شخباركم


الزلال وما ادراك ما الزلال ههههههههههههههه انا حاشني من اول شهر انتفخت وليلحين وكل مالي انتفخ و وزني يزيد بشكل رهيب منه صاير بالونه تلوع جبدي لما اشوف شكلي بالمنظره


بس هانت كلها جم شهر وكل شئ يتغير


انا رفيجاتي يقولولي انتي عقب الاربيعين راح تصيرين وحده ثانيه لانه الي فيج كله من الحمل

 

[الشيخة]

الله يتمم عليكم ويقومكم بالسلامة

حبيباتي لاتنسون تقرون على عمركم المعوذات وعلى بطنكم

وهالله هالله بالدعاء للي في بطنج

وعسى ربي يرزق اللي في بطونكم حسن الخلق والخلق

 

[حاااايره]

هلااااا وغلااااااااااااااا بترفلاي

من صجج جاج زلال؟ الله يعينج وتولدين بنيووووو لووك



الشيخه مشكوووره حبيبتي عالدعوة وجزاج الله




اي انا رحت مراجعتي والحمد لله كل شي تمام


سلامي للكل

 

[سوسو الأموره]

بترفلاي أهلين

إنتي نفسي جاني من الشهر الرابع والوزن قاعد يزيد بشكل خيالي مع إني ماآكل كثر هالزيادة واللبس كلش ماني لاقيه بجايم تصلح لي كلش كلش الله يعين

الشيخه تسلمين عالدعوه الحلوه والله يرزق كل محروم

 

[توتة الدلوعه]

هاي حوامل شلونكم حبايبي
الحايره طمنتينا الله يطمنج الحمدلله انج بصحه وعافيه انتي واللي في بطنج والله يتمم عليج انشالله
كويت بترفلاي بعد عمري ما تشوفين شر بس شوفي وخري عن الاملاح لان اهي اللي تسبب الزلال وثاني شي كثر ما تقدرين نامي وحطي تحت ريلج مخده وريحي وماتشوفين شر يالغاليه

 

[حاااايره]

سوسو حبيبتي ما تشوفين شر انشاءالله


تووووووته يسلمو عالاهتمام >> حدي اسلوب

الا شخبارج؟

 

[توتة الدلوعه]

انا بخير حبيبتي اسال عنج

 

[حاااايره]

دووم انشاءالله

الا تعالي توته انتي موظفه والا تدرسين؟؟؟؟؟؟؟؟؟؟

 

[توتة الدلوعه]

اي انا موظفه وانتي؟؟؟؟

 

[كليرز]

مرحباااااااااااااااااااااااااااااااا للكل
وشلونكم عقب العيد والمطرة اللي قبل امس
انا الحين متواجده بالوفرة وعندنا صقييييييييييييييييييييييييييييييييييييييع بس لا توصون حريص مدفية عمري تقولون كاني قاعده بالقطب الشمالي
الحاييييييييييييييييره عسى ما زعلتي للاني قريت الردود القديمه ترى والله مو قصدي والله انتي على البال ....
الا اقولج انا ناوية اجهز البيبي من كاتالوج شرايج مو احسن .. لاني قبل كنت اطلب من كاتالوج اخذه من شركة بمجمع البلازا بحولي ويجيني خلال اسبوعين وشغلاتهم حلوه
انشالله بكرة اذا حدرت الديرة بطلب كاتالوج
صج بعد نسيت ...............انتو طلبتوا شغالات............ انا طلبت من الاسبوع اللي طاف فلبينية واول مرة مشتغلة..................؟؟ وانتوا؟؟؟؟؟؟

 

[حاااايره]

توته انا طالبه الكورس الجاي ميداني واففففففففتك


كليرز عزيزه وغاليه شدععععععععوه ما ينزعل منج

واي انا كنت بالمزرعه متتتتتتتتتتت متتتتتتتتتتتتتت برررررررررد ورديت لتني صخنت منها بردنا مو برد عذاااااب


الا شنو كتالوج هذا؟؟؟؟


والشغالات بطلي وحده انشاءالله على اول الثامن يعني اول شهر 2 وبعطيها امي وباخذ مالتها خوووووووش وحده اندونيسيه مسلمه وهااااااااادئه 24 ساعه تصلي وعندهم من 3 سنين عاد باخذها لي