تجـــــــمع للي ولادتها ب 2008 حياكم الله

[Q8_ButterFly]

انا بين وقالي دكتوري ولد

 

[kankona]

ما شاء الله

الله يبلغج فيه يارب و يجعلة من الذرية الصالحة و يسهل عليج يار ب

 

[Q8_ButterFly]

الله يسلمج مشكوه وما قصرتي

والله يسهل على الجميع

 

[love love]

مبرووووووووووك وانا بنوته

 

[++The DuchesS++]

قريت كل مواقفكم ويومياتكم الحلوه
عساالله انشاء الله يتمم عليكم بالخير يارب
والسنه اليايه نفس هالوقت اشوفكم حايسيين للقرقيعان
حق عيالكم يارب
وادعولي بنات الله يرزقني واحس بشعوركم الحلو

 

[توتة الدلوعه]

بترفلاي حبيبتي مبروك والله يجعله من الذرية الصالحه يارب
عالم حواء مبروك البنوته الحلوه واللع يجعلها من الذرية الصالحه يارب
تعبت من الصدمات حبيبتي الله يرزقج الذرية الصالحه ويرزق كل محروم يارب هلا هلا بالدعاء والصلاة هالايام خاصه في العشر الاواخر ابواب السما مفتوحه كلها وما ينرد اي دعاء
والله يتمم علي وعلى خواتي يارب ويرزقنا بالذرية الصالحه يارب

 

[الزيـــــن]

اهيء اهيء اهيء وانا كل ماقول لدكتوري يقولي مايبين جنس البيبي الا بالسونار الثلاثي الابعداد وسوناره اللي الحين يسويلي ياه السونار العادي بوطقه يعني يدوب يبين البيبي مالت من مستشفى ولا قالي على الخامس يسويلي الثلاثي الابعاد >>> ياليل

هلا هلا وغلا بعالم حواء اخبارج ياعسل وين هالغيبه ومبرووك البنوته يارب تكون من الذريه الصالحه وان شاء الله تروحين بعد شهر يقولج ولد مو بنت مو احسن ولا تبين بنت نفس حالتي >> طراره وتتشرط حمدي ربج يالزين

بترفلاي بصدمج شوي وبصحح معلومه صغنونه انتي الحين بالاسبوع الثاني من الشهر الرابع يعني على الاسبوع 19 تدخلين بالخامس بيني وبينج اسبوع يا قشطه والله يتمم علينا يارب

تعبت من الصدمات يارب تجربين اللي جربناه من فرحه وتعب ونساه وكل شي في سبيل تشوفين ضناج بصحه وعافيه ويرزقج الذريه الصالحه يارزاق ياكريم

 

[++The DuchesS++]

توتا والزين
مشكوورين على دعائكم
وجزاكم الله الف خير حبيبات قلبي والله
الله يتمم عليكم بخير انشاء الله

 

[حاااايره]

مرحبـــــــــــــا

بترفلاي مبروووك والله يجعله من الذرية الصالحه وتشوفينه معرس
عالم حواء يااااااااااامرجبا ويييين هالغيبه؟؟؟
وماشاءالله بنوووووته يارب انا بعد بنوته الله يتمم عليج وتشوفينها عروووووس <<< وناسه لما ينعرف جنس البيبي

تعبت من الصدمات الله يااارب يرزقج ومااوصيج بالبقره يوميا والدعاء فهالايام المباركه والله كريم


الزين اكيييييييييييد انتي دار الشفى صح؟

انا طبعا العب بمراجعاتي مره بدار الشفا مره ماجده وجذي
اليوم زرت بنت خالتي والده بدار الشفا جان اقول يالله خل اسأل الدكتوره كذا سؤال ومره وحده اشوف البيبي جان انصـــــــــــــــــــــــــــــدم السوناار موووووووووووووووشي مو واضح كللللش فرق بينه وبين ماجده والله ماجده جيتها تاريخ 9_9 واااضح البيبي اما اليوم سونارهم مو واضح تحسين حيييييييييل ابيض البيبي والصوره ككل << فهمتو شي
حتى جهاز النبض مالهم خرطييي صوته خفيييييييييييييييييييييف ماينسمع خلاااص انا قررت ما عااد اراجع الا عند ماااااااجده وبلا الشفا بلااا خيييييييبه
بس اهم شي تطمنت عالبيبي
يااااااااااااااااااااااكثر قرقتي


حااااااو حااااااااااااااااااااو

 

[الزيـــــن]

هلا وغلا بالحايره

ياحبيلج يوم اشووفج مرتاحه وما تحاتين

وبعدين تجيبين سونار ماجده على سونار الشفاا اصلا فرق بين السماا والارض

لما ادخل الخامس قالي بيسويلي رباعي الابعاد مو ثلاثي وراح يكون واضح باذن الله تعالى

وبصراحه قبل كنت احن ابي سونار سنع غير سونار المستشفى الخايس بس الحمدلله الحين مادام جنيني بخير وكل شي تمام مايهم

طبعااا ابشركم قالي شنو فيني بس ماني معلمه احد بخليها مفاجأة حتى امي مراح اعلمهاا

 

[توتة الدلوعه]

هلا الزين حبيبتي شلونج ومبروك على اللي قالوه لج بنت ولا ولد اللي ايي من الله حياه الله المهم الصحه والعافيه انا اقول شكلج بنت وحرا لازم علمين امج خليها اتعرف علشان اتجهز معاج والفال لي لله يتمم علي ويثبته واعرف شنو فيني بس عاد انا بفضح بقول ههههههههههههه

 

[Q8_ButterFly]

اهيء اهيء اهيء وانا كل ماقول لدكتوري يقولي مايبين جنس البيبي الا بالسونار الثلاثي الابعداد وسوناره اللي الحين يسويلي ياه السونار العادي بوطقه يعني يدوب يبين البيبي مالت من مستشفى ولا قالي على الخامس يسويلي الثلاثي الابعاد >>> ياليل

هلا هلا وغلا بعالم حواء اخبارج ياعسل وين هالغيبه ومبرووك البنوته يارب تكون من الذريه الصالحه وان شاء الله تروحين بعد شهر يقولج ولد مو بنت مو احسن ولا تبين بنت نفس حالتي >> طراره وتتشرط حمدي ربج يالزين

بترفلاي بصدمج شوي وبصحح معلومه صغنونه انتي الحين بالاسبوع الثاني من الشهر الرابع يعني على الاسبوع 19 تدخلين بالخامس بيني وبينج اسبوع يا قشطه والله يتمم علينا يارب

تعبت من الصدمات يارب تجربين اللي جربناه من فرحه وتعب ونساه وكل شي في سبيل تشوفين ضناج بصحه وعافيه ويرزقج الذريه الصالحه يارزاق ياكريم

الزييييييييييييييييييييييييييين من صجج

واي عفيه قوليلي تتغشمرين معاي انا قالي دكتوري آخرمره انا بنص الرابع بس مادري شسالفه

ببجي

 

[++The DuchesS++]

حااايره

مشكووره على الدعاء حبوبه
والله يتمم عليج بكل خير

 

[الزيـــــن]

توته

هلا ياقلبي انا بخير وانتي شخبارج جهزتي شي للعيد ولا لا
و لا تحاولين مراح اعلم بس تدرين عاد مافيني صبر ودي اعلم هههههههههههههههههه



بترفلاي

شوفي تره حسبه الدكاتره غير لانهو يحطون احتمالات

بس اذا انتي بالاسبوع 16 يعني انتي بالرابع ثاني اسبوع من الشهر الرابع يعني صح اربع ونص

يعني من الاسبوع 19 لين الاسبوع 23 يعتبر الشهر الخامس يعني من تدخلين الاسبوع ال19 تكونين دخلتي الخامس والله يقومج بالسلامه ياقشطه

 

[توتة الدلوعه]

شوفي بترفلاي حبيبتي دام ما بين اعتقد ان بنت لان مرت اخوي عندها 3 بنات الله يخليهم وفيهم كلهم ما كان يبن بالسونار لان كانوا مسكرين ريولهم

هلا حبيبتي الزين شلونج لا تقوليلي بس قولي حق اميمتج علشان تفرح وتجهز معاج ولو ان ودي اعرف بس يالله الله يتمم عليج يارب ويتمم علينا بعد يارب وعلى طاري للعيد الصراحه سمعت كلامج وفصلت لي عباة من المشعل اشحلوها ناعمه واريح لان صج مالي خلق البس شي يضايقني وانتي شنو شريتي

 

[الزيـــــن]

ياربي ودي اعلمج ههههههههههه بس لا مراح اعلمج

انا بصراحه فصلتلي عبايه كشخه ويمكن اليوم بعد الفطور بروح العربيد بشوف دراريعهم اذا عجبني شي بسوي واذا ماعجبني بظل على عبايتي

 

[حاااايره]

هلا والله الزين اي واله يختج فرق بين ماجده والشفا

وعالبرررررررررررركه ماشاءالله انتي بعد عرفتي جنس البيبي الله يسهل ولاده يخليه لج ويصلحه ويعافيه بنت كان او ولد



وتوووووته ها شلونج مع المحاتاة انشاءالله احسن؟



كلييييييييرز ونفووووشه وينكم غاطين وحشتونا..


جاااااو جااااااااااو

 

[كليرز]

السلام عليكم
وكيف حال الكل عساكم بخير
وشلون القرقيعان معاكم اكيد ماخليتوا بيت ما طقيتوا بابه؟؟؟
عالم حواء- الزين- فراشه كويتيه-توته الدلوعه -كنكونه- الحايره والله اشتقت لكم ولسوالفكم الحلوه..
انا انشالله بروح مراجعتي بعد يومين وبقولكم اخر المستجدات....
بس والله بنات احاتي العيد ما سويت ولااااااااااااااااا شي
طيب انتو شريتوا شي ....؟؟

 

[توتة الدلوعه]

هلا حايره حبيبتي انتي شلونج وشخباج انا سكتي المحتاة طبعا لازم موجود استغفر الله عاد اليوم موعدي بروح اشوف وانشالله خير يارب وليلحين ادور جهاز سمع نبض الجنين ماني لاقيتة يالله الحمدلله والله يتمم على خير انشالله للكل يارب ويرزق الكل الذرية الصالحة يارب

وبشريني عنج انتي شلونج ومتى مراجعتج

 

[توتة الدلوعه]

كليرز حبيبتي انا فصلت لي عباة من المشعل حلوه وناعمه حق العيد لان الصراحه مالي خلق البس شي يضايقني