تجربه كل عضوه في الليزر فقط ( المشاركه في التجربه و ليس الاستفسار )

[bent_7awa]

بنات شنو اندر ارم يعني

= يعني الابط بس مكشخـيييينه :tomato2::tomato2:

 

[منى الكندري]

قوة بنات ..خل اقولكم عن جلستي الاولى في مركز الغرشوب...


يعطيها العافية اخت بدرية مشاالله سوتلي وبسرعه خلصت والله أقل من ربع ساعة وفوق هذا مشالله اسلوب وتعامل راقي:ggdw:



ما قصرتوا يا بنات الكندري والله يكثر من امثالكم ...وتقضون على شعر اجسام جميع بنات الكويت :dddds::dddds:

:wqedqw:مشكوره يا عمري على ذوقج وعلى كلامج:friends:

وإحنا ناوين نسوي حمله نقضي فيها على أباطات بنات الكويت تحت إسم أباطِك مرآتِك :dddds:

اي صح منى تذكرت شي

انتي من وين تشترين الديودرنت مالج ؟؟

من صيدلية معينه والا عادي اي وصيدلية ؟

عادي من أي صيدله....بس المشكله ما تحصلينه.....كللللله خالص...نصيحتي إذا حصلتيه...إخذي أكثر من واحد....جربي صيدليات المستشفيات الخاصه...أو صيدليات المنطقه العاشره

 

[..HwazN..]

أنا مقبله على جلسة ليزر بآخر رمضآآن عند مركز الغرشووب عند منى الكندري

والله على مآسمعت ان اسلووب وتعآمل رااقي .. خالتي واختي مسووين عندهاا

ومسوين لها دعايه عند العايلة الكريمه كلهـا

وان شاللـه أكتب لكم تجربتي عقب مآ أسويها .. بس اللـه يعيني لأني ما أتحمل أي ألم

 

[منى الكندري]

أنا مقبله على جلسة ليزر بآخر رمضآآن عند مركز الغرشووب عند منى الكندري

والله على مآسمعت ان اسلووب وتعآمل رااقي .. خالتي واختي مسووين عندهاا

ومسوين لها دعايه عند العايلة الكريمه كلهـا

وان شاللـه أكتب لكم تجربتي عقب مآ أسويها .. بس اللـه يعيني لأني ما أتحمل أي ألم

حياج اللح حبيبتي:ggdw: أفا عليج لا تحاتين العوار.....بس أهم شي قولي للسكرتيره إنج من كويتيات...وإهي راح تقوم بالواجب.....

هذي الساعه المباركه حبوبه:tek:

 

[حلا المطران}]

والله شجعتوني اني اسوي الليزر عند المركز الغرشوب عند بدرية

لاني كنت حدي محتارة وين اسوي

ممكن سؤال
وين مكانهم ؟؟
وشلون اسعارهم؟؟
مواعيد تطول ؟؟

شكرا
يعطيج الف عافيه يا اختي منى الكندري


والله اني احبكم يا بنات الكندري

 

[..HwazN..]

انشآللـه منى لآ جيت بقوول أكييد

حلآ المطـرآآن:-

مكآآنهم بالفروآآنيه..وأسعآآرهم جدآآ حلووه ومنآآسبه
أنا عن نفسي اللي شفته موااعيدهم مآتطول

يعني مو مثل العيادات .. يذلوونج ذل ويطلعوون رووحج عالموعد لا وأسعاارهم صلخ بعد

 

[jooriya]

شوفي يامحفوظين السلامة:eh_s(6): بالاول انا اول مابلشت بعيادة هيلنز عند الدكتورة ايديت وانا مارحتلها الا لأن بنات خالتي وايد امدحوها
وبصراحة شهادتي فيها مجروحة وتحسينها صج فاهمة وشاطرة وجربت عندها سويت اباطي
كانت اول جلسة ب50 وطبعن كل مااستمريتي تقل القيمة ب 5دنانير واستمريت معاها 4 جلسات
وبعدين قطعت عنها جم سنة بعد عشان الحمل والولادة ولما سألت عنها ولا طلعت من مكانها
وراحت عيادة هيلث كير اللي ببنيد القار جدام مطعم نينو وطبعن انا مو لما قطعت الليزر رديت
استخدم الشيرة والماكينة فيلبس بس بلشت عندها من يد ويد تخيلو بنات مشالله تبارك الله
من اول جلسة فرق معاي لمدة شهر ماقام يطلعلي نهائيا بس جم نتفة شوية وجربت عندها
اسوي ويهي وشواربي ومشالله عليها ولأني زبونة قديمة سوتلي خصم حلو انا ليش حبيتها
لأن اول شي من البداية كلمتني وفهمتني عن الليزر وشنو اللي ينفع ينشال وشنو اللي ماينفع
وجربت اول شي على بطني وقالتلي كل ماغمجت المنطقة كل ماتحسين بلسعة الليزر وهل
مرة لما جربت ويهي قالتلي ترا منطقة الشوارب حساسة وتعور شوي عشان ماتنصدمين وعلى
طول تحطلج جيس ثلج وعطتني كريم بنج موضعي حق الجلسات الياية وحطتلي مضاد حيوي
على ويهي طبعن ليش جذي انا تعقدت لأن بنت خالتي مسجينة اول مابلشت راحت عند لاري يسوي
ويها طبعن مو اهوا اللي شال لها شالتل لها السستر مالته اهوا بس حط درجة الليزر وطلع والمسجينة
شنو سوت فيها شوت ويها وتمت جم سنة بس تعالج الحروق والتشوهات اللي صارت فيها بسبته :0bee2e8d89:​

 

[ريحه المسك]

بغيت اسال شنو تخصص بنات الكندري واهي عياده والا شنو اي ليزر يستخدمون وبغيت اسال كم الاسعار واذا ولدت انشاء الله بالسلامه اقدر اسويه علي طول والا انطر

 

[هيزار*]

انا امدحولي ياكو ابولو ... شفت تجارب البنات يمدحونهم بقسم ركن العروس
ورحتلهم امس واسعارهم حلوه وماشاءلله زحمه عليهم بالمواعيد
بس خايفه ان يحرقوني لان حرق الليزر مو هين شييييين
اان بسوي البكيني وسألتها البيكيني وين بالضبط قالت تحت كله مع ورا اذا تبين

بس انا بستفسر على كذا شغله ياريت تجاوبوني خصوصا الاخت منى الكندري
اهم شي انا عندي حساسيه من المووس يقب جسمي ويلتهب ابي حل ؟؟

 

[bent_7awa]

هيزار ...شكو الموس ؟؟؟

انا رحتلهم وسويت عندهم شالوا الشعر بمكينه مااعرفها بس ماتعور اصلا ماتحسين بس مو موس تطمني خيتوو

 

[slk89]

بنات انا سويت ليزر بعيادة احد الدكاتره بس ايدي و دفعت لهم 100 دينار
على اساس انهم سعر 4 جلسات الجين لمن كلمتهم قالوا لي لا هذي سعر جلسه وحده
يعني 400 دينار حق4 جلسات بس ايدي معقوله ؟؟

 

[slk89]

بنات الي يعرف سعر جلسات ليزر عن طيبه كلينك حق الايد كامله جم ؟؟

 

[هيزار*]

هلا حبيبتي.....لا تحاتين..تقدرين تيين ونسويلج test مجاني عشان تتطمنين...وأتوقع وااايد راح ترتاحين...أغلب أسباب التهاب البشره بعد إزالة الشعر سواء بالموس أو الشيره...هو نمو الشعر بشكل مائل...وهذا الشي إسبب حبوب والتهابات...وغالبا يكون الليزر الحل

وفي شغله واااااااااااااايد مهمه..


لا تاخذون تجارب البنات مقياس....اللي أقصده لا تقررين إنج تروحين هالمكان لأن رفيجتج مدحته...أو العكس...تقررين ما تروحين هالمكان لأن رفيجتج ذمّته.....لأن كل وحده فينا طبيعة جسمها تختلف عن الثانيه...يمكن رفيجتج طبيعة بشرتها ما تناسب... وانتي العكس
بس لا تروحين للمراكز اليديده....اللي توها فرِش لأنج بتكونين محطة تجارب:dddds:


ملاحظات مهمه لنتائج أفضل:

نوعية الشعر.. كل ما كان غامج وخشن كل ما كانت النتايج أسرع

لون البشره..كل ما كانت بشرتج فاتحه كل ما كان أفضل

أهم شي ما تتعرضين للشمس بشكل مباشر وتيين تسوين الجلسه مثل طلعات الشاليه...أو وجودج بحمامات السباحه المكشوفه لفترات طويله (لتفادي الحروق)

التان!!!! عمرج لا تفكرين تسوين ليزر إذا كنتي مسويه تان للمنطقه لأن جلدج بينصلخ على طول (لتفادي الحروق)

إذا كنتي تاخذين حبوب روآكتين 20 ملّي لازم تأجلين جلساتج (لتفادي الحروق)

حاولي ترطبين المنطقه إذا كانت بشرتج من النوع الجاف حيييل....قبل موعدج بإسبوع اهتمي بالترطيب....بس يوم الجلسه لا تحطين أي شي (لتفادي الحروق)

شطارة الخبيره:
استخدام الدرجه المناسبه....وايد من البنات يطلبون زيادة الدرجه حتى لو بشرتهم ما تتحمل....وهذا أكبر غلط...لأنج كل اللي راح تاخذينه من هالزياده إهي الحرق...أما النتيجه إهي إهي لو كنتي مستخدمه الدرجه الأقل......وهذا يعتمد على شطارة الخبيره...لازم ما تستخدملج درجه واطيه وانتي تتحملين أعلى من جذي....والعكس صحيح..لازم ما تطاوع الزبونه لما تطلب منها زيادة الدرجه

عشان جذي قلتلكم لا تاخذون تجارب البنات مقياس....كل اللي ذكرته يختلف من وحده لي الثانيه

كلامج صحيح فديتج
انا دكتوره الجدليه قالتلي ما ينفعج إلا ليزر مو بس علشان الشعر علشان يصحح اليلد عنج
انا من سنه احوس على الليزر ومابي اسوي وبس وللحين ما قررت وخايفه وسبب الحرووق وجذي وعلى قولتج كل وحده تختلف عنا الثانيه
بصراحه في اماكن زينه بس سعرهم غالي يعني ما يناسبني كلش فجذي ترددت اني بعدا سوي بالامكان اليديده والرخيصه ما اضمن

انا سالت عن الموس الان يلي عرفته لازم نشيل بموس قبل موعد الجلسه بيوم !!
مشكوووره غناتي يعطيج العافيه بس ياريت اعرف عنوانكم بالضبط وين؟؟ وهل اول موعد يكون في جلسه ولا بس استشاره وفحص ؟!

bent_7awa
مو الان يلي اعرفه وبنات يلي مسوين قالولي تشيلين موس قبل موعد الجلسه بيووم بصراحه تأزمت لما سمعت موس

 

[الدنيا حلوة]

شنو الفرق بين لليزر (ليزر ضوئي ipl) و (ليزر إندياج)
انا اسويه ipl بس اتاخر بين كل جلسه والثانيه الصراحه ميزتنيه اسويه م كل اربع شهور وليمه الحين بس جلستين بس ما حسيت بفرق

 

[*Badra*]

ضرووووووووووووووووووووري بنات
اللي سوت ليزر للبكيني
1- ويت سوته ؟
2- جم؟
3- مرتاحة من شغلهم ؟
واللي تقدر تحط لنك لمواضيع مشابه اكون لها مشكورة

 

[*Badra*]

ضرووووووووووووووووووووووووووووووووري بنات
اللي سوت ليزر للبكيني
1- وين سوته ؟
2- جم؟
3- مرتاحه من شغلهم ؟
واللي تقدر تحط لنك لمواضيع مشابه اكون لها مشكورة

 

[slk89]

بنات الي يعرف سعر جلسات ليزر عن طيبه كلينك حق الايد كامله جم ؟؟
بغيت اعرف عنوانهم ؟

 

[*alzain kella*]

قوا بنات ...

شخباركم ؟؟؟

أول شي بنات لازم اتعرفون ان الليزر حل مؤقت يعني الشعر بيرد يطلع بعد جم سنا حسب نوعيت شعرج ...

بس الصراحه حدا راحه و فكه من لووويه الصالونات :eh_s(1):

آنا الحين رديت أسوي ليزر مرا ثانيا ...

و سويتا ابمكانين

الاول عيادة الدكتور يوسف بوعباس و اسعارا مناسبه بس احترقت للأسف

و تركتهم

و الثانيا عند كوزمو سيرج اللي في مستشفا رويال حياة ... و يسوون لج تيست قبل لا تبلشين جلسات عندهم

و اسعارهم و الله ما أذكرها بالضبط لأني دافعا عن كذا شغلا ...

بس شغل بضمير و نظااافه و دقة بالمواعيد ...

يعني صج ترتاحين لما اتروحين عندهم ...

و رح تفرق معاكم أكثر شي المناطق الحساسه نعومه مو طبيعيا ... و رح اتقولون آنا ليش كنت معذبا نفسي كل هالسنين

آنا عن نفسي لاني قطعت و رديت حسيت بالفرق وااااااااااايد و تحسفت صج

 

[cup cake's]

السلام عليكم ..

بنااااااااات

الدكتورة عطتنيٍ ٍ حبوب وكريم للبشره قبل الليزر .. وخايفه استخدمهاااآ

ع أساس تنشف البشره وبعدين أبلش بـ الليزر .. وتقوليِ شيليِ بـ مووس قوية صح !!

هذيٍ ِ الحبوب والكريم



عفيه الليِ ِ سامعه عنهم او مجربتهم

لاتبخل عليِ ِ بـ النصيحه

 

[nour el denya]

انه مجربه هذي لحبوب الدكتور عطاني اياهم حق حب الشباب حتى الي يمه عطاني اياه استخدمته شويه وماكملت