تجربتي مع مستشفى السلام

[الفرح والدلال لي]

عليكم السلام

انا ولدت بتاريخ 29/6/2012 يوم الجمعه
الساعة 7.30 م انا عندهم
ودكتورتي امل عبدالعزيز أهيا اللي ولدتي وماقصرت معاي وولادتها عجيبة ماشاءالله تبارك الرحمن وهاذي ثاني تجربة معاها وللعلم انا قيصرية وخياطها نظيف تبارك الرحمن وانا ما اسميها الا أمي الحنونة أمي الثانية
وصح الدكتورة يوم السبت سافرت وراحة العمرة لمدة اسبوع عرفت لانها ارسلت لي مساعدتها تطمن علي
المستشفى بصورة عامة انا مااحبة وهاذي 3 ولادة لي الاولى بالحكومة لان وضعي مايستقبلة الخاص والثاني برويال حياة سنة 2008 كان نفس الدكتورة امل وكان عجييييييب بكل شي ماعليه اي خلاف مريح للغاية وهاذي ولادتي الثالثة انا ييت السلام بس للدكتورة لانها ماتولد الا بالسلام
انا أخذت غرفة vip تلوع الجبد وتييب القتة غرفة والدة مافيها شباك وقنفات سود استغفر الله جنة عتوي جدامي وثاني شي صج السسترات شوي يطولون على ما أيون لي وثالث شي اكلهم صج دايت كير بس ماعجبني يوصلي بارد ورابع شي في شغلات موزينة للوالدة انها تاكلها وانا ما اكون طالبتة مثل اللبن والروب والحليب يعني اهما اييبونها على كيفهم وانا اطلب دياي اييبولي عيش شكو ماادري
انيي للمبلغ حسابي طلع 1415 د من يوم الجمعه ليه الاثنين طبعا احسبوا الجمعه يوم كامل
وانيي حق بنتي حبيبتي
بنتي بعد عمري ولدتها بالأسبوع 33 والحين أهيا بالحضانة وحسابها طلع بالأيام اللي أقعدتها بالحضانة ولانها عائشه
عالاكسجين 1285د صدمة بصرااااحة صج بنتي ومايغلى عليها شي بس ليش هالكثر للعلم الحضانة سعرة باليوم130
والأكسجين 20 يعني 150 مع بعض الأدوية بس مايوصل للمبلغ المذكور بس الحمدلله على كل حال والحمدلله الله سهلها
وقدرنا نوديها الصباح وحبيبتي أهيا ليلحين بالصباح وعائشة عالاكسجين


عفية بنات ادعو لبنتي الله وقومها بالسلامة ويشفيها ويخليها لي وافرح بشوفتها ولمتها ياااااااااااارب
باسمك اللهم الشافي انك تشفي بنتي
وهاذي قصتي ان شاءالله مااكون طولت عليكم *

 

[زين ودلال]

الحمدلله على سلامتج

ومبرووك ما ياج تتربى بعزكم ان شاء الله

وعسى ربي يشافيها ويعافيها وتطلع بالسلامه يارب

 

[[[ عيون جابر ]]]

الحمدلله على سلامتج وربي يقوم بنتج بالسلامه

 

[كويتيه شماليه]

الله يقومها بالسلامه والحمدلله على سلامتج
ليش شنو الاسباب نقص الاكسجين !! اخاف ولدتج قبل اوانها !! الله واعلم الله يخليها لج ويقر عيونج فيها

انا ولدت مرتين بالسلام الحمدلله والدكتوره من بره دكتوره هدى الزكري الله يذكرها بالخير
وماتتعدى ولادتي الالف دينار الحمدلله انت عنايتهم والله تهبل فندق خمس نجوم والسسترات عجيبين شطار
والاحلى من جذي يسمعون كلامي لو اعطيهم اشاره والله اهتمام يمكن لان دكتوره هدى تحرص عليهم

 

[حرم حبيبي]

الحمدلله علي سلامتج والله يشفي بنتج ياااارب وتقر عينج بشوفتها يااااسميع يا عليم

 

[الفرح والدلال لي]

الحمدلله على سلامتج

ومبرووك ما ياج تتربى بعزكم ان شاء الله

وعسى ربي يشافيها ويعافيها وتطلع بالسلامه يارب

الله يسلمج حبيبتي
اللهم اميييين

 

[الفرح والدلال لي]

الحمدلله على سلامتج وربي يقوم بنتج بالسلامه

الله يسلمج حبيبتي
جزاك الله خير

 

[الفرح والدلال لي]

الله يقومها بالسلامه والحمدلله على سلامتج
ليش شنو الاسباب نقص الاكسجين !! اخاف ولدتج قبل اوانها !! الله واعلم الله يخليها لج ويقر عيونج فيها

انا ولدت مرتين بالسلام الحمدلله والدكتوره من بره دكتوره هدى الزكري الله يذكرها بالخير
وماتتعدى ولادتي الالف دينار الحمدلله انت عنايتهم والله تهبل فندق خمس نجوم والسسترات عجيبين شطار
والاحلى من جذي يسمعون كلامي لو اعطيهم اشاره والله اهتمام يمكن لان دكتوره هدى تحرص عليهم

الله يسلمج حبيبتي
اسباب نقص الأكسجين لأني ولدتها بنص الثامن والرئة مومكتمله عندها ووزنها كيلو ونص ووايد صغيرة

والمستشفى عليه ضغط موطبيعي ماشاءالله والسسترات موملحقين عالمرضى
والحمدلله على كل حال

 

[ام فوااز]

الحمدالله على سلامتج
والله يقوم بنتج بالسلامة يارب وترجع لحظنج ولاتحاتينها دام انها بالصباح والله معاها وربج كريم مايقصر بالعباد
ماعليها شر ان شالله

 

[الفرح والدلال لي]

الحمدلله علي سلامتج والله يشفي بنتج ياااارب وتقر عينج بشوفتها يااااسميع يا عليم

الله يسلمج حبيبتي
اللهم اااامييييين يارب العالمين
جزاك الله الف خير

 

[الفرح والدلال لي]

الحمدالله على سلامتج
والله يقوم بنتج بالسلامة يارب وترجع لحظنج ولاتحاتينها دام انها بالصباح والله معاها وربج كريم مايقصر بالعباد
ماعليها شر ان شالله

الله يسلمج بعد عمري
امين يارب العالمين
جزاك الله الف خير

 

[ام محمد @الغالي]

الحمد لله على سلامتج و ما تشوف شر بنتچ إنشا الله تطلع بالسلامه و الله يبلغچ فيها و تكفين طمنينا عليها إذا طلعت بالسلامه

 

[الـخـشـفـ الـنـداويـ]

الحمدلله ع السلامه

والله يخلي لج بنتج و يقومها بالسلامه

 

[ملاك ^ الحب]

الحمد الله على سلامتج

وانشالله تقر عينج بشوفت بنتيتج

 

[مشتطـه]

طبعآ السلام توب ون بالمستشفيات

انا ما افكر اولد الا فيه

وحبيبتي امل بروحها تولد قيصرية 800 ديناااار !!!

ويكفي المستشفى نظيف والسسترات يهبلون

رويال حياة قريت عنه قصص رعب
يخررررع حسسوني انه مجزرة مو مستشفى

وثاني شي شيشة وبمستشفى خاص
يعني شي طبيعي بتطلع بالالاف

انا دكتورتي نهاد حسني لما نزل علي دم قالت روحي الصباح اذا فيج ولاده

هني نار الحضانه

يوم انج تدرين انج ولاده مبكرة جان رحتي بالاول للصباح

والحمدلله عالسلامـة
وعسى الله يشافي بنتج يارب ويعافيها

 

[sosowaty]

وعليكم السلام

الحمدلله ع سلامتج

اقري عليها :
بسم الله الذي لا يضر مع اسمه شي فالارض و لا في السماء و هو السميع العليم
بسم الله الذي لا يضر مع اسمه شي فالارض و لا في السماء و هو السميع العليم
بسم الله الذي لا يضر مع اسمه شي فالارض و لا في السماء و هو السميع العليم

لا بأس طهور ان شاء الله
لا بأس طهور ان شاء الله
لا بأس طهور ان شاء الله
لا بأس طهور ان شاء الله
لا بأس طهور ان شاء الله
لا بأس طهور ان شاء الله
لا بأس طهور ان شاء الله

أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج

 

[ام ساره 4]

الحمدلله على سلامتج وعسى الله يشافي بنتج وتطلع بالسلامه يارب والخطأ وارد بكل المستشفيات

 

[جنة هلي]

ححححححححيآتي الله يقوم بنتج ب السلامه ي رب
وتفرحين بشوفتها ولمتها بحضنج ❤
والحمدلله ع سلامتج حبيبتي

 

[kaify q8ya]

حبيبتي الحمدلله على سلامتج و مبروك ما ياج

اسأل الله العظيم رب العرش العظيم ان يشفيها

 

[أم عزيـز]

الف الحمدالله على سلامتج ومبروك ما ياج حبيبتي والله يشافي بنتج ويقومها بالسلامه ويردها بين احضانج

والله هالأيام كاثره الشكاوي على مستشفى السلام وعلى خدمتهم !!

انا مثلج بالضبط كنت والدة من قبل عند امل الراشد في رويال حياة امبيه جد جد حسيت اني ملكه
عناية ونظافة الغرفه الستاندرد كانت حدها راقيه وحلوه اللي اسمها ليلي عجيبه وما حسيت انها صغيره

وامل تينن مثل امج وتنصحج وبالها طويل وقلبها حنون

والحين لما حملت عرفت انها راحت السلام ضاق خلقي لاني ارتحت وايد حق رويال
بس قلت شسوي مجبورة عشان الدكتورة ،،، تخيلي إن امس دزولنا مسج ان مستشفى السلام شالوه من التأمين !!
وهالشي اللي صدمني لان أمل ما تولد الا بالسلام ؟
وانا الحين بالثامن توهقت قلت دام ان الدكتورة طلعت من التأمين والمستشفى بعد مو ضمن التأمين
ما راح اقدر اولد بالسلام خاصه اني مو مرتاحتله .. والحين للاسف راح اضطر اغير دكتورتي وارجع رويال حياة عند اي دكتورة شاطرة يمدحونها